ಪ್ರಕಾಶಿತ್ 8:3 - ದೇವ್ನಿ ಖ್ಹಾಚಿ ವಚನ್

³ ಇನಪಾರ್ ಬಿಜೇಕ್ ದೇವ್‌ನೊ ದೂತ ಆಯೊ ಯೋ ಖ್ಹೊನ್ನಾನಿ ಖ್ಹಾಲರ‍್ಯಾನಿ ಢಾಕ್ಣಿ ಧರಿಲೀನ್ ಚಾ಼ಚ಼ರ್‌ಕನ ಆಯಿನ್ ಭೀಯೊ ಸಿಂಹಾಸನ್ನು ಮುದ್ರಾನು ಖ್ಹೊನ್ನಾನ ಚಾ಼ಚ಼ರ್‌ನ ಉಪ್ಪರ್ ಅದ್ಮಿಖ್ಹಾರು ಪ್ರಾರ್ಥನೆಥಿ ಸಮರ್ಪಣ್‌ ಕರಾನಖ್ಹಾಜೆ ಇನ ಘಣು ಢಪ್ಕಾರ್‌ ದೆವಾಯು.

ಪ್ರಕಾಶಿತ್ 8:3 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:10

ಢಪ್ಕಾರ್‌ ದ್ಯವಾನಿ ವಖ್ಹತ್‌ಮ ಭಾರ್ ಭರೈರ‍್ಹುಥೂತೆ ಅದ್ಮಿಖ್ಹಾರು ದೇವ್ನ ಪ್ರಾರ್ಥನೆ ಕರುಕರ್ತುಥು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:34

ಅಪರಾದಿಕರಿ ನಿಶತ್‌ ಕರಾವವಾಳು ಕೋಣ್? ಕ್ರಿಸ್ತಯೇಸು ಮರಣ್‍ಲಿದೊ. ಅಜು಼ ಎತ್ರೇಸ್ ಕಾಹೆತೆ ಮರ‍್ಯಹುಯಮಾಥು ಉಠಿನ್ ದೇವ್ನ ಖಾವಿಬಾಜು಼ಮ ಬೇಶಿನ್. ಯೋಸ್ ಅಪ್ಣಖ್ಹಾಜೆ ಬಿಂತೀನಿವ್ಹಾರ್ ಕರಾವಾಳೊ ಹುಯಿರೋಸ್.

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

ಇಬ್ರಿ 9:4

ಇನಾಮ ಖ್ಹೊನ್ನಾನಿ ಖ್ಹಾಲರ‍್ಯಾನು ಢಾಕ್ಣಿಬಿ ಅಜು಼ ಖ್ಹೊನ್ನಾನು ತಗ್ಡು ಲಗಾಡ್ಯುಹುಯು ಒಪ್ಪಂದಾನು ಪಿಟಾರೊ ಥು. ಯೋ ಪಿಟಾರಾಮ ಮನ್ನ ನಖೈರ‍್ಹಯುಹುಯು ಖ್ಹೊನ್ನಾನಿ ಕಟೋರೊಬಿ, ಆರೋನನು ಚಿಗುರ್ ಮ್ಹೇಲ್ಯೊಹುಯೊ ಲಠ್ಠೊ ಅಜು಼ ದಖ್ಹ್‌ ಹುಕುಮ್‌ ಲಿಖಾಯುಹುಯು ಒಪ್ಪಂದಾನು ಬೇ ಬಂಡಾನು ಪಲ್ಗು ಥು.

ಪ್ರಕಾಶಿತ್ 10:1

ಅನಪಾರ್ ತಾಖತ್‌ವಾಳೊ ಹುಯಿರೋತೆ ಬಿಜೇಕ್‌ ದೇವ್‌ನೊ ದೂತ ಸೊರ್ಗಾಥು ಉತ್ರಿನ್ ಆವಾನು ಮೇ ದೇಖ್ಯೊ.ಇನೆ ವಾದ್‍ಳಾನ ಫೇರಿರಾಖ್ಯೊಥೊ. ಇನ ಮುಡ್‌ಕ್ಯಾನ ಉಪ್ಪರ್ ವಾದ್‌ಳಾನಿಧೂಣ್‌ ಥು. ಇನು ಮ್ಹೋಡು ಚಾ಼ಂದ್‌ನಿತರ ಇನ ಗೋಡ ಆಗ್ನ ಖಮ್‌ನಿತರ ಥಾ.

ಪ್ರಕಾಶಿತ್ 14:18

ಅನವಾರ್ ಬಿಜೇಕ್ ದೇವ್‌ನೊ ದೂತ ಚಾ಼ಚ಼ರ್‌ಕನಥೊ ಆಯೊ. ಇನ ಆಗ್ನ ಉಪ್ಪರ್ ಅದಿಕಾರ್ ಥು. ಯೊ ಚಾ಼ಲ್ತಿ ದರಾತಿವಾಳನ, “ತಾರಿ ಚಾ಼ಲ್ತಿ ದರಾತಿನ ಪಾಡಿಲೀನ್, ಜ಼ಮೀನ್‌ಪರ್‌ನು ಬಾಗ್‌ನು ದ್ರಾಕ್ಷಿನ ಗುಚ್ಚಾ಼ವ್ನ ವ್ಹಾಡ್‌. ಇನು ಪಂಡುಖ್ಹಾರು ಅಖ್ಖೂಸ್ ಪಕೈಗಯು ಕರಿ ಊಚ಼ ಅವಾಜ಼್‌ಥಿ ಚಿಕ್‌ರ‍್ಯೊ.

ಪ್ರಕಾಶಿತ್ 5:8

ಪುಂಗ್‌ಳಿನ ಮಾಂಗಿಲ್ಯವಾನಿ ವಖ್ಹ್‌ತೆ ಯೋ ಚಾರ್ ಜೀವಿ 24 ಜ಼ಣು ಶಾಣುಖ್ಹಾರು ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಪಗ್‍ಪರ್ ಆಡ್‌ಪಡ್ಯು. ಹರೇಕ್‌ಜ಼ಣಕನ ಹಾತ್ಮ ಖ್ಹಾರಂಗೊಬಿ ಖ್ಹಾಲರ‍್ಯಾನು ಢಪ್ಕಾರ್‌ಥಿ ಭರೈರ‍್ಹುಥೂತೆ ಖ್ಹೊನ್ನಾನಿ ಢಾಕ್ಣಿಬಿ ಥು. ಯೊ ದೇವ್ನು ಅದ್ಮಿನು ಪ್ರಾರ್ಥನೆ ಹುಯಿರ‍್ಹುಥು

ಪ್ರಕಾಶಿತ್ 6:9

ಇನೆ ಪಾಚ಼್‌ನ ಮುದ್ರಾನ ಫೋಡಾನಿವಖ್ಹ್‌ತೆ; ದೇವ್ನ ವಚನ್ನಖ್ಹಾಜೇಥಿಬಿ, ಇವ್ಣುನ ರ‍್ಹವಾನು ಬರೋಬರ್‌ನಿ ಸಾಕ್ಷಿನ ಖ್ಹಾಜೇಥಿಬಿ, ಮರಾವಳನು ಆತ್ಮಖ್ಹಾರು, ಬಲಿಪೀಠ್‌ನ ಹೇಟ್ ರ‍್ಹವಾನು ದೇಖ್ಯೊ.

ಪ್ರಕಾಶಿತ್ 7:2

ಅತ್ರೇಸ್ ಕಾಹೆತೆ ಬಿಜೇಕ್ ದೇವ್‌ದೂತನೆ ಜಿವ್ತೊ ಜಾನ್ನೊ ಯೋ ದೇವ್ನ ಮುದ್ರಾನ ಧರಿಲೀನ್ ದನ್‌ನಿಕ್‌ಳಾ ಭಣೀಥು ಆವಾನು ದೇಖ್ಯೊ. ಅನೆ ಯೋ ಜ಼ಮೀನ್ನಾಬಿ ದರ‍್ಯಾವ್‌ನಾಬಿ ಖರಾಬ್ ಕರಾನಿ ಹುಕುಮ್‌ ಲೀರಾಖ್ಯಾತೆ ಯೋ ಚಾರ್‌ಜ಼ಣ ದೂತರ‍್ನ ಬುಲಾವ್ತೊ ಹುಯಿನ್ ಅಮ್ ಬೋಲ್ಯೊಕಿ;

ಪ್ರಕಾಶಿತ್ 8:4

ತದೆ ಖ್ಹಾಲರ‍್ಯಾನು ಧುವೊ ದೇವ್ನದೂತರ‍್ನ ಹಾತ್ಮಥು ನಿಕ್ಳಿನ್, ದೇವ್ನ ಅದ್ಮಿವ್‌ನು ಪ್ರಾರ್ಥನೆನಿ ಜೋ಼ಡ್ಮ ಮಳಿನ್ ದೇವ್‌ಕನ ಉಡಿಗಯು.

ಪ್ರಕಾಶಿತ್ 8:5

ಆ ನಾಹುಯಿನ್ ಯೋ ದೇವ್‌ನೊ ದೂತ ಢಾಕ್ಣಿನ ಲೀನ್ ಚಾ಼ಚ಼ರ್‌ನಿ ಆಗ್‍ಥಿಯಿನ ಭರಿನ್ ಜ಼ಮೀನ್ನ ಉಪ್ಪರ್ ಫೇಕ್ಯೊ. ತದೆ ಘಲಾರಿನ್ ಘೂಂಜಿನ್, ಮೋಟಿಅವಾಜ್‌, ವಿಜ಼್‌ಳಿ ಖಡ್‌ಕಿ, ಭೂಕಂಪ್ ಹುಯು.

ಪ್ರಕಾಶಿತ್ 9:13

ಛೋ಼ನೆ ದೇವ್‌ನೊ ದೂತನೆ ತುತ್ತೂರಿನ ವಜಾ಼ಡನಿ ವಖ್ಹ್‌ತೆ ದೇವ್‌ಕನ ಥೂತೆ ಖ್ಹೊನ್ನಾನು ಚಾ಼ಚ಼ರ್‌ನ ಶಿಂಗ್ಡಾವ್‌ಥು ನಿಕ್‌ಳ್ಯೂತೆ ಏಕ್‌ ಅವಾಜ಼್‌ನ ಖ್ಹಮ್‌ಜೊ.