ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1 - ದೇವ್ನಿ ಖ್ಹಾಚಿ ವಚನ್

¹ ಯೇಸು ಕ್ರಿಸ್ತನೊ ದಾಸಬಿ ಅಪೊಸ್ತಲ ಹುವಾನಖ್ಹಾಜೆ ಬುಲಾಯೊಹುಯೋಬಿ ದೇವ್ನು ಸುವಾರ್ತೆನ ಬೋಲಾನಖ್ಹಾಜೆ ಚೂ಼ಣಾಯೊಹುಯೊ ಪೌಲ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:1 Iomraidhean Croise

ಮಾರ್ಕ 1:14

ಯೋಹಾ‍ನನ ಜೇಲ್‌ಮ ಕೋಂಡಿನ್‌ ಘಾಲಿದೆವಾನ ಬಾದ್‌ಮ ಯೇಸು ಗಲಿಲಾಯ ತಬರ್‌ಖಾನ ಆಯಿನ್ ದೇವ್ನಿ ಸುವಾರ್ತೆನ ಅಮ್ ಬೋಲಿ ಒತಾಳ್ಯೊಕಿ,

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 15:15

ಬಿಜು಼ ಖ್ಹಾಮ್ಣೆ ಮೇ ತುಮೂನ ಆಳ್‌ ಕರಿ ಬುಲಾವ್ ಕೊಯ್ನಿ, ಶನಕತೊ ಯಜಮಾನ್ ಶಾತ್‌ ಕರುಕರಸ್ ಕರಿ ಇನ ಆಳ್‌ನ ಮಾಲುಮ್‌ ಕೋ ರ‍್ಹೇಯ್ನಿ. ಅನಬದಲ್ ಮೇ ತುಮೂನ ದೋಸ್ತ್ ಕರಿ ಬುಲಾವುಸ್‌, ಶನಕತೊ ಬಾಥಿ ಮೇ ಶಾತ್ ಖ್ಹಮ್‌ಜ್ಯೋಕಿ ಖ್ಹಾರಸ್ನ ತುಮೂನ ಬೋಲಿರಾಖ್ಯೊಸ್.

ಯೋಹಾನ 15:20

ಯಾದ್ ಕರಿಲೆವೊ ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ’ ಕರಿ ಮೇ ಬೋಲ್ಯೋತೆ ವಾತೆ ಶಾತ್‍ಕತೊ ಇವ್ಣೆ ಮನ ಖ್ಹತಾಯೂತೊ, ತುಮೂನಾಬಿ ಖ್ಹತಾವ್‌ಶೆ; ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್ಯುತೊ, ತುಮಾರಿ ವಾತೆನಾಬಿ ಪಾಡಿ ಚಾ಼ಲ್‌ಷೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:9

ತದೆ ಪೌಲಕರಿ ಬೋಲೈಲ್ಯಾವಾಳೊ ಸೌಲ ಪವಿತ್ರಾತ್ಮಥಿ ಭರೈನ್,ಎಲಿಮ ಠರ್‌ಕೈ ದೇಖಿನ್;

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:40

ಸಿಪಾಯ್ನೊಮೋಟಾನೆ ಹುಕುಮ್‌ ದ್ಯಾವದೀನ್ ಪೌಲನೆ, ಪಾಯಿರಿಪರ್ ಭೀರಿನ್, ಅದ್ಮಿನಝೂ಼ಂಡ್‌ನ ಖ್ಹೊಪೊರ‍್ಹೇವೊಕರಿ ಹಾತ್‌ನೊ ಇಷಾರ್ಕೊ ದಿದೊ. ಇವ್ಣೆ ಜ಼ರ ಖ್ಹೊಪ್‍ಪಡಾದಿನ್ ಇವ್ಣುನ ಇನೆ ಇಬ್ರಿಯ ವಾತೆಮ ಬೋಲಾನ ಶುರುಕರ‍್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:21

ತದೆ ಪ್ರಭುನೆ; ಜಾ಼ ಮೇ ತುನ ದೂರ್ ಯೆಹೂದ್ಯರ್‌ಕಾಹೆತೆ ಅದ್ಮಿನ ತಬರ್‌ಖಾಮ ಮೋಕ್ಲುಸ್’ ಕರಿ ಮನ ಬೋಲ್ಯೊ.”

ಅಪೊಸ್ತಲರ್‌ನು ಕಾಮ್‌ಖ್ಹಾರು 22:7

ಮೇ ಜ಼ಮೀನ್‌ಪರ್ ರಡ್ಕಿಗಯೊ. ತದೆ ‘ಸೌಲ’ ಸೌಲ, ಮನ ಶನ ಖ್ಹತಾವಸ್? ಕರಿ ಮನ ಬೋಲ್ಯುತೆ ಏಕ್‌ ಆವಾಜ಼್‌ನ ಖ್ಹಮ್‍ಜ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:1

ಅಗ್ರಿಪ್ಪ ಪೌಲನ, “ಹಮ್ಕೇಥೊ ತಾರ ಭಣೀಥು ವಾತೆ ಬೋಲೆಜಾ಼ಯ್” ಕರಿ ಬೋಲ್ಯೊ. ತದೆ ಪೌಲನೆ ಹಾತ್‍ಪಾಡಿನ್ ಜ಼ವಾಬ್ ದೇತೊಹುಯಿನ್ ಅಮ್ ಬೋಲ್ಯೊ;

ಅಪೊಸ್ತಲರ್‌ನು ಕಾಮ್‌ಖ್ಹಾರು 26:14

ಹಮೆ ಅಖ್ಖಾಸ್‍ಜ಼ಣ ಜ಼ಮೀನ್‌ಪರ್ ರಡ್ಕಿಗಯ. ತದೆ ಸೌಲ ಸೌಲ ಮನ ಶನ ಖ್ಹತಾವಸ್? ಕಾಟಾನ ಲಠ್ಠಾನ ಲಾತ್ ಮಾರಾಥಿ ತುನಾಸ್ ದರದ್, ಕರಿ ಇಬ್ರಿಯ ವಾತೆಮ ಬೋಲಾನಿ ಏಕ್‌ ಅವಾಜ಼್‌ನ ಖ್ಹಮ್‍ಜ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 27:23

ಗೈತೆರಾತ್, ದೇವ್‍ಕಂಥೊ ಏಕ್‍ ದೂತ ಮಾರಕನ ಆಯೋಥೊ. ಯೋಸ್ ದೇವ್ನ ಮೇ ಆರಾದನೆ ಕರುಸ್ತೆ ಮೆ ಇನೋಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 9:15

ಪ್ರಭುನೆ ಅನನೀಯನ “ತೂ ಜಾ಼; ಯೋ ಅದ್ಮಿಖ್ಹಾರ ಯೆಹೂದ್ಯರ್‌ಕಾಹೆತೆ ಅದ್ಮಿವೊನ ರಾಜಾ಼ವ್‌ನ, ಅಜು಼ ಇಸ್ರಾಯೇಲ್ ಅದ್ಮಿವೊನ ಮಾರ ನಾಮ್ನ ಖ್ಹಮ್‍ಜಾ಼ಡನಖ್ಹಾಜೆ ಮೇ ಚೂ಼ಣಿರಾಖ್ಯೊತೆ ಏಕ್‌ ಜಿನಖ್ಹ್‌ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:16

ಮಾರಿ ಸುವಾರ್ತೆನಿ ಬಾರೇಮ ಮನ ಪೂರ ಆತ್ಮ ವಿಶ್ವಾಸ್ ಛಾ಼. ಶನಕತೊ ಯೋ ಪಹಿಲೆ ಯೆಹೂದ್ಯರ್‌ನ ಇನಕೇಡೆಥು ಯೆಹೂದ್ಯಕಾಹೇತೆ ಇವ್ಣುನಾಸ್ ಕಾಹೆತೆ ವಿಶ್ವಾಸ್‌ಕರವಾಳ ಹರೇಕ್‌ನಬಿ ಆ ಸುವಾರ್ತೆ ರಕ್ಷಣೆನ ಉಬ್‍ಜಾ಼ವನಿ ದೇವ್ನಿ ಶಕತ್‍ಹುಯಿರ‍್ಹೀಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:5

ಇನು ನಾಮ್ನಿ ಮಹಿಮೆನಖ್ಹಾಜೇಸ್ ಅಖ್ಖಾಸ್ ದೇಖ್ಹ್‌ನು ಅದ್ಮಿಖ್ಹಾರು ಅನ ವಿಶ್ವಾಸ್‍ಕರಿನ್, ವಿಧೇಯಹುಯಿನ್ ಚಾ಼ಲನಿತರ ಕರಾನ ಅಪೊಸ್ತಲಹುವಾನಿ ಮೋಕಾನ ಯೇಸುಕ್ರಿಸ್ತಥಿಸ್ ದೇವ್ನೆ ಮನ ದೀರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:9

ದೇವ್ನ ಛಿಯ್ಯಾನಿ ಸುವಾರ್ತೆನ ಮನ್‍ಲಗಾಡಿನ್ ಬೋಲ್ತೊಹುಯಿನ್ ಇನಾಸ್ ಮಾರ ದಿಲ್‌ಥಿ ಸೇವೆ ಕರಾವಾಳೊಹುಯಿನ್ ಭೈಕೂಸ್ ಕೊಂತೆ, ತುಮಾರಖ್ಹಾಜೆ ಬಿಂತಿ ಕರುಕರಸ್. ಅನ ದೇವಸ್ ಸಾಕ್ಷಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:13

ಯೆಹೂದ್ಯರ್‌ಕಾಹೆತೆ ತುಮಾರಿಜೋ಼ಡ್ಮ ವಾತೆಬೋಲುಕರುಸ್; ಮೇ ಯೆಹೂದ್ಯ ಕಾಹೆತೆ ಅದ್ಮೆವ್‍ನ ಅಪೊಸ್ತಲ ಹುಯಿರ‍್ಹವಾನಿ ಪರಕ್ಮ ಮಾರಿ ಸೇವೆನಿ ಬಾರೇಮ ಖ್ಹರವ್‌ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:29

ಆ ನಾಹುಯಿನ್ ತುಮಾರಕನ ಆವಾನಿ ವಖ್ಹ್‌ತೆ ಕ್ರಿಸ್ತಥಿ ಹುವಾನು ಘಣಿ ಆಶೀರ್ವಾದ್‌ನ ಮೇ ತುಮಾರಕನ ಲಾಯಿಶ್, ಕರಿ ಮಾಲುಮ್ ಛಾ಼.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:18

ಎಥ್ರಾನು ಅದ್ಮೆವ್‍ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ‍್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್‌ನ ದಿಲ್ನ ಠಗಾವವಾಳು ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:25

ಅಪ್ಣೆ ದೇವ್ನ ಮಹಿಮೆ ಕರಿಯೆ ಮೆ ಯೇಸು ಕ್ರಿಸ್ತನಿ ಬಾರೇಮ ಬೋಲಿವತಾಳ್ಯೋತೆ ಸುವಾರ್ತೆನಿ ಘೋಣಿ ಅಜು಼ ಜ಼ಗ್‌ಜ಼ಮಾನೇಥಿ ಲಪಿರ‍್ಹೂಥೂತೆ ಹಮ್ಕೆ ದೆಖಾವನು ಗಪ್ಲತ್‌ನ ಖ್ಹಾಚಾ಼ನಿತರ ತುಮಾರಿ ವಿಶ್ವಾಸ್ಮ ತುಮುನ ಘಟ್ ಕರಾನ ಶಕತ್‌ವಾಳೊ ಹುಯಿರ‍್ಹೊಸ್.

1 ಕೊರಿಂಥ 1:1

ಪೌಲ ಲೀಖುಕರಾತೆ ಚಿಟ್ಟಿ. ಕ್ರಿಸ್ತಯೇಸುನೊ ಅಪೊಸ್ತಲ ಹುವಾನ ಮೇ ದೇವ್ನಿ ಖ್ಹಯಾಲ್‌ಥಿ ಚೂ಼ಣೈಗಯೊ. ಮೇ ಆ ಚಿಟ್ಟಿನ ಕ್ರಿಸ್ತಮ ಮಾರೊ ಭೈಹುಯಿರೋತೆ ಸೋಸ್ಥೆನನಿ ಜೋ಼ಡ್ಮ ಲೀಖುಕರುಸ್.

1 ಕೊರಿಂಥ 9:1

ಮೇ ಛುಟ್ಕಾರ್ ಕಾಹೆಕಿ ಶು? ಮೇ ಅಪೊಸ್ತಲ ಕಾಹೆಕಿ ಶು? ಮಾರೊ ಪ್ರಭು ಯೇಸುನ ದೇಖ್ಯೊಹುಯೊ ಕೊಯ್ನಿಕಿಶು? ಮೇ ಪ್ರಭುಮ ಕರ‍್ಯೊತೆ ಪ್ರಚಾರ್‌ನಿ ಖ್ಹಣೇದ್ ತುಮೇಸ್ ಕಾಹೆಕಿಶು?

2 ಕೊರಿಂಥ 1:1

ದೇವ್ನಿ ಮರ್ಜಿಥಿ ಕ್ರಿಸ್ತ ಯೇಸುನೊ ಏಕ್‍ಜ಼ಣೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಅಜು಼ ಇನೊ ವಿಶ್ವಾಸಿ ಭೈ ಹುಯಿರೋತೆ ತಿಮೊಥೆಯ ಕೊರಿಂಥಮ ಛಾ಼ತೆ ದೇವ್ನಿ ಸಬೇನಾಬಿ, ಅಖಾಯ ತಬರ್‌ಖಾಮ ಛಾ಼ತೆ ದೇವ್ನಿ ಅದ್ಮಿಯೇವ್‍ನ ಲೀಖಾನು‌ ಶಾತ್‌ಕತೊ:

2 ಕೊರಿಂಥ 11:5

ಮೋಟ ಅಪೊಸ್ತಲರ್‌ಕರಿ ಬೋಲೈಲ್ಯಾವಾಳ ಏಕ್‍ಥೀಬಿ, ಮೇ ಕಮ್ ಕಾಹೆ ಕರಿ ಲಾಝು಼ಸ್.

2 ಕೊರಿಂಥ 11:7

ತುಮುನ ಊಚ಼ ಪಡಾವ್ಣು ಕರಿ ಮಾರು ಮೇ ಹೇಟುಕರಿಲೀನ್ ದೇವ್ನಿ ಸುವಾರ್ತೆನ ಮೇ ಫುಗಟ್ ಬೋಲ್ಯೋತೆ ಮಾರಿ ಪಾಪ್‍ಕಿಶು?

2 ಕೊರಿಂಥ 12:11

ಮೇ ಅಮ್‍ ಖ್ಹರಾವ್ಣಿ ಕಾಡಿಲ್ಯವಾಮ ದೀವಾನೊ ಹುಯಿರೋಸ್, ಇನ ತುಮೇಸ್ ಮನ ಜು಼ಲಮ್‌ ಕರ‍್ಯಾ. ತುಮಾರೇಥಿ ಮನ ಖ್ಹರಾವ್ಣಿ ಹೋಣುಪಡ್ಯುಥು. ಶನಕತೊ ಮೆ ಶಾತ್ಬಿ ರ‍್ಹಿಯೊನಾತೋಬಿ ಘಣೊ ಮಹಾನ್ ಹುಯಿರೋತೆ ಅಪೊಸ್ತಲರ್‌ಮಾಬಿ ಶನಾಮಬಿ ಮೇ ಕಮ್‍ಕೊಯ್ನಿ.

2 ಕೊರಿಂಥ 2:12

ಮೇ ಕ್ರಿಸ್ತನಿ ಸುವಾರ್ತೆನ ಬೋಲಾನ ತ್ರೋವ ಖ್ಹಯೇರ‍್ನ ಜಾ಼ವಾನಖ್ಹಾಜೆ ಪ್ರಭುನೆ ಗೋರ್‌ಥಿ ಮನ ಬಾಕಲ್‌ಕಾಡಿನ್ ಅಛ್ಛು಼ ಮಾರಗ್ ವತಾಳ್ಯೊ,

2 ಕೊರಿಂಥ 4:5

ಅಪ್ಣುನ ಅಪ್ಣೆಸ್ ಪ್ರಚಾರ್ ನಾಕರ‍್ನುತೆ ಅಪ್ಣುನ ಯೇಸುನ ಖ್ಹಾಜೆ ತುಮಾರ ದಾಸಕರಿ ಬೋಲಿನ್ ಕ್ರಿಸ್ತ ಯೇಸುನಾಸ್ ಪ್ರಭುಕರಿ ಬೋಲೆಸ್.

ಗಲಾತ್ಯ 1:1

ಅದ್ಮಿಖ್ಹಾರಥಿ ರ‍್ಹವೊ ಅದ್ಮಿವ್‌ನ ಅದಿಕಾರ್‌ಥಿ ರ‍್ಹವೊ ಮೋಕ್ಲಾಯೊಕೊಂತೆ ಯೇಸು ಕ್ರಿಸ್ತಥಿಬಿ ಅಜು಼ ಇನ ಮರ‍್ಯಮಾಥು ಉಠಾಡ್ಯೊತೆ ಬಾ ದೇವ್‌ಥಿಬಿ ಅಪೊಸ್ತಲರ್‌ನಕರಿ ಬೋಲೈರ‍್ಹೋತೆ ಪೌಲಕರಿ ಮೇಬಿ,

ಎಫೆಸ 1:1

ದೇವ್ನಿ ಗಳ್‌ಜೋ಼ಡ್ಮ ಕ್ರಿಸ್ತ ಯೇಸುಮ ಅಪೊಸ್ತಲ ಹುಯಿರ‍್ಹೋಸ್ತೆ ಪೌಲ, ಎಫೆಸಮ ಛೇತೆ ದೇವ್ನ ಅದ್ಮಿನಾಬಿ, ವಿಶ್ವಾಸ್‌ವಾಳನಾಬಿ ಲಿಖಾನು ಶಾತ್‍ಕತೊ,

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಎಫೆಸ 4:11

ಯೊ ಹೈರೋತೆ ಇನಾಮ್ನ ದ್ಯವಾಳೊಬಿ ಹುಯಿರ‍್ಹೊಸ್ ಕತೊ ಯೊ ಥೋಡಜ಼ಣಾನ ಅಪೊಸ್ತಲರ್ ಕರಿಬಿ, ಥೋಡಾನ ಪ್ರವಾದಿಕರಿಬಿ, ಥೋಡಜ಼ಣಾನ ಸುವಾರ್ತೆ ಬೋಲವಾಳುಕರಿಬಿ, ಥೋಡಜ಼ಣಾನ ಸಬಾಪಾಲಕರ್ ಕರಿಬಿ, ಶಿಕಾಡವಾಳೊ ಕರಿಬಿ ನೆಮಿಸಾಯೊ.

ಫಿಲಿಪ್ಪಿ 1:1

ಕ್ರಿಸ್ತ ಯೇಸುನ ದಾಸ ಹುಯಿರಾತೆ ಪೌಲಬಿ ತಿಮೊಥೆ, ಫಿಲಿಪ್ಪಿ ಖ್ಹಯೇರ‍್ನ ವಿಶ್ವಾಸಿಖ್ಹಾರಾನ ಅಜು಼ ಇವ್ಣ ಜೋ಼ಡೆ ರ‍್ಹವಾಳನ ಸಬೇನ ಮೋಟಾನ ಅಜು಼ ಮದತ್ ಕರವಾಳನ ಲೀಖಾನು ಶಾತ್‌ಕತೊ,

ಫಿಲಿಪ್ಪಿ 2:11

ಬಾ ಹುಯಿರ‍್ಹೋತೆ ದೇವ್ನಿ ಮಹಿಮೆನ ಖ್ಹಾಜೆ ಯೇಸು ಕ್ರಿಸ್ತನ ಪ್ರಭುಕರಿ ಹರೇಕ್ ಅದ್ಮಿ ಕಬೂಲ್‍ ಕರ್ಶೆ.

ಕೊಲೊಸ್ಸೆ 1:1

ದೇವ್ನಿ ಖ್ಹೂಜ಼್‌ನಿ ಘೋಣಿ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲಬಿ ಭೈಹುಯಿರ‍್ಹೊತೆ ತಿಮೊಥೆ

ಕೊಲೊಸ್ಸೆ 1:25

ದೇವ್ನಿ ಖ್ಹೂಜ಼್‌ನಿತರ ತುಮಾರ ಫಾಯಿದಾನಖ್ಹಾಜೆ ಮನ ದೆವಾಯುತೆ ದೇವ್ನ ಕಾಮ್ನು ಜಿಮ್ಮೆದಾರಿ ಕಿಮ್ಕಿತಿಮ್ ದೇವ್ನು ವಚನ್ನ ತುಮುನ ಬೋಲಾನ ಮೇ ಸಬೇನ ಸೇವಕ್ ಹುಯೊ.

1 ಥೆಸ 2:2

ಹಮೆ ತುಮಾರಕನ ಥೆಸಲೋನಿಕಮ ಆವಾನ ಅಗಾಡಿಸ್, ಫಿಲಿಪ್ಪಿ ಖ್ಹಯೇರ್‌ಮ ಹಮೂನ ಕೆತ್ರೆ ಖ್ಹತಾಯು ಅಜು಼ ಖ್ಹರಮ್‌ ಕಾಡ್ಯು ಕರಿ ತುಮೂನ ಮಾಲುಮ್ ಛಾ಼. ಹಿಜ್ಜಾ಼ ಎತ್ರೆ ವಿರೋದ್ ಕರ‍್ಯುತೋಬಿ ತುಮೂನ ಸುವಾರ್ತೆನ ಬೋಲಾನಟೇಕೆ ಅಪ್ಣೊ ದೇವ್ನೆ ಹಮೂನ ಭಾಲಿದಿದೊ.

1 ಥೆಸ 2:8

ಶನಕತೊ ಹಮೆ ತುಮೂನ ಜಾ಼ಖ್ಹತ್ ಪ್ಯಾರ್ ಕರ‍್ಯಾತೆ ಇನಖ್ಹಾಜೆ ದೇವ್ನಿ ಅಛ್ಛಿ ಸಂದೇಶ್ ಖಲಿ ಬೋಲಾನಟೇಕೆ ಕಾಹೆತೆ ತುಮಾರಖ್ಹಾಜೆ ಜಾನ್ನ ದ್ಯವಾನಾಬಿ ಹಮೆ ತಯಾರ್ ಹುಯಿರಾಸ್.

1 ಥೆಸ 2:9

ಭೈ ಭೇನೊ ಹಮೆ ತುಮಾರಾಮ ಕಿನಾಪರ್‌ಬಿ ಭಾರೊ ನಾ ನಾಕ್ಣು ಕರಿ ರಾತ್-ದನ್ ಕಾಮ್ ಕರೀನ್, ಜಿವ್ಣು ಚ಼ಲಾವ್ತಹುಯಿನ್, ದೇವ್ನಿ ಸುವಾರ್ತೆನ ತುಮೂನ ಬೋಲಿವತಾಳ್ಯ, ಯೋ ಹಮಾರಿ ಲತಾಡಬಿ ಮ್ಹಿನತ್ ಖ್ಹಾರು ತುಮಾರಿ ಯಾದ್ಮ ರ‍್ಹವಾದೆ.

1 ತಿಮೊ 1:1

ಕ್ರಿಸ್ತ ಯೇಸುನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ, ತಿಮೊಥೆನ ಲೀಖ್ಯೋತೆ, ಅಪ್ಣ ಬಚಾ಼ಡವಾಳೊ ದೇವ್‌ಬಿ ಅಪ್ಣಿ ಭರೋಖ್ಹಾನ ಆಧಾರ್ ಹುಯಿರ‍್ಹೋತೆ ಕ್ರಿಸ್ತ ಯೇಸುನಿ ಹುಕುಮ್ನಿಮತ್ ಮೇ ಅಪೊಸ್ತಲ ಹುಯೊ.

1 ತಿಮೊ 2:7

ಅಜು಼ ಅನಖ್ಹಾಜೆಸ್ ಮನ ಶಿಕಾಡವಾಳೊ ಅಜು಼ ಅಪೊಸ್ತಲ ಕರೀನ್, ವಿಶ್ವಾಸ್‌ಥಿಬಿ ಖ್ಹಾಚಿಥಿಬಿ ಯೆಹೂದ್ಯರ್‌ಕಾಹೆತೆ ಅದ್ಮಿನ ಭೋದನೆಕರಾನ ಮನ ನೇಮಕ್ ಕರ‍್ಯು. ಮೇ ಝೂ಼ಟಿ ಕೊಬೋಲುಕರುನಿ ಖ್ಹಾಚಸ್ ಬೋಲುಕರುಸ್.

2 ತಿಮೊ 1:11

ದೇವ್ನೆ ಮನ ಅಪೊಸ್ತಲ ಅಜು಼ ಶಿಕಾಡವಾಳೊ ಹುಯಿನ್, ಆ ಅಛ್ಛಿ ಖಬರ್‌ನ ಬೋಲಿದ್ಯವಾನಖ್ಹಾಜೆ ಮ್ಹೇಲಿರಾಖ್ಯೋಸ್‌.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 1:1

ದೇವ್‌ನೊ ಸೇವಕ್‌ಬಿ ಅಜು಼ ಯೇಸು ಕ್ರಿಸ್ತನೊ ಅಪೊಸ್ತಲ ಹುಯಿರ‍್ಹೋತೆ ಪೌಲನೆ ಲೀಖ್ಯೋತೆ. ದೇವ್ನೆ ಚೂ಼ಣ್ಯೋತೆ ಅದ್ಮಿ ಖ್ಹಾರಾನಿ ಖ್ಹಾಚಾಮ ಚ಼ಲಾವನಟೇಕೆ ವಿಶ್ವಾಸ್‌ನ ಭಡಾವಾನಖ್ಹಾಜೆ ಅಜು಼ ಯೊ ಇವ್ಣುನ ಭಕ್ತಿನಿ ಜಿವ್ಣಮ ಚ಼ಲಾವಸ್.

ಇಬ್ರಿ 5:4

ಕೋಣ್‌ಬಿ ಇನೇಥಿ ಯೋಸ್ ಆ ಇಜ಼್ಜತ್‌ನಿ ಪದವಿನ ಲೀಲ್ಯಾವನ ಕೊಹುವ್ವಾನಿ, ಕತೊ ಆರೋನನಿ ಘೋಣಿಸ್ ದೇವ್‍ಥಿ ಬುಲಾವವಾಳೊ ಹುಯಿನ್ ಇನಾಭಣಿ ಕರಿರಾಖ್ಯೋಸ್.

ಇಬ್ರಿ 7:26

ಇನಖ್ಹಾಜೆ ಅಪ್ಣುನ ಹೋಣುತೆ ಇನ ಪೂರಕರಾವಳೊ ಮಹಾಯಾಜಕ ಹುಯಿರ‍್ಹೊಸ್ ಪರಿಶುದ್‌ಬಿ ದೋಷ್‍ಕೊಯ್ನಿತೇಬಿ, ಮೈಲಾಪ್‍ಕೊಯ್ನಿತೆಬಿ, ಪಾಪಿಮ ಮಳಾಕೊಂತೆ ನಿರ‍್ವಾಳೊಬಿ ಹುಯಿರ‍್ಹವಾಳೊಬಿ ಆಕಾಶ್ ಮಂಡಲ್‍ಥೀಬಿ ಊಚಾ಼ಮ ರ‍್ಹವಾಳೊ.

ಯಾಕೋಬ 1:1

ದೇವ್‍ನಾಬಿ ಪ್ರಭುಹುಯಿರೋತೆ ಯೇಸು ಕ್ರಿಸ್ತನಾಬಿ ದಾಸ ಹುಯಿರೋತೆ ಯಾಕೋಬ ಅಲಕ್‍ ದೇಖ್ಹ್‌ಮ ಛಿಡ್‍ಕೈರ‍್ಹುತೆ ಭಾರ ಖೂಮ್‍ವಾಳನ ಲಿಖಾನು ಶಾತ್‍ಕತೊ, ತುಮೂನ ಅಛ್ಛು಼ ಹುವಾದೆ.

1 ಪೇತ್ರ 4:17

ಶನಕತೊ ನ್ಯಾವ್‍ನಿ ತೀರ್ಪ್‌ನಿ ವಖ್ಹತ್ ಐರ‍್ಹೀಸ್. ಅಜು಼ ಯೋ ಫೇಡ್‌ ದೇವ್‌ಮ ಘರ್‌ಮಾಸ್ ಶುರು ಹುಯಿರ‍್ಹುಸ್. ಶುರುಹುಯುತೊ, ದೇವ್ನಿ ಸುವಾರ್ತೆನ ನಂಬಾಕೊಂತೆ ಇನಿ ಜೋ಼ಡ್ಮ ಕಿಮ್ ಖ್ಹರ್ತಿಉಷೆ?

2 ಪೇತ್ರ 1:1

ಯೇಸು ಕ್ರಿಸ್ತನೊ ಸೇವಕ್ ಅಜು಼ ಅಪೊಸ್ತಲ ಹುಯಿರ‍್ಹೋತೆ ಸೀಮೋನ್ ಪೇತ್ರ, ಅಪ್ಣೊ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ನೀತಿಥಿ ಹಮಾರಿನಿತರಸ್ ಅಛ್ಛಿ ವಿಶ್ವಾಸ್ ಮಳಿರ‍್ಹೀಸ್ತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಯೂದನೆ ಲೀಖ್ಯೋತೆ ಚಿಟ್ಟಿ 1:1

ಯೇಸು ಕ್ರಿಸ್ತನೊ ಸೇವಕ್‌ಬಿ, ಯಾಕೋಬನೊ ಭೈಬಿ ಹುಯಿರೋತೆ ಯೂದ ಬುಲೈ ರ‍್ಹವಾಳಾನ, ಬಾ ಹುಯಿರೋತೆ ದೇವ್‌ಮ ಪ್ಯಾರ್‌ನ ಹುಯಿರಾತೆ ಅಜು಼ ಯೇಸು ಕ್ರಿಸ್ತನಖ್ಹಾಜೆ ಬಚಿರ‍್ಹಾತೆ ಇವ್ಣುನ ಶಾತ್ ಲೀಖುಸ್‌ಕತೊ,

ಪ್ರಕಾಶಿತ್ 1:1

ಯೇಸು ಕ್ರಿಸ್ತನಿ ಪ್ರಕಾಶಿತ್ ವಚನ್ ಒಗ್ಗಿಸ್‌ಮ ಚಾ಼ಲ್ನುತೆ ಬಾರೇಮ ಯೋ ಇನ ದಾಸಖ್ಹಾರನ ವತಾಳನಖ್ಹಾಜೆ ಆ ಖ್ಹಾರು ದೇವ್‍ಥಿ ದೆವಾಯುತೆ. ಯೇಸು ಇನ ದೂತನ ಮೋಕ್ಲಿನ್ ಇನೇಥಿ ಆ ಖ್ಹಾರಿವಾತ್ನ ಯೋಹಾನ ಮಾಲುಮ್‌ ಕರಾಯೊ.

ಪ್ರಕಾಶಿತ್ 22:6

ಇನಪರ್ ದೇವ್ನದೂತನೆ ಮನ, ಆ ವಾತೆಖ್ಹಾರು ವಿಶ್ವಾಸ್ ಕರಖ್ಹರ್ಕೂಬಿ ಖ್ಹಾಚೂ಼ಬಿ ಹುಯಿರ‍್ಹುಸ್. ಪ್ರವಾದಿ ಖ್ಹಾರನ ಆತ್ಮಾನ ಪ್ರಭುಸ್ ದೇವ್ ಹುಯಿರೊಸ್. ಒಗ್ಗಿಸ್‌ಮ ಚಾ಼ಲನಯೂತೆ ವಾತೆಖ್ಹಾರಿ ಇನ ಸೇವಕರ್‌ನ ವತಾಳನ ದೇವ್ನೆಯಿನ ದೂತನ ಮೋಕ್ಲಿರಾಖ್ಯೊಸ್.

ಪ್ರಕಾಶಿತ್ 22:9

ಕತೋಬಿ ಯೋ ದೇವ್ನದೂತನೆ, “ಮನ ಖ್ಹಲಾಮ್ ನಕೊಕರ್. ಮೇಬಿ ತಾರಿನಿತರಾಸ್ ಆ ಪುಸ್ತಕ್‌ಮ ಛಾ಼ತೆ ಅಖ್ಖಿ ವಚನ್ನ ಪಾಡಿ ಚಾ಼ಲ್ಯಹುಯ ಅದ್ಮಿನಿತರಸ್. ಅಜು಼ ತಾರ ಭೈಯೇ ಹುಯಿರ‍್ಹಾತೆ ಪ್ರವಾದಿನಿ ಘೋಣಿ ಮೇಬಿ ಖಲಿ ಏಕ್‌ ಸೇವಕ್ ಹುಯಿರ‍್ಹೊಸ್. ತೂ ದೇವ್ನ ಖ್ಹಲಾಮ್ ಕರ್‌” ಕರಿ ಬೋಲ್ಯೊ.