I Ptr 2:9 - Testamente Ledrimpswha ni Mapsalma

⁹ Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Ptr 2:9 Iomraidhean Croise

Mt 4:16

A tiko ledri afaka drifamba amunyameni drivoni a livaningo ledri drikulu! A livaningo ledri drivaningiki ku lava afaka vatrhama tikwanini dra munyama, ni ntrhuti wa lifu.

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

Yohana 17:19

Kutani nitixwengisela vone, akuva na vone vava lava vaxwengisiwiki axihlayelamfurini.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Mintiro Ya Vapostola 26:28

Kolahu Agripa aku ku Pawulosi: Hi kutrongo ukusuhi ni kunikholwisa niva mukriste!

Rm 9:24

i nga hine lava, na kone a hivitaniki na kunge ntsena makari ka va-Yuda, kambe na kone kuva matiko man'wana.

I Kor 3:17

Loko a mhunu ahahlula a Tempele dra Xikwembu Nkulukumba, Xikwembu Nkulukumba atamuhahlula na yene; hikusa a Tempele dra Xikwembu Nkulukumba drihlawulekile, na kone a Tempele ledro hi n'wine.

Ef 1:14

Lowu wunga xirangana xa pfindla, ledri inga xidumbiso xakutirula lava vanga vakwe, ku lidrumu drakuphatima kwake.

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Ef 3:21

Ku Yene adrive lidrumo a Kerekeni ni le ku Kriste Yesu, hi minkama ni minkama. Amen.

Va-le-Filipiya 3:14

nitrutruma niya ankongometweni, akuva nitakuma a hakelo dra kuvitaniwa loku kulu hi Xikwembu Nkulukumba ku Kriste Yesu.

Va-le-Kolosa 1:13

Yene ahihuluxile antan'wini wa munyama, ahirurisela Mfun'wini wa N'wana wakwe lweyi wa kurandriwa.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

I Ptr 1:2

vahlawuliwiki hi Xikwembu Nkulukumba Tatana, angativela vone a khale, vaxwengisiwiki hi Moya akuva vayingiseta, ni hi kuxuviwa hi ngati ya Yesu Kriste, a timpswalu ni kurula aswive hi ntalu ku n'wine.

I Ptr 2:5

Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

Mpfuletelo 1:6

mfuri ahiyentxiki mfumu ni vaprista, na ayentxela Xikwembu Nkulukumba, Tatana wakwe, ku Yene, a lidrumu ni vufumi hi madzana-ni-madzana ya malembe. Amen.

Mpfuletelo 20:6

Akatekile nakone ahlawulekile, lweyi angani xiyenge akupfukeni ka vafi loko ka kusungula, ku volavo a kufa ka vubiri akuna ntamu henhla kwavu. Vatava vaprista va Xikwembu Nkulukumba ni va ka Kriste, kutani vata fuma na Yene ha khume dra madzana (1000) ya malembe.

Mpfuletelo 5:10

mfuri uvahambi mfumu wa vaprista na uhambela Xikwembu Nkulukumba weru, kutani vone vatafuma amisaveni.