Ef 5:11 - Testamente Ledrimpswha ni Mapsalma

¹¹ Mfuri n'wingatipatrinyeteni ni mintiro ya munyama leyi mingeke na mihandru, Kambe hikolahu misolani.

Ef 5:11 Iomraidhean Croise

Mt 18:15

Loko makwenu akudohela, famba uyamutshinya na n'wi swenu ntsena. Loko akuyingela, utava ukumi makwenu.

Lk 3:19

Na swone afa akhwavela Heroda hi kuhanya na Herodiyasi, a nsati wa makwavu, ni hinkonta ya hinkwaswu leswi swimfani leswi aswiyentxiki.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

Rm 16:17

Na n'wikhongota vamakweru, akuva n'witivonela ku lava pfuxaka ku hambana ni kutlakuxa kuganaganeka kakuhambana ni dondro leyi n'wingayi yamukela. Travukanani navu,

Rm 6:21

Hi nkameni wolowo, xana afa n'wikuma mihandru muni? Kasi i mintxhumu leyi swoswi yi n'wikhomisaka tingana ntsena; hikusa avugamu bya swone i lifu.

Gl 6:8

Hikusa lweyi a byalaka leswi nyoxisaka a nyama yake, ata trhovela swa nyama, kambe lweyi abyalelaka a Moya, ku Moya atatrhovela vutomi lebyingahelikiki.

Ef 4:22

Hi leswaku, hikola ka mafambela yenu ya khale, humani ku mhunu lweyi wa khale, lweyi a honekaka hi kunavela ka vukanganyisi,

Ef 5:12

Hikusa leswi vone vaswiyentxaka a xihundleni, swikhomisaka ni tingana a kuvulavula ha swone.

Ef 5:7

Kutani n'wingahlengeli kun'we na vone.

Va-le-Kolosa 1:12

Tlangelani Xikwembu Nkulukumba Tatana, lweyi angan'wiyentxa akuva lava faneliwaka hikuva ni xiyenge ku pfindla dra valulami, a livaningwini.

I Tsl 5:7

Hikusa lava kutriyelaka vakutriyela ni vusiku, lava vapopswaka vatinyiketela kupopsweni ni vusiku.

II Tsl 3:14

Loko wakukari angayingiseti swileleto leswi hi n'winyikaka ku papela ledri, lavisisani leswaku n'wikhanelisana ni lweyi wakuyini, n'winga hanyisaneni na yene akuva atakhomiwa hi tingana.

II Tsl 3:6

Vamakweru hidjula kun'wileleta hi vito dra Hosi yeru Yesu Kriste, leswaku n'witravukana ni hinkwavu vamakweru lava vahanyaka na vangayentxi ntxhumu, na vangalandrikiki tidondro teru ni swihila leswi vaswiyamukeliki ku hine.

I Tmt 5:20

Lava vadohaka, vakhate amahlweni ka hinkwavu, akuva van'wana na vone vatavani kutxhava.

I Tmt 5:22

Ungantlhanteki mhunu a mavoko hi xihatla; ungatipatri ku swidoho swa van'wana; tibekise uva lweyi abasiki.

I Tmt 6:5

ni kuvulavulisana ka kuka kungagami, ka vhanu va miyanakanyu ya kusomboloka, lava vatipfumalisiki a xihlayelamfuri, vapimisaka leswaku a vukhongoti i bindru.

II Tmt 3:5

lava vangani xiyimu xa vukhongoti kasi valandruli ntamu wa byone; trhindreka kule ni vhanu lavo.

II Tmt 4:2

Rera ritu, utiyisa hi nkama lowu faneliki, ni hinkama lowu wungafanelikiki, khata, khongotela, khwavela hi mbilu ya kuleha, ni hi kudondrisa.

Tito 2:15

Hlaya a mintxhumu leyi na utratriya uva ukawuka hi ntamu hinkwawu; kungavi na mhunu lweyi akudrelaka.

Mpfuletelo 18:4

Nangweso ni yingeli ritu drin'wana dripfa hi le tilweni, driku: Humani amutini lowu vhanu vanga, Hinkwenu humani ku wone akuva n'wingativa ni vuhlengeli aswihonweni swake, nambi kuyamukela swikhatiso swake.