I Ptr 1:12 - Testamente Ledrimpswha ni Mapsalma

¹² Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

I Ptr 1:12 Iomraidhean Croise

Mt 11:25

Ankameni wolowo, Yesu ayangula, aku: Nakukhensa Tatana, HOSI ya Tilo ni misava, hi leswi ungafihlela tintlhari ni vayingeli a timhaka leti, kambe utipfuleteliki ku vatrongwana.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 16:17

Kutani Yesu aku ku yene: Ukatekile wene Simoni n'wana Yona, hikusa ahi nyama ni ngati leswi swikupfuleteliki leswo, kambe hi Tatana wanga lweyi anga Matilweni.

Marka 16:15

Ntrhaku aku ku vone: Fambani amisaveni hinkwayu, n'wiyarera a Ivangeli ku swivumbiwa hinkwaswu.

Lk 15:10

Hiswoswo, nili ku n'wine kutrhava kukone amahlweni ka swirun'wa swa Xikwembu Nkulukumba ha mudohi mun'we lweyi andrulukaka.

Lk 2:26

Mfuri afa ativisiwi leswaku angaka angafi na angasanganavona Kriste lweyi atakarumiwa hi Hosi.

Lk 9:6

A vadondrisiwa Vahumi vafamba, hi tiko ni tiko, varera Ivangeli ni kuhanyisa vhanu a mavabyi ku matlhelo hinkwawu.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Mintiro Ya Vapostola 10:44

Petrosi aku na ahakhanela, a Moya wa Kuxwenga wuxikela henhla ka hinkwavu lava afaka vayingela ritu.

Mintiro Ya Vapostola 16:10

Ntrhaku ka xivoniso, hihatla hitilulamisela akuya kone, na hikholwi leswaku Xikwembu Nkulukumba ahivitani akuva hiyavahaxela a Ivangeli.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Mintiro Ya Vapostola 4:31

Loko vakukhongotile, kutrekatreka a mbangu lowu afaka vahlengeletani ku wone; hinkwavu vatala hinkwavu hi Moya wa Kuxwenga, kutani vahaxa a ritu dra Xikwembu Nkulukumba hi kutiya.

Mintiro Ya Vapostola 4:8

Kolahu Petrosi na atali hi Moya wa Kuxwenga, avayangula aku: Vafumi va tiko na n'wine vakulu,

Mintiro Ya Vapostola 8:25

Vone-ke vatiki vahamba vumboni ni kuhlaya ritu dra Hosi, vatlhelela Yerusalema, na varera Ivangeli a mitanini minyingi ya Samariya.

Rm 1:15

Hikolaho, akunavela ku le ku mine, nitibekiselile akun'witivisa Ivangeli, ku n'wine lava vanga le Roma.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

Rm 10:15

Nakone vatarerisa kuyini loko vangarumiwanga? Swanga hi leswi kutraliwiki: ahikuxonga ka minenge leyi mitivisaka Ivangeli!

Rm 15:19

hi mahlolana ni swikombiso, hi ntamu wa Moya wa Xikwembu Nkulukumba. Hi ndlela leyi na tivisa Ivangeli ya Kriste, kusukela Yerusalema ni hinkwawu matlhelo akuya tlhasa tikwaneni dra Ilirika.

I Kor 2:10

kambe ku hine, Xikwembu Nkulukumba aswipfuletelile hikola ka Moya, hikusa a Moya wadjulisisa hinkwaswu, nambi a vuyentelelo bya Xikwembu Nkulukumba.

II Kor 1:22

mfuri ahifungiki, ahinyikiki xirangana xa Moya atimbilwini teru.

II Kor 6:6

Ni hikubasa, ni kutiva, nihi kulehisa mbilu, ni vunene, nihi ka Moya wakuxwenga, hi lirandu na kungena kukanganyisa,

Gl 1:12

Aniyamukelanga mfuri anidondranga ku mhunu, kambe avi hi kupfuleteliwa ha Yesu Kriste.

Gl 1:16

leswi apfuleteliki N'wana wakwe ku mine, akuva niyamurera amakari ka va-Matiko. Na hikuhangwesa anivutisanga nyama nambi ngati,

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

I Tsl 2:9

Kunene n'wadrimuka, vamakweru, a ntiru weru ni kutikarata kweru; hitiri vusiku ni nhlikanhi, akuva hingabindriseli ni mun'we ku n'wine, hi n'wirerela Ivangeli ya Xikwembu Nkulukumba.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Va-Heberu 11:13

Hinkwavu vhanu lava vafile a kupfumeleni, na vangasangana yamukela a swidumbiso, kambe va swivonile na vali hi le kule, vakholwile ku swone, afa vatiyisa leswaku i valuveli ni vayendri lana misaveni.

Va-Heberu 2:4

Kutani Xikwembu Nkulukumba a seketeli vumboni byavu hi swikombiso ni swihlamaliso ni mahlolana, hi kuyavela tinyiko ta Moya wa Kuhlawuleka swanga hi kurandra kwake.

Va-Heberu 4:2

Hikusa na hine hi yamukeli Ivangeli kufana na vone. Kambe a ritu ledri vangadriyingela adrivapfunanga ntxhumu, hikusa lava vangadriyingela ava driyamukelanga hi kupfumela.

I Ptr 1:25

kambe a Ritu dra Hosi drikone hi la kungahelikiki. A Ritu ledri anga Ivangeli leyi n'witivisiwiki yone.

I Ptr 4:6

Avi hikola ka leswo a Ivangeli yidrunguleliwiki na kone ku lava va kufa, akuva, hi tlhelo drin'we, vatayavanyisiwa hi kulandra a mahanyela ya ximhunu anyameni, kambe hi tlhelo drin'wana vatahanya, amoyeni, hi kulandra kurandra ka Xikwembu Nkulukumba.

Mpfuletelo 5:11

Kutani nivoni niva niyingela a ritu dra tintrumi tinyingi amatlhelweni ya xitrhamu-xa-vufumi, ni swivumbiwa swakuhanya, ni vakulu-va-vhanu; a nhlayu ya tone afa wuli wa madzana-dzana ya madzana-dzana, ni makume ya madzana,