ಪ್ರಕಾಶಿತ್ 7:3 - ದೇವ್ನಿ ಖ್ಹಾಚಿ ವಚನ್

³ “ಹಮೆ ಹಮಾರ ದೇವ್ನ ದಾಸರ‍್ನ ತಾಳ್ವಪರ್ ಮುದ್ರೊ ಮಾರ‍್ವಲಗೂಬಿ ಜ಼ಮೀನ್ನರ‍್ಹವೊ, ದರ‍್ಯಾವ್ನರ‍್ಹವೊ, ಝಾ಼ಡಾವ್ನರ‍್ಹವೊ, ನಾಶ್‌ ನಾಕರ‍್ನು ಕರಿಬೋಲ್ಯೊ.

ಪ್ರಕಾಶಿತ್ 7:3 Iomraidhean Croise

ಮತ್ತಾಯ 24:22

ದೇವ್ ಯೋ ಖ್ಹಾರ ದನ್ನ ಕಮ್ ನಾ ಕರ‍್ಯೋತೊ, ಏಕ್‌ ಅದ್ಮಿ ಜಿನ್‌ಕುಬಿ ಬಚಿಜಾಶೆಕೊಯ್ನಿ; ಕತೋಬಿ ಇನೆ ಚೂ಼ಣಿಲಿದೊತೆ ಅದ್ಮಿನಖ್ಹಾಜೆ ದೇವ್ ಯೋ ಖ್ಹಾರ ದನ್ನ ಕಮ್ ಕರ್ಶೆ.

ಮತ್ತಾಯ 24:31

ಅಜು಼ ಯೋ ತುತ್ತೂರಿನೊ ಮೋಟೊ ಅವಾಜ಼್‌ಥಿ, ಇನ ದೂತರ್‌ನ ಜ಼ಮೀನ್ನಿ ಚಾರ‍್ಹೆ ಬಾಜೂ಼ಮ ಮೋಕಲ್‌ಶೆ, ಇವ್ಣೆ ಇನೆ ಚೂ಼ಣಿಲಿದೊತೆ ಇವ್ಣುನ ಆಬ್‌ನ ಏಕ್‌ ಬಾಜು಼ಥು ಧರಿನ್ ಬಿಜೇಕ್ ಬಾಜೂ಼ಲಗು ಎಕ್ಟು ಕರ್ಶೆ.

ಯೋಹಾನ 12:26

ಕೋಣ್ ಮಾರಿ ಸೇವೆ ಕರ್ನುಕರಿ ಛಾ಼ಕಿ ಮಾರ ಪೀಠೆ ಆವ್ಣುಸ್ ಆವ್ಣು, ತದೆ ಮೇ ಕಿಜ್ಜಾ಼ ರ‍್ಹೀಶ್‌ಕಿ ಹಿಜ್ಜಾ಼ಸ್ ಮಾರೊ ಸೇವಕ್‌ಬಿ ರ‍್ಹಿಶೆ. ಕೋಣ್ ಮಾರಿ ಸೇವೆ ಕರಾಸ್ಕಿ, ಇವ್ಣುನ ಮಾರೊ ಬಾ ಸನ್ಮಾನ್‌ ಕರ್ಶೆ.

ಯೋಹಾನ 3:33

ಕತೋಬಿ ಕೋಣ್ ಇನಿ ಸಾಕ್ಷಿನ ಮಾನಿಲೇಸ್ಕಿ, ಯೋ ಅಮ್ ಕರಾಥಿ ದೇವ್ ಖ್ಹಾಚು಼ ಕರಿ ಸಾಬಿತ್ ಕರಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:22

ಕತೋಬಿ ಹಮ್ಕೆ ತುಮೆ ಪಾಪ್‌ಥಿ ಛುಟ್ಕಾರ್ ಲ್ಯವಾಳಹುಯಿನ್, ದೇವ್ನ ಗುಲಾಮ್‌ ಹುಯಿರಾಸ್. ತುಮೂನ ಮಳಾನು ಫಾಯಿದೊ ಪರಿಶುದ್ ಭಣಿ ಲೀಜಾ಼ಸ್ ಇನು ಫಲ್ ಹಮೇಶಾನಿ ಜಿ಼ಂದ್‌ಗಿ ಹುಯಿರ‍್ಹುಸ್.

ಪ್ರಕಾಶಿತ್ 13:16

ಆ ಬೇನು ಜಾನ್ವರ್‌ಬಿ, ಶಾಣು, ಅಡ್ಡಾಣಿ, ಶೌಕಾರ್, ಗರೀಬ್, ಛುಟ್ಕಾರ್‌ರ‍್ಹವಾಳು, ಗುಲಾಮ್‌ಖ್ಹಾರು ಅಖ್ಖೂಬಿ ಇವ್ಣ ಇವ್ಣ ಖಾವಹಾತ್ಪರ್ ರ‍್ಹವೊ, ತಾಳ್ವಪರ್ ರ‍್ಹವೊ ಖ್ಹಣೇದ್ ನಖಾವ್ಣು ಕರಿ ಜು಼ಲಮ್‌ ಕರ‍್ಯು.

ಪ್ರಕಾಶಿತ್ 13:17

ಯೊ ಖ್ಹಣೇದ್ ಕಿನ ಕೊಯ್ನಿಕಿ ಇವ್ಣೆ ಲ್ಯಾವಾನ ಕೊಹುಯುನಿ ಅಜು಼ ವೇಚಾ಼ನಬಿ ಹುಯುಸ್ ಕೊಯ್ನಿ. ಯೊ ಖ್ಹಣೇದ್ ಖಿವುಕತೊ ಪಹಿಲ ಜಾನ್ವರ್‌ನು ನಾಮ್ ನತರ್ ಇನ ನಾಮ್ನ ವತಾಳನು ಗಣ್ತೀನು ಲೀಖ್ಯು.

ಪ್ರಕಾಶಿತ್ 14:1

ಅನಪಾರ್ ಮೆ ದೇಖಾಮ ಬಲಿ ಮೇಂಢಾನ ಚೆಲ್ಕುಹುಯಿರ‍್ಹವಾಳೊ ಚೀಯೋನ್ ಪರ್ಭತ್‌ಪರ್‌ ಭಿಯುರ‍್ಹವಾನು ದೇಖ್ಯೊ. ಇನ ಜೋ಼ಡ್ಮ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್‌ಜ಼ಣು ಥು. ಇವ್ಣ ತಾಳ್ವಪರ್ ಇನು ನಾಮ್‌ಬಿ ಇನ ಬಾನು ನಾಮ್‌ಬಿ ಲೀಖೈರ‍್ಹೂಥು.

ಪ್ರಕಾಶಿತ್ 14:9

ಇನ ಪೀಠೆ ತೀನ್ನೊ ದೇವ್ನದೂತನೆ ಅಯಿನ್, “ಕೋಣ್‌ತೋಬಿ ಖೆವತೋಬಿ ಜಾನ್ವರ್‌ನಾಬಿ ಇನು ಮೂರತ್‌ನಾಬಿ ಆರಾದನೆಕರಿನ್‌ ಇವ್ಣ ತಾಳ್ವಪರ್‌ರ‍್ಹವೊ ಹಾತ್‌ಪರ್‌ರ‍್ಹವೊ ಇನು ಖ್ಹಣೇದ್ನ ನಖೈರಾಖ್ಯೂತೊ,

ಪ್ರಕಾಶಿತ್ 19:2

ಇನು ನ್ಯಾವ್‌ನು ತೀರ್ಪ್‌ಖ್ಹಾರು ಖ್ಹಾಚು಼ಬಿ ನ್ಯಾವ್ನುಬಿ ಹುಯಿರುಸ್.ಅಪ್ಣ ದೇವ್ನೆ ವ್ಯಬಿಚಾರ‍್ನಿ ತಯೇಡಾನ ದಂಡನೆದಿದೊ, ಯೋ ಮೋಟಿ ವ್ಯಬಿಚಾರ‍್ನಿ,ಇನ ಪಾಪೇಲ ಕಾಮ್‍ಥಿ ಧರ್ತಿನ ಗಂಧು ಕರುಕರ್ತಿಥಿ. ಆ ಹೈರಿತೆ ಇನ ಸೇವಕರ್‌ನ ಮರೈನಾಖಿ ದಿದೀತೆ ಇನಖ್ಹಾಜೆ ದೇವ್ನೆಯಿನ ಬದಲ್ ತೀರ್ಪ್‌ದಿದೊ”. ಕರಿ ಬೋಲ್ತೊಹುಯಿನ್,

ಪ್ರಕಾಶಿತ್ 20:4

ಇನಪಾರ್ ಸಿಂಹಾಸನ್‌ಖ್ಹಾರು ದೇಖ್ಯೊ. ಯೋ ಖ್ಹಾರಪರ್ ಬೆಠೊರ‍್ಹವಾಳಾನ ತೀರ್ಪ್‌ಕರಾನಿ ಅದಿಕಾರ್ ದೆವಾಯು. ಅತ್ರೇಸ್ ಕಾಹೆತೆ ಯೇಸುನಿ ಸಾಕ್ಷಿನ ಖ್ಹಾಜೇಥಿಬಿ,ದೇವ್ನ ವಚನ್ನಖ್ಹಾಜೇಥಿಬಿ ಮುಂಡ್ ರ‍್ಹೇಖ್ಹಾವವಳಾನು ಆತ್ಮವ್‌ನಾಬಿ, ಜಾನ್ವರ್‌ಬಿ, ಇನ ಮೂರತ್ನ ಆರಾದನೆ ಕೋಕರ‍್ಯುಂತೆ ಇವ್ಣ ತಾಳ್ವಪರ್ ಅಜು಼ ಹಾತ್‌ಪರ್ ಇನು ಖ್ಹಣೇದ್ ನಖಾಯುಕೊಂತೆ ಇವ್ಣುನ ದೇಖ್ಯೊ.ಇವ್ಣೆ ಪಾಛು಼ ಜಿವ್ತು ಉಠೀನ್ ಹಜಾ಼ರ್ ವರಖ್ಹ್ ಕ್ರಿಸ್ತನ ಜೋ಼ಡ್ಮ ಆಳ್‌ಷೆ.

ಪ್ರಕಾಶಿತ್ 22:4

ಇವ್ಣೆ ಇನು ಮ್ಹೋಡು ದೇಕ್‌ಶೆ ಇವ್ಣ ಮುಡ್‌ಕ್ಯಪರ್ ಇನು ನಾಮ್ ಲೀಖೈರ‍್ಹಿಶೆ.

ಪ್ರಕಾಶಿತ್ 6:6

ಇನಪಾರ್ ಚಾರ್ ಜೀವಿನ ಇಚ್ಮಾ಼ಥು ಏಕ್‌ ಜ಼ಣಾನಿ ಅವಾಜ಼್ ನಿಕ್ಳಾನಿಘೋಣಿ ಖ್ಹಮ್‌ಜೊ. ಏಕ್‌ ಪೈಶಾನ ಏಕ್‌ ಶೇರ್ ಘವ್‌, ಅಜು಼ ಏಕ್‌ ದನ್ನಿ ಕೂಲಿ ತೀನ್ ಶೇರ್ ಬಾಜ಼್ರೊ, ಕತೋಬಿ ತೇಲ್ನ ಅಜು಼ ದ್ರಾಕ್ಷಿನ ರಖ್ಹ್‌ನ ಖರಾಬ್‌ನಕೋಕರ್” ಕರಿ ಬೋಲ್ಯು.

ಪ್ರಕಾಶಿತ್ 7:1

ಆ ಹುಯಿಜಾ಼ವದಿನ್ ಚಾರ್‌ಜ಼ಣ ದೇವ್ನು ದೂತರ್ ಜ಼ಮೀನ್ನು ಚಾರ್ ರುಕ್‍ಮ ಭೀರಿನ್ ಜ಼ಮೀನ್‌ಪರ್‌ರ‍್ಹವೊ, ದರ‍್ಯಾವ್‌ಪರ್‌ರ‍್ಹವೊ, ನತರ್ ಖೆವ ಝಾ಼ಡಪರ್‌ರ‍್ಹವೊ ವ್ಹಯಿರೊ ನಾವಾಗ್ಣುತೆ ತಿಮ್ ಜ಼ಮೀನ್ನು ಚಾರ್‌ದಿಕ್ನು ವ್ಹಾಯಿರಾನ ಭೀರಾಖಿರಾಖನು ದೇಖ್ಯೊ.

ಪ್ರಕಾಶಿತ್ 7:2

ಅತ್ರೇಸ್ ಕಾಹೆತೆ ಬಿಜೇಕ್ ದೇವ್‌ದೂತನೆ ಜಿವ್ತೊ ಜಾನ್ನೊ ಯೋ ದೇವ್ನ ಮುದ್ರಾನ ಧರಿಲೀನ್ ದನ್‌ನಿಕ್‌ಳಾ ಭಣೀಥು ಆವಾನು ದೇಖ್ಯೊ. ಅನೆ ಯೋ ಜ಼ಮೀನ್ನಾಬಿ ದರ‍್ಯಾವ್‌ನಾಬಿ ಖರಾಬ್ ಕರಾನಿ ಹುಕುಮ್‌ ಲೀರಾಖ್ಯಾತೆ ಯೋ ಚಾರ್‌ಜ಼ಣ ದೂತರ‍್ನ ಬುಲಾವ್ತೊ ಹುಯಿನ್ ಅಮ್ ಬೋಲ್ಯೊಕಿ;

ಪ್ರಕಾಶಿತ್ 9:4

ಜ಼ಮೀನ್‌ಪರ್ ಛಾ಼ತೆ ಘಾಖ್ಹ್‌ನ ರ‍್ಹವೊ ಪಂಡು ಫಲ್ನ ರ‍್ಹವೊ, ಝಾ಼ಡನ ರ‍್ಹವೊ, ನಾಶ್‌ನಾಕರ‍್ನುತೆ, ತಾಳ್ವಪರ್ ದೇವ್‌ನೊ ಮುದ್ರೊಕೊಂತೆ ಅದ್ಮಿವ್‌ನಖಲಿ ನಾಶ್‌ಕರ್ನುಕರಿ ಯೊ ಚಿಡ್ಡಾವ್ನ ಹುಕುಮ್‌ಹುಯು.