I Ptr 3:4 - Testamente Ledrimpswha ni Mapsalma

⁴ kambe xongisani a mhunu wenu wa le ndreni, wa mbilu, hi swiyambalu leswi swingabolikiki swa moya wa kunabyala ni kurula, wungani lisima drikulu amahlweni ka Xikwembu Nkulukumba.

I Ptr 3:4 Iomraidhean Croise

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Mt 21:5

Byelani nhwanyana wa Siyoni: Lavisa a Mufumi waku awata ku wene! Hikutitrongahata, na akhandriyi mbongolo leyi yingani ximbongolwana, n'wana wa leyi yirwalaka a mpinga.

Mt 23:26

Mufarisi wa kufa-mahlu! Nhlampswa kusungula andreni ka ntrheko ni mbenga, akuva na kone a handle kutabasa.

Mt 5:5

Vakatekile lava varuliki, hikusa vatava ni pfindla dra misava!

Lk 11:40

Masinge ndrun'wine! Xana lweyi angahamba a swale handle angahambanga ni swalendreni xana?

Lk 16:15

Yene aku ku vone: N'wine, n'witiyentxa lava valulamiki amahlweni ka vhanu, kambe Xikwembu Nkulukumba ativa timbilu tenu. Hikusa leswi swingani lisima amakari ka vhanu, ku Xikwembu Nkulukumba swibihile.

Rm 1:23

Vandruluta a lidrumu dra Xikwembu Nkulukumba lweyi angafikiki, vagandrela swifaniso swa mhunu lweyi a faka, vako vagandrela swifaniso swa tinyanyana, ni tinyoka ni swa swin'wana swihari.

Rm 2:29

Kambe mu-Yuda hi lweyi anga yene andreni, ni loko asokiwi ambilwini, ni le Moyeni kunge hi nawu wa kutraliwa. Hi yelweyo anganikukhenseka loko kungapfiki vhanwini, kambe ku Xikwembu Nkulukumba.

Rm 6:6

Haswitiva leswaku leswi afaka hilixiswone hine kusunguleni swifile na Kriste axihambanwini, akuva kuhelisiwa leswi ku hine afaka kuni kubiha akuva hinga havi swikarawa swa xihono,

Rm 7:22

Hikusa, hi mhunu lweyi angandreni kwanga, ninyoxela kulandra a nawu wa Xikwembu Nkulukumba,

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

II Kor 4:16

Hileswo-ke, ahiheli ntamu, ni kutrongo. Nambi loko avumhunu byeru bya le handle byibuna, avumhunu byeru bya le ndreni byipfuxiwa siku drin'wana ni drin'wana.

Gl 5:23

A nawu awu kone lowu wakuyala leswo.

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

I Tsl 4:11

Kutani djulisisani kuhanya hi kurula; na n'witira mintiro yenu, n'widjulisisa kutira hi mavoko yenu, swanga hi laha hin'wileletiki ha kone;

II Tsl 3:12

Hidjula kun'wileleta hi kuswihanyisisisa ku lava kunhati, hi vito dra Hosi Yesu, leswaku a vatire hikurula ni kukuma kati ledri vadaka.

I Tmt 2:2

vafumi, ni hinkwavu lava vanga switrhan'wini swa vurangeli, akuva hihanya ha hombe, ni hi kurula, avukhongotweni hinkwabyu, ni le kusimameni ka xitxhavu hinkwaxu.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

Tito 3:2

vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;