I Ptr 2:5 - Testamente Ledrimpswha ni Mapsalma

⁵ Na n'wine, swanga maribye lawa mahanyaka, n'wiyakiwa n'wiva yindlu ya moya, avupristeni bya kuxwenga, akuva n'winyikela ha Yesu Kriste, a timhamba ta moya, leti tiyamukelekaka ku Xikwembu Nkulukumba.

I Ptr 2:5 Iomraidhean Croise

Rm 12:1

Vamakweru, nan'witratriya kolahu hi lirandru dra Xikwembu Nkulukumba akuva n'witinyiketa ku yene swanga mhamba leyi ya kuhlawuleka ni leyi yitrhavisaka. Hi droledri gandrelo ledra ntshima ledri n'wifanekelaka ku munyika.

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

I Kor 3:16

Xana an'wiswitivi leswaku n'wi Tempele dra Xikwembu Nkulukumba, ni leswaku a Moya wa Xikwembu Nkulukumba wutrhama amakari kwenu?

I Kor 3:9

hikuva hine hi vapfuneteli antirweni wa Xikwembu Nkulukumba, n'wine n'wi nsimu ya vudrimu ya Xikwembu Nkulukumba, n'wi yindlu ya Xikwembu Nkulukumba.

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

II Kor 6:16

Kuni ntlhanganu muni amakari ka yindlu ya Xikwembu Nkulukumba ni swikwembu swakuka ndlela xana? Hileswaku hine hi tiyindlu ta Xikwembu Nkulukumba lweyi a hanyaka, swanga hi kuhlaya kwake: ni ta yaka makari kwavu ni famba na vone. Nitava Xikwembu Nkulukumba wavu vone va tava tiko dranga.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Va-le-Filipiya 2:17

Mfuri, Nambi loko nyiketiwa a mhambeni ni le kutireleni ka kupfumela kwenu, na nyoxa niva nitrhava na n'wine hinkwenu.

Va-le-Filipiya 4:18

Mine ni yamukeliki swinyingi, ni naswu hi ntalu; swinitalelile, ntrhaku ka kuyamukelisiwa ha Epafrodito leswi ni rumeliwiki ha n'wine, swanga hi kunun'hwela loku ka kunandrika, ni mhamba leyi yamukeliwaka ni kutrhavisa Xikwembu Nkulukumba.

Va-le-Kolosa 3:17

Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

I Tmt 3:15

kambe loko nihlwela, utativa a mayentxela lawa mafanekelaka andlwini ya Xikwembu Nkulukumba, dringa kereke dra Xikwembu Nkulukumba lweyi ahanyaka, mhandre ni xiseketelo xa xihlayelamfuri.

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

I Ptr 2:9

Kambe n'wine lixaka dra kuhlawuliwa, vuprista bya vuhosi, tiko drakuhlawuleka, xitrhungu xilumbaka ntsena Xikwembu Nkulukumba, akuva n'witivisa a vunene bya lweyi an'wivitaniki amunyameni, an'witisa alivaningweni drakwe dra kuhlamalisa;

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

I Ptr 4:17

Hikusa i nkama wa kusungula a kuyavanyisa, kusungula hi yindlu ya Xikwembu Nkulukumba; ke, loko kusungula ha hine, byitava byini a vugamu bya lava va kuka-kuyingiseta a Ivangeli ya Xikwembu Nkulukumba, xana?

Mpfuletelo 1:6

mfuri ahiyentxiki mfumu ni vaprista, na ayentxela Xikwembu Nkulukumba, Tatana wakwe, ku Yene, a lidrumu ni vufumi hi madzana-ni-madzana ya malembe. Amen.

Mpfuletelo 20:6

Akatekile nakone ahlawulekile, lweyi angani xiyenge akupfukeni ka vafi loko ka kusungula, ku volavo a kufa ka vubiri akuna ntamu henhla kwavu. Vatava vaprista va Xikwembu Nkulukumba ni va ka Kriste, kutani vata fuma na Yene ha khume dra madzana (1000) ya malembe.

Mpfuletelo 3:12

A muhluli, nitamuhamba ava mhandre ya kutiya a Tempeleni dra Xikwembu Nkulukumba wanga, lomu angatikihuma swimbeni, mfuri nitatrala a henhla kwake a vito dra Xikwembu Nkulukumba wanga, ni vito dra muti wa Xikwembu Nkulukumba wanga, dra Yerusalema mumpswha, lweyi axikaka hi le Tilweni, apfa hi le ku Xikwembu Nkulukumba wanga, ni vito dranga ledri drimpswha.

Mpfuletelo 5:10

mfuri uvahambi mfumu wa vaprista na uhambela Xikwembu Nkulukumba weru, kutani vone vatafuma amisaveni.