ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:3 - ದೇವ್ನಿ ಖ್ಹಾಚಿ ವಚನ್

³ ದೇವ್‌ನೊ ಛಿಯ್ಯೊಹುಯಿರೊತೆ ಅಪ್ಣೊ ಪ್ರಭು ಯೇಸುಕ್ರಿಸ್ತನಿ ಬಾರೇಮ ಬೋಲಾನು ಹುಯಿರ‍್ಹುಸ್. ಅದಮ್‍ಜ಼ಮಾನನಿ ರೂಪ್‌ಮ ಯೋ ದಾವೀದನು ಖೂಮ್ಮ ಪೈದಹುಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:3 Iomraidhean Croise

ಮತ್ತಾಯ 1:1

ಹೈರಿತೆ ಯೇಸು ಕ್ರಿಸ್ತನಿ ಗುರುಗುರಬ್‍ಲ್ಯಾನಿ ಪಟ್ಟಿ: ಯೇಸು ದಾವೀದನೊ ಖಾಂದಾನ್‌ವಾಳೊ, ದಾವೀದ ಅಬ್ರಹಾಮನೊ ಖಾಂದಾನ್‌ವಾಳೊ.

ಮತ್ತಾಯ 1:16

ಯಾಕೋಬ ಯೋಸೇಫ್‌ನೊ ಬಾ, ಯೋಸೇಫ ಮರಿಯನೊ ಬಾವ್ರಿ. ಮರಿಯ ಯೇಸುನಿ ಆಯ, ಯೇಸುನ, ಬಚಾ಼ಡವಾಳೊ ಕ್ರಿಸ್ತ ಕರಿ ಚಿಕರ್ತುಥು.

ಮತ್ತಾಯ 1:6

ಇಷಯ ದಾವೀದ್‌ ರಾಜಾ಼ನೊ ಬಾ, ದಾವೀದ ಸೊಲೊಮೋನನೊ ಬಾ (ಸೊಲೊಮೋನ್ನಿ ಆಯ ಪಹಿಲೆ ಉರಿಯಾನಿ ಬಾವಣ್‍ ಹುಯಿರ‍್ಹೀಥಿ),

ಮತ್ತಾಯ 12:23

ತದೆ ಯೇಸುನೆ ಕರ‍್ಯೊತೆ ಇನ ದೇಖಿನ್, ಅದ್ಮಿಖ್ಹಾರು ಆಶ್ಚರ್ಯಖೈನ್, “ಆ ದಾವೀದ್‌ನೊ ಛಿಯ್ಯೊಕಿ ಶು?” ಕರಿ ಬೋಲಿಲಿದು.

ಮತ್ತಾಯ 15:22

ಯೋ ಮುಲಕ್‌ಮ ರ‍್ಹೇತಿಥೀತೆ ಕಾನಾನ್‌ವಾಳಿ ಏಕ್‌ ತಯೇಡ ಇನಾಕನ ಆಯಿನ್, “ದಾವೀದ್‌ನ ಛಿಯ್ಯಾ! ಪ್ರಭು, ಮಾರಪರ್ ಗೋರ್‌ ಕರ್‌! ಮಾರಿ ಛೋ಼ರಿಮ ಭೂತ್ ಛಾ಼ ಅಜು಼ ಘಣಿ ಖರಾಬ್ ಹಾಲ್‌ಮ ಯೋ ಛಾ಼” ಕರಿ ಚಿಕ್ರಿನ್ ಬೋಲಿ.

ಮತ್ತಾಯ 26:63

ಕತೋಬಿ ಯೇಸು ಖ್ಹೊಪ್ ಥೊ. ತದೆ ಮಹಾಯಾಜಕ್‌ನೆ ಪಾಛೊ಼, “ತುನ ಜಿವ್ತೊ ದೇವ್ನ ನಾಮ್‌ಪರ್‌ ಆಣ್‍ಲೀನ್, ಪುಛಾ಼ವುಸ್, ತೂ ದೇವ್‌ನೊ ಛಿಯ್ಯೊ ಕ್ರಿಸ್ತಸ್‌ಕಿಶು? ಹಮೂನ ಬೋಲ್” ಕರಿ ಬೋಲ್ಯೊ.

ಮತ್ತಾಯ 27:43

ಆ ದೇವ್ನ ಮಾನಿರಾಖ್ಯೊಸ್‌ನಿ, ಅಜು಼ ದೇವ್ನ ಆ ಹೋಣು ಉಶೇತೊ, ದೇವಸ್ ಇನ ಛೋ಼ಡಾವಾದೆ! ಮೇ ದೇವ್‌ನೊ ಛಿಯ್ಯೊ ಕರಿ ಇನೇಸ್‌ ಬೋಲಿಲಿದೋನಿ!” ಕರಿ ಬೋಲಿನ್ ಚಿಂಘಾಯು.

ಮತ್ತಾಯ 3:17

ತದೆ ಪರಲೋಕ್‌ಮಾಥು ಏಕ್‌ ಅವಾಜ಼್ ಹುಯು, “ಆ ಮಾರೊ ಪ್ಯಾರ್‌ನೊ ಛಿಯ್ಯೊ, ಅನೇಥಿ ಮೇ ಘಣು ಖ್ಹುಶಿ ಛೂ಼” ಕರಿ ಠವ್‌ಕೊ ಖ್ಹಮಜ್‍ಪಡ್ಯು.

ಮತ್ತಾಯ 9:27

ಯೇಸು ಹಿಜ್ಜಾ಼ಥೊ ಜಾ಼ವಾನಿ ವಖ್ಹತ್‌ಮ, ಬೇ ಜ಼ಣು ಕಾಣು, “ದಾವೀದ್‌ನ ಛಿಯ್ಯಾ, ಹಮಾರಪರ್‌ ಗೋರ್‌ ಕರ್‌!” ಕರಿ ಜೋ಼ರೇಖ್ಹು ಚಿಕರ್ತು ಹುಯಿನ್, ಇನ ಪೀಠೆ ಗಯ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:35

ತದೆ ದೇವ್‌ನೊ ದೂತನೆ ಮರಿಯನ, “ತಾರಪರ್ ಪವಿತ್ರಾತ್ಮ ಆವ್‌ಶೆ ಅಜು಼ ದೇವ್ನಿ ಶಕತ್‍ ಆಯಿನ್ ತಾರಪರ್ ಢಪಾವ್‌ಶೆ, ಅನಖ್ಹಾಜೆಸ್ ಪೈದಾ ಉಷೇತೆ ಯೋ ಪವಿತ್ರ ಲಡ್ಕು ದೇವ್‌ನೊ ಛಿಯ್ಯೊ ಕರಿ ಬೋಲೈಲಿಶೆ” ಕರಿ ಜವಾಬ್‌ ದಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:69

ಇನೊ ಸೇವಕ್ ಹುಯಿರ‍್ಹೊಥೋತೆ ದಾವೀದ್‌ನ ಖಾನ್‌ದಾನ್‌ಮಾಥು ಅಪ್ಣಖ್ಹಾಜೆ ಘಣಿ ಶಕತ್‌ವಾಳೊ ಏಕ್‌ ರಕ್ಷಕ್‌ನ ದೀರಾಖ್ಯೊಸ್.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 1:34

“ಮೇ ಇನ ದೇಖ್ಯೊ, ಅಜು಼ ಯೋಸ್ ದೇವ್‌ನೊ ಛಿಯ್ಯೊ ಕರಿ ಮೇ ಸಾಕ್ಷಿ ದೆವ್‍ಕರೂಸ್” ಕರಿ ಬೋಲ್ಯೊ.

ಯೋಹಾನ 1:49

ತದೆ ನತಾನಿಯೇಲನೆ ಇನ, “ಗುರು, ತೂ ದೇವ್‌ನೊ ಛಿಯ್ಯೊ! ತೂಸ್ ಇಸ್ರಾಯೇಲ್‌ನೊ ರಾಜ಼!” ಕರಿ ಬೋಲ್ಯೊ.

ಯೋಹಾನ 10:30

ಬಾಬಿ, ಮೇ ಎಕ್ಕಸ್ ಹುಯಿರ‍್ಹಾಸ್‌” ಕರಿ ಬೋಲ್ಯೊ.

ಯೋಹಾನ 10:36

ಬಾನೇಸ್ ಇನು ಶೊಂತ್‍ಛಿಯ್ಯೊನ ಚೂ಼ಣಿಲೀನ್, ಜಗತ್‌ಮ ಬೋಲಿ ಮೋಕ್‌ಲೈರ‍್ಹೋತೆ ಇನ ತುಮೆ ‘ಮೇ ದೇವ್‌ನೊ ಛಿಯ್ಯೊ ಹುಯಿರ‍್ಹೋಸ್ ಕರಿ ಬೋಲ್ತಾನ, ‘ತೂ ದೇವ್ನಿ ದೂಷಣೆ ಕರಾಸ್’ ಕರಿ ಬೋಲಸ್ತೆ ಶನ?

ಯೋಹಾನ 20:28

ತೋಮನೆ ಯೇಸುನ, “ಮಾರೊ ಪ್ರಭು, ಮಾರೊ ದೇವ್!” ಕರಿ ಜವಾಬ್‌ ದಿದೊ.

ಯೋಹಾನ 20:31

ಕತೋಬಿ ಯೇಸುಸ್‌ ಕ್ರಿಸ್ತ ಕರೀಬಿ, ದೇವ್‌ನೊ ಛಿಯ್ಯೊ ಕರೀಬಿ ತುಮೆ ನಂಬಿನ್, ಇನ ನಾಮ್‍ಥಿ ತುಮೂನ ಜಾನ್‌ ಮಳಾದೆ ಕರಿ ಅತ್ರುಖ್ಹಾರು ಲೀಖೈರ‍್ಹುಸ್.

ಯೋಹಾನ 5:25

ಮೇ ತುಮೂನ ಖ್ಹಾಚ ಬೋಲುಸ್ಕಿ, ಮರಿಗಯೂತೆ ಅದ್ಮಿ ದೇವ್ನ ಛಿಯ್ಯಾನಿ ಅವಾಜ಼್ ಖ್ಹಮ್‍ಜಾ಼ನಿ ವಖ್ಹತ್ ಆವ್‌ಶೆ. ಯೋ ವಖ್ಹತ್ ಹಂಕೇಸ್‌ ಐರ‍್ಹೀಸ್, ಖ್ಹಮ್‌ಜಾ಼ವಾಳು ಜಿವ್‌ಶೆ.

ಯೋಹಾನ 7:42

ದಾವೀದ್‌ನ ಖಾನ್‌ದಾನ್‌ಥೀಬಿ ಅಜು಼ ದಾವೀದ್‌ ಥೋತೆ ಬೇತ್ಲೆಹೇಮ್ ಕರಿಬೋಲಾನು ಗಾಮ್‌ಥೂಬಿ ಕ್ರಿಸ್ತ ಆವ್‍ಶೆಕರಿ ಧರ್ಮಶಾಸ್ತ್ರಮ ಬೊಲಾವಸ್‍ನಿ” ಕರಿ ಬೋಲ್ಯು.

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:30

ದಾವೀದ್ ಏಕ್‌ ಪ್ರವಾದಿಹುಯಿರಿನ್ ತಾರಿ ಪಿಳ್‌ಗೀಮ ಏಕ್‍ಜ಼ಣಾನ ತಾರಿ ಸಿಂಹಾಸನ್‌ಪರ್ ಬೆಖ್ಹಾಡಿಶ್. ಕರಿ ಇನ ದೇವ್ನೆ ಆಣ್‍ಕರಿನ್ ಬೋಲ್ಯೊತೆಯಿನ ಮಾಲುಮ್‌ಕರಿರಾಖ್ಯೊಥೊ

ಅಪೊಸ್ತಲರ್‌ನು ಕಾಮ್‌ಖ್ಹಾರು 3:13

ಅಪ್ಣೊ ಗುರುಗುರಬ್‌ಲ್ಯ ಹುಯಿರೋತೆ ಅಬ್ರಹಾಮ್ ಇಸಾಕ್ ಯಾಕೋಬನೊ ದೇವ್‌ ಅಜು಼ ಅಪ್ಣೊ ಗುರುಗುರಬ್‌ಲ್ಯನೊ ದೇವ್ ಇನೊ ದಾಸಹುಯಿರ‍್ಹೊತೆ ಯೇಸುನ ಮಹಿಮೆ ಕರಿರಾಖ್ಯೊಸ್. ಕತೋಬಿ ತುಮೆ ಇನ ಪಿಲಾತನ ಹಾತ್ಮ ಮಾರನ ಧರಿನ್‍ ದಿದಾ; ಬಿಜು಼ ಪಿಲಾತನೆ ಇನ ಛೋ಼ಡಾವ್ಣು ಕರಿ ಖ್ಹೂಜ಼್‌ ಕರಾದಿನ್, ಇನಖ್ಹಾಮ್ಣೆ ತುಮೆ ಯೇಸು ಹೋಣುಕೊಯ್ನಿ ಕರಿ ಬೋಲ್ಯ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 8:36

ಇವ್ಣೆ ವಳ್ಯಜಾ಼ತಥಾತೆ ವಾಟೆ ಪಾಣಿನಿ ಝ಼ಗೋಕನ ಆಯ. ಅಜು಼ ಅದಿಕಾರಿನೆ, ಹಂದೇಕ್ ಪಾಣಿ ಹೈರು ಮೇ ಬ್ಯಾಪ್ತಿಸ್ಮ ಲ್ಯಾವಾನ ಅಡ್ಡಿಶಾತ್‍? ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:20

ಪೌಲ ತದ್ನುತದೇಸ್, “ಯೇಸು ದೇವ್‌ನೊ ಛಿಯ್ಯೊ” ಕರಿ ಸಭೆ ಮಳಾನಿ ಝ಼ಗೋಮ ಬೋಲಾನ ಶುರು ಕರ‍್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:9

ದೇವ್ನ ಛಿಯ್ಯಾನಿ ಸುವಾರ್ತೆನ ಮನ್‍ಲಗಾಡಿನ್ ಬೋಲ್ತೊಹುಯಿನ್ ಇನಾಸ್ ಮಾರ ದಿಲ್‌ಥಿ ಸೇವೆ ಕರಾವಾಳೊಹುಯಿನ್ ಭೈಕೂಸ್ ಕೊಂತೆ, ತುಮಾರಖ್ಹಾಜೆ ಬಿಂತಿ ಕರುಕರಸ್. ಅನ ದೇವಸ್ ಸಾಕ್ಷಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 4:1

ಇಮ್‍ಕತೊ ಅಗ್ಲಿ ಪಿಳ್‌ಗಿವಾಳಾನ ಅಪ್ಣುನ ಗುರುಗುರಬ್‌ಲ್ಯೊ ಅಬ್ರಹಾಮ್‌ನೆ ಅನಿ ಬಾರೇಮ ಶಾತ್‍ಲೀಲಿದೊಕರಿ ಅಪ್ಣೆ ಬೋಲಿಯೆ?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:3

ಮಾರ ಭೈಯೇನಖ್ಹಾಜೆ ಮಾರಶೊಂತ್ ಅದ್ಮಿವೋನಖ್ಹಾಜೆ ಕ್ರಿಸ್ತಥಿ ದೂರ್‌ಹುಯಿನ್ ಶಾಪ್‌ಮ ಪಡಾಮಬಿ ತಯಾರ್ ಛು಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:5

ಗುರುಗುರಬ್‍ಲ್ಯೊಬಿ ಇವ್ಣುನ ಮಳ್ಯಹುಯ. ಕ್ರಿಸ್ತ ಅದ್ಮಿಹುಯಿನ್ ಇವ್ಣಿ ಖೂಮ್ಮ ಪೈದಹುಯೊ. ಆ ಖ್ಹಾರಸ್ನ ಉಪ್ಪರ್ ಛಾ಼ತೆ ದೇವ್ ಕದೆಕದೇಬಿ ಸ್ತುತಿ ಹುವಾದೆ ಆಮೆನ್.

1 ಕೊರಿಂಥ 1:9

ದೇವ್‌ನೊ ಛಿಯ್ಯೋಬಿ ಅಜು಼ ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತನಿ ಜೋ಼ಡ್ಮ ಮಳಿನ್ ರ‍್ಹವಾನಖ್ಹಾಜೆ ತುಮೂನ ಬುಲಾಯೋತೆ ದೇವ್ ವಿಶ್ವಾಸ್‌ವಾಳೊ ಹುಯಿರ‍್ಹೊಸ್.

1 ಕೊರಿಂಥ 10:18

ತುಮೆ ಇಸ್ರಾಯೇಲ್ ಅದ್ಮಿಯೇವ್‍ನ ಬಾರೇಮ ಸೋಚೊ. ಬಲಿ ಕರ‍್ಯಾಹುಯಾನ ಖಾವವಾಳು ಬಲಿಪೀಠ್ಮ ಭಾಗ್‌ಲ್ಯಾವಾಳು ಹುಯುಕೊಯ್ನಿಕಿ ಶು?

ಗಲಾತ್ಯ 4:4

ಕತೋಬಿ ಬರಬರ‍್ನಿ ವಖ್ಹತ್ ಆವಖ್ಹತರ್ ದೇವ್ನೆ ಇನ ಛಿಯ್ಯಾನ ಮೋಕ್‌ಲ್ಯೊ.ಯೊ ಏಕ್‌ ತಯೇಡಾಮ ಪೈದಹುಯಿನ್ ಧರ್ಮಶಾಸ್ತ್ರನಿ ಅಧೀನ್‍ಮ ಆಯೊ.

1 ಥೆಸ 1:10

ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

1 ತಿಮೊ 2:5

ಶನಕತೊ ಎಕ್ಕಸ್ ದೇವ್ ಅಜು಼ ದೇವ್‌ನಬಿ ಅದ್ಮಿನ ಮಳಾವವಾಳೊ ಎಕ್ಕಸ್ ಜ಼ಣೊ, ಯೋ ಕೋಣ್‌ಕತೊ ಅದ್ಮಿ ಹುಯಿರ‍್ಹೋತೆ ಕ್ರಿಸ್ತ ಯೇಸುಸ್.

1 ತಿಮೊ 3:16

ಅಪ್ಣ ದೇವ್‌ಮ ಭಕ್ತಿನು ಜಿವ್ಣನು ಖ್ಹಾಚಿ ಗಪ್ಲತ್ ಗುಮಾನಿಕೊಂತೆ ಘಣಿ ಮೋಟಿ ಹುಯಿರ‍್ಹೀಸ್, ಕ್ರಿಸ್ತನೆ ಅದ್ಮಿನಿ ರೂಪ್‌ಮ ಅಪ್ಣುನ ದೆಖಾಯೊ, ಯೋಸ್ ಪವಿತ್ರಾತ್ಮನ ವತಾಳ್ಯೊ, ಸೊರ್ಗಾನ ದೂತರ್‌ಥಿ ದೆಖೈಗು. ಅಲ್ಹಾವ್‌ಅದ್ಮಿವೋನಿ ಬೀಚ್ಮ ಯೊ ಬೋಲಿವತಾಳೈಗೊ, ಜಗತ್‌ ಇನಾಪರ್ ವಿಶ್ವಾಸ್ ಕರ‍್ಯು, ಅಜು಼ ಇನ ಮಹಿಮೆಥಿ ಸೊರ್ಗಾಮ ಪಡೈಗೊ.

2 ತಿಮೊ 2:8

ದೇವ್ನೆ ಮರ‍್ಯಾಹುಯಮಾಥು ಪಾಛು಼ ಜಿವ್ತು ಉಠಾಡ್ಯೋತೆ ಅಜು಼ ದಾವೀದ್‌ನಿ ಖಾಂದಾನ್‌ವಾಳೊ ಹುಯಿರ‍್ಹೋತೆ ಯೇಸು ಕ್ರಿಸ್ತನ ಯಾದ್ ಕರ್ತೊರ‍್ಹೇ. ಆಸ್ ಮೇ ಬೋಲುಸ್ತೆ ಅಛ್ಛಿ ಖಬರ್.

1 ಯೋಹಾನ 1:3

ಬಾ ಹುಯಿರೋತೆ ದೇವ್ನ ಅಜು಼ ಇನೊ ಛಿಯ್ಯೊ ಹುಯಿರೋತೆ ಯೇಸುಕ್ರಿಸ್ತನಿ ಜೋಡ್ಮರ‍್ಹವಾನುಬಿ ಹಮುನ ಛಾ಼ತೆ ಗಳ್‌ಜೋ಼ಡ್ಮ ತುಮೆಜಿನು ಭಾಗ್‌ಲೀಲ್ಯವಾಳ ಹುಯಿರ‍್ಹೇವ್ಣುಕರಿ ಹಮೆ ದೇಖಿರಾಖ್ಯತೆ, ಖ್ಹಮ್‍ಜಿರಾಖ್ಯತೆ ತುಮೂನ ಬೋಲಿವತಾಳೆಸ್‍.

1 ಯೋಹಾನ 3:23

ದೇವ್ನಿ ಹುಕುಮ್ ಶಾತ್‍ಕತೊ ಅಪ್ಣೆ ದೇವ್‌ನೊ ಛಿಯ್ಯೊ ಪ್ರಭು ಯೇಸುನ ನಾಮ್‍ಪರ್ ವಿಶ್ವಾಸ್‍ಕರೀನ್‍ ಇನೆ ಹುಕುಮ್ ಕರಿರಾಖ್ಯೊತೆ ಇಮ್ಮಸ್ ಏಕ್‌ಥಿಏಕ್ ಪ್ಯಾರ್‌ಕರ‍್ನು ಕರಿ ಬೋಲಾನುಸ್.

1 ಯೋಹಾನ 3:8

ಪಾಪ್ ಕರಾವಾಳೊ ಶೈತಾನ್‍ನಿ ಪಿಳ್ಗಿವಾಳೊ. ಶೈತಾನ್‍ ಜ಼ಮಾನೇಥುಬಿ ಪಾಪ್ ಕರವಾಳೋಸ್. ಇನಖ್ಹಾಜೆ ಇನು ಖರಾಬ್ ಕಾಮ್‍ಖ್ಹಾರಾನ ನಾಶ್ ಕರ್ನುಸ್ ಕರಿ, ದೇವ್‌ನೊ ಛಿಯ್ಯೊ ಆಯೋತೆ.

1 ಯೋಹಾನ 4:15

ಯೇಸುಕ್ರಿಸ್ತ ದೇವ್‌ನೊ ಛಿಯ್ಯೊಕರಿ ಕೋಣ್ ಮಾನಿಲೇಸ್ಕಿ ಇವ್ಣಾಮ ದೇವ್ ರ‍್ಹೇಸ್, ಅಜು಼ ಇವ್ಣೆ ದೇವ್‌ಮ ರ‍್ಹವಾಳ ಹುಯಿರಾಸ್.

1 ಯೋಹಾನ 5:1

ಯೇಸುಸ್ ಪ್ರಭು ಕರಿ ನಂಬವಾಳ ಹರೇಕ್ ಜ಼ಣಾಬಿ ದೇವ್ನ ಲಡ್ಕಾ ಹುಯಿರ‍್ಹಾಸ್. ಕೋಣ್ ಇನ ಪೈದಕರ‍್ಯೊತೆ ಬಾನ ಪ್ಯಾರ್ ಕರಸ್ಕಿ ಅಥ್ರಾನವಾಳು ಹರೇಕ್ ಜ಼ಣು ಇನ ಛಿಯ್ಯಾನ ಜಿನುಕು ಪ್ಯಾರ್‌ಕರಸ್‍.

1 ಯೋಹಾನ 5:20

ದೇವ್‌ನೊ ಛಿಯ್ಯೊ ಆ ಜಗತ್‌ಮ ಅಯಿನ್ ಅಪ್ಣೆ ಖ್ಹಾಚೊ಼ ಹುಯಿರೋಸ್ತೆ ದೇವ್ನ ಮಾಲುಮ್‌ ಕರಿಲ್ಯವಾನಿಘೊಣಿ ಅಪ್ಣುನ ಖ್ಹಯಾಲ್ ದೀರಾಖ್ಯೊಸ್‍ಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ದೇವ್‌ನೊ ಛಿಯ್ಯೊ ಹುಯಿರೋತೆ ಕ್ರಿಸ್ತಮ ರ‍್ಹಾವಾನ ಖ್ಹಾಚ ದೇವ್‌ಮ ರ‍್ಹಾವವಾಳ ಹುಯಿರ‍್ಹಾಸ್. ಯೋ ಕ್ರಿಸ್ತಸ್ ಕದೇಬಿ ರ‍್ಹವಾನು ಹರ್‌ಹಮೇಶಾನೊ ಜಾನ್‌ಬಿ ಹುಯಿರ‍್ಹೊಸ್.

1 ಯೋಹಾನ 5:5

ಯೇಸುಸ್ ದೇವ್‌ನೊ ಛಿಯ್ಯೊ ಕರಿ ವಿಶ್ವಾಸ್ ಕರವಾಳೋಸ್ ಜಗತ್ನ ಜುತಾನ ಉಶೆಪಣ್ಕಿ ಜಗತ್ನ ಜುತಾನ ಅಜು಼ ಕಿನೇಥಿ ಉಶೆ?

2 ಯೋಹಾ 1:7

ಶನಕತೊ, ಯೇಸುಕ್ರಿಸ್ತ ಅದ್ಮಿಹುಯಿನ್ ಆಯೊ ಕರಿ ಮಾನಿಲೆಯಿಕೊಂತೆ ಕೆತ್ರುಕ್ಕಿ ಠಗಾರುಖ್ಹಾರು ಜಗತ್‌ಮ ಅಯಿಗು ಅಥ್ರಾನವಾಳುಸ್ ಯೇಸುನ ಮಾನಿಲೆಯಿಕೊಂತೆ ಠಗಾರುಖ್ಹಾರು, ಕ್ರಿಸ್ತವಿರೋದಿ ಖ್ಹಾರು ಹುಯಿರುಸ್.

ಪ್ರಕಾಶಿತ್ 2:18

ಥುವತೈರಾಮ ಛಾ಼ತೆ ಸಬೇನು ದೂತಾನ ಅಮ್‍ಲೀಕ್, ಆಗ್‍ನಿ ಝ಼ಲ್‌ಪಟ್‌ನಿತರನ ಡೋಳಾ, ಝ಼ಮ್ಕಾಸ್‌ತೆ ತಾಂಬಾನಿತರನೊ ಪಂಜ಼ ರ‍್ಹವಾಳೊ ದೇವ್‌ನೊ ಛಿಯ್ಯೊ ಶಾತ್‌ ಬೋಲಾಸ್‍ಕತೊ,