Ef 1:13 - Testamente Ledrimpswha ni Mapsalma

¹³ Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 1:13 Iomraidhean Croise

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Lk 24:49

Lavisani, nitan'wirumela leswi n'widumbisiwiki swone ha Tatana. N'wine trhamani kola Yerusalema, n'wikota n'wiyambexiwa ntamu wa le henhla.

Yohana 1:17

Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste.

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 3:33

A mhunu lweyi ayamukelaka vumboni byake, atiyisa leswaku Xikwembu Nkulukumba awadumbeka.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Mintiro Ya Vapostola 1:4

Na ada na vone, avaleleti leswaku vangasuki Yerusalema, kambe varindrela kone a xidumbiso xa Tatana, lexi angaku: N'wiswiyingeli ha Mine.

Mintiro Ya Vapostola 13:26

Vavanuna va-le-kweru, vana va lixaka dra Abrahamu, na n'wine n'witxhavaka Xikwembu Nkulukumba, ku hine hinkweru kurumeliwi a ritu dra huluxu ledri!

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Rm 1:16

Aninatingana hi Ivangeli ya Kriste. Hikusa kunene hi wone ntamu wa Xikwembu Nkulukumba wa kuhanyisa hinkwavu lava pfumelaka, kusungula a va-Yuda ni va-Matiko.

Rm 4:11

Mfuri anyikiwi xikombiso xa kusoka, swanga xifungo xa kululama loku kuhumaka kupfumeleni loku angapfumelela na angasina soka; akuva ava tatana wa hinkwavu lava vapfumelaka na vangasokanga, akuva vatahlayeliwa akululama,

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

II Kor 1:22

mfuri ahifungiki, ahinyikiki xirangana xa Moya atimbilwini teru.

II Kor 6:7

aritwini dra xihlayelamfuri, antan'wini wa Xikwembu Nkulukumba, nihi matlhari ya kululama, kungava kutimpfekela kumbe kulweni.

Gl 3:14

akuva amakateko ya Abrahamu matlhasa ku va-Matiko ha Yesu Kriste, leswaku hi yamukela hi kupfumela a Moya lowu hi dumbisiwiki wone.

Ef 4:21

loko kunene n'wayingelile vavulavula ha yene, ni loko n'widondrisiwi ku Yene, hikulandra xihlayelamfuri xinga ku Yesu.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

II Tmt 2:15

Djulisisa kutivonekisa mahlweni ka Xikwembu Nkulukumba uva lweyi wa kukhenseka, a mutiri lweyi angeke na tingana, lweyi areraka ritu dra Xikwembu Nkulukumba hi kululama.

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

II Tmt 3:15

Ni leswaku wa mativi nawehentrongo, a Matralwa ya Kuxwenga, lawa manga ni ntamu waku kutlharihisa, ukota uhuluxiwa hi kupfumela loku kunga ku Kriste Yesu.

Tito 2:11

Hikusa kuvonekisiwi a timpswalu ta Xikwembu Nkulukumba leti tihuluxaka a vhanu hinkwavu,

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

Yakobe 1:21

Ke, bekani hi tlhelo xambya hinkwayu ni mona lowu wuhundrisaka kutani n'wiyamukela hi kutitrongohata a Ritu ledri dribyaliwiki ku n'wine, ledri dringa ni ntamu akuva drihuluxa vutomi.

I Ptr 2:10

n'wine lava a khale afaka n'wingali tiko, kambe swoswi n'winga tiko dra Xikwembu Nkulukumba, a khale afaka n'wingayamukelanga a lirere dra Xikwembu Nkulukumba, kambe swoswi n'wiyamukeli lirere.

Mpfuletelo 7:2

Nivoni yin'wana ntrumi afaka yitlhantuka hi lomu kuhumaka a dambu, na yini xifungu xa Xikwembu Nkulukumba lweyi ahanyaka, kutani yibandlukana hi ritu ledrikulu ku mune wa tintrumi leti tinyikiwiki a ntamu wa kuhona misava ni likhulu,