ಪ್ರಕಾಶಿತ್ 9:2 - ದೇವ್ನಿ ಖ್ಹಾಚಿ ವಚನ್

² ಇನೆ ನರಕ್‌ನಿ ಬಾವ್ಡಿನ ಕಾಡಾದಿನ್ ಬಾವ್ಡಿಮಾಥು ಆಯುತೆ ಧುವೊ ಮೋಟಿ ಕೋಲ್‌ಮಿನು ಧುವಾನಿತರ ಉಪ್ಪರ್ ಆಯು. ಬಾವ್ಡಿನ ಧುವ್ವಾಥಿ ಚಾ಼ಂದ್‌ಬಿ, ಆಸ್‌ಮಾನ್‌ಬಿ, ಕಾಳುರೈಟ್‌ ಹುಯಿಗು.

ಪ್ರಕಾಶಿತ್ 9:2 Iomraidhean Croise

ಅಪೊಸ್ತಲರ್‌ನು ಕಾಮ್‌ಖ್ಹಾರು 2:19

ಪ್ರಭುನ ಆವಾನೊ ಮೋಟ ದನ್ ಆವಾನ ಅಗಾಡಿ ಆಬ್‌ನ ಉಪ್ಪರ್ ಅದ್ಭುತ್‌ಕಾಮ್ನ ವತಾಳಿಶ್. ಧರ್ತಿನ ಉಪ್ಪರ್ ಖ್ಹಣೇದ್ನಕಾಮ್ನ ಕರಿಶ್. ತದೆ ಲ್ಹೋಯಿ, ಆಗ್ ಅಜು಼ ಬಾಪ್ನಿತರ ಛ಼ಡಾನೊ ಧುವ್ವೊ ರ‍್ಹಿಶೆ.

ಪ್ರಕಾಶಿತ್ 14:11

ಎಥ್ರಾನವಾಳನೆ ಖ್ಹತಾಪ್ಣಿನೊ ಧುವೊ ಜ಼ಗ್‌ಜ಼ಮಾನಮಾಬಿ ಛ಼ಡುಕರ್ಷೆ, ಜಾನ್ವರ್‌ನ ಅಜು಼ ಇನ ಮೂರತ್ನ ಖ್ಹಲಾಮ್ ಕರವಾಳು ರ‍್ಹವೊ, ಇನ ನಾಮ್ನ ಖ್ಹಣೇದ್ನ ನಖೈರಾಖವಳೊ ರ‍್ಹವೊ ರಾತ್‌ಬಿ ದನ್ ಅರಾಮ್‌ಕೊಂತೆ ರ‍್ಹಿಶೆ ಕರಿ ಮೋಟಿ ಅವಾಜ಼್‌ಥಿ ಬೋಲ್ಯೊ.

ಪ್ರಕಾಶಿತ್ 16:10

ಪಾಚ಼್ನೊ ದೇವ್ನ ದೂತಾನೆ ಇನ ಕಟೋರಮ ಥೂತೆಯಿನ ಜಾನ್ವರ್‌ನಿ ಸಿಂಹಾಸನ್‌ಪರ್ ರಂಚಾ಼ಖ್ಹತರ್ ಇನು ರಾಜ್ಯ ಅಖ್ಖು ಅಂಧಾರುಹುಯು. ಅದ್ಮಿಖ್ಹಾರು ಅಜಾ಼ಥಿ ದಾತ್ಮ ಜೀಬ್ ಧರಿಲೀನ್,

ಪ್ರಕಾಶಿತ್ 8:12

ಚಾರ‍್ನೊ ದೇವ್‌ನೊ ದೂತನೆ ತುತ್ತೂರಿನ ಫೂಕ್ಯೊ, ತದೆ ಚಾ಼ಂದ್‌ನು ತೀನ್‌ಮ ಏಕ್‌ಭಾಗ್, ಇಮ್ಮಸ್ ಚ಼ಂದರ್‌ಮಾನು ಅಜು಼ ಶುಕ್ಕರ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖರಾಬ್‌ಹುಯಿನ್‌ ಅಂಧಾರು ಹುಯಿಗು. ಇನಖ್ಹಾಜೆ ದನ್ಮ ತೀನ್‌ಮಾನು ಎಕ್‌ಭಾಗ್ ಉಜಾ಼ಳುಕೊಂತೆ ಅಂಧಾರು ಹುಯಿನ್, ರಾತ್ನಿ ಘೋಣಿಸ್ ಹುಯಿಗು.

ಪ್ರಕಾಶಿತ್ 9:1

ಪಾಚ್ನೊ಼ ದೇವ್ನ ದೂತನೆ ತುತ್ತೂರಿನ ಫೂಕಾನಿವಖ್ಹ್‌ತೆ; ಆಬ್‍ಥು ಜ಼ಮೀನ್‌ಪರ್ ಪಡ್ಯೂತೆ ಏಕ್‌ ಶುಕ್ಕರ‍್ನ ದೇಖ್ಯೊ. ಇನ ಪಾತಾಳ್ನು ಬಾವ್ಡಿನು ಬೀಗಾನು ಕೀಲಿ ದೆವಾಯು.

ಪ್ರಕಾಶಿತ್ 9:11

ಪಾತಾಳ್‌ನೊ ಮುಖ್ಯ ಹುಯಿರ‍್ಹೋತೆ ದೂತಾಸ್ ಯೋ ಚಿಡ್ಡಾವ್ನ ರಾಜ಼ ಹುಯಿರೋಥೊ. ಇನ ಹಿಬ್ರು ವಾತೇಮ ಅಬದ್ದೋನ್‌ ಕರೀಬಿ, ಗ್ರೀಕ್ ಬೋಲಿಮ ಅಪೊಲ್ಲುವೋನ ಕರೀಬಿ ನಾಮ್‌ಥು.

ಪ್ರಕಾಶಿತ್ 9:17

ಮೇ ದರ್ಶನ್‍ಮ ದೇಖ್ಯೊತೆ ಘೋಡಾವ್‌ಬಿ ಅಜು಼ ಇನಪರ್‌ಲ್ಯ ಸವಾರಿನ ಬಾರೇಮ ಬೋಲಾನು ಕಿಮ್‌ಥು ಕತೊ, ಸವಾರಿವ್‌ನು ಕವಚ್‌ನು ರಂಗ್ ಆಗ್‍ನಿತರ ಲಾಲ್, ಧುವ್ವನಿತರಾನು ನೀಲು, ರಂಜ಼ಕ್‌ನಿತರ ಪೀಳು ಥು. ಘೋಡಾವ್‌ನು ಮುಡ್‌ಕ್ಯು ಖ್ಹಾರು ಶುಂಭಾವ್‌ನ ಮುಡ್‌ಕ್ಯಾನಿ ಘೋಣಿ ಥು. ಅಜು಼ ಇನ ಮ್ಹೋಡೇಖ್ಹು ಆಗ್ ರಂಜ಼ಕ್‌ ಧುವ್ವೊ ನಿಕ್‌ಳ್ಯು.