Gl 2:20 - Testamente Ledrimpswha ni Mapsalma

²⁰ Hikolahu, ni vambiwile kun'we na Kriste, ana ha hanyi, kambe Kriste a hanya ku mine, akuhanya loku ni hanyaka kone swoswi anyameni, ni hanya hi kupfumela, loku kunga ku N'wana wa Xikwembu Nkulukumba, lweyi anirandriki ava atinyiketa hinkonta yanga.

Gl 2:20 Iomraidhean Croise

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Yohana 10:11

Hi mine Mubyisi lweyi munene. A Mubyisi lweyi munene anyiketa vutomi byake hinkonta ya tihamba.

Yohana 15:13

Akuna mhunu lweyi angani lirandru ledri dritlulaka ledri: dra loko mhunu anyikela vutomi byake hikola ka vanakulobye.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 3:35

Tatana arandra N'wana, kutani abeki hinkwaswu a mavokweni yake.

Yohana 6:57

Swanga hi leswi Tatana lweyi ahanyaka anirumiki, na mine nihanya hikola kwake, na yene lweyi anidaka atahanya hikola kwanga.

Yohana 6:69

Kutani hine hini kupfumela ni kuswitiva leswaku hi wene Muhlawuleki wa Xikwembu Nkulukumba.

Mintiro Ya Vapostola 8:36

Vaku na vafamba hi ndlela, vatlhasa lomu kungani mati, a ndruna yiku: Hi lawa mati! Xana kuni xa ntxhumu xingasivelaka leswaku nibabatisiwa? [

Mintiro Ya Vapostola 9:20

Kolahu asunguli kudondrisa amasinagogeni, ahlaya leswaku Yesu i N'wana wa Xikwembu Nkulukumba.

Rm 1:17

Hakuva ku wone, kupfuleteliwa avululami bya Xikwembu Nkulukumba, kupfumela hikupfumela, swanga hi leswi kutraliwiki: Kambe amululami atahanya hikupfumela.

Rm 14:7

Aku na ni mun'we ku hine lweyi atihanyelaka hi ntshima yake ni kutifela.

Rm 3:22

Kululama ka Xikwembu Nkulukumba hikola ka kupfumela Yesu Kriste, ka kuhinkwavu (henhleni ka hinkwavu) ku hinkwavu lava vapfumelaka, hikusa akuna ku hambana.

Rm 4:25

Lweyi anyiketiwiki kufeni hinkonta ya swidoho sweru ni kumupfuxa, ni kuhlayiwa kweru a vululami.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 5:6

Hikusa Kriste, a nkama hine afaka hini gome, afeli vadohi hi nkama wa kone.

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Rm 6:13

N'winganyiketeni xidohweni swiro swamiri yenu swanga switiro swavubihi; kambe tinyiketani ku Xikwembu Nkulukumba, swanga hi vhanu lava vapfukaka kufeni, miri yenu ku Xikwembu Nkulukumba, swanga switiro swakululama.

Rm 6:8

Loko hine hi file na Kriste, na kone ha pfumela leswaku hita pfuka kun'we na Yene.

Rm 8:10

Loko Moya wa Kriste wuli ku n'wine, swoswi a miri mifeli xidohweni, kambe a Moya wuvanyika vutomi hinkonta ya kululama.

Rm 8:37

Kambe ku hinkwaswu leswi hine hi hundrisa ngopfu kuhlula, hi lweyi ahirandriki.

I Kor 6:17

Kasi lweyi atipatraka ni Hosi, atava moya mun'we ni Hosi.

II Kor 1:24

Anirandri kuva n'winyi wa vupfumeli byenu, Kambe hi tirisana na n'wine akuva n'wikuma kutrhava, hikusa hi kupfumela n'witiyile.

II Kor 10:3

Hikusa, nambi loko hi fambi hi nyama, kambe ahi lwi hi nyama.

II Kor 11:10

Axihlayelamfuri xa Kriste xile ku mine, xileswo, alidrumu dringaka dringasuki ku mine amatikweni ya le Akaya.

II Kor 13:3

Hikusa leswi n'widjulaka kukombisiwa leswaku Kriste avulavula ha mine, lweyi angeke na gome ku n'wine, na kambe ani ntamu.

II Kor 13:5

Tikambani lipfalwini kutani n'wivona leswaku mehe kupfumeleni, tiyanakanyani; kumbe an'wiswitivi leswaku Yesu Kriste ale ku n'wine? Kambe loko swinge tanu, an'wina kuyamukeliwa!

II Kor 5:14

A lirandru dra Kriste dra hisindrisa, hiyanakanya leswi swaku: Mun'we a feli hinkwavu; kolahu, hinkwavu va file.

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

II Kor 5:7

Xileswo hi hanya hi kupfumela, na hinge hileswi hi swivonaka.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Gl 2:16

Hine hi tivaka leswaku a mhunu angahlayiwi mululami hinkonta ya mintiro ya nawu, ntsena hi kupfumela ku Kriste Yesu, hine hi pfumeli ku Yesu Kriste akuva hihlayiwa valulami hi kupfumela ku Kriste, kunge hi mintiro ya nawu, hikuva akuna mhunu lweyi atakahlayiwa mululami hi mintiro ya nawu.

Gl 3:11

Swatwala leswaku hi nawu akuna mhunu lweyi angahlayiwaka amululami mahlweni ka Xikwembu Nkulukumba, hikusa a Matralwa mali: A mululami atahanya hi kupfumela.

Gl 5:24

Kambe avaka Kriste Yesu va vambi nyama ni kurandra ni kunavela ka yone.

Gl 6:14

Kambe mine, anidjuli kutitwalisa loko kunge xihambanwini xa Hosi yeru Yesu Kriste; lweyi amisava mivambiwiki ku mine ha Yene, na mine ni vambiwile ku yone.

Ef 3:17

Nakone ni kombela ku Xikwembu Nkulukumba akuva Kriste atrhamisa atimbilwini tenu hi kupfumela, ni kuva n'wisimekiwa swinene n'witrhukutrhela alirandrwini,

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Ef 5:25

Na n'wine vavanuna, randrani vasati venu, swanga ha Kriste arandriki Kereke, anyiketi vutomi byake ha drone.

Va-le-Filipiya 1:21

Hikusa ku mine a kuhanya i Kriste a kufa i bindru.

Va-le-Filipiya 4:13

Ningaswikota ku hinkwaswu ku lweyi anitiyisaka.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

I Tsl 1:10

na n'wilavisela a n'wanakwe Matilweni, lweyi amupfuxiki kufeni, anga Yesu, lweyi a hi huluxaka ku mahlundru lawa matakata.

I Tsl 5:10

lweyi ahifeliki akuva nambi hilavelela, nambi hikutriyela hita hanya kun'we na Yene.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Va-Heberu 8:3

Hikusa a muprista lwenkulu wini ni wini abekiwa akuva ahumexa timhamba ni switlhavelo; hileswo-ke, afa swifanelile leswaku yelwi ava ni xantxhumu xa kuhumexa.

I Ptr 1:8

lweyi n'wimurandraka, nambi n'wingamuvonanga; n'wipfumeleka ku Yene, nambi n'wingamuvoni swoswi, kambe n'witrhavaka hi kutrhava loku kukulu ngopfu, kuphatimisiwiki,

I Yhn 1:7

Kambe loko hi famba livaningweni, swanga ha Yene anga livaningweni, hitlhangana kun'we, ni ngati ya Yesu, N'wanake, yihibasisa swidoho hinkwaswu.

I Yhn 4:14

Hine hiswivonile kutani hinyika vumboni bya leswaku Tatana arumi N'wana wakwe akuva Muhuluxi wa misava.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Mpfuletelo 1:5

ni hi le ku Yesu Kriste, a Mboni ya kudumbeka, mativula ya lava va kufa, Hosi ya vafumi va misava. Ku lweyi ahirandraka, ahitrunxiki ku swidoho sweru hi ngati yake,

Mpfuletelo 3:20

Vona, niyimi nyangweni, nagongondra; loko a mhunu ayingela ritu dranga ava anipfulela a xipfalu, nitanhingena andlwini yake, nitalalela na yene, na yene alalela na mine.