ಪ್ರಕಾಶಿತ್ 4:9 - ದೇವ್ನಿ ಖ್ಹಾಚಿ ವಚನ್

⁹ ಜ಼ಗ್‌ಜ಼ಮಾನಮಾಬಿ ಜಿವ್ತೊರ‍್ಹೀನ್ ಸಿಂಹಾಸನ್‌ಪರ್ ಬೆಠೊರ‍್ಹವಾಳಾನ ಯೋ ಜೀವಿ ಮಹಿಮ, ಮರ್ಯಾದಿ ಧನ್ಯವಾದ್ ಕರುಕರ್ತುಥು.

ಪ್ರಕಾಶಿತ್ 4:9 Iomraidhean Croise

ಇಬ್ರಿ 7:25

ಇನಖ್ಹಾಜೆ ಯೋ ಇನೇಥಿ ದೇವ್‌ಕನ ಆವಾಳಾನ ಪೂರ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೊಸ್. ಶನಕತೊ ಇವ್ಣಖ್ಹಾಜೆ; ದೇವ್‌ಕನ ಬಿಂತೀಕರಾನ ಕೆದೇಬಿ ಜಿವಿರ‍್ಹವಾಳೊ ಹುಯಿರ‍್ಹೊಸ್.

ಇಬ್ರಿ 7:8

ದಖ್ಹ್‌ಮ ಭಾಗ್ನ ಲ್ಯವಾಳ ಯಾಜಕ್‌ಖ್ಹಾರು ಏಕ್‌ಕೊಂತೆ ಏಕ್‍ದನ್ ಮರಾಸ್. ಕತೋಬಿ ಆಬ್ರಹಾಮ್‍ಥಿ ದಖ್ಹ್‌ಮ ಭಾಗ್ನ ಲೀರಾಖವಾಳೊ ಮೆಲ್ಕಿಜೆದೇಕ್ ಕೆದೇಬಿ ಜಿವ್ತೊರ‍್ಹಿಶೆ ಕರಿ ಧರ್ಮಶಾಸ್ತ್ರಮ ಬೋಲೈರ‍್ಹುಸ್.

ಪ್ರಕಾಶಿತ್ 1:18

ಕೆದೇಬಿ ಜಿವ್ತುರ‍್ಹವಾಳೊ ಹುಯಿರೊಸ್,ಮರ‍್ಯೊಹುಯೊಥೊ.ಕತೋಬಿ ದೇಕ್ ಜ಼ಗ್‌ಜ಼ಮಾನಮಾಬಿ ಜಿವ್ತು ರ‍್ಹವಾಳೊ ಹುಯಿರೊಸ್. ಮರಣ್ ಅಜು಼ ಪಾತಾಳ್ನ ಬೀಗಾನು ಕೀಲಿ ಮಾರಕನ ಛಾ಼.

ಪ್ರಕಾಶಿತ್ 10:6

ಸೊರ್ಗನಾಬಿ ಇನಾಮಛಾ಼ತೆ ಖ್ಹಾರಸ್ನ, ಜ಼ಮೀನ್ನಾಬಿ ಇನಾಮಛಾ಼ತೆ ಖ್ಹಾರಸ್ನ ದರ‍್ಯಾವ್‍ನಬಿ ಇನಾಮಛಾ಼ತೆ ಖ್ಹಾರಸ್ನ ಉಬ್‍ಜೈ಼ನ್‍ ಜ಼ಗ್‌ಜ಼ಮಾನಲಗು ಜಿವ್ತೊರ‍್ಹವಳಾನ ಉಪ್ಪರ್ ಆಣ್ ಕರೀನ್ “ಬಿಜೂ಼ಬಿ ಟಿವವಾನಿ ಜ಼ರೂರತ್ ಕೊಯ್ನಿ.

ಪ್ರಕಾಶಿತ್ 15:7

ಯೊ ಚಾರ್ ಜೀವಿಮ ಏಕ್‌ನೆ ಯೊ ಖ್ಹಾತ್‌ಜ಼ಣ ದೇವ್‌ದೂತವ್ನ ಖ್ಹಾತ್ ಖ್ಹೊನ್ನಾನ ಕಟೋರಾವ್ನ ದಿದು. ಯೊ ಕಟೋರಮ ಜ಼ಗ್‌ಜ಼ಮಾನಥೂಬಿ ಜಿವ್ತೊರ‍್ಹವಾಳೊ ದೇವ್ನು ಚ಼ಂಢಾಳ್ ಭರೈರ‍್ಹೂಥು.

ಪ್ರಕಾಶಿತ್ 21:5

ತದೆ ಸಿಂಹಾಸನ್‌ಪರ್ ಬೆಠೊಥೋತೆ ಇನೆ, “ದೇಖ್ ಮೇ ಖ್ಹಾರುಸ್ ನವೇಥಿ ಉಬ್‌ಜಾ಼ವುಸ್‌” ಕರಿ ಬೋಲ್ಯೊ. ಅಜು಼ ಏಕ್‌ ಜ಼ಣಾನೆ ಮನ, ತೂ ಅನ ಲೀಕ್. ಶನಕತೊ ಆ ವಚನ್‌ಖ್ಹಾರು ಖ್ಹಾಚು಼ಬಿ ವಿಶ್ವಾಸ್‌ ಕರಖ್ಹರ್ಕೂಬಿ ಹುಯಿರ‍್ಹುಸ್” ಕರಿ ಬೋಲ್ಯೊ.

ಪ್ರಕಾಶಿತ್ 4:2

ತುರಂಥಿಸ್ ಮೇ ಆತ್ಮಾನ ಕಬ್‌ಜ಼ಮಾಥೊ, ತದೆ ಹಿಜ್ಜಾ಼ ಪರ್‌ಲೋಕ್‌ಮ ಏಕ್‌ ಸಿಂಹಾಸನ್ ಥೀ.ಯೋ ಸಿಂಹಾಸನ್‌ಪರ್ ಏಕ್‍ಜ಼ಣೊ ಬೆಠೋಥೊ.

ಪ್ರಕಾಶಿತ್ 4:8

ಯೋ ಚಾರ್ ಜೀವಿ ಎಕೇಕೆನ ಛೊ಼ಛೋ಼ ಫಾಕ್ಡಿ ಥು. ಅಶ್‌ಪಿಶ್‌ಬಿ ಮಹಿಬಿ ಘಣು ಡೋಳಖ್ಹಾರುಥು, ಆ ಜಿನಾವರ್‌ ಖ್ಹಾರು ರಾತ್‌ದನ್ ಆರಾಮ್‌ಕೊಂತೆ ದೇವ್ ಹುಯಿರ‍್ಹಾವಳೊ ಪ್ರಭು ಪರಿಶುದ್ಧ್, ಪರಿಶುದ್ಧ್, ಪರಿಶುದ್ಧ್, ಯೋ ಸರ್ವಶಕತ್‌ನೊ ಅಗ್ಗಳ್ ಥೋತೆ, ಹಮ್ಕೆ ಛಾ಼ತೆ, ಆವಾಳೊಛಾ಼ತೆ ಕರಿ ಬೋಲುಕರ್ತುಥು.

ಪ್ರಕಾಶಿತ್ 5:1

ಮೇ ಸಿಂಹಾಸನ್‌ಪರ್ ಬೆಠಹುಯಾನ ಖಾವಹಾತ್ಮ ಏಕ್‌ ಪುಂಗ್‌ಳಿನ ದೇಖ್ಯೊ. ಇನ ಮಹಿನಿ ಬಾಜೂ಼ಮ ಅಜು಼ ಫಾದರ‍್ಲಿ ಬಾಜೂ಼ಮ ಲೀಖೈರೂಥು, ಯೋ ಖ್ಹಾತ್ ಮುದ್ರಾಥಿ ಮುದ್ರೊ ಮರೈರ‍್ಹೂಥು.

ಪ್ರಕಾಶಿತ್ 6:16

ಇವ್ಣೆ ಅಮ್ ಬೋಲ್ಯುಕಿ, ಪಹಾಡ್ನಾಬಿ ಬಂಡಾನಿ ಚಿಪಾಟ್‌ಬಿ ಹಮಾರಪರ್ ಲಡ್ಕಿಜಾವೊ, ಸಿಂಹಾಸನ್ನ ಉಪ್ಪರ್ ಬೆಠೊರ‍್ಹವಾಳಾನ ಮೇಂಢಾನಚೆಲ್ಕನ ಖೀಜ಼್‌ಮಾಥು ಹಮುನ ಛು಼ಕಾವ್‌!

ಪ್ರಕಾಶಿತ್ 7:15

ಇನಖ್ಹಾಜೆ ಇವ್ಣೆ ಹಮ್ಕೆ ದೇವ್ನ ಸಿಂಹಾಸನ್ನ ಖ್ಹಾಮ್ಣೆರ‍್ಹೀನ್, ಇನ ಮಂದಿರ್‌ಮ ರಾತ್‌ದನ್ ಆರಾದನೆ ಕರುಕರಸ್, ಸಿಂಹಾಸನ್‌ಪರ್ ಬೆಠೊರ‍್ಹವಾಳೋಸ್ ಇವ್ಣುನ ಆಖ್ಹ್‌ರೊ ಹುಯಿರ‍್ಹೊಸ್.