I Ptr 4:11 - Testamente Ledrimpswha ni Mapsalma

¹¹ Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

I Ptr 4:11 Iomraidhean Croise

Mt 6:13

Ungahiyise akudringiweni, kambe hihuluxe ku lwe mfani.

Yohana 13:31

Loko Yudasi ahumile, Yesu aku: Swoswi N'wana wa Mhunu atwalisiwile, na kone Xikwembu Nkulukumba atwalisiwile ku yene.

Mintiro Ya Vapostola 7:38

Hi yene lweyi angava kone anhlengeletanwini ya le huleni, kun'we ni ntrumi leyi afaka yivulavula na yene anhaveni ya Sinayi, kun'we ni vatatana veru; hi yene lweyi ayamukeliki a maritu ya vutomi akuva ahinyika wone.

Rm 11:36

Hi leswaku hinkwaswu swipfi ku Xikwembu Nkulukumba ni hinkwaswu swi kone ha Yene na i swake. Ku Xikwembu Nkulukumba akuve lidrumo hi minkama. Ni minkama Amen.

Rm 12:3

Hi timpswalu leti ni nyikiwiki tone, ni n'wileleta leswaku ni mun'we anga txhuki atipimisa kutlula leswi swifanelaka. Kusungula yanakanyani hi kunabyala ni leswaku mun'wana-ni-mun'wana a atiyanakanye ha vuswake swanga hi mpimu wa kupfumela lowu Xikwembu Nkulukumba amunyikiki.

Rm 16:27

A kutwala akuve ku Xikwembu Nkulukumba wa ntamu hinkwawu, ali mun'we ni ntlhari, ha Yesu Kriste. Amen.

Rm 3:2

I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba.

I Kor 10:31

Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba.

I Kor 12:4

Atinyiko ta hambana, kambe a Moya i mun'we ntsena.

I Kor 3:10

Hi timpswalu ta Xikwembu Nkulukumba leti ninyikiwiki tone, swanga ntivi hi tlhelo dra vuyaki, nibeki a masungulu; kutani mun'wana ayaka a henhla ka wone; kambe mun'wana-ni-mun'wana ativonele leswi ayakisaka swone a henhla ka wone.

I Kor 6:20

Ke leswi n'wixaviwiki hi ntrengo wa kukari, hikolahu-ke, twalisani Xikwembu Nkulukumba hi miri wenu.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

II Kor 9:13

Loko va vona ntiro lowu, vata drumisa Xikwembu Nkulukumba, hinkonta yakuyingiseta kwenu akutihlayeni kwenu ka Mahungu lawa manene ya Kriste, ni hinkonta ya kuhanana kwenu loku kukulu ku vone, ni le kuhinkwavu.

Ef 1:19

ni kutlakuka ka vukulu bya ntamu wakwe, ku hine hingani kupfumela, mayelana ni kukombisa kutiya ka ntamu wakwe,

Ef 4:29

Kungavi huma a ritu ni drin'we ledri nfani amilon'wini yenu; kambe ntsena ledringadrinene driyakisaka hi mfanelo, xileswo, driyentxela leswinene ku lava vadriyingelaka.

Ef 5:20

Tlangelani Xikwembu Nkulukumba, Tatana weru hi minkama hinkwayu, hikola ka hinkwaswu, hi vito dra Hosi yeru Yesu Kriste.

Ef 6:10

Leswi saliki, tiyani Hosini ni le ntan'wini wa vukulu bya Yone.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-le-Filipiya 2:11

akuva a tindrimi hinkwatu titahlaya leswaku: Yesu Kriste i Hosi, akutwaliseni ka Xikwembu Nkulukumba Tatana!

Va-le-Kolosa 4:6

Akukhanela kwenu akuve loku ka kunyoxisa minkama hinkwayu, na kulungiwile hi munyu, tivani kuyangula loku kufanekelaka mun'wana-ni-mun'wana.

I Tsl 2:4

Kambe swanga hi leswi hipfumeleliwiki hi Xikwembu Nkulukumba, akuva hidumbiwa Ivhangeleni, hihlayisa xiswoswo, na ingekutrhavisa vhanu, kambe kukutrhavisa Xikwembu Nkulukumba, lweyi a kambaka timbilu teru.

I Tmt 1:17

Ke, ku Hosi ya minkama hinkwayu, Xikwembu Nkulukumba lweyi wa mun'we, lweyi ahanyaka hi la kungaheliki; lweyi angavonekiki; akuve ni xihluwa ni kutwala hi minkama ni minkama. Amen.

I Tmt 6:16

yene ntsena angani kuka-kufa; lweyi atrhamaka alivaningweni ledri dringalikina kutrhindrekeleliwa; lweyi angasamiki avoniwa hi mhunu, mfuri ni mun'we mhunu angamuvonaka. Ku yene akuveni xihluwa ni ntamu lowu wungahelikiki. Amen.

Tito 2:1

Kambe wene, hlaya leswi swifanelaka ni dondro leyi yinene.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

Va-Heberu 13:7

Drimukani vafambisi venu, lava van'wibyeliki ritu dra Xikwembu Nkulukumba, kupfumela kwavu n'wiva n'wivayetisa, na n'wihlalela vugamu bya vutomi byavu.

Va-Heberu 5:12

Nambi leswi swoswi afaka n'wifanekeli kuva vadondrisi. Kambe hikulandra minkama leyi mihundriki, mahadjula mhunu lweyi angadondrisaka, ha wumpswha aswileleto swa masungulu ya timhaka ta Xikwembu Nkulukumba, xileswo n'windruluki lava vadjulaka ntrwamba na kunge hi swakuda leswi switiyiki.

Yakobe 1:19

Switivani vamakweru lava randriwaka! Mhunu mun'wana-ni-mun'wana afanela kukahluli kuyingela minkama hinkwayu; kambe ahlwela kuvulavula, ahlwela kuhlundruka.

Yakobe 1:26

Loko apimisa leswaku i mhunu wa vukhongoti ngopfu, kambe loko angafumi lidrimi drakwe, akanganyisa mbilu yake, avukhongoti byake i bya mahala.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Ptr 4:10

Mun'wana-ni-mun'wana, hi lana ayamukeliki ha kone a nyiko, ayitiriseli van'wana, na n'wili vayaveli vanene va timpswalu leti tinyingi ta Xikwembu Nkulukumba.

I Ptr 4:16

kambe, loko mhunu axaniseka hi leswi anga mukriste, angavenatingana, kambe atwalise Xikwembu Nkulukumba hi vito ledro.

I Ptr 5:11

Ku Yene awuve a ntamu hi malembe ni malembe, Amen.

Yd 1:25

ku Xikwembu Nkulukumba lweyi anga mun'we, Muhuluxi weru, mahlweni ka Yesu Kriste, Hosi yeru, akuve lidrumu ni vukulu, ni ntamu ni vuhosi, na minkama hinkwayu minga sina tumbuluka, kusukela swoswi ni hi madzana-dzana ya malembe hinkwawu matakata. Amen!