ಪ್ರಕಾಶಿತ್ 8:10 - ದೇವ್ನಿ ಖ್ಹಾಚಿ ವಚನ್

¹⁰ ತೀನ್ನೊ ದೇವ್ನ ದೂತನೆ ಇನಿ ತುತ್ತೂರಿನ ಫೂಕ್ಯೊ; ತದೆ ಢಿಟಂಬನಿತರ ಬಳುಕರಾನು ಏಕ್‌ ಮೋಟೊ ಶುಕ್ಕರ್ ಆಬ್‌ಪರ್ ಅಜು಼ ನದ್ದಿನು ಅಜು಼ ಪಾಣಿನು ಝೀಲ್‌ನು ತೀನ್‌ಮಾನು ಏಕ್‌ಭಾಗ್ ಪರ್ ಪಡ್ಯು.

ಪ್ರಕಾಶಿತ್ 8:10 Iomraidhean Croise

ಮತ್ತಾಯ 25:1

ಯೋ ವಖ್ಹತ್‌ಮ ಸೊರ್ಗಾನು ರಾಜ್ಯ ದೀವೊ ಖ್ಹಾರು ಪಾಡಿಲೀನ್, ನೌಶೊನ ಮಳಾನ ಜಾ಼ಸ್ತೆ ದಖ್ಹ್‌ ಜ಼ಣಿ ಕವಾರಿನಿಘೋಣಿ ರ‍್ಹಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:18

ತದೆ ಯೇಸುನೆ ಇವ್ಣುನ, “ಶೈತಾನ್ ವಿಜ಼್‌ಳೀನಿಮತ್‌ ಪರ್‌ಲೋಕ್‌ಥು ಹೇಟ್ ಪಡಾತೆ ಮೇ ದೇಖ್ಯೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:13

ಅವ್ಣೆ ದರ‍್ಯಾವ್‌ಮಾನು ಮೋಟ ಝೋ಼ಕಾಳ್ಯಾನಿತರ ರ‍್ಹೇಸ್. ಯೋ ಝೋ಼ಕಾಳ್ಯಮಾಥು ಫೇಖ್ಹಟ್‌ನ ಝ಼ಂಡಾ ಉಡಾತೆತಿಮ್‌ ಅವ್ಣೆ ಖ್ಹರಮ್‌ಕೊಂತೆ ಕಾಮ್‍ಕರಸ್, ಆ ಅದ್ಮೆವ್ ಆಕಾಶ್‌ಮ ವ್ಹವ್ತುಫಂಡಾತೆ ಶುಕ್ಕರ್‌ನಿತರ ಛಾ಼. ಅವ್ಣಖ್ಹಾಜೆ ಹಮೇಶಾನು ಅಂಧಾರಿನಪಾಳ್‍ನ ಖಾಯಮ್ ಕರಿರಾಖ್ಯೊಸ್.

ಪ್ರಕಾಶಿತ್ 1:20

ಮಾರ ಖಾವಹಾತ್ಮ ತುನೆ ದೇಖ್ಯೊತೆ ಖ್ಹಾತ್ ತಾರವ್ನ ಅಜು಼ ಖ್ಹಾತ್ ಖ್ಹೊನ್ನಾನು ದಿವಳ್ಗಿನು ಖಂಬಾನು ಮತ್ಲಬ್ ಬೋಲಿವತಾಳುಸ್, ಯೋ ಖ್ಹಾತ್ ತಾರೊ ಕತೊ ಖ್ಹಾತ್ ಸಬೇನು ದೂತರ್, ಯೋ ಖ್ಹಾತ್ ದಿವಳ್ಗಿನು ಖಂಬಖ್ಹಾರು ಕತೊ ಯೋ ಖ್ಹಾತ್ ಸಬೆಖ್ಹಾರಿ ಹುಯಿರ‍್ಹೀಸ್.

ಪ್ರಕಾಶಿತ್ 12:4

ಇನ ಡೋಂಡೇಥಿ ಆಬ್‌ನ ತಾರವ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖೇಚಿನ್ ಜ಼ಮೀನ್‌ಪರ್ ಫೇಖ್ಯು. ಜ಼ಣುಕರಾತೆ ಯೊ ತಯೇಡ ಜ಼ಣ್‌ತಾಸ್ನ ಇನ ಲಡ್ಕಾನ ಗಳಿಲೇವ್ಣುಕರಿ ಯೊ ಅರ್ಝ಼ ಇನ ಖ್ಹಾಮ್ಣೆಸ್ ಟಿವೈರ‍್ಹೂಥು.

ಪ್ರಕಾಶಿತ್ 14:7

ಯೊ ದೇವ್ನದೂತನೆ ಜೋ಼ರೇಥಿ, “ದೇವ್‍ಥಿ ಡರೊ ಇನ ಮಹಿಮೆಕರೊ. ಶನಕತೊ ಯೊ ಅದ್ಮಿಖ್ಹಾರನ ತೀರ್ಪ್ ದ್ಯವಾನಿ ವಖ್ಹತ್ ಐಗಿ. ಇನ ಆರಾದನೆ ಕರೊ ಸೊರ್ಗನಾಬಿ, ಜ಼ಮೀನ್ನಾಬಿ, ದರ‍್ಯಾವ್ನಾಬಿ, ಪಾಣಿನ ಚೇಜ಼್‌ಭಾರನಾಬಿ ಬಣಾವವಾಳನ ಆರಾದನೆ ಕರೊಕರಿ ಬೋಲ್ಯೊ.

ಪ್ರಕಾಶಿತ್ 16:4

ತೀನ್ನ ದೇವ್ನದೂತಾನೆ ಇನ ಕಟೋರಮ ಥೂತೆ ಇನ ನದ್ದೀವ್‌ಪರ್‌ಬಿ ಪಾಣಿನ ಚೆಜ಼್‌ಭಾರ ಪರ್ಬಿ ರಂಚ್ಯೊ. ತದೆ ಯೊ ಅಖ್ಖು ಪಾಣಿ ಲ್ಹೋಯಿ ಹುಯಿಗು.

ಪ್ರಕಾಶಿತ್ 6:13

ಅಂಜೀರ್‌ನ ಝಾ಼ಡಾನ ತುಫಾನ್ನೊ ವ್ಹಾಯಿರಾನು ಮಾರ್ ಪಡಿನ್ ಇನು ಪಕಾವಕೊಂತೆ ಪಂಡುಖ್ಹಾರು ಝ಼ಟ್‌ಕಾವನಿ ಘೋಣಿ ಆಬ್‍ಥು ಶುಕ್ಕರ್‌ಖ್ಹಾರು ಜ಼ಮೀನ್‌ಪರ್ ಝ಼ಟ್‌ಕೈನ್ ಪಡ್ಯು.

ಪ್ರಕಾಶಿತ್ 8:7

ಪಹಿಲೊ ದೇವ್ನು ದೂತಾನೆ ಇನು ತುತ್ತೂರಿನ ಫೂಕಾನಿವಖ್ಹ್‌ತೆ ಲ್ಹೋಯಿ ಮಳಿಹುಯು ಗಾರಾನೊ ಪಾಣಿಬಿ, ಆಗ್‌ಬಿ,ಜ಼ಮೀನ್‌ಪರ್ ರಂಚಾ಼ಯು. ಜ಼ಮೀನ್ನು ತೀನ್‌ಮಾನು ಏಕ್‌ಭಾಗ್ ಬಳಿಗಯು. ಝಾ಼ಡವ್‌ಮ ತೀನ್‌ಮಾನು ಏಕ್‌ಭಾಗ್ ಬಳಿಗಯು. ಹರ‍್ಯು ಘಾಖ್ಹ್‌ಅಖ್ಖು ಬಳಿಗಯು.

ಪ್ರಕಾಶಿತ್ 9:1

ಪಾಚ್ನೊ಼ ದೇವ್ನ ದೂತನೆ ತುತ್ತೂರಿನ ಫೂಕಾನಿವಖ್ಹ್‌ತೆ; ಆಬ್‍ಥು ಜ಼ಮೀನ್‌ಪರ್ ಪಡ್ಯೂತೆ ಏಕ್‌ ಶುಕ್ಕರ‍್ನ ದೇಖ್ಯೊ. ಇನ ಪಾತಾಳ್ನು ಬಾವ್ಡಿನು ಬೀಗಾನು ಕೀಲಿ ದೆವಾಯು.

ಪ್ರಕಾಶಿತ್ 9:15

ತದೆ ಅದಮ್‌ಜ಼ಮಾನಮ ತೀನ್‌ಮಾನು ಏಕ್‌ಭಾಗ್ ಅದ್ಮಿನ ಸಂಹಾರ್ ಕರಾನಖ್ಹಾಜೆ ಯೋಸ್‌ ವರಖ್ಹ್, ಯೋಸ್ ಮಹಿನೊ, ಯೋಸ್ ದನ್, ಯೋ ವಖ್ಹತ್‌ನಖ್ಹಾಜೆ ತಯಾರ್‌ಥಾತೆ ಯೊ ಚಾರ್‌ಜ಼ಣ ದೇವ್ನ ದೂತರ‍್ನ ಛುಟ್ಕಾರ್ ಕರಾಯು.

ಪ್ರಕಾಶಿತ್ 9:18

ಯೋ ಅಖ್ಖಾನ ಮ್ಹೊಡಾಮಾಥು ನಿಕ್‌ಳ್ಯೂತೆ ಯೊ ಆಗ್, ಧುವ್ವೊ, ರಂಜ಼ಕ್‌, ಕರಿ ಬೋಲಾನು ತೀನ್ ಖ್ಹತಾಪ್ಣಿಥಿ ಜ಼ಮೀನ್‌ಪರ್‌ನು ಅದ್ಮಿನು ತೀನ್‌ಮಾನು ಏಕ್‌ಭಾಗ್ ಮರೈಗಯು.