ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2 - ದೇವ್ನಿ ಖ್ಹಾಚಿ ವಚನ್

² ಆಹೈರುತೆ ಖ್ಹಾಚ ಜಿ಼ಂದ್‌ಗೀನ ಭರೋಖ್ಹಾಪರ್ ಆಧಾರ್ ಹುಯಿರ‍್ಹೂಸ್. ದೇವ್ ಕೆದೇಬಿ ಝೂ಼ಟಿ ಬೋಲಾಕೊಯ್ನಿ. ಯೋ ಜಿವ್ಣಾನಿ ಬಾರೇಮ ಅಪ್ಣುನ ದಿಶೆ ಕರಿ ಹಗಾಮ್ನ ಪಹಿಲೆಥೂಸ್ ವಾಗ್ದಾನ್‌ ಕರಿರಾಖ್ಯೋಸ್.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:2 Iomraidhean Croise

ಮತ್ತಾಯ 25:34

ತದೆ ರಾಜಾ಼ ಇನಿ ಖಾವಿ ಬಾಜೂ಼ಮ ಭಿಯುತೆ ಅದ್ಮಿ ಖ್ಹಾರಾನ, ‘ಮಾರ ಬಾನೆ ಆಶೀರ್ವಾದ್‌ ಕರ‍್ಯೊತೆ ತುಮೆ ಆವೊ, ಜಗತ್‌ ಉಬ್‌ಜ್ಯುತೆ ತಪ್‌ಥು ತುಮಾರಖ್ಹಾಜೆ ತೈಯಾರ್ ಹುಯಿರ‍್ಹೂತೆ ರಾಜ್ಯನ ಅಲ್ಲೇವೊ.

ಮತ್ತಾಯ 25:46

ತದೆ ಖರಾಬ್ ಅದ್ಮಿ ಖ್ಹಾರಾನ ಹರ್‌ಹಮೇಶಾನಖ್ಹಾಜೆ ಡಂಡ್ ಉಶೆ ಅಜು಼ ಧರ್ಮಿ ಖ್ಹಾರಾನ ಹರ್‌ಹಮೇಶಾನಿ ಜಿ಼ಂದ್‌ಗಿ ಮಳ್‌ಶೆ.

ಮಾರ್ಕ 10:17

ಯೇಸು ನಿಕ್ಳಿನ್‌ ವಾಟ್‌ ಧರೀನ್ ಜಾ಼ವಾನಿ ವಖ್ಹತ್‌ಮ, ಏಕ್‌ ಜ಼ಣೊ ನಾಖ್ಹ್‌ತೊ ಐನ್, ಇನ ಖ್ಹಾಮೆ ಗುಡ್‍ಘ್ಯ ಟೇಕಿನ್, “ಅಛ್ಛೊ಼ ಗುರು, ಹಮೇಶಾನಿ ಜಿ಼ಂದ್‌ಗಿ ಮಳ್‌ಣುಕತೊ, ಮೇ ಶಾತ್‌ ಕರ‍್ನು?” ಕರಿ ಫುಛಾ಼ಯೊ.

ಮಾರ್ಕ 10:30

ಇನ ಜ಼ಮೀನ್‌ಪರ್ ರ‍್ಹವಾನಿ ವಖ್ಹತ್‌ಮ ಖ್ಹೋ ಪಟ್‌ ಜಾ಼ಖ್ಹತ್ ಕೈಯೆಕ್ಕಿ ಘರ್, ಭೇನೆ, ಭೈಯೇ, ಆಯ, ಲಡ್ಕಾ, ಖೇತರ್‌ ಅಜು಼ ಅದ್ಮಿಥಿ ಲತಾಡಾಬಿ ಮಳ್‌ಶೆಸ್‌ ಮಳ್‌ಶೆ. ಅಜು಼ ವಳ್ಯಾವಾತೆ ಜಂಗ್‌ಮ ಹರ್‌ಹಮೇಶ ರ‍್ಹವಾನಿ ಜಿ಼ಂದ್‌ಗಿ ಮಳ್‌ಶೆ.

ಯೋಹಾನ 10:28

ಮಾರ ಮೇಂಢಖ್ಹಾರಾನ ಮೇ ಹರ್‌ಹಮೇಶಾನಿ ಜಿ಼ಂದ್‌ಗಿ ದೀಶ್, ಅಜು಼ ಇವ್ಣೆ ಕದೇಬಿ ಮರ್‌ಶೆ ಕೊಯ್ನಿ. ಕೋಣ್‌ಬಿ ಇವ್ಣುನ ಮಾರ ಹಾತ್‌ಮಾಥು ಛಿನಾವಾನ ಕೋ ಉಶೇನಿ.

ಯೋಹಾನ 17:2

ತುನೆ ಇನಖ್ಹಾರ ಅದ್ಮಿಪರ್ ಅದಿಕಾರ್ ದೀರಾಖ್ಯೊಸ್. ತುನೆ ಇನ ಕಿನಕಿನ ದೀರಾಖ್ಯೊಸ್ಕಿ, ಇವ್ಣ ಖ್ಹಾರಾನ ಯೋ ಹಮೇಶಾನಿ ಜಿ಼ಂದ್‌ಗಿ ದೇವ್ಣುಕರಿ ಹುಯಿರ‍್ಹೀಸ್.

ಯೋಹಾನ 17:24

“ಬಾ! ತುನೆ ಅವ್ಣುನ ಮನ ದಿದೊ, ಅಜು಼ ಮೇ ಕಿಜ್ಗಾ಼ ರ‍್ಹವುಸ್‍ಕಿ ಹಿಜ್ಜಾ಼ಸ್ ಅವ್ಣೇಬಿ ರ‍್ಹೇವ್ಣುಕರಿ ಅಜು಼ ಆ ಜಗತ್ನ ಉಬ್ಜಾ಼ನ ಅಗಾಡಿಸ್, ತುನೆ ಮನ ಪ್ಯಾರ್ ಕರೀನ್, ಮನ ದಿದೋತೆ ಮಹಿಮೆನ ಅವ್ಣೆ ದೇಕ್ಣು ಕರಿ ಮೇ ಆಖ್ಹ್ ಕರುಸ್.

ಯೋಹಾನ 5:39

ತುಮೆ ಕೆತ್ರುಕ್ಕಿ ಧರ್ಮಶಾಸ್ತ್ರನ ಪಢೋಸ್‌, ಯೋ ತುಮೂನ ಹಮೇಶಾನಿ ಜಿ಼ಂದ್‌ಗಿ ದಿಶೆ ಕರಿ ತುಮೆ ಸೋಚೋ಼ಸ್, ಕತೋಬಿ ಯೋ ಖ್ಹಾರು ದಪ್ತರ್ ಮಾರಿ ಬಾರೇಮಸ್ ಸಾಕ್ಷಿ ದ್ಯವಾನು ಹುಯಿರುಸ್.

ಯೋಹಾನ 6:54

ಕೋಣ್ ಮಾರಿ ಬೋಟಿನ ಖಾಸ್ಕಿ, ಮಾರು ಲ್ಹೋಯಿನ ಪಿಯ್ಯಾಸ್‍ಕಿ ಇವ್ಣುನ ಹರ್‌ಹಮೇಶಾನಿ ಜಿ಼ಂದ್‌ಗಿ ಛಾ಼, ಅಜು಼ ಮೇ ಇನ ಖ್ಹರ್ತಿನ ದನ್ಮ ಜಿವ್ತು ಉಠಾಡಿಶ್‌.

ಯೋಹಾನ 6:68

ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತುನ ಮ್ಹೆಂದಿನ್ ಹಮೆ ಕಿಜ್ಗಾ಼ ಜ಼ಯ್ಯೆ? ತಾರಕನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನಿ ವಾತೆ ಛಾ಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 15:18

ಶುರುಮಾಥು ಆ ಖ್ಹಾರು ಕಾಮ್ನ ಖ್ಹಮ್‌ಜಾ಼ಡ್ಯೊತೆ ಪ್ರಭು ಬೋಲುಕರಸ್, ಕರಿ ಲೀಖೈರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:2

ದೇವ್ನೆ ಘಣ ಹಗಾಮ್ನಪಾರ್‌ ಪವಿತ್ರ ದಪ್ತರ್‌ಮ ಇನ ಪ್ರವಾದಿಖ್ಹಾರಾಥಿ ವಾಗ್ದಾನ್ ಕರ‍್ಯೊತೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:7

ಥೋಡುಜ಼ಣು ಅಛ್ಛಾ಼ನ ಕರ್ತುಹುಯಿನ್. ಮಹಿಮೆ, ಇಜ಼್ಜತ್‌, ಹಮೇಶನಜಾನ್ನ ಜಿವ್ಣನ ಢೂಂಡಸ್. ಇವ್ಣುನ ದೇವ್ ಹರ್‌ಹಮೇಶಾನಿ ಜಿ಼ಂದ್‌ಗಿ ದಿಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:2

ಇನೆ ಅಪ್ಣುನ ವಿಶ್ವಾಸ್‍ಥಿ ದೇವ್ನಿ ಕೃಪೆನ ಆಖ್ಹ್‌ರಾಮ ಲಾಯೊ. ಹಮ್ಕೆ ಅಪ್ಣೆ ಇನಮಹಿ ಜಿವುಕರಿಯೇಸ್. ಇನಖ್ಹಾಜೆ ದೇವ್ನಿ ಮಹಿಮೆಮ ಅಪ್ಣೆ ಭಾಗ್‍ಹುಯಿರ‍್ಹಾಸ್‍ಕರಿ ನಂಬಿನ್ ಇನಮಹಿ ಅಪ್ಣೆ ಹುಮ್ಮಖ್ಹ್‌ ಲಿಯೇಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:21

ಕಿಮ್ ಪಾಪ್ ಮರಣ್‍ಥಿ ರಾಜ಼್ ಚ಼ಲಾಯುಕಿ ಇಮ್ಮಸ್ ದೇವ್ನಿ ವಾರ್‌ಖ್ಹೊ ಅಪ್ಣೊ ಪ್ರಭು ಯೇಸುಕ್ರಿಸ್ತಥಿ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನ ನೀತಿಥಿ ರಾಜ಼್ ಚ಼ಲಾವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:4

ಖ್ಹಮಾಳಿಲ್ಯವಾನು ಹುಯಿರ‍್ಹುತೆ ಅಪ್ಣುನ ದೇವ್‌ಮ ಘಟ್‍ಥಿ ರ‍್ಹವಾಖ್ಹರ್‌ಕು ಕರಸ್, ಅಜು಼ ದೇವ್‌ಮ ಘಟ್‍ಥಿ ರ‍್ಹಿಯಾತೊ ಅಪ್ಣಾಮ ಭರೋಖ್ಹಾನ ಉಬ್‌ಜಾ಼ವಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:23

ಶನಕತೊ ಪಾಪ್ ದೇಯಿತೆ ಮಜ಼್‌ದೂರಿ ಮರಣ್ ಹುಯಿರುಸ್. ಕತೋಬಿ ದೇವ್ನು ಫುಗಟ್ ಇನಾಮ್ ಅಪ್ಣೊ ಪ್ರಭು ಕ್ರಿಸ್ತಯೇಸುನ ಗಳ್‌ಜೋ಼ಡ್ಮ ಅಪ್ಣುನ ದಿಶೇತೆ ಹಮೇಶಾನಿ ಜಿ಼ಂದ್‌ಗೀಸ್.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

1 ಥೆಸ 2:15

ಇವ್ಣೆ ಪ್ರಭು ಹುಯಿರ‍್ಹೋತೆ ಯೇಸುನಾಬಿ, ಖ್ಹಾರ ಪ್ರವಾದಿನಾಬಿ ಮರೈನಾಖ್ಯು ಅಜು಼ ಹಮುನಾಬಿ ನಖ್ಹಾಡಿದಿದು. ಇವ್ಣೆ ದೇವ್ನ ಖ್ಹಾಜಾ಼ತೆ ಇಮ್‌ ಕರಾವಾಳು ಕಾಹೆ! ಅಜು಼ ಇವ್ಣೆ ತಮಾಮ್‌ ಅದ್ಮಿನ ಖೂಮ್ನ ದುಶ್‌ಮನ್‌ ಹುಯಿರ‍್ಹಾಸ್!

1 ಥೆಸ 5:8

ಕತೋಬಿ ಅಪ್ಣೇತೊ ದನ್ ಭಣಿವಾಳ ಹುಯಿರ‍್ಹಾಸ್. ಇನಖ್ಹಾಜೆ ಅಪ್ಣು ಅಪ್ಣೆ ದಾಬುಕ್ಮ ರ‍್ಹಿಯೆ. ಅಪ್ಣೆ ಪ್ಯಾರ್ ಅಜು಼ ವಿಶ್ವಾಸ್‌ನಿ ಕವಚ್‌ನ ಛಾ಼ತಿಪರ್ ಪೇರ‍್ಹಿಲೇವ್ಣು ಅಜು಼ ರಕ್ಷಣೆನಿ ವಿಶ್ವಾಸ್‌ಕರಿ ರ‍್ಹವಾನು ಮುಡ್‌ಕ್ಯಾನ ಕವಚ್‌ನ ಫೇರಿಲೇವೊ,

1 ತಿಮೊ 6:12

ವಿಶ್ವಾಸ್‌ನಿ ಹರ್‌ಜಿತ್‌ಮ ತುನ ಹುವಾಯೆತ್ರೆ ಅಛ್ಛಿನಿತರ ಮಿಲೈನ್‌, ತಾರಖ್ಹಾಜೆ ಹಮೇಶಾನಿ ಜಿ಼ಂದ್‌ಗೀನ ಜೂತಿಲೆ. ತುನ ಅನಖ್ಹಾಜೆಸ್ ದೇವ್ನೆ ಬುಲಾಯೋತೆ, ಅಜು಼ ಕೈಯೆಕ್ಕಿ ಸಾಕ್ಷಿನ ಖ್ಹಾಮೆ ತುನೆ ಶಪತ್ ಲೀರಾಖ್ಯೋಸ್.

1 ತಿಮೊ 6:19

ಅನೇಥಿ ಇವ್ಣೆ ಜಿವ್ಣು ಧರಿರಾಕ್‍ಶೆ ಯೋ ಖ್ಹಾಚ಼ನು ಜಿವ್ಣು ಹುಯಿರುಸ್. ಅಮ್ ಕರ‍್ಯೂತೊ, ಇವ್ಣೆ ಇವ್ಣಖ್ಹಾಜೆ ಏಕ್‌ ಟಜ್ರೀನ ಜ಼ಮ ಕರಾದಾಖ್ಹಲ್, ಯೋ ಇವ್ಣಿ ಖ್ಹಾಮ್ಣೇನಿ ಜಿ಼ಂದ್‌ಗೀನಖ್ಹಾಜೆ ಏಕ್‌ ಘಟ್ ಹದಿಪಾಯ ಹುಯಿರ‍್ಹಿಶೆ.

2 ತಿಮೊ 1:1

ಅಪೊಸ್ತಲ ಹುಯಿರೋತೆ ಪೌಲನೆ, ಇನೊ ಪ್ಯಾರ್‌ನೊ ಛಿಯ್ಯೊ ತಿಮೊಥೆನ ಲೀಖ್ಯೋತೆ ಶಾತ್‌ಕತೊ, ಪೌಲಾಥಿ ಯೋ ದೇವ್ನಿ ಮರ್ಜಿನಿತರ ಕ್ರಿಸ್ತ ಯೇಸುಮ ಛಾ಼ತೆ ಜಾನ್ನಿ ವಾಗ್ದಾನ್ನ ಬೋಲಾನಖ್ಹಾಜೆ ಕ್ರಿಸ್ತ ಯೇಸುನೊ ಅಪೊಸ್ತಲ ಹುಯಿರೋಸ್.

2 ತಿಮೊ 1:9

ಇನೆ ಅಪ್ಣಾಮ ಛಾ಼ತೆ ಅಛ಼್ಛಕಾಮ್‌ನ ದೇಖ್ಯೊತೆ ಇನಖ್ಹಾಜೆ ಕಾಹೆ. ಇನಿ ಖ್ಹೂಜ಼್‍ಥಿ ಅಜು಼ ವಾರ್‌ಖ್ಹೇಥಿ ಅಪ್ಣುನ ಬಚಾ಼ಡಿನ್ ಪರಿಶುದ್ ಹುವಾನ ಬುಲಾಯೊ, ಇನೆ ಜ಼ಗ್‌ಜ಼ಮಾನೇಥಿ ಯೊ ವಾರ್‌ಖ್ಹೊ ಯೇಸು ಕ್ರಿಸ್ತಥಿ ಅಪ್ಣುನ ಮಳ್ಯು.

2 ತಿಮೊ 2:10

ಅನಖ್ಹಾಜೆಸ್ ದೇವ್ನೆ ಚೂ಼ಣಿರಾಖ್ಯೊತೆ ಅದ್ಮಿನಾಬಿ ಮಾರ ಜೋ಼ಡೆ ಇವ್ಣಖ್ಹಾಜೇಸ್ ಮೇ ಖ್ಹಾರುಸ್ ಖ್ಹಮಾಳಿಲೆವ್‌ಕರೂಸ್. ಕ್ರಿಸ್ತ ಯೇಸುಮ ಛಾ಼ತೆ ರಕ್ಷಣೆನ, ಇನಿ ಹಮೇಶಾನಿ ಮಹಿಮೆನ ಜೋ಼ಡೆ ಲೀಲೆಣು.

2 ತಿಮೊ 2:13

ಅಪ್ಣೆ ವಿಶ್ವಾಸ್‌ವಾಳ ನಾ ರ‍್ಹಯಾತೋಬಿ, ಯೋ ವಿಶ್ವಾಸ್‌ರ‍್ಹವಾಳೊ ಹುಯಿರ‍್ಹೋಸ್. ಶನಕತೊ ಯೋ ಇನಿ ಸ್ವಭಾವ್‌ನ ವಿರೋದ್ ಶಾತ್ಬಿ ಕರಾಕೊಯ್ನಿ.

2 ತಿಮೊ 2:15

ದೇವ್ನ ಡೋಳಾಮ ಲ್ಹಾಯಕ್‌ನು ಅದ್ಮಿಹುಯಿನ್ ದೆಖೈಲ್ಯವಾನಟೇಕೆ ತಾರಿ ಅಖ್ಖಿ ಶಕಥ್ಥಿ ಕೋಶಿಶ್ ಕರ್‌, ಅನೇಥಿ ವಾತೇಮಾಬಿ ರ‍್ಹವೊ ಇವ್ಣ ಕಾಮ್ ಖ್ಹಾರಾನಾಬಿ ರ‍್ಹವೊ ಖ್ಹರಮ್‌ ಕಾಡಾನಿಘೋಣಿ ನಾರ‍್ಹೇವ್ಣು ಅಜು಼ ದೇವ್ನಿ ಖ್ಹಾಚಿ ವಚನ್ ಬರಾಬರ್‌ಥಿ ಬೋಲಿದ್ಯವಾಳೊ ಹುಯಿರ‍್ಹೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:7

ತುಮಾರ ಭೋದನ್ ಕಾಮ್ ಖ್ಹಾರಾಮ, ತೂ ಕಿಮ್ ರ‍್ಹೇಸ್ಕಿ ತಿಮ್ ಬಿಜೇಕ್ ಜ಼ಣಾನ ಬರಾಬರ್‌ಥಿ ವತಾಳಿಲೆ. ತೂ ಶಿಕಾನ ಹಗಾಮ್ಮ ಇಮಾನ್‌ದಾರ್ ಅಜು಼ ಗ್ರಿಸ್ತಿಥಿ ರ‍್ಹೇ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 3:7

ಅನಖ್ಹಾಜೆ ದೇವ್ನೆ ಅಪ್ಣುನ ಇನಿ ವಾರ್‌ಖ್ಹೇಥಿ ಇಮಾನ್‌ದಾರ್ ಬಣೈರಾಖ್ಯೊಸ್. ಅನೇಥಿ ಅಪ್ಣೆ ಭರೋಖ್ಹೊ ಕರಿರಾಖ್ಯಾತೆ ಯೊ ಹಮೇಶಾನಿ ಜಿ಼ಂದ್‌ಗಿ ಮಳಾದೆ ಕರಿ ಆ ಖ್ಹಾಚಿವಾತೆ ಬೋಲೈರ‍್ಹೀಸ್.

1 ಯೋಹಾನ 2:25

ಯೋ ಅಪ್ಣುನ ವಾಗ್ದಾನ್ ಕರಿರಾಖ್ಯೊಸ್ತೆ ಶಾತ್‍ಕತೊ ಹಮೇಶಾನು ಜಾನ್‌.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:21

ದೇವ್ನಿ ಪ್ಯಾರ್‌ಮ ಭೀರ‍್ಹೆವೊ. ಹಮೇಶಾನು ಜಾನ್ನ ಲೀಲ್ಯಾವನಖ್ಹಾಜೆ ಪ್ರಭುಹುಯಿರ‍್ಹೋತೆ ಯೇಸು ಕ್ರಿಸ್ತನು ಗೋರ್‌ನಾಸ್ ಟಿವೈನ್ ದೇಖೊ.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.