Ef 1:18 - Testamente Ledrimpswha ni Mapsalma

¹⁸ Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 1:18 Iomraidhean Croise

Mt 13:15

Hikusa a mbilu ya vhanu lava yinonon'hwile; ni hi tindleve tavu, vayingela hi kukarateka, vaswonyi mahlu yavu akuva vangavoni hi mahlu; vayingela hi tindleve, vayingelisisa hi mbilu, vandruluka nivahanyisa.

Marka 10:17

Kuti loko Yesu ahumi kone, akhoma a ndlela, mun'we mhunu atrutruma ata ku yene, akhisama, amuvutisa aku: Mudondrisi lweyi munene, xana nitayentxa yini akuva nitada a pfindla dra vutomi lebyi byingahelikiki?

Lk 24:45

Kahangava kone apfulaka swifuva swavu, akuva vayingelisisa Matralwa

Mintiro Ya Vapostola 16:14

Mun'we wansati atxhuliwaka Lidiya, muxavisi wa swivunguvungu, wa muti wa Tiyatira, afaka atxhava Xikwembu Nkulukumba, afa ahiyingela swinene, kutani a Hosi yimupfula mbilu akuva atikaratela leswi afaka swihlayiwa ha Pawulosi.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 11:29

Hikusa Xikwembu Nkulukumba asusi leswi aswi nyikaka nambi kuhlawula leswi swiyentxaka.

Rm 2:4

Udrelisa kuyini wene a vumbilu lebyikulu bya Xikwembu Nkulukumba, ni kuleha ka mbilu ni kutiyisela? Awuswitivi leswaku a vumbilu bya Xikwembu Nkulukumba afa byifanela ku kuyisa akutisoleni ka swidoho?

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Gl 5:5

Hikusa hine, hikola ka Moya hi rindrela hi kulavisela ka kululama loku kutaka hi kupfumela.

Ef 1:11

Ni le ku Yene lweyi hingayentxa pfindla, hikuva hi bekisiwile hi makungu ya lweyi ayentxaka mintxhumu hinkwayu hinkonta ya kulandra kurandra kwake.

Ef 1:7

Ku Yene hikuyamukela kuntrhunxeka hinkonta ya ngati yake, a lidrivalelo dra swidoho, hikola ka lifuyu dra timpswalu.

Ef 2:12

ankameni lowo afa n'wingalina Kriste, afa n'witravukanisiwile ni tiko dra Israyele, afa n'wili lava vangativiwikiki ku xipfumelelanu xa xidumbiso, na n'wingalina kulavisela n'wingalina Xikwembu Nkulukumba misaveni.

Ef 3:16

akuva an'winyika kuphatima hi nhlengwe yake, nikuva n'witiyisiwa ni kuseketeliwa hi Moya wakwe, ku mhunu wa le ndreni.

Ef 3:8

Mine ni lweyi angeke na lisima ku hinkwavu vapfumeli, kambe ni nyikiwi mfanelo ya kutivisa Ivangeli ku va-Matiko ku vupfundri lebyingeke na vugamu bya Kriste;

Ef 4:1

Hileswo-ke na n'wikombela, mine mubohiwa Hosini, leswaku n'wifamba hi laha swifanekelaka ku vitaniwa loku n'wivitaniwiki ha kone;

Ef 4:4

Kuni miri min'we ni moya mun'we, swanga hileswi n'wivitaneliwiki akulaviseleni kun'we ntsena, ka kuhlawuliwa kwenu.

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

Va-le-Filipiya 3:14

nitrutruma niya ankongometweni, akuva nitakuma a hakelo dra kuvitaniwa loku kulu hi Xikwembu Nkulukumba ku Kriste Yesu.

Va-le-Kolosa 1:12

Tlangelani Xikwembu Nkulukumba Tatana, lweyi angan'wiyentxa akuva lava faneliwaka hikuva ni xiyenge ku pfindla dra valulami, a livaningwini.

Va-le-Kolosa 1:23

Loko kunene, n'witrhamile kupfumeleni, n'wisimekiwa n'witiya, n'winga titrhindreti kule ni kulavisela ka Ivangeli, leyi n'wiyiyingeliki yihlayiwa ku vhanu hinkwavu vahansi ka misava, leyi mine Pawulosi, ni ndrulukiki murumiwa wa yone.

Va-le-Kolosa 1:27

Lava Xikwembu Nkulukumba avanyiki kutiva a nhlengwe dra lidrumu dra kungu amakari ka va-Matiko, hileswaku, ku n'wine kuna Kriste lweyi anga kulavisela kwenu ka lidrumu;

Va-le-Kolosa 1:5

Hinkonta yakulavisela loku n'wibekiseliwiki kone Matilweni, swanga hi leswi n'wiyingeliki ke hikusungula hi ritu dra xihlayelamfuri dra Ivangeli,

Va-le-Kolosa 2:2

Akuva a timbilu tavu titiyisiwa, ni kuva vatlhanganisiwa kun'we alirandrwini, akuva vava ni kufuya loku kunga ni kudumbeka loku kakutiya, akuva vayingelisisa swinene a kungu dra Xikwembu Nkulukumba, anga Kriste,

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

I Tsl 2:12

akuva n'wifamba hi laha swifanekelaka Xikwembu Nkulukumba, lweyi an'wirambaka kuva n'wiva mfun'wini wakwe ni lidrun'wini.

I Tsl 5:8

Kambe hine hingavanhlikanhi, ahitikhomeni, hiyambala xitlhangu xa kupfumela, ni xa lirandru, ni xilembe xa kudumba ka huluko.

II Tsl 1:11

Hiswoleswo han'wikombela hi kukhinyelela ku Xikwembu Nkulukumba weru, akuva an'wipfuna kuyangula kuvitana kwake, akun'winyika mintamu akuva n'wiyisa hi mintiro ku hinkwavu a makungu ya hombe, ni kundruluka kakutlhavukanya ka vupfumeli byenu.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

I Tmt 6:12

Lwana a yimpi leyinene ya vupfumeli, utikhomela a vutomi lebyi byingahelikiki, lebyi uvitaneliwiki byone, uviki ubyihlaya hi kutihlaya loku kunene amahlweni ka timboni letinyingi.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Tito 3:7

akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

Va-Heberu 6:4

Hikusa swingeyentxeki, leswaku lava vasamiki vavaningiwa, vangadringa a nyiko ya le tilweni, vangayaveliwa ni Moya lowu wakuxwenga,

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.