9 ದರ್ಯಾವ್ಮಾನು ಜೀವಿಮ ತೀನ್ಮಾನು ಏಕ್ಭಾಗ್ ಮರಿಗಯು ಬಿಜು಼ ಜ಼ಹಾಜ಼್ಮಾನು ತೀನ್ಮಾನು ಏಕ್ಭಾಗ್ ನಾಶ್ಹುಯಿಗಯು.
ಇನ ಡೋಂಡೇಥಿ ಆಬ್ನ ತಾರವ್ಮಾನು ತೀನ್ಮಾನು ಏಕ್ಭಾಗ್ನ ಖೇಚಿನ್ ಜ಼ಮೀನ್ಪರ್ ಫೇಖ್ಯು. ಜ಼ಣುಕರಾತೆ ಯೊ ತಯೇಡ ಜ಼ಣ್ತಾಸ್ನ ಇನ ಲಡ್ಕಾನ ಗಳಿಲೇವ್ಣುಕರಿ ಯೊ ಅರ್ಝ಼ ಇನ ಖ್ಹಾಮ್ಣೆಸ್ ಟಿವೈರ್ಹೂಥು.
ಬೇನೊ ದೇವ್ನದೂತನೆ ಇನ ಕಟೋರಮ ಥೂತೆ ಇನ ದರ್ಯಾವ್ಪರ್ ರಂಚ್ಯೊ. ತದೆ ದರ್ಯಾವ್ನು ಪಾಣಿ ಮರ್ಯಹುಯಾನ ಲ್ಹೋಯಿನಿತರ ಹುಯಿಗು. ಅಜು಼ ದರ್ಯಾವ್ಮಾನು ಹರೇಕ್ ಜಿವ್ತು ಜೀವಿಬಿ ಮರಿಗು.
ತೀನ್ನೊ ದೇವ್ನ ದೂತನೆ ಇನಿ ತುತ್ತೂರಿನ ಫೂಕ್ಯೊ; ತದೆ ಢಿಟಂಬನಿತರ ಬಳುಕರಾನು ಏಕ್ ಮೋಟೊ ಶುಕ್ಕರ್ ಆಬ್ಪರ್ ಅಜು಼ ನದ್ದಿನು ಅಜು಼ ಪಾಣಿನು ಝೀಲ್ನು ತೀನ್ಮಾನು ಏಕ್ಭಾಗ್ ಪರ್ ಪಡ್ಯು.
ಚಾರ್ನೊ ದೇವ್ನೊ ದೂತನೆ ತುತ್ತೂರಿನ ಫೂಕ್ಯೊ, ತದೆ ಚಾ಼ಂದ್ನು ತೀನ್ಮ ಏಕ್ಭಾಗ್, ಇಮ್ಮಸ್ ಚ಼ಂದರ್ಮಾನು ಅಜು಼ ಶುಕ್ಕರ್ಮಾನು ತೀನ್ಮಾನು ಏಕ್ಭಾಗ್ನ ಖರಾಬ್ಹುಯಿನ್ ಅಂಧಾರು ಹುಯಿಗು. ಇನಖ್ಹಾಜೆ ದನ್ಮ ತೀನ್ಮಾನು ಎಕ್ಭಾಗ್ ಉಜಾ಼ಳುಕೊಂತೆ ಅಂಧಾರು ಹುಯಿನ್, ರಾತ್ನಿ ಘೋಣಿಸ್ ಹುಯಿಗು.
ಪಹಿಲೊ ದೇವ್ನು ದೂತಾನೆ ಇನು ತುತ್ತೂರಿನ ಫೂಕಾನಿವಖ್ಹ್ತೆ ಲ್ಹೋಯಿ ಮಳಿಹುಯು ಗಾರಾನೊ ಪಾಣಿಬಿ, ಆಗ್ಬಿ,ಜ಼ಮೀನ್ಪರ್ ರಂಚಾ಼ಯು. ಜ಼ಮೀನ್ನು ತೀನ್ಮಾನು ಏಕ್ಭಾಗ್ ಬಳಿಗಯು. ಝಾ಼ಡವ್ಮ ತೀನ್ಮಾನು ಏಕ್ಭಾಗ್ ಬಳಿಗಯು. ಹರ್ಯು ಘಾಖ್ಹ್ಅಖ್ಖು ಬಳಿಗಯು.
ತದೆ ಅದಮ್ಜ಼ಮಾನಮ ತೀನ್ಮಾನು ಏಕ್ಭಾಗ್ ಅದ್ಮಿನ ಸಂಹಾರ್ ಕರಾನಖ್ಹಾಜೆ ಯೋಸ್ ವರಖ್ಹ್, ಯೋಸ್ ಮಹಿನೊ, ಯೋಸ್ ದನ್, ಯೋ ವಖ್ಹತ್ನಖ್ಹಾಜೆ ತಯಾರ್ಥಾತೆ ಯೊ ಚಾರ್ಜ಼ಣ ದೇವ್ನ ದೂತರ್ನ ಛುಟ್ಕಾರ್ ಕರಾಯು.
ಯೋ ಅಖ್ಖಾನ ಮ್ಹೊಡಾಮಾಥು ನಿಕ್ಳ್ಯೂತೆ ಯೊ ಆಗ್, ಧುವ್ವೊ, ರಂಜ಼ಕ್, ಕರಿ ಬೋಲಾನು ತೀನ್ ಖ್ಹತಾಪ್ಣಿಥಿ ಜ಼ಮೀನ್ಪರ್ನು ಅದ್ಮಿನು ತೀನ್ಮಾನು ಏಕ್ಭಾಗ್ ಮರೈಗಯು.