II Ptr 2:2 - Testamente Ledrimpswha ni Mapsalma

² Avanyingi vatalandra amahanyelo ni swiyentxo swavu swakubiha, hinkonta yavu vata khanela kubiha hi Ndlela ya xihlayelamfuri.

II Ptr 2:2 Iomraidhean Croise

Mt 22:16

Vahangaruma ku yene a vadondrisiwa vavu, kun'we ni va-Heroda, vayaku: Mudondrisi, haswitiva leswaku uwa xihlayelamfuri, ni leswaku udondrisa a ndlela ya Xikwembu Nkulukumba hi xihlayelamfuri; ni leswaku awutxhavisiwi hi mhunu hikuva awulangusi vuso bya mhunu.

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 7:14

hikusa yikhumile a nyangwa, ni ndlela yilalile leyi yiyisaka avutomini, ni lava vayikumaka i vatrongo.

Marka 12:14

Vatlhasiki ku Yene vaku: Mudondrisi, haswitiva leswaku uwa xihlayelamfuri, awutihlatiyelisi ha mhunu. Hikusa awulavisi vuso bya vhanu, kambe udondrisa andlela ya Xikwembu Nkulukumba swinene. Xana swapfumeleliwa kuhumexela Khezari a tinemba kumbe ahi swone, xana? Hihumexa kumbe hingahumexi?

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Yohana 14:6

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

Mintiro Ya Vapostola 13:10

kutani aku ku yene: Wene, wa muhembi, mubihi, n'wana Diyavulosi, nala wa hinkwaswu leswi swilulamiki. Xana hikola kayini ungatriki kusombolokisa a tindlela ta kululama ta Hosi?

Mintiro Ya Vapostola 14:2

Kambe a va-Yuda lava vangapfumelangakiki vapfuxa mona ku va-Matiko ni kuvahlohlotela akuva vahlundrukela a vamakwavu lava vapfumeliki.

Mintiro Ya Vapostola 16:17

Yelweyo wanhwanyana alandra Pawulosi na hine, na abandlukana aku: A vavanuna lava i malandra ya Xikwembu Nkulukumba lweyi anga henhla-henhla, vateli kutatan'wikombisa a ndlela ya kuhuluka.

Mintiro Ya Vapostola 18:26

Yene asungula kukhanela hi ntamu asinagogeni. Kambe Akila na Presila vamuyingela, vamutekela a kaya kwavu, vayamutlhamuxela hi kutlhavukanya a ndlela ya Xikwembu Nkulukumba.

Mintiro Ya Vapostola 19:9

Kambe leswi van'we ku vone afaka vatinonon'hwisa, vangapfumeli, na vahlaya kubiha hi ndlela ya Hosi amahlweni ka xitrhungu, Pawulosi atravukani navu, ahlawula a vadondrisiwa, adondrisa masiku hinkwawu a xikolweni xa Tiranu.

Mintiro Ya Vapostola 22:4

Navaxaniseli lifu lava valandraka a Ndlela leyi niboha vavanuna ni vavasati, ni vaheketa tindlwini ta bohelo.

Mintiro Ya Vapostola 24:14

Kambe nitatihlayela leswi ku wene: Mine nitirela Xikwembu Nkulukumba wa vatatana veru hi kulandra Ndlela leyi yimpswha, leyi valiki i dondronyana ya kuhambuka, na nipfumelaka ku hinkwaswu leswi swifambelanaka ni Nawu (wa Moxe), swikumekaka ni le ku vaprofeta,

Rm 2:24

Hikusa, swanga hileswi kutraliwi: A vito dra Xikwembu Nkulukumba drisandriwa amakari ka va-Matiko hinkonta yenu.

I Tmt 5:14

Ke nidjula leswaku a vavasati va mafelwa lava vampswha vatekiwa, vavani vana, vafuma tiyindlu tavu, vanganyiki mukaneti nkama wa kuruka;

Tito 2:5

vava lava vatikhomaka, lava vabasiki atimbilwini, vabekisaka ha hombe a mindangu yavu, lava vayingisetaka a vanuna vavu, akuva a ritu dra Xikwembu Nkulukumba dringahlayeliwi kubiha.

Tito 2:8

uvani ritu ledri dritiyiki, ledri dringafanekeliki kusoliwa, akuva a mukaneti avani tingana, angavina ntxhumu xa kubiha angaxihlayaka ha hine.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

II Ptr 2:12

A vhanu lavo va swanga hi swihari leswi ngeke na kuyanakanya, leswi hanyelaka kudlayiwa ni kuyisiwa kudlaweni, vakhanela kubiha hi leswi vangaswiyingelisikiki, vata suvisiwa hi ndlela ya kufana ni ya swihari,

II Ptr 2:15

Vatrutrumi a ndleleni leya kululama, va lahleka, valandri ndlela ya Balaami, n'wana Bosori, lweyi angarandra xihiwa xavusomboloki;

II Ptr 2:18

Vavulavula maritu ya kutikulisa ni ya kuka ndlela, na matirela kunavela ka nyama, ni ka vuwoswani, vanga lava yisaka vhanu lava afaka vahatrutruma lava vahanyaka kuhoneni.

II Ptr 2:21

Hikusa afa switayampswa ku vone loko afa vangativanga ndlela ya kululama, kutlula leswaku vayitiva na ntrhaku vatlelela vatravukana ni Nawu lowu vanyikiwiki wone wa kuxwenga.

II Ptr 2:7

Kambe ahuluxi Loti, hi leswi afaka e wa kululama, hikukaratiwa hi mayentxela ni mahanyela ya vhanu va kusomboloka.

Yd 1:10

Kasi lavo varuka hinkwaswu leswi vangaswitivikiki; kambe hinkwaswu leswi vaswitivaka himatumbulukela yavu, swanga hi swihari leswi ngeke naku kuyanakanya, vatihona ha swone.

Yd 1:15

akutayavukanyisa hinkwaswu, ni kukholwisa hinkwavu lava vakukala vukhongoti, ni hikola ka mintiro yavu hinkwayu leyi ya kukala vukhongoti, leyi vamitiriki, ni hi swifingeto hinkwaswu, leswi vanga yifingeta ha swone, vadohi lava kukala vukhongoti.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Yd 1:7

Swanga ha Sodoma na Gomora ni mimiti leyi afaka miyaki kusuhi, leyi mitinyiketele vuwosweni swanga ha yone, ni kulandra yimbeni, yone mibekeliwi akuva xifaniso xa ndrilo lowu wungahelikiki, hikola ka leswo miyamukeli xikhatiso xa ndrilo lowu wungahelikiki, minyiketiwa kukhatisiweni.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 13:14

Xikanganyisa lava yakiki misaveni hinkonta ya swikombiso leswi xinyikiwiki kuswitira mahlweni ka xihari xa kulebya, xibyela vayaki va misava yentxa xifaniso xa xihari xa kulebya lexi xinga tlhabyiwa hi tlhari, kutani xihanyiki.

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.