Ef 3:9 - Testamente Ledrimpswha ni Mapsalma

⁹ ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.

Ef 3:9 Iomraidhean Croise

Mt 10:27

Leswi niswihlayaka amunyameni, swihlayani alivaningweni, ni leswi n'wihleveteliwaka atindleveni, swirerani a henhla ka tiyindlu.

Mt 13:35

akuva kuhetiseka leswi afaka swihlayiwi hi muprofeta lweyi angaku: Nitakhanela hi swifaniso; nitahlaya leswi afaka swili xihundla kehe loko Xikwembu Nkulukumba atumbuluxi misava.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Lk 24:47

kutadondrisiwa matiko hinkwawu hi vito drakwe akundruluka, ni kudrivaleliwa ka swihono, akusungula hi Yerusalema.

Yohana 10:30

Mine na Tatana hi mun'we.

Yohana 5:17

Kambe Yesu avayangula, aku: Kutlhasa swoswi, Tatana wanga angasanganatrika kutira, kutani na mine, swanga ha yene, natira.

Yohana 5:19

Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo.

Mintiro Ya Vapostola 15:18

leyi yinyikiki kutibyiwa mintxhumu leyi kusukela minkama ya khale.

Rm 11:25

Hikusa anirandri vamakweru, leswaku n'wikohla hi xihundla lexi, (akuva n'wingatitxhuka n'witiyanakanya leswaku n'witlharihile). Leswaku Israyele hi tlhelo drin'we, leswaku ava-matiko hinkwavu vakondra vanhingena.

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

Ef 1:4

Swanga hileswi ahi langiki na misava mingasinava kone, akuva hiva vaxwengi, hili lava vangeke na xidoho mahlweni kwake, ni le lirandrwini drakwe.

Ef 3:2

Hakunene n'witava n'wiswiyingelile vavulavula hi ntiro lowu Xikwembu Nkulukumba hi vululami byake aninyikiki hinkonta yenu.

Ef 6:19

Mfuri na mine n'wini khongotela, akuva Xikwembu Nkulukumba anihuhutela, akupfuleni ka nomo wanga ni vulavula hikudumba, akuva a ntiro wa mhaka ya Ivangeli yi vonekisiwa,

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Va-le-Kolosa 1:26

A makungu lawa afaka mafihlekile kusukela hi madzana ni madzana ya malembe lawa mahundriki, ni kutinxaka hinkwatu, kambe swoswi a paluxiki ku vahlawuliwa vakwe.

Va-le-Kolosa 3:3

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

Va-le-Kolosa 4:3

N'wihikhongotela na hine mfuri, akuva Hosi yi ta hipfulela nyangwa ya kurera ritu, akuva hikota ku vulavula hi kungu dra Kriste, xileswo mfuri ningabohelweni hinkonta ya drone.

II Tsl 2:13

Kambe loko ali hine, vamakweru lava varandrekaka Hosisni, hi fanela kutlangela Xikwembu Nkulukumba, himinkama hinkwayu hikola kwenu. Hikusa Yone yin'wihlawulile akuva vakuranga kuyamukela kuhuluxiwa, hi ntiro wa Moya ni hi kupfumela kwenu ku xihlayelamfuri.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

II Tmt 1:9

lweyi anga hi huluxa, anga hi vitana hi vitaniwo ledra kuxwenga, kunge ha mintiro yeru, eke ku hi vitana hi kutirandrela kwake, ni hi timpswalu leti hinga hananiwa tone ha Kriste Yesu, na minkama leyi mingahelikiki mingasanganava kone,

II Tmt 4:17

Kambe Hosi yaniyimelelile, yininyiki ntamu, akuva akurera kwanga ka Ivangeli kuhetiseka ku mine, lava vangeke vakhongoti hinkwavu vakota kuniyingela masiku hinkwawu, nive nihuluxiwa non'wini wa ndrawu.

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

I Ptr 1:20

lweyi hi tlhelo drin'we arangiki kutiviwa na misava mingasinavumbiwa, kambe hi tlhelo drin'wana angavonekisiwa avugan'wini bya minkama hikola kwenu,

Mpfuletelo 13:8

Vata xigandrela hinkwavu lavayakiki misaveni, lava mavito yavu mangatraliwangakiki abukwini dra vutomi, ledringa dra Hambana leyinga dlawa kehe kusunguleni ka misava.

Mpfuletelo 14:6

Ntrhaku ni voni yin'wana ntrumi yi hahaka makari ka tilo, afa yili ni Ivangeli leyi yingahelikiki, akuva yi drungulela lava yakiki misaveni, ku hinkwawu matiko, ni tinxaka ta vhanu, ni tindrimi.

Mpfuletelo 17:8

A xihari xa kulebya lexi uxivoniki afa xihanya, afa xili xone, kambe a hi xone, kutani xitahuma akheleni ledra kuyeta, xiya kusuveni. Lava vayakiki misaveni, lava a mavito yavu manga traliwangakiki abukwini dra vutomi kusukela akutumbulukeni ka misava, loko va xivona vatahlamala, leswi afaka xili xone kutani axehe xone, hanya, kambe xitatlhela xi humelela.

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.