Ef 1:3 - Testamente Ledrimpswha ni Mapsalma

³ A kutlangeliwe Xikwembu Nkulukumba, Tatana wa Hosi yeru Yesu Kriste, angahikatekisa hi matovoko hinkwawu ya moya amimbangwini ya le Matilweni, ha Kriste.

Ef 1:3 Iomraidhean Croise

Lk 2:28

Simiyoni amuyamukela mavokweni yake, akhensa Xikwembu Nkulukumba aku:

Yohana 14:20

Hi siku ledro, n'witativa leswaku ni le ku Tatana, na n'wine n'wile ku mine, na mine ni le ku n'wine.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Yohana 20:17

Yesu aku ku yene: Unganikhumbe, hikusa anisintlhantukela ku Tatana. Kambe famba ku vamakweru uyavabyela leswaku nintlhantukela ku Tatana wanga ni Tatana wenu, ku Xikwembu Nkulukumba wanga, ni Xikwembu Nkulukumba wenu.

Rm 12:5

Xi leswo na hine, hinga vanyingi, kambe hi miri min'we ku Kriste, na swone hi swiro ku mun'wana-ni-mun'wana;

Rm 15:6

Keleswi, i kuva hinkwenu kun'we ha ritu drin'we n'widrumisa Xikwembu Nkulukumba, Tatana wa Hosi yeru, Yesu Kriste.

I Kor 1:30

Kambe n'wine n'wi vakwe, hi le ku Yesu Kriste, lweyi ku hine andrulukiki vutlhari, ni vululami, ni kuxwenga, ni vutiruli hi kurandra ka Xikwembu Nkulukumba,

I Kor 12:12

Hikuva swanga hi leswi a miri wunga wun'we ntsena, nambi leswi wungani swiro swinyingi, na swone swiro hinkwaswu, nambi swili swinyingi, swivumba a miri wun'we ntsena, xileswo, na yene Kriste swi tanu.

II Kor 1:3

A kutlangeliwe Xikwembu Nkulukumba, Tatana wa Hosi yeru Yesu Kriste, Tatana lweyi a taliki hi lilondro, ni Xikwembu Nkulukumba waku txhavelela hinkwaku!

II Kor 11:31

Xikwembu Nkulukumba, ni Tatana wa Hosi Yesu, lweyi atlangeliwaka hi laha kungaheliki, awa switiva leswaku anihembi.

II Kor 5:17

Hiswoswo-ke, loko mhunu ali ku Kriste, i xivumbeko ximpswha. A mintxhumu ya khale mi hundrile, hinkwaswu i swimpswha.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 3:9

Hileswo-ke, hinkwavu lava vanga vakupfumela, vakatekisiwa ni mupfumeli Abrahamu.

Ef 1:10

Akuva atatlhanganisa mintxhumu hinkwayu ku Yene, kungava ya le Matilweni kungava ni yala misaveni, hiku hetiseka ka minkama.

Ef 1:17

Akuva Xikwembu Nkulukumba wa Hosi yeru Yesu Kriste, Tatana wa kuphatima, an'winyiki akutiveni kwake, a moya wa vutivi ni wa kun'wipfuletela.

Ef 1:20

lowu Yene awukombisiki ku Kriste, hikumupfuxa ku vakufa, amubeka a xineneni a matilweni,

Ef 2:6

hikusa, kun'we na Yene, ahipfuxi akufeni, a hiyentxi hitrhama ku Kriste Yesu amimbangwini ya matilo.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Ef 6:12

Hikusa ahi lwi ni ngati kumbe ni nyama, kambe hi lwa ni mimfumu, ni mintamu, ni vafumi va munyama wa minkama leyi, ni kulwa ni mimoya ya vubihi amimbangwini ya le henhla.

Va-le-Filipiya 2:11

akuva a tindrimi hinkwatu titahlaya leswaku: Yesu Kriste i Hosi, akutwaliseni ka Xikwembu Nkulukumba Tatana!

Va-Heberu 8:5

Lava vatiraka ntiro lowu wunga xifaniso xa ntrhuti wa leswinga Matilweni, swanga heswi Moxe apfuletelisiwiki xiswone hi Hosi, loko adjula kuyimisa ntronga hikusa yone yiti: Vona! Utayentxa hinkwaswu mayelanu ni xifaniso lexi ukombiwiki nhaveni.

Va-Heberu 9:23

Swidjulekile kolahu leswaku aswifaniso swa mintxhumu ya le tilweni swibasisiwa hi mayentxela lawo. Kambe a swa le tilweni swone hi ntshima swifanekeli kubasisiwa hi timhamba leti titlulaka leto.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,