Gl 4:6 - Testamente Ledrimpswha ni Mapsalma

⁶ Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Gl 4:6 Iomraidhean Croise

Marka 14:36

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Lk 11:2

Yesu aku ku vone: Loko n'wikhongota, hlayani n'wiku: Tatana a vito draku adrihlawuliwe. Awute a Mfumu waku.

Yohana 14:16

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki,

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 16:7

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene.

Yohana 3:34

Lweyi arumiwiki hi Xikwembu Nkulukumba, ahlaya maritu ya Xikwembu Nkulukumba, hikusa Xikwembu Nkulukumba amunyiki Moya kunge ha mpimu.

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Mintiro Ya Vapostola 16:7

vatlhasa tikweni dra le Misiya, vadringisa kuya Bitiniya, kambe a Moya wa Yesu awuvapfumelelanga.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

Rm 8:9

Ke, n'wine swoswi an'wihanyi nyameni, kambe n'wihanya Moyeni, loko hakunene n'wini Moya wa Xikwembu Nkulukumba. Loko mhunu ange na Moya wa Kriste, ahi wa Kriste.

I Kor 15:45

Nakone, swanga hi leswi kutraliwiki leswaku: A mhunu wa kusungula, Adamu ahambiwi ava hika ledri drihanyaka, kambe Adamu wa vugamu i moya, lowu wunyikaka vutomi.

II Kor 1:22

mfuri ahifungiki, ahinyikiki xirangana xa Moya atimbilwini teru.

II Kor 3:17

Ke, Hosi i Moya; kutani lomu a Moya wa Hosi wunga kone, kone kuni kuntrhunxeka.

Ef 1:13

Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 2:18

Akutlangeliwe Yene hikusa haswikota swoswi, swanga ha van'we ku van'wana hitlhasa ku Tatana, na hifambisiwa ha Moya mun'we.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

Va-le-Filipiya 1:19

Hikusa nini kudumba mfuri, leswaku, hi swikhongoto swenu, ni hikupfuniwa loku kupfaka ku Moya wa Yesu Kriste, swita ni pfuxela kuhuluka.

I Tsl 4:8

Hikolahu, lweyi a drelaka leswi anga dreli mhunu, kambe a drela Xikwembu Nkulukumba, lweyi ahinyikaka nawone a Moya wakwe wa Kuxwenga.

I Ptr 1:11

na vadjulisisa kutiva leswaku atava wini kumbe wa kuyini a nkama lowu a Moya wa Kriste, lowu afaka wuli ku vone wukongometa wone, na wutiyisa hi tlhelo dra tinxanisa leti afaka tikongoma Kriste, ni kuphatima loku afaka kutalandrela, ntrhaku ka leswo.

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.

Mpfuletelo 19:10

Kolahu ni wela minengeni ya yone akuva ni yigandrela, kambe yone yiku ku mine: Im'hi! Ungayentxi leswo! Mine ni nandra-kuloni ni wa vamakwenu lava vanga ni vumboni bya Yesu. Gandrela Xikwembu Nkulukumba. Hikuva a vumboni bya Yesu i Moya wa kurera kweru.