Marka 10:21 - Testamente Ledrimpswha ni Mapsalma

²¹ Kambe Yesu amulavisa, amurandra, aku ku yene: I xin'we ntsena lexi upfumalaka xone; famba uyaxavisa hinkwaswu leswi unganaswu unyika a mali ku swisiwana, kutani utavani nhlengwe atilweni. Ntrhaku tana unilandra.

Marka 10:21 Iomraidhean Croise

Mt 16:24

Yesu ahangaku ku vadondrisiwa vakwe: Loko mhunu arandra a kunilandra atiyale, atirwexe xihambano xakwe anilandra.

Mt 19:21

Yesu aku ku yene: Loko udjula kuva lweyi ahetisekiki, famba, uyaxavisa hinkwaswu leswi unganaswu, unyika mali a swisiwana. Xiswoswo utavani nhlengwe a Matilweni. Ntrhaku tana unilandra.

Marka 10:22

Kambe yene avaviseka hi ritu ledro, asuka hi kuvaviseka, hikusa afa ali ni vukosi byinyingi.

Marka 8:34

Kutani avitana a xitrhungu kun'we ni vadondrisiwa vakwe, aku ku vone: Loko a mhunu arandra a kunilandra, atiyale, atirwexe xihambano xakwe anilandra.

Lk 10:42

kasi i xin'we ntsena lexi xidjulekaka. Kambe Maria atihlawuleli a yavelo ledri drinene ledri angatikitekeliwa.

Lk 12:33

Xavisani leswi n'winga naswu, n'winyika a swisiwana. Tiyentxelani minkwama ya mali leyi ya kuka minga honeki, ni nhlengwe leyi yinga helikiki Matilweni, lomu a muyivi angatlhasikiki, ni laha a nsumba yinga honikiki kone.

Lk 16:9

Kutani Yesu aku, na mine nan'wibyela nili: Tiyentxelani vanakuloni hi vukosi lebyi byinga lulamangakiki, akuva byitaku byahela, van'wiyamukela atiyindlweni leti tingahelikiki.

Lk 18:22

Atiki awaswiyingela, Yesu aku ku yene: Kusali xin'we lexi uxipfumalaka: xavisa hinkwaswu leswi unganaswu, uyavela swisiwana. Hi kone utakava ni nhlengwe a matilweni. Hi kone ungataka, unilandra.

Lk 19:41

Loko atrhindrekelile a Yerusalema avona muti, Yesu awudrilela

Lk 9:23

Kutani aku ku hinkwavu: Loko mhunu adjula kuva mudondrisiwa wanga, aatiyale, aatirwexe xihambano xakwe hi siku drin'wana-ni-drin'wana, kutani anilandra.

Yohana 12:26

Loko mhunu adjula kunitirela, a anilandre, kutani laha ninga kone, na yene nandra wanga atava kone. Loko mhunu anitirela, Tatana atamukomba xitxhavu.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Mintiro Ya Vapostola 2:45

Vaxavisa masimu yavu, na byone vukosi byavu, vayavelana a mihandru ya kone, hinkwavu swanga hi leswi mun'wana-ni-mun'wana afaka apfumalisa xiswone.

II Kor 12:15

Mine hikurandra kwanga, ni lulameli kunyiketa hinkwaswu leswi ninga naswu, mfuri na mine hi vutama byanga nitatinyiketa, akuva ni n'wipfuna; loko ni n'wirandra ngopfu, n'witanirandra kutrongo xana?

II Tmt 3:12

Mfuri hinkwavu lava randraka kuhanya hi vukhongoti ku Kriste Yesu, vata xanisiwa.

Va-Heberu 10:34

Hikusa mavi lava tretreleliki vabohiwa; na kone n'wiyamukelile hi kutrhava kuwutleliwa leswi afaka n'wili naswu, na n'witiva leswaku, n'wini nhlengwe a Matilweni leyi tlulaka, leyi trhamaka hi minkama hinkwayu.

Yakobe 2:10

Hikusa lweyi a bekisaka swileleto swa nawu, kambe adrela xin'we ntsena ku swone swanga hi loko adreli hinkwaswu.

Mpfuletelo 2:14

Kambe nini mintxhumu mitrongo leyi nikusolaka ha yone: Hileswaku kolanu uni lava vampfekelaka a dondro ya Balahamu, lweyi afaka adondrisa Balake a kutxukumetela a swikhunguvanyiso ku vana va Israyele, nikuva vada leswi switlhaveliwiki a swikwembu swakuka-ndlela, ni kuyentxa vumbuye.

Mpfuletelo 2:20

Kambe nini xisolo ku wene hi leswi utrikaka Jezabele, a wansati lweyi atihlayaka leswaku i muprofeta, adondrisa ava akanganyisa a malandra yanga akuva mayentxa vumbuye, ni kuda leswi switlhaveliwiki swikwembu swakuka-ndlela.

Mpfuletelo 2:4

Kambe nini lexi nixisolaka ku wene: hileswaku a lirandru draku dra kusungula udritrikile.