Gl 5:1 - Testamente Ledrimpswha ni Mapsalma

¹ Akuva hi ntrhunxeka, avi Kriste angahi ntrhunxa. Kolahu-ke, trhamani n'witiya, n'wingahatlheli n'witinhingenisela ku mpinga wa wukarawa.

Gl 5:1 Iomraidhean Croise

Mt 23:4

Vatrimbelela mintrhwalu ya kubindra leyi mingakotiwikiki kumirwala, vantlhanteka a makatleni ya vhanu, kasi vone avadjuli kumihlekahlekisa, nambi hi litiho.

Lk 5:38

Kambe vhinyo ledrimpswha swifanekeli dritxheliwa aminkwameni leyi mimpswha.

Mintiro Ya Vapostola 15:10

Loko swili xileswi, xana n'wilwela yini ni Xikwembu Nkulukumba, hi kusindrisa vapfumeli lava kuyentxa ntxhumu lowu nambi vatatana veru, nambi hine, ahawukotanga ku wurwala?

Rm 6:14

Hikusa a xidoho xingahavi ni ntamu henhla kwenu; hikusa a mehe hansi ka nawu. Kambe atimpswalwini ta Xikwembu Nkulukumba.

Rm 6:18

Hikuva n'wintrhunxiwiki axidohweni, n'wiyentxiwi switiri swakululama.

Rm 7:3

Hikola ka leswo, yene ahlayiwa wa vumbuye, loko ava ni ntlhanganu ni mun'wana wanuna, loko aha hanya a nuna wakwe, Loko ke nuna a fa, a nsati atrhunxekile ku nawu, angaswikota kutekiwa hi mun'wana wanuna.

Rm 7:6

Kambe swoswi hintrhunxekile ku nawu, hifile ku lexi afaka xi hiyentxa swanga swikarawa. Xileswi, haswikota kutirela Xikwembu Nkulukumba hi ndlela leyimpswha, hi kulandra Moya, na kunge hi ndlela ya letela.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Rm 8:2

Hiswoswo a nawu wa Moya wa vutomi, ku Yesu Kriste, wu kuntrhunxi ku nawu wa xidoho ni wa lifu.

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

I Kor 16:13

Hitekani, tiyani akupfumeleni, vanani vavanuna, vanani lava va ntamu.

I Kor 7:22

Hikusa lweyi avitaniwiki a Hosini na ali xikarawa, i mutrhunxiwa wa Hosi; hi xiswoswo na yene lweyi avitaniwiki na atrhunxekile, i xikarawa xa Kriste.

II Kor 11:20

N'widrivalela ha hombe lava n'wiyentxaka swikarawa, ni lava van'wimitaka, ni loko an'witekela, lweyi atikulisaka, lweyi an'wibaka liso.

II Kor 3:17

Ke, Hosi i Moya; kutani lomu a Moya wa Hosi wunga kone, kone kuni kuntrhunxeka.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Gl 3:25

Leswi a kupfumela kutlhasiki, ahahali hansi ka mudondrisi.

Gl 4:26

Kambe Yerusalema wa le Matilweni antrhuxekile, hi yene mamana weru.

Gl 4:31

Hileswo-ke, vamakweru, hine ahi vana va xikarawa, kambe hi vana va wansati lweyi a ntrhunxekiki.

Gl 4:9

Kambe swoswi, leswi n'witivaka Xikwembu Nkulukumba, kumbe, leswi n'witibyiwaka hi Xikwembu Nkulukumba, xana swiyentxisa kuyini, loko n'witlhela ku swagome, swaku ka ndlela, lebyi n'widjulaka kutlhela n'wibyitirela swanga hi le kusunguleni?

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Ef 6:14

Trhamani na n'witiyile, n'witikhama hi xihlayelamfuri swanga bandi, yambalani a vululami swanga hi xixirelo a swifuveni.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

I Tsl 3:8

Hikusa swoswi hahanya, loko n'witiyili aHosini,

II Tsl 2:15

Hikolahu-ke, vamakweru yimani n'witiya, ni kubekisa hi kudumbeka leswi hinga n'widondrisa, swa swihila leswi hi n'witivisiki, hiritu kumbe kungava hi mapapela yeru.

Va-Heberu 10:23

Ahi bekiseni hi kutiya kutihlaya ka kulavisela kweru, hikusa lweyi anga ahi dumbisa awa dumbeka na Yene.

Va-Heberu 3:14

Hikusa hi yentxiwile lava vangavatirikuloni na Kriste, loko kunene hitiya kutlhasa vugan'wini, a kudumba loku hi viki na kone kusunguleni.

Va-Heberu 3:6

Kambe Kriste, avi swanga n'wana lweyi anga ndlwini yake, yindlu leyi anga hine, loko hi tibekisa hikutiya kukondra kutlhasa vugamu, ni kukulisa kulavisela loku hi tikutikutxaka ha kone.

Va-Heberu 4:14

Ke, leswi hinga na Yesu, n'wana wa Xikwembu Nkulukumba, swanga muprista lwenkulu, lweyi atremakanyiki matilo, ahitiyeni akupfumeleni kweru.

I Ptr 2:16

swanga vhanu lava vantrhunxekiki, na n'winga londrovoti a vuntrhunxeki akuva n'wiyentxa vubihi, kambe vatireli va Xikwembu Nkulukumba.

II Ptr 2:19

Vadumbisa kuntrhunxeka, na kasi vone i swikarawa swa vuhoneki, hikusa mhunu mun'wana-ni-mun'wana i xikarawa xa leswi mufumaka.

Yd 1:3

Varandriwa, leswi ni khinyelisisaka kun'witralela swakuhuluka kweru, ave hikolahu nitiyingeliki nani sindriseka kun'witralela, ni n'witratriya ni n'witiyisa leswaku n'wilwela kupfumela loku a vapfumeli vanyikiwiki kone kan'we.

Mpfuletelo 2:25

kambe bekisani leswi n'winganaswu kukota nitlhasa!

Mpfuletelo 3:3

Ke, drimuka leswi uswiyamukeliki uva uswiyingela; swibekisi uva utisola. Hikuva loko ungahiteki, nitata swanga hi muyivi, kutani ungawutive ni kutrongo a nkama lowu nitakakutela ha wone.