Ef 5:6 - Testamente Ledrimpswha ni Mapsalma

⁶ N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

Ef 5:6 Iomraidhean Croise

Mt 24:24

Hikusa kutahumelela lava vatakatihlaya va Kriste hi madrimi, ni vaprofeta va madrimi, vatakahumexa swikombiso leswi swikulu ni mahlolana, akuva loko swikoteka, kukanganyisiwa na vone a vahlawuliwa.

Mt 24:4

Yesu avayangula aku: Tivonelani, n'wingatitxhuka n'wikanganyisiwa hi mhunu.

Marka 13:22

Hikusa kutahumelela lava vatihlayaka vaku mine ni Kriste, hi madrimi, ni profeta va madrimi vatakahamba ni swikombiso ni mahlolana, akuva vakanganyisa vahlawuliwa va Xikwembu Nkulukumba, loko swingakotekaka.

Marka 13:5

Yesu ahangasungula kuvabyela, aku: Tivonelani leswaku a mhunu angatin'wikanganyisa!

Rm 1:18

Hikuva amahlundru ya Xikwembu Nkulukumba matikombisa Matilweni ahenhla ka swidoho hinkwaswu ni vubihi hinkwabyu lebyi byindrulutaka xihlayelamfuri hi vubihi.

Va-le-Kolosa 2:18

N'wingatitriki, n'wiwutleliwa a hakelo hi vhanu lava tiyentxaka valandreleli kambe na vakhisamelaka ntrumi. A vhanu lavo vakaneta mintxhumu leyi vangiki mivona na vatitata hi kutikulisa hi miyanakanyu ya ntshima ya lirandru dravu.

Va-le-Kolosa 2:4

Nihlaya leswi akuva ni mun'we angan'wikanganyisi hi maritu ya kun'wikokela kun'wikholwisa.

Va-le-Kolosa 2:8

Tivonelani n'wingatitrika n'wikanganyisiwa hi tidondro ta vutlhari bya kukala ndlela, hi kulandra swihena swa vhanu kumbe hiku landra masungulo ya misava, na kunge hi ku tidondro ta Kriste.

Va-le-Kolosa 3:6

A mintxhumu leyo mipfuxa mahlundru ya Xikwembu Nkulukumba henhla ka lavo vangayingisetikiki.

II Tsl 2:3

n'winga trikeni mikanganyisiwa hi ntxhumu wa leswo. A siku ledro dringa tita loko kunga sina vani vupfukeli bya vugamu, nambi kunga sina humelela mupfukeli hi vumhunu, lweyi ahlawuleliweliki kulahleka.

Va-Heberu 13:9

N'winga kokiwe hi tidondro ta tinxaka-xaka, ni ta vambe, hikusa i swinene loko mbilu yitiyisiwa hi timpswalu, na kunge hi swakuda swavunandri, leswi swingatiki pfuna ntxhumu ku lava vatinyiketaka ku swone.

Va-Heberu 3:19

Hi vona leswaku avanhingenanga hikukala vangapfumelanga.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.

I Yhn 4:1

Varandriwa, n'winga pfumeleni ku mimoya hinkwayu; kambe kambisisani kusungula leswaku i mimoya ya Xikwembu Nkulukumba hi xihlayelamfuri, hikusa kuni vaprofeta vanyingi vamadrimi vahangalakiki misaveni.