Ef 1:11 - Testamente Ledrimpswha ni Mapsalma

¹¹ Ni le ku Yene lweyi hingayentxa pfindla, hikuva hi bekisiwile hi makungu ya lweyi ayentxaka mintxhumu hinkwayu hinkonta ya kulandra kurandra kwake.

Ef 1:11 Iomraidhean Croise

Mintiro Ya Vapostola 13:48

Loko a va-Matiko vaswiyingela, vatrhava ngopfu vadrumisa a ritu dra Hosi, kutani hinkwavu lava afaka vabekiseliwi vutomi lebyi byingahelikiki vapfumela.

Mintiro Ya Vapostola 2:23

anyiketiwi, hi kulandra makungu ni kuvona ka nkongometo wa Xikwembu Nkulukumba, kutani n'wine n'wimudlayile hi kumuvamba hi mavoko ya vadohi;

Mintiro Ya Vapostola 20:27

hikusa anifihlanga ntxhumu, nin'widrunguleli a kungu dra Xikwembu Nkulukumba hinkwadru.

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Mintiro Ya Vapostola 4:28

Vatakahamba hinkwaswu leswi swibekisiwiki khale hi voko draku ni hi kungu draku.

Rm 11:34

Hi laha mahlayaka swinene a Matralwa mali: I mani lwa tivaka miyanakanyu ya Hosi? I mani lwanga swikotaka kululeka Xikwembu Nkulukumba?

Rm 8:17

Ke, loko hili vana, na kone mfuri hi vadi va pfindla. Hi vadi vapfindla dra Xikwembu Nkulukumba kun'we na Kriste. Loko hi xaniseka kun'we na yene, na kone hitatwalisiwa kun'we na Yene.

Rm 8:28

Haswitiva hine leswaku hinkwaswu switlhanganela akuva switirisa ku lava varandraka Xikwembu Nkulukumba, vanga lava avavitaniki hi kungu drakwe.

Rm 8:29

Hikusa lava Xikwembu Nkulukumba afaka nana avahlawulile vabekiseli akuva vafana ni N'wana wa wakwe, akuva Yene ava n'wana wakusungula ku vamakwavu lavanyingi.

Rm 8:30

Lava ava hlawuliki, lavo na vone ava vitanile, ni lava avavitaniki na vone avahlayile valulami, ni lava avahlayiki valulami avatwalisile.

Rm 9:11

Kutani ni loko vana vangasangana pswaliwa, mfuri na vangasangana yentxa lexinene kumbe leximfani, akuva a kungu dra Xikwembu Nkulukumba ledri dringa hi kutilangela ka lweyi, dritiya dringapfi mintirweni, kambe dripfa kurandreni ka lweyi angava vitana,

Gl 3:18

Hikusa, loko apfindla dripfa nawini, kolahu adrahapfi xidumbisweni; kambe avi hikola ka xidumbiso, Xikwembu Nkulukumba anyikeliki pfindla ledro, hi kulandra leswi afaka adumbisili ku Abrahamu.

Ef 1:14

Lowu wunga xirangana xa pfindla, ledri inga xidumbiso xakutirula lava vanga vakwe, ku lidrumu drakuphatima kwake.

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 1:5

Yene ahihlawuleli kuva vakwe, ni nikuhiyentxa vana vakwe ha Kriste, mayelana ni kurandra kwake.

Ef 1:8

Ledri Xikwembu Nkulukumba angatxhulula hi kutala henhla kweru, hivutivi hinkwabyu ni vutlhari,

Ef 1:9

ahipfuletela xihundla xa kurandra kwake, hikola ka vumbilu byake afaka ayanakanyile kuma yentxa ha Kriste.

Ef 3:11

Ledri hidro kungu ledri Xikwembu Nkulukumba adritraliki kusukela kusunguleni na adriyentxiki ha Yesu Kriste, Hosi yeru.

Va-le-Kolosa 1:12

Tlangelani Xikwembu Nkulukumba Tatana, lweyi angan'wiyentxa akuva lava faneliwaka hikuva ni xiyenge ku pfindla dra valulami, a livaningwini.

Va-le-Kolosa 3:24

Drimukani leswaku n'witayamukela hakelo dra pfindla ku Hosi, hikusa n'witirela Kriste, lweyi anga Hosi.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

Tito 3:7

akuva, hiyentxiwa valulami hi timpswalu ta Xikwembu Nkulukumba, hiva hindruluka, swanga hi kulavisela, vadi-va-pfindla dra vutomi lebyi byingahelikiki.

Va-Heberu 6:17

Hikolahu ka leswo, loko Xikwembu Nkulukumba, arandri kukombisa hi ntamu kuvadi va pfindla dra xidumbiso, leswaku a makungu yake hi lawa yakuka manga heli, atinhingenisi hi kufunga

Yakobe 2:5

Yingelani swinene vamakweru lava varandriwaka. Xikwembu Nkulukumba atihlawuleli lava vangaswisiwana ku mahlu ya misava, akuva avayentxa swipfundri hi kupfumela ni kuvayentxa vadi vapfindla va mfumu lowu Yene awudumbisiki lava murandraka?

I Ptr 1:4

leswaku n'wivani pfindla ledri dringabolikiki, drixwengiki, mfuri dringabunikiki, ledri dribekiseliwiki n'wine a Matilweni,

I Ptr 3:9

n'wingatlheliseli vubihi hi vubihi kumbe xiruku hi xiruku, kambe hi kuhambana ni leswo, hlayelani maritu manene hikusa n'wivitaneliwi leswo, akuva n'wiyamukela a pfindla dra nkateko.