I Ptr 1:3 - Testamente Ledrimpswha ni Mapsalma

³ Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

I Ptr 1:3 Iomraidhean Croise

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

Rm 12:12

Nyoxani akulaviseleni, n'wiva ni xixixi amahlomulweni, n'witiyisela a kukhongoteni.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Rm 8:11

Hakunene loko n'wili ni Moya wa lweyi angapfuxa Yesu aku feni, yelweyi kunene a pfuxiki Kriste Yesu aku feni atahanyisa miri yenu leyi mi faka, hinkonta ya Moya wakwe lowu trhamaka ku n'wine.

Rm 8:24

Hikusa akulaviseleni hi huluxiwile; hakunene, aku lavisela loko kuvoniwa a hi kulavisela, hikusa leswi swivoniwaka hinga swilaviselisa kuyini?

I Kor 13:13

Kambe swoswi kuni leswi swiraru: Kupfumela, kulavisela ni lirandru; kambe lexi xikulu ku swone i lirandru.

I Kor 15:20

Kambe swoswi, hi xihlayelamfuri, Kriste apfukile ku lava va kufa, abekiwi xirangana xa lava vayetleliki.

II Kor 1:3

A kutlangeliwe Xikwembu Nkulukumba, Tatana wa Hosi yeru Yesu Kriste, Tatana lweyi a taliki hi lilondro, ni Xikwembu Nkulukumba waku txhavelela hinkwaku!

Gl 6:16

Mfuri, ku hinkwavu lava vafambaka hi longoloka ni nawu lowu; akurula ni lirere aswive henhla kwavu, ni le ku Israyele wa Xikwembu Nkulukumba.

Ef 1:17

Akuva Xikwembu Nkulukumba wa Hosi yeru Yesu Kriste, Tatana wa kuphatima, an'winyiki akutiveni kwake, a moya wa vutivi ni wa kun'wipfuletela.

Ef 1:3

A kutlangeliwe Xikwembu Nkulukumba, Tatana wa Hosi yeru Yesu Kriste, angahikatekisa hi matovoko hinkwawu ya moya amimbangwini ya le Matilweni, ha Kriste.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 2:4

Kambe leswi Xikwembu Nkulukumba anga xipfundri hi lirere, akombisi hi lirandru ledri ahirandriki ha drone.

Ef 3:20

Hidrumisa Xikwembu Nkulukumba lweyi hi ntamu lowu ahinyikaka ntamu wa kuyentxa kutlula ngopfu ku leswi hiswikombeliki kumbe haswikota kupimisa.

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

I Tsl 1:3

na hi n'widrimuka, hinga karali hikola ka mintiro ya kupfumela kwenu, ku ntiro wenu wa lirandru, ni kutiyisela ka kulavisela ku Hosi yeru Yesu Kriste, amahlweni ka Xikwembu Nkulukumba Tatana weru,

I Tsl 4:13

Kambe anirandri, vamakweru, leswaku n'wikohla hi timhaka ta lava vatiyetleleliki, n'wingativaviseka swanga hi van'wana lava vangeke na kudumba.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

I Ptr 1:13

Hileswo-ke, pfukani n'witiya akuyanakanyeni kwenu, hanyani hi kutikhoma, na n'wilavisela hi kuhetiseka atimpswalu leti n'wibuyiseliwiki tone akutipfuleteleni ka Yesu Kriste;

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Ptr 3:15

kambe xwengisani Kriste, swanga Hosi, atimbilwini tenu, n'witrhama na n'witibekiselile minkama hinkwayu a kutiyangulela ku mani-na-mani lweyi atakatxhuka an'wivutisa xa ntxhumu mayelano ni kulavisela loko kunga ku n'wine;

I Ptr 3:21

lawa na n'wine, swanga xikombiso xa babatiso, man'wihuluxaka swoswi, kungali kususa nxambya ya nyama, kambe kuli kudjulela Xikwembu Nkulukumba a lipfalu ledrinene hikola ka kupfuka-kufeni ka Yesu Kriste,

I Ptr 3:5

Hikusa a khale, na vone a vavasati va kuhlawuleka, lava afaka valavisela ku Xikwembu Nkulukumba, afa vatixongisisa xiswoswo, na vatibeka hansi amahlweni ka vanuna vavu,

I Yhn 2:29

N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.

I Yhn 3:9

Lweyo ni lweyo apswaliwiki hi Xikwembu Nkulukumba angahanyi hi kuyentxa swidoho; hikusa ambewu ya Xikwembu Nkulukumba yitrhami ku yene; angana kuswikota kuhanya hikudoha, hikusa apswaliwi hi Xikwembu Nkulukumba.

I Yhn 4:7

Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:4

hikusa lweyo ni lweyo lweyi apswaliwiki hi Xikwembu ahlula misava. Kutani akuhlula loku hi kone kunga henhla ka misava, inga kupfumela kweru.