II Ptr 2:3 - Testamente Ledrimpswha ni Mapsalma

³ Kutani hikunavela kwavu, vatayentxa mabindru ha n'wine hi maritu ya kukanganyisa; kambe kusukela ka yavanyiso ledri vabekiseliwiki drone khale dringahlweli, ni kusuvisiwa kwavu kunga khutriyeli.

II Ptr 2:3 Iomraidhean Croise

Mt 23:14

Yowee, n'wine vatrali ni vafarisi va mandrendre! Hikuva n'wiphangaka a tiyindlu ta mafelwa, n'wititxhavelela hi kuhamba a swikhongoto swakuleha; hinkonta ya leswo n'witayamukela yavanyiso ledri drihundrisaka.]

Lk 18:8

Nan'wibyela nili: Atahangwesa avalulamisela a mhaka yavu. Kambe xana N'wana wa Mhunu, akutlhaseni kwake, atakuma vupfumeli amisaveni xana?

Lk 20:20

Vahanga mulavisisa, varuma tinhloli leti titihambaka swanga hi loko tilulamile, titakota kumuphasa hi ritu, akuva vatamunyiketa ku vafumi ni le ntan'wini wa mfumu.

Lk 22:47

Yesu aku na ahavulavula, kakutlhasa xitrhungu. Na yene lweyi ahlayiwaka Yudasi, mun'we wa lava vakhume na vabiri, afa axirangeli mahlweni, atrhindrekela ku Yesu kumunyunta.

Yohana 2:16

Kutani abyela lava vaxavisaka matuva aku: Susani leswi hinkwaswu la; n'wingandruluti yindlu ya Tatana wanga, yiva yindlu ya minxavu.

Rm 16:18

hikusa volavu avatireli Kriste Hosi yeru, kambe, ina votirela makhuri yavu. Hi maritu yavu lawa ya hombe ni hi kukutxa, vakanganyisa vhanu lava vangeke na rengu.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

I Tsl 2:5

Nakone, n'waswitiva swinene leswaku ahingita hi maritu ya kutixongisa, nambi kutikulisa. Xikwembu Nkulukumba i mboni ya swone.

I Tsl 5:3

Loko vhanu va ku: Hi hanya hikurula ni kubekiseka, kutani a mahlomulo matawa henhla kwavu, swanga hi wansati wa nyimba loko a lun'wa, vangaka vangahuluki.

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

I Tmt 3:8

A vadiakoni, hi ndlela yoleyo, kudjuleka vava vhanu lava vafaneliwaka hi xitxhavu, vangavi na tindrimi tibiri, vangatinyiketeli kunweni, vanganaveli bindru ledri drimfani,

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

Tito 1:11

lava kudjulekaka leswaku vamiyelisiwa, vafambaka vahohlota a mindangu ya kutala, hi kudondrisa leswi swingafanekeliki, hi kudjula a mabindru ya kusomboloka.

Tito 1:7

Hikuva kudjuleka leswaku a bixopo ava lweyi angekena kusoliwa, swanga mulaviseli wa mintxhumu ya Xikwembu Nkulukumba, angavi wa kutikulisa, angavi wa mahlundru, angatinyiketeli kunweni, angavi wa kulebya, kumbe wa kurandra a mabindru,

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.

I Ptr 5:2

Byisani a ntlhambi wa Xikwembu Nkulukumba, lowu wunga ku n'wine, n'wiwulavelela, kungali hi kusindrisiwa, kambe hi kutinyiketela ha vuswenu, na n'wilandra a kurandra ka Xikwembu Nkulukumba; kungali hi kulwela mabindru, kambe na n'witlhantlhekile;

II Ptr 1:16

A dondro leyi hi minyikiki henhla ka ntamu ni kubuya ka Hosi yeru Yesu Kriste, ayi tiseketelanga ha swihitana swavutlhari, kambe hine hi timboni tikulu ta yone hi kuswivona hi mahlu yeru.

II Ptr 2:1

Kahumeleli vaprofeta va madrimi amakari ka tiko dra va-Yuda, swanga hi leswi vataka va kone makari kwenu a vadondrisi va madrimi, lava taka dondrisa tidondro leti honisaka ta madrimi vatalandrula ni Hosi leyi vatiruliki, kambe vatatekeliwa kulahlekeni hi kuhangwesa.

II Ptr 2:9

Hi xileswi, a Hosi ya swikota kuhuluxa valulami amindringweni, ni kubekisela vasomboloki xikhatiso xa siku drayavanyiso,

Yd 1:11

Yowee ku vone! Hikusa vafambi hi ndlela ya ka Kayim, hikunavela hakelo, vatrutrumeli xihonweni xa Balaami, vasuvi akukaneteni ka Kora.

Yd 1:15

akutayavukanyisa hinkwaswu, ni kukholwisa hinkwavu lava vakukala vukhongoti, ni hikola ka mintiro yavu hinkwayu leyi ya kukala vukhongoti, leyi vamitiriki, ni hi swifingeto hinkwaswu, leswi vanga yifingeta ha swone, vadohi lava kukala vukhongoti.

Yd 1:16

Lava hi lava n'unun'utelaka, lava hlatiyelaka hi kunavela kwavu, a milomu yavu mivulavula mandrendre, na vatiyentxa lava randrekaka ku van'wana kambe ntsena kuli kutidjulela swavu.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.