ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:3 - ದೇವ್ನಿ ಖ್ಹಾಚಿ ವಚನ್

³ ಅಜು಼ ಬರಾಬರ್‌ನಿ ವಖ್ಹತ್‌ಮ, ದೇವ್ನೆ ಇನಿ ಉಪದೇಶ್‍ನ ಪ್ರಕಟ್‌ಕರ‍್ಯೊ. ಅಜು಼ ಯೊ ಮನ ದೆವೈರ‍್ಹೂಥು. ಅಜು಼ ರಕ್ಷಣೆ ದ್ಯವಾನಿ ದೇವ್ನಿ ಹುಕುಮ್‌ನಿಮತ್ ಮೇ ಬೋಲಿರಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:3 Iomraidhean Croise

ಮಾರ್ಕ 1:15

“ದನ್‌ಖ್ಹಾರ ಭರೈಗ, ದೇವ್ನಿ ರಾಜ್ಯ ಖನ್ನೆ ಐಗು! ತುಮಾರು ಪಾಪ್ನ ಖ್ಹಾರು ಮ್ಹೇಲಿನ್ ದೇವ್‌ಭಣಿ ಫರಿನ್, ದೇವ್ನಿ ಅಛ್ಛಿ ಸಮಾಚಾರ‍್ನ ನಂಬೊ!” ಕರಿ ಬೋಲ್ಯೊ.

ಮಾರ್ಕ 13:10

ಕತೋಬಿ ಜಗತ್‌ ಖತಮ್ ಹುವಾನ ಅಗಾಡಿ, ತಮಾಮ್‌ ಜ಼ಗ್‌ಜಾ಼ತ್‌ವಾಳನ ದೇವ್ನಿ ಅಛ್ಛಿ ಸಮಾಚಾರ್‌ನ ಬೋಲ್‌ನು.

ಮಾರ್ಕ 16:15

ಅನ ಬಾದ್‌ಮ ಇವ್ಣುನ, “ತುಮೆ ಜಗತ್ನಿ ಖ್ಹಾರಿ ಬಾಜು಼ಮ ಜೈ಼ನ್‌ ತಮಾಮ್‌ ಅದ್ಮಿನ ದೇವ್ನಿ ಅಛ್ಛಿ ಖಬರ್‌ನ ಬೋಲ್‌ನು.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:47

ದೇವ್ ಮನ ಬಚಾ಼ಡವಾಳೊ ಹುಯಿರ‍್ಹೋಸ್ತೆ ಇನಖ್ಹಾಜೆ ಮಾರು ಆತ್ಮ ಖ್ಹುಶಿ ಛಾ಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:36

ದೇವ್ನೆ ಇಸ್ರಾಯೇಲ್‌ನ ಅದ್ಮಿನ ಜೋ಼ಡ್ಮ ಬೋಲ್ಯೊಥೊ ಯೋಸ್ ಖ್ಹಾರಜ಼ಣನ ಪ್ರಭು ಹುಯಿರ‍್ಹೋಸ್.ಯೊ ಯೇಸು ಕ್ರಿಸ್ತಾಥೀಸ್ ಸಮಾಧಾನ್ ಆವ್‍ಶೆಕರಿ ಬೋಲಾನು ಸುವಾರ್ತೆನ ದೇವ್ನೆ ಇವ್ಣುನ ಮೋಕ್‌ಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 17:26

ದೇವ್ನೆ ಏಕ್‌ ಅದ್ಮಿನ ಬಣಾವ್‍ತೊ ಹುಯಿನ್ ಅದಮ್‍ಜ಼ಮಾನಾನು ಝೂ಼ಂಡ್‌ ಶುರುಕರ‍್ಯೊ. ಇನೇಥಿ ಬಿಜು಼ ಅಖ್ಖೂಸ್ ಅದ್ಮಿನ ಜಗತ್‌ನು ಕಿಜ಼್ಜಕಿಜ್ಜಾ಼ಬಿ ಇವ್ಣೆ ಜಿವ್ಣು ಕರಾನಿತರ ಕರ‍್ಯೊ. ಇವ್ಣೆ ಕದೆ ಅಜು಼ ಕಿಜ಼್ಜಕಿಜ್ಜಾ಼ ರ‍್ಹೇವ್ಣುಕರಿ ಬೋಲಾನು ನಿರ್ಧಾರ್ ಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:19

ಅಜು಼ ಖ್ಹಣೇದ್ನ ಕಾಮ್‍ಥೀಬಿ, ಅದ್ಭುತ್‌ಕಾಮ್‌ನಿ ತಾಖತ್ತಿ ಅಜು಼ ದೇವ್ನುಆತ್ಮನ ಕಾಮ್‍ಥೀಬಿ ಕರಿರಾಖ್ಯೊಸ್. ಇನಖ್ಹಾಜೆ ಯೆರೂಸಲೇಮ್‍ಥೊ ಧರೀನ್ ಇಲ್ಲುರಿಕ ತಬರ್‌ಖಾಲಗು ಜಾ಼ವಾನಿ ವಖ್ಹ್‌ತೆ ಮೇ ಕ್ರಿಸ್ತನಿ ಸುವಾರ್ತೆನ ಅಖ್ಖಿ ಪೂರಫೈಲಾಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:26

ಹಮ್ಕೆ ಯೋ ಖ್ಹಾಚು಼ ಪ್ರವಾದ್‍ನೆನು ನಿಯಮ್‌ಥಿ ಹಮ್ಕೆ ಭಡ್‍ಕೈನ್ ಲೈರಾಖ್ಯುಸ್; ಅಜು಼ ಹರ್‌ಹಮೇಶ ರ‍್ಹವಾಳ ದೇವ್ನಿ ಹುಕುಮ್‌ನಿಮತ್ ಅಖ್ಖಾಸ್ ಜ಼ಗ್‌ಜಾ಼ತ್ನ ಅದ್ಮಿವೋನ ಮಾಲುಮ್‍ಪಡಾನಿ ಘೋಣಿ ಕರಿರಾಖ್ಯುಸ್, ಅಮ್ ವಿಧೇಯ ಹೋಣು ಅಜು಼ ವಿಶ್ವಾಸ್‌ ಕರ‍್ನು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:6

ಅಪ್ಣೆ ಪಾಪ್‌ಥಿ ಬಿಣ್‍ ಶಕತ್‌ವಾಳ ಹುಯಿರಾತೆ ತದೇಸ್‌ ದೇವ್ನೆ ಚೂ಼ಣಿಲಿದೊತೆ ವೇಳ್ಮ ಕ್ರಿಸ್ತನೆ ಖರಾಬ್ ಅದ್ಮಿವೋನಖ್ಹಾಜೆ ಮರ‍್ಯೊ.

1 ಕೊರಿಂಥ 9:17

ಮೇ ಶೊಂತ್‍ ಮರ್ಜಿಥಿ ಆ ಕಾಮ್‍ಕರ‍್ಯೊಹೊತ್ತೊ ಮನ ಪ್ರತಿಫಲ್ ಮಳ್‍ಶೆ; ಕತೋಬಿ ಮೇ ಕರ್ನುಸ್‌ಕರಿ ಮೇ ಕರ‍್ಯೊ.

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

ಎಫೆಸ 1:10

ಆ ಖ್ಹೂಜ಼್‌ನ ಬರೊಬರ‍್ನಿ ವಖ್ಹತ್‌ಮ ಪೂರಕರಸ್‍. ಖ್ಹಾರಿ ಉಬ್‍ಜಾ಼ವ್ಣಿ ಧರ್ತಿಬಿ ಪರಲೋಕ್‌ಮ ಕ್ರಿಸ್ತನ ಮುಡ್‌ಕ್ಯು ಕರಿ ಬಣೈನ್ ಎಕ್ಟು ಕರ್ಶೆ.

ಎಫೆಸ 2:17

ಆಬಿ ಕಾಹೆತೆ ಯೊ ಅಯಿನ್ ದೂರ್ ಹುಯಿರ‍್ಹಥಾತೆ ತುಮೂನಾಬಿ ಅಜು಼ ಖನ್ನೆ ಹುಯಿರ‍್ಹುಥೂತೆ ಯೆಹೂದ್ಯರ್‌ನಾಬಿ ಸಮಾಧಾನ್ನಿ ಸುವಾರ್ತೆನ ಬೋಲ್ಯೊ.

ಫಿಲಿಪ್ಪಿ 1:13

ಕಿಮ್‌ಕತೊ ಮೆ ಜೇಲ್‌ಮ ರ‍್ಹವಾನು ಕ್ರಿಸ್ತನ ಖ್ಹಾಜೆಸ್ ಕರಿ ಮಹೇಲ್‌ನ ಕಾವ್ಲಿ ಕರಾವಾಳ ಖ್ಹಾರನಾಬಿ ಬಿಜು಼ಖ್ಹಾರನಾಬಿ ಮಾಲುಮ್‌ಪಡ್ಯು.

ಕೊಲೊಸ್ಸೆ 1:23

ಆಕಾಶ್‍ನ ಹೇಟ್‍ಛಾ಼ತೆ ತಮಾಮ್‌ ಉಬ್‍ಜಾ಼ವ್ಣಿನ ಅಜು಼ ತುಮೆ ಬೋಲಿರಾಖ್ಯಥಾತೆ ಸುವಾರ್ತೆನಿ ಆಖ್ಹ್‌ಥಿ ಧಕೇಲೈ ನಾಜಾ಼ವ್ಣುತೆ ಘಟ್‍ಥಿ ವಿಶ್ವಾಸ್ಮ ಭೀರ‍್ಯಾವಾಳ ಹುಯಿರ‍್ಹಾತೊ, ತುಮೆ ಹದಿಪಾಯ ಅಜು಼ ಘಟ್‍ಥಿ ಭೀರಿಶು. ಆಸ್ ಸುವಾರ್ತೆನ ಪೌಲಕರಿ ಮೆ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 1:6

ತುಮೆ ಖ್ಹಾಚಾಮ ದೇವ್ನಿ ವಾರ್‌ಖ್ಹಾನ ಖ್ಹಮ್‌ಜಿನ್‌ ಮಾಲುಮ್ ಕರಿರಾಖ್ಯಾತೆ ದನ್‌ಥು ತುಮಾರಕನ ಆಯುತೆ ಯೋ ಸುವಾರ್ತೆನ ಜಗತ್‌ಮಖ್ಹಾರು ಫಲ್‍ದಿದೂತೆ ತಿಮ್ಮಸ್ ತುಮಾರಮಾಬಿ ಫಲ್‍ದೀನ್‍ ಭಢುಕರಸ್.

1 ಥೆಸ 2:4

ಅನಬದಲ್ ದೇವ್ ಕದೇಬಿ ಶನ ಲ್ಹಾಯಕ್ ಕರಸ್ಕಿ ಇನಾಸ್ ಅಪ್ಣೆ ಬೋಲಿಯೇಸ್. ಶನಕತೊ ಯೋ ಅಪ್ಣುನ ತರೀಪ್‌ಶ ಕರೀನ್ ಹಮೆ ಯೋಗ್ಯಹುಯಿರಾತೆ ಅದ್ಮಿಕರಿ ಇನಿ ಅಛ್ಛಿ ಸಂದೇಶ್ನ ಇನೆ ಅಪ್ಣುನ ದೀರಾಖ್ಯೊಸ್. ಹಮೆ,ದಿಲ್ನ ತರೀಪ್ಷ ಕರಾವಾಳ ದೇವ್ನ ಖ್ಹಾಜ಼ನುಸ್ ಕರಿಯೇಸ್.

1 ತಿಮೊ 1:1

ಕ್ರಿಸ್ತ ಯೇಸುನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ, ತಿಮೊಥೆನ ಲೀಖ್ಯೋತೆ, ಅಪ್ಣ ಬಚಾ಼ಡವಾಳೊ ದೇವ್‌ಬಿ ಅಪ್ಣಿ ಭರೋಖ್ಹಾನ ಆಧಾರ್ ಹುಯಿರ‍್ಹೋತೆ ಕ್ರಿಸ್ತ ಯೇಸುನಿ ಹುಕುಮ್ನಿಮತ್ ಮೇ ಅಪೊಸ್ತಲ ಹುಯೊ.

1 ತಿಮೊ 1:11

ಆ ಸುವಾರ್ತೆ ಯೋಗ್ಯಹುಯಿರೊತೆ ದೇವ್ನಿ ಮಹಿಮೆನ ದೆಖಾವನಿ ಸುವಾರ್ತೆನಿಮತ್ ಛಾ಼. ಆ ಸುವಾರ್ತೆನಿ ಸೇವೆ ಮನ ದೇವೈರ‍್ಹುಸ್.

1 ತಿಮೊ 2:3

ಆ ಹೈರುತೆ ಅಛ್ಛು಼ ಅಜು಼ ಅಪ್ಣೊ ರಕ್ಷಕ್ ಹುಯಿರೋತೆ ದೇವ್ನ ಪಸಂದ್‍ನು ಹುಯಿರುಸ್.

1 ತಿಮೊ 4:10

ಅಜು಼ ಹಮೆ ಕಠಣ್‍ಥಿ ಖ್ಹಮಾಳಿನ್ ವಾಖ್ಯೊ ಪಡುಕರ‍್ಯೇಸ್. ಹಮೆ ಹಮಾರ ಭರೋಖ್ಹಾನ ಜಿವ್ತ ದೇವ್ನ ಉಪ್ಪರ್ ರಾಖಿಮ್ಹೇಲ್ಯಸ್. ಯೋ ಅಖ್ಖಾನ ಬಚಾ಼ಡವಾಳೊ ಅಜು಼ ಜಾ಼ಖ್ಹತ್ ವಿಶ್ವಾಸ್ ಕರವಾಳನ ರಕ್ಷಕ್ ಹುಯಿರೋಸ್.

2 ತಿಮೊ 4:17

ಕತೋಬಿ ಪ್ರಭುನೆ ಮಾರ ಜೋ಼ಡೆಸ್ ರ‍್ಹೀನ್, ಮನ ಭಾಲಿದಿದೊ. ಅಜು಼ ಮೇ ಪರೈಜಾ಼ತ್‌ವಾಳು ಖ್ಹಾರು ಪೂರಿ ತರಿಕಾಥಿ ಖ್ಹಮ್‌ಜಾ಼ನಿಮತ್ ದೇವ್ನಿ ಸುವಾರ್ತೆನ ಬೋಲಾನಿಘೋಣಿ ಕರ‍್ಯೊ. ಎತ್ರೇಸ್ ಕಾಹೆತೆ ಇನೆ ಮನ ಶುಂಭಾನ ಮ್ಹೋಡಮಾಥು ಛೋ಼ಡಾಯೊ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:10

ಇವ್ಣ ಯಜಮಾನ್ನ ಫರೈವಾತೆ ನಾಬೋಲ್ನುತೆ, ಶಾತ್ಬಿ ಚೋ಼ರಿ ನಾ ಕರ್ನುತೆ, ಇವ್ಣೆ ಅಛ್ಛಿ ವಿಶ್ವಾಸ್ನಕರಿ ವತಾಳ್ಣು. ಅನೇಥಿ ಅಪ್ಣೊ ರಕ್ಷಕ್ ಹುಯಿರ‍್ಹೋತೆ ದೇವ್ನಿ ಬೋಧನೆನ ಅಖ್ಖೀಸ್ ಪರಕ್ಮ ಗೌರವ್ ಮಳಾನಿಘೊಣಿ ಚಾ಼ಲಿಲೇವ್ಣು ಕರಿ ಇವ್ಣುನ ಬೋಲ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಪ್ರಕಾಶಿತ್ 14:16

ಇಮ್ಮಸ್ ವಾದ್ಳಪರ್ ಬೆಠೋಥೋತೆ ಯೊ ಇನಿ ಚಾ಼ಲ್ತಿ ದರಾತಿನ ಜ಼ಮೀನ್‌ಪರ್ ನಾಖ್ಯೊ. ತದೆ ಜ಼ಮೀನ್‌ಪರ್‌ನು ಅನಾಜ಼್ ವ್ಹಡೈಗು.