Ef 1:7 - Testamente Ledrimpswha ni Mapsalma

⁷ Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 1:7 Iomraidhean Croise

Mt 20:28

Swanga hi leswi na Yene N'wana wa Mhunu angatelangakiki kutireliwa, kambe ateliki kutirela ni kunyiketa a vutomi byake xiva xitirulu ku lava vanyingi.

Mt 26:28

hikusa leswi i ngati yanga, ya xipfumelelanu ximpswha, leyi yihalateleliwaka lava vanyingi a kudrivaleliweni ka swidoho.

Mt 6:12

Hidrivalele a milandru yeru, swanga hi leswi na hine hidrivalelaka van'wana lava vangani milandru ku hine.

Marka 14:24

Kutani aku ku vone: Leswi i ngati yanga, ngati ya xipfumelelanu (lexi ximpswha), leyi yihalateliwaka lava vanyingi.

Lk 1:77

Akuva utivisa tiko drakwe ni leswaku Xikwembu Nkulukumba adridrivaleli swihono swadrone leswaku dritahuluxiwa,

Lk 24:47

kutadondrisiwa matiko hinkwawu hi vito drakwe akundruluka, ni kudrivaleliwa ka swihono, akusungula hi Yerusalema.

Yohana 20:23

Loko n'widrivalela vhanu a swidoho swavu, switadrivaleliwa ku vone; loko n'wingavadrivaleli, vangadrivaleliwi swihono swavu.

Mintiro Ya Vapostola 10:43

Hi Yene lweyi a vaprofeta vamuhambelaka vumboni, leswaku mun'wana-ni-mun'wana lweyi apfumelaka ku Yene atakuma kudrivaleliwa ka swidoho hi vito drakwe.

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 3:19

Hileswo-ke, tisolani n'windruluka, akuva swidoho swenu switimiwa,

Rm 2:4

Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho?

Rm 3:24

Kambe vahlayiwa valulami ntsena hi timpswalu, mahlweni ka kuntrhunxeka loku kunga kone ha Yesu Kriste

Rm 3:25

Lweyi Xikwembu Nkulukumba angamubeka khale ava xiruliso, hikupfumela ka ngati yake, akuva akululama kwake ku kombisiwa. Hileswi Xikwembu Nkulukumba atrikiki kukhatisa a swidoho leswi swiyentxiwiki khale;

Rm 9:23

akuva xiswoswo, akombisa mahlolana ya lifuyo dra kutwala kwake ku swibya swa lilondro drakwe, leswi aswibekisiki akuva switakuma lidrumo na swone,

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

II Kor 8:9

hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

Ef 1:14

Lowu wunga xirangana xa pfindla, ledri inga xidumbiso xakutirula lava vanga vakwe, ku lidrumu drakuphatima kwake.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 1:6

Hakuva kudrumisiwa kuphatima ka timpswalu leti ahinyikiki tone, hi mahala ku Murandriwa wakwe.

Ef 1:8

Ledri Xikwembu Nkulukumba angatxhulula hi kutala henhla kweru, hivutivi hinkwabyu ni vutlhari,

Ef 2:4

Kambe leswi Xikwembu Nkulukumba anga xipfundri hi lirere, akombisi hi lirandru ledri ahirandriki ha drone.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Va-le-Filipiya 4:19

Xikwembu Nkulukumba wanga atan'witatisa n'wine akupfumaleni hi hinkwaku, hi vukulu, hikola ka Kriste Yesu.

Va-le-Kolosa 1:14

Lweyi ha Yene hingani kutiruliwa, kunga kudrivaleliwa ka swihono.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Va-le-Kolosa 2:13

A nkama n'wine afaka n'wahafeli swidohweni swenu, ni hi kuka-kusokiwa anyameni yenu, an'winyiki vutomi kun'we na Yene, hi kuhidrivalela a swidoho sweru hinkwaswu,

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

I Tmt 2:6

lweyi atinyiketiki, ava xitirulo hinkonta ya hinkwavu, byili vumboni aminkameni leyi mifanekeliki;

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Tito 3:6

lowu awutxeliki ku hine hi kuyandra, ha Yesu Kriste Muhuluxi weru,

Va-Heberu 9:22

Mfuri hi nawu ingi hinkwaswu swibasisiwa hi ngati, a handle ka kuhalatiwa ka ngati, akuna kudrivaleliwa ka swidoho.

I Ptr 2:24

hi Yene abyatrhiki a swidoho sweru amirini yake amhandreni ya xihambano, akuva hine, na hifeli swidoho, hihanyela a vululami; hi Yene mfuri hi swilondra swake n'wine n'widahiwiki.

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

I Yhn 2:12

Nan'witralela vana vanga, hikusa a swidoho swenu swidrivaleliwile hinkonta yatimpswalu ta vumhunu bya Kriste.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

I Yhn 4:10

Kutani a lirandru drile kuleswi: akuvanga hine lava varandriki Xikwembu Nkulukumba, kambe kuvi Yene ahirandriki kutani ahirumeli N'wana wakwe, akuva kudrivaleliwa swidoho sweru.

Mpfuletelo 14:4

Volavo hi lava vangatihonangakiki hi vavasati, vangasiki yetlela ni vavasati. Lava hi vone valandraka Hambana hinkwaku lomu yi yaka kone. Hi lava vaxaviwiki a makari ka vhanu akuva swiva swirangana swihumexeliwaka Xikwembu Nkulukumba ni ku Hambana.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;