II Ptr 1:5 - Testamente Ledrimpswha ni Mapsalma

⁵ Hikolahu ka leswo mfuri, hikutlhanganisa mintamu yenu hinkwayu, tlhanganisani vupfumeli byenu hi vunene, avuneneni n'wiva ni vutivi;

II Ptr 1:5 Iomraidhean Croise

Lk 16:26

Mfuri, kubekiwi a xiwa lexi xikulu amakari kweru na n'wine, akuva lava vanga halenu, lava vadjulaka kutremakanya vaya halanu ku n'wine vangaswikoti, nambi lava vanga kohalanu loko vadjula kuta halenu.

Lk 24:21

Kambe hine afa hidumba leswaku atava yene lweyi atakavani kutirula Israyele! Kambe kutani i siku dra vuraru na timhaka leti tiyentxekile.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

Ef 5:17

Hikolahu n'wingaveneni lava vanfani, kambe djulani kuyingelisisa leswaku hi kwini a kurandra ka Hosi.

Va-le-Filipiya 1:9

Nakone nikhongota leswaku a lirandru drenu drihundrisa a kukula hi vutlhari ni kuyingelisisa,

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

Va-le-Filipiya 4:8

Avugan'wini, vamakweru, hinkwaswu leswi swinga xihlayelamfuri, hinkwaswu leswi swinkhensekaka, hinkwaswu leswi swilulamiki, hinkwaswu leswi swibasiki, hinkwaswu leswi swirandrekaka, hinkwaswu leswi swinga ni vito ledrinene, loko kuli ni leswi swinga ni vunene, ni loko kuli ni kukhenseka swiyanakanyani.

Va-le-Kolosa 1:9

Hileswo-ke, na hine kusukela siku ledri hiyingeliki leswo, a hi yimi kun'wikhongotelela ni kun'wkombelela leswaku n'witala hivutivi byakurandra kwake, avutlharini hinkwabyu ni kuyingelisisa loku pfaka ku Moya wakwe,

Va-le-Kolosa 2:3

Ku yene kufihliwi tinhlengwe hinkwatu ta vutlhari ni ta kuyingelisisa.

Va-Heberu 11:6

Kambe a handle ka kupfumela, a swikoteki kutrhavisa Xikwembu Nkulukumba, hikusa swifanekela lweyi a trhindrekelaka ku Xikwembu Nkulukumba akholwa leswaku a kone, hi Yene ahakelaka lava vamudjulaka.

Va-Heberu 12:15

na n'witivona leswaku kungativa na mhunu lweyi atitronaka timpswalu ta Xikwembu Nkulukumba; mfuri kungavinamutru wa kubava wu milaka henhla, kutani wun'wipfilunganyisa, leswaku ha wone kuhoneka lavanyingi.

Va-Heberu 6:11

Kambe hi navela leswaku mun'wana-ni-mun'wana wenu akombisa nkhinkhi leyinga yin'we, akuva a kulavisela kwenu kuva loku kutiyiki kutlhasa vugamu;

I Ptr 3:7

Hi ndlela yoleyo, na n'wine vanuna, hanyani ni vasati venu na n'witiva leswaku vone vafana ni swibya leswi swingatiyangakiki, n'wivabekela xihluwa swanga vadi-pfindla kuloni va timpswalu ta vutomi, akuva a swikhongoto swenu swingahlulekisiwi.

II Ptr 1:10

Hileswo-ke, vamakweru, hundrisani a kukhinyela ngopfu, kutiyisa vitaniwo ni hlawuliwo drenu; hikusa loko n'wiyentxisa xileswo, n'wingati khunguvanyeka ni kan'we.

II Ptr 1:11

Kutani, hi ndlela leyo n'witayengeteliwa ngopfu a nyangwa ya kunhingena Mfun'wini wa Yesu Kriste, Hosi yeru ni Muhuluxi.

II Ptr 3:14

Hikola kaleswo varandriwa, leswi n'wahalaviselaka a siku ledro, khinyelani kuyentxa hinkwaswu akuva atan'wikuma hikurula na n'wingenabati mfuri na n'wingenakusoliwa.

II Ptr 3:18

Kutlula hinkwaswu, yanani mahlweni n'wikula atimpswalwini ni le kutiveni ka Hosi yeru ni Muhuluxi Yesu Kriste. Ku yene akunyikiwe lidrumu, kusukela swoswi nikuyatlhasa sikwini ledringahelikiki! Amen.