Marka 16:6 - Testamente Ledrimpswha ni Mapsalma

⁶ kambe a ndrisanyana aku ku vone: N'wingatxhukeni! N'witatadjula Yesu wa le Nazarete, lweyi avambiwiki; Yene apfuxiwi kufeni. Angehe kone lana! Lavisani mbangu lowu afaka vamubeki ku wone.

Marka 16:6 Iomraidhean Croise

Mt 12:40

Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava.

Marka 1:24

Xana a mhaka yeru na wene hi yini, wene, Yesu wa le Nazarete? U teli kuhisuvisa! Mine nakutiva lweyi unga yene; wene u Muxwengi wa Xikwembu Nkulukumba!

Marka 1:27

A vhanu vahangahlolelwa hinkwavu, vava vavutisana, vaku: Xana impswini leswi? Van'wana vaku i dondro yimpswha ni ya ntamu! Mfuri yene aleleta ni mimoya leyi mimfani mimuyingiseta.

Marka 10:34

vatamuhleka, vava vamuthukela mari, vamuba hi ntshilana vamudlaya. Kambe atapfuka-kufeni hi siku dra vuraru.

Marka 14:33

Atekiki Petrosi, na Yakobe, na Yohana, asungula a kutxhuka ngopfu ni kukamiwa ka mbilu,

Marka 9:15

A xitrhungu hinkwaxu xaku ximuvona xihlamala xitrutruma xiyamulosa.

Lk 24:46

aku ku vone: Switralisiwi xiswoswo, leswaku Kriste atatwa kuvaviseka, apfuka makari ka lava vakufa hi siku dra vuraru,

Mintiro Ya Vapostola 2:24

Kambe Xikwembu Nkulukumba amupfuxile akufeni, amuntrhunxa ku ntamu wa lifu, hikusa afa swingakoteki leswaku ahluliwa hi lifu.

Mintiro Ya Vapostola 4:10

switivani, n'wine ni tiko hinkwadru dra Israyele, leswaku ahanyisiwi hi vito dra Yesu Kriste, wa Nazarete, lweyi n'wine n'wingamuvamba; kambe Xikwembu Nkulukumba amupfuxiki amakari ka vafi. Ha yene a mhunu lweyi ayimiki mahlweni kwenu i ntomi.