Gl 5:25 - Testamente Ledrimpswha ni Mapsalma

²⁵ Kambe loko hi hanya hi Moya hi fanela kufambisiwa ha wone.

Gl 5:25 Iomraidhean Croise

Yohana 6:63

A Moya hi wone wuhanyisaka, a handle ka wone a mhunu anganakuyentxa ntxhumu. A maritu lawa nin'wibyelaka wone, i Moya ni vutomi.

Rm 8:10

Loko Moya wa Kriste wuli ku n'wine, swoswi a miri mifeli xidohweni, kambe a Moya wuvanyika vutomi hinkonta ya kululama.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.

II Kor 3:6

lweyi ahinyikiki ntamu wa kuva vatireli va xipfumelelanu lexi ximpswha, na inge xipfumelelanu xa nawu wa kutraliwa, kambe xa Moya; hikusa a nawu wa kutraliwa wadlaya, kambe a Moya wahanyisa.

Gl 5:16

Kambe nili ku n'wine: hanyani hi kulandra Moya, n'winga yentxi hi kunavela ka nyama.

Va-le-Filipiya 3:3

Hikusa aku soka hi hine, lava vatirela Xikwembu Nkulukumba hi Moya, na hi tikulisa ku Yesu Kriste, na hinga dumbi a nyama.

I Ptr 4:6

Avi hikola ka leswo a Ivangeli yidrunguleliwiki na kone ku lava va kufa, akuva, hi tlhelo drin'we, vatayavanyisiwa hi kulandra a mahanyela ya ximhunu anyameni, kambe hi tlhelo drin'wana vatahanya, amoyeni, hi kulandra kurandra ka Xikwembu Nkulukumba.

Mpfuletelo 11:11

A ntrhaku ka masiku mararu ni hafu ya siku, a moya wa vutomi, wupfaka hi le ku Xikwembu Nkulukumba, wunhingena ku timboni, tisekeleka tiyima, kutani a ntxhavu wukulu wuwela lava afaka vatihlalela.