Gl 1:6 - Testamente Ledrimpswha ni Mapsalma

⁶ Nahlamala ngopfu hikusa n'wihangwesi kuyini akutrika lweyi a n'wivitaniki hi lirandru dra Kriste, n'wilandra yin'wana Ivangeli, ya kuhambana.

Gl 1:6 Iomraidhean Croise

Marka 6:6

Ahlamala hi kukala kupfumela kwavu. Ahangatifambela hi miti adondrisa.

Yohana 9:30

Lweyi apfuliwiki mahlu avayangula, aku: Hi leswi swihlamalisaka ha kakunene, leswaku an'wikutivi lomu apfaka kone, kasi anipfuli mahlu!

Mintiro Ya Vapostola 15:11

Kasi hine hipfumela leswaku hihanyisiwi hi timpswalu ta Hosi Yesu, swanga ha vone.

Rm 10:3

Hikusa leswi vakohliki hi vululami bya Xikwembu Nkulukumba, vadjulisisa kubekisa vululami byavu, a vatinyiketanga kululameni ka Xikwembu Nkulukumba.

Rm 5:2

Lweyi ha Yene hikumiki hi kupfumela, timpswalu leti hitiyiki ku tone, nakone hititwalisa akulaviseleni ka kuphatima ka Xikwembu Nkulukumba.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

Rm 8:30

Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

I Kor 4:15

Hikusa nambi n'wingavani dzana dra madzana ya vadondrisi ku Kriste, kambe an'wina vatatana vanyingi, hikuva hi mine nin'wibelekiki ku Yesu Kriste, hikola ka Ivangeli.

II Kor 11:4

Hikusa, loko kunene kutlhasa mun'we, arera Yesu mumbeni lweyi hingan'wibyelangakiki, kumbe n'wipfumela kuyamukela moya wakuhambana ni lowu n'wiwuyamukeliki, kumbe ni Ivangeli leyi hambanaka ni leyi n'wiyi yamukeliki, lweyo, n'wamuyamukela swinene.

II Kor 2:17

Hikusa ahifani ni lava vakutala, lava vayentxaka bindru hi Ritu dra Xikwembu Nkulukumba; hi kusungula, hi vulavula ku Kriste swanga lava vapfaka ku Xikwembu Nkulukumba, ni hi kutitrongohata mahlweni ka Xikwembu Nkulukumba.

Gl 1:11

Vamakweru, switivani leswaku a Ivangeli leyi ningan'witivisa yone ayipfanga ku vhanu.

Gl 1:15

Kambe loko lweyi anganihlawula na ningasina pswaliwa, anivitanile hi timpswalu;

Gl 1:7

Ahi leswaku yi kone yin'wana Ivangeli, kambe hileswaku kuni van'wana vhanu van'wipfilunganisaka, vadjula kun'windrulutela Ivangeli ya Kriste.

Gl 2:14

Loko ni voni leswaku avafambi hi laha swifanekelaka ha kone hi xihlayelamfuri xa Ivangeli, nite ku Kefasi, a mahlweni ka hinkwavu: Loko wene, unga mu-Yuda, uhanya swanga hi va-Matiko, na ungahanyisi xi-Yuda, hayini usindrisela a va-Matiko vahanya swanga va-Yuda xana?

Gl 2:2

Niyi kone hi kupfuleteliwa; nivatlhamuxeli Ivangeli leyi ni reraka ku va-Matiko, kambe ni swiyentxi xihundleni ku lava afaka va voneka swanga hi loko vali kutwala ka ntamu ku van'wana, akuva kuyentxeka leswaku, ninga trutrumi, kumbe ni va lweyi atrutrumiki mahala.

Gl 2:5

Volavo, ahi vapfumelelanga ni nkamanyana akutibeka a hansi kwavu, akuva axihlayelamfuri xa Ivangeli xitrhama ku n'wine,

Gl 2:7

Kuti loko vavona leswaku ninyikiwi ntiro wa Ivangeli, akudondrisa lava vakuka vangasokanga, swanga ha Petrosi, ku lava vaku soka;

Gl 5:14

Hikusa hinkwawu nawu wu katrakanyiwa hi leleto drin'we ledri driliki: Utarandra mhunukuloni swanga hi loko u tirandra.

Gl 5:4

N'witravukani na Kriste n'wine lava vadjulaka vululami hi nawu, n'wi wile an'wehena timpswalu.

II Tsl 2:14

Hikola ka Ivangeli yeru, Xikwembu Nkulukumba an'wivitaneli kutava ni xiyenge xa lidrumu dra Hosi yeru Yesu Kriste.

I Tmt 1:14

Kambe a vumbilu bya Hosi yeru byayandri ngopfu, kun'we ni kupfumela ni lirandru leswi swinga ku Kriste Yesu.

I Tmt 1:3

Hiswoleswo nikutratriyiki ha swone, loko niya Makedoniya, leswaku utrhama a Efesa, akuva uleleta van'we leswaku vangatxhuke vadondrisa tin'wana tidondro,

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Tmt 2:1

Wene ke, n'wananga, vana ni kutiya avumbilwini lebyi nga ku Kriste Yesu.

I Ptr 1:15

kambe swanga hi leswi lweyi an'wivitaniki axwengiki, na n'wine xwengani amahanyeleni yenu hinkwawu,

II Ptr 1:3

Hileswi hi ntamu wakwe wa vukwembu (vunkulukumba bya le henhla-henhla), ahi hananiki hinkwaswu leswifaneliki avutomi ni lirere, ni hikutivisisa lweyi ahivitaniki akuphatimeni kwake ni ntamu wakwe.

Mpfuletelo 22:21

A timpswalu ta Hosi yeru Yesu Kriste ative na n'wine hinkwenu. Amen!