I Ptr 5:2 - Testamente Ledrimpswha ni Mapsalma

² Byisani a ntlhambi wa Xikwembu Nkulukumba, lowu wunga ku n'wine, n'wiwulavelela, kungali hi kusindrisiwa, kambe hi kutinyiketela ha vuswenu, na n'wilandra a kurandra ka Xikwembu Nkulukumba; kungali hi kulwela mabindru, kambe na n'witlhantlhekile;

I Ptr 5:2 Iomraidhean Croise

Lk 12:32

Yesu ayi mahlweni aku: Ungatxhave, we ntlhambinyana, hikusa swirandri hi Tatana wenu a kun'winyika a Mfumu.

Mintiro Ya Vapostola 20:29

Naswitiva mine leswaku, antrhaku ka kusuka kwanga, kutanhingena mahava lawa ya kulebya amakari kwenu, lawa mangatikilondrisa a ntlambi.

Mintiro Ya Vapostola 21:13

Kolahu Pawulosi ayangula aku: Xana n'wiyentxa yini, n'widrila, n'witrhova a mbilu yanga? Hikusa mine anitibekiselanga kubohiwa ntsena, kambe ni kufa a Yerusalema hi vito dra Hosi Yesu.

Rm 1:15

Hikolaho, akunavela ku le ku mine, nitibekiselile akun'witivisa Ivangeli, ku n'wine lava vanga le Roma.

I Kor 9:7

Hi mani lweyi asamaka aya a yimpini ni muholo wakwe, xana? Hi mani lweyi abyalaka a nsimu ya livhinya ntrhaku angadi a mihandru ya yone xana? Kumbe hi mani lweyi abyisaka a ntlhambi ava angadi a ntrwamba wa ntlhambi wolowo, xana?

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

I Tmt 3:8

A vadiakoni, hi ndlela yoleyo, kudjuleka vava vhanu lava vafaneliwaka hi xitxhavu, vangavi na tindrimi tibiri, vangatinyiketeli kunweni, vanganaveli bindru ledri drimfani,

Tito 1:11

lava kudjulekaka leswaku vamiyelisiwa, vafambaka vahohlota a mindangu ya kutala, hi kudondrisa leswi swingafanekeliki, hi kudjula a mabindru ya kusomboloka.

Tito 1:7

Hikuva kudjuleka leswaku a bixopo ava lweyi angekena kusoliwa, swanga mulaviseli wa mintxhumu ya Xikwembu Nkulukumba, angavi wa kutikulisa, angavi wa mahlundru, angatinyiketeli kunweni, angavi wa kulebya, kumbe wa kurandra a mabindru,

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

Filimoni 1:14

kambe afa ninga swirandranga kuyentxa ntxhumu na ungapfumelanga leswaku a vunene byaku byinga vi hi kusindrisiwa kambe byiva hikurandra kwaku.

Va-Heberu 12:15

na n'witivona leswaku kungativa na mhunu lweyi atitronaka timpswalu ta Xikwembu Nkulukumba; mfuri kungavinamutru wa kubava wu milaka henhla, kutani wun'wipfilunganyisa, leswaku ha wone kuhoneka lavanyingi.

II Ptr 2:3

Kutani hikunavela kwavu, vatayentxa mabindru ha n'wine hi maritu ya kukanganyisa; kambe kusukela ka yavanyiso ledri vabekiseliwiki drone khale dringahlweli, ni kusuvisiwa kwavu kunga khutriyeli.