Lk 10:2 - Testamente Ledrimpswha ni Mapsalma

² Afa aku ku vone: A ntrhovelo i wukulu, kambe a vatiri i vatrongo. Kombelani-ke ku n'winyi wa ntrhovelo aruma a vatiri akutrhoveleni kwake.

Lk 10:2 Iomraidhean Croise

Mt 20:1

Hikuva a Mfumu wa Matilo wufana ni n'winyi wa yindlu, lweyi ahumiki ampundrwini ayathola vatiri vaya ansin'wini yake ya vhinya.

Marka 13:34

Swifana ni loko a nuna wa kukari asiya a yindlu yake ayendra, anyiketa ku malandra yake a ntamu wa kuyibekisa, na mun'wana-ni-mun'wana ani ntiro wakwe, kutani aleleta ku muyimeli wa nyangwa akuva alavelela.

Marka 16:15

Ntrhaku aku ku vone: Fambani amisaveni hinkwayu, n'wiyarera a Ivangeli ku swivumbiwa hinkwaswu.

Marka 16:20

A vadondrisiwa vasuki vayarera a Ivangeli amimbangwini hinkwayu. Na Hosi yivapfuna ni kutiyisa kurera kwavu hi swikombiso leswi afaka swilandrela a kurera kwavu.

Lk 9:1

Yesu a hlengeleta vadondrisiwa vakwe va khume na vabiri, avanyika a ntamu ni vufumi a henhla ka mimoya hinkwayu lemimfani, ni kuholisa ka mavabyi.

Mintiro Ya Vapostola 11:19

Loko vali lava vahangalasiwiki hi kuxaniseka loku kuhumeleliki akudlaweni ka Stefano, vahundrela mahlweni vayatlhasa a Fenikiya, ni le Kipra, ni le Antiyokiya, vangabyeli mhunu a Ritu loko kungali ku va-Yuda ntsena.

Mintiro Ya Vapostola 13:2

Siku drin'wana loko vone vagandrela Xikwembu Nkulukumba ni kutitrona, a Moya wa Kuxwenga wuku: Nibekelani Barnabasi na Saulo akuva vaya hetisa a ntiro lowu ni va vitaneliki wone.

Mintiro Ya Vapostola 13:4

Barnabasi na Saulo, hi kurumiwa hi Moya wa Kuxwenga, vafamba kukondra vayatlhasa mutini wa le Selukiya, vasuka kone vawelela xihlaleni xa Kipra.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 22:21

Kambe Yene aku ku mine: Famba, hikusa mine nitakuruma a kule, amakari ka va-Matiko.

Mintiro Ya Vapostola 8:4

Hileswo-ke, lava vahangalasiwiki afa vafamba hi matiko, vahlaya a Ivangeli.

I Kor 12:28

Nakone, Xikwembu Nkulukumba abeki van'we, a Kerekeni, hi kusungula a vapostola; hi kulandra, a vaprofeta; a va vuraru, i vadondrisi; ntrhaku, kulandra a vayentxi va mahlolana; ntrhaku a tinyiko ta kuholisa, ni ta kupfuna, ni ta vurangeli, ni ta kuvulavula a tindrimi ta tinxaka-xaka.

I Kor 15:10

Kambe hi timpswalu ta Xikwembu Nkulukumba, mine ni leswi ninga swone, ni timpswalu ku mine ativanga ta mahala, hikuva nitiri ngopfu kutlula hinkwavu, nambi leswi afaka angali mine kambe tili timpswalu ta Xikwembu Nkulukumba leti tinga ku mine.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

Va-le-Filipiya 2:21

Hikusa hinkwavu vatidjulela swavu ntsena, na kunge leswi swinga swa Kriste Yesu.

Va-le-Filipiya 2:25

Ni yanakanyi leswaku, na kone, afa swifanekela akun'wirumela Epafrodito, makweru ni nakulori antirweni ni le kulweni, lweyi n'winirumeliki yene akutata ni pfuna ku leswi ni swipfumalaka;

Va-le-Filipiya 2:30

Hikusa, afa ali kusuhi ni kufa hinkonta ya ntiro wa Kriste, atinyiketa na angahlayi ntxhumu hi vutomi byake, akuva anitirela ku leswi n'wine n'wihlulekaka kuni yentxela.

Va-le-Kolosa 1:29

hikolahu ka leswo ni tiraka, na nilwa hikola ka ntamu wakwe wutiraka ku mine.

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

I Tsl 5:12

Ha n'witratriya, vamakweru, leswaku vanani ni xihluwa ku lava vatiraka amakari kwenu, lava van'wibyisaka, lava van'wilulekaka.

II Tsl 3:1

Avugan'wini vamakweru, hi kombelelani ku Xikwembu Nkulukumba leswaku a Ritu drakwe driya mahlweni drihangalaka hi kuhangwesa, ni kuva driyamukeliwa ha hombe swanga hileswi driviki xi swone a makari kwenu.

I Tmt 4:10

hi swoleswo-ke hitikaratelaka ni kulwela swone, hikuva hibeki a kulavisela kweru ku Xikwembu Nkulukumba lweyi ahanyaka, lweyi anga Muhuluxi wa vhanu hinkwavu, ngopfu-ngopfu wa vapfumeli.

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

Filimoni 1:1

Pawulosi, a mubohiwa hinkonta ya Kriste Yesu, na makweru Timotewu, ku wene Filimoni, murandriwa weru ni mutirikulori,

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Mpfuletelo 2:1

Ku ntrumi ya kereke dra le Efesa trala uku: A hlaya leswi, lweyi atamelaka ntlhanu na tibiri wa tinyeleti avokweni drakwe dra xinene, lweyi afambaka a makari ka ntlhanu na mibiri wa mimotre ya gole: