Gl 4:5 - Testamente Ledrimpswha ni Mapsalma

⁵ akuva atirula lava afaka vali hansi ka nawu, leswaku hi yentxiwa vana.

Gl 4:5 Iomraidhean Croise

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Lk 1:68

A kukhensiwe Hosi Xikwembu Nkulukumba wa Israyele, leswi ayendreliki ava atirula a tiko drakwe.

Yohana 1:12

Kambe hinkwavu lava vamuyamukeliki, avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Rm 10:4

Hikusa akuhela ka nawu hi Kriste, akuva kuhlayiwa mululami lweyi apfumelaka ku Yene.

Rm 8:14

Hinkwavu lava fambisiwaka hi Moya wa Xikwembu Nkulukumba, i vana va Xikwembu Nkulukumba.

Rm 8:15

Hikusa an'wiyamukelanga Moya wa vukarawa, akuva n'wihanya na n'witxhava, kambe n'wiyamukeli a Moya wakuhlayiwa leswaku n'wi vana, lowu ha wone hi bandlukanaka: Abba, swidjulaka kuhlaya leswaku Tatana.

Rm 8:19

A misava hinkwayu n'wirindrela hi kunavela lokukulu ampfuletelo wa Xikwembu Nkulukumba ku vana vakwe.

Rm 8:23

Ahi ntsena misava, kambe na hine lava hinga ni masungulo ya Moya, na hine haxaniseka ndreni kweru na hirindrela nkama wa kuyentxiwa vana, akuntrhunxeka ka miri yeru.

Rm 9:4

Vone va lixaka dra Israyele, lava swivafaneliki akuva vahlayiwa vana vakwe, na kone mfuri akutwala, ni xipfumelelanu na vone, ni kuva nyika nawu, vugandreli bya kuhlawuleka ni swidumbiso;

Gl 3:13

Kriste ahintrhunxi kuruketeliweni ka nawu, yene atiyentxi xiruku hinkonta yeru, hikusa a Matralwa mali: Kuruketeliwi mani na mani lweyi a hayekiwiki mhandreni,

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Gl 4:21

Nibyelani n'wine n'widjulaka kuva hansi ka nawu, xana an'wi wuyingeli nawu?

Gl 4:7

Hileswo-ke, wene awehe xikarawa, u n'wana. Ke, loko uli n'wana, na kone umudi wa pfindla ha Xikwembu Nkulukumba.

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 1:3

Yene lweyi angakuphatima ka lidrumu drakwe, ni ritu dra kuhetiseka dra vumhunu byake, atameli mintxhumu hinkwayu hi ritu dra ntamu wakwe. Ntrhaku ka kuva a yentxile ntiro wa kuhlampswa swihono, ateki vutrhamu byake xineneni xavunkulukumba, a henhla-henhla.

Va-Heberu 9:12

Kunge ha ngati ya swiphongo ni marole, kambe kuvi hi ngati yake, anhingenile kan'we a mbangwini lowu wa kuxwenga, ahikumeliki kutiruliwa loku kungahelikiki.

Va-Heberu 9:15

Hileswo-ke, Yene i mutlhanganisi wa xipfumelelanu lexi ximpswha, akuva a kufa loko, kuhumeleli kutirula swidoho leswinga tumbuluka hansi ka xipfumelelanwini lexi xa kusungula, lava vitaniwiki vanyikiwa leswi xidumbiso xa kuda pfindla ledri dringahelikiki.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Mpfuletelo 14:3

Afa vayimbelela lisimu ledrimpswha, amahlweni ka xiluvelo, amahlweni ka mune wa swivumbiwa swakuhanya ni le ku vakulu, akunge na mhunu lweyi angakotaka kudondra lisimu ledrimpswha loko ange lava vakhume dra madzana na mune wa madzana ya madzana na mune wa makume ya madzana (144.000), vaxaviwiki misaveni.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;