ಪ್ರಕಾಶಿತ್ 4:6 - ದೇವ್ನಿ ಖ್ಹಾಚಿ ವಚನ್

⁶ ಅತ್ರೇಸ್ ಕಾಹೆತೆ ಸಿಂಹಾಸನ್ನ ಖ್ಹಾಮ್ಣೆ ಫಟಕ್ಡಿನಿತರ ದೆಖಾವನು ಶಿಖ್ಹಾನು ದರ‍್ಯಾವ್ ರ‍್ಹವಾನಿಘೋಣಿ ದೆಖಾಯು. ಸಿಂಹಾಸನ್ನ ಚಾರ್ ಬಾಜು಼ಮಾಬಿ ಚಾರ್ ಜೀವಿ ಥೂ. ಇನಖ್ಹಾಮ್ಣೆ ಪೀಠೆ ಕೈಯೆಕ್ಕಿ ಡೋಳಾಥ.

ಪ್ರಕಾಶಿತ್ 4:6 Iomraidhean Croise

ಪ್ರಕಾಶಿತ್ 14:3

ಇವ್ಣೆ ಸಿಂಹಾಸನ್ನ ಖ್ಹಾಮ್ಣೆಬಿ ಯೊ ಚಾರ್ ಜೀವಿನ ಅಜು಼ ಶಾಣವ್ನ ಖ್ಹಾಮ್ಣೇಬಿ ನವು ಗೀದ್‌ ಬೋಲ್ಯು. ಆ ಧರ್ತಿಥು ಮೋಲ್ ಲೀರಾಖ್ಯುಥೂತೆ ಏಕ್‌ ಲಾಕ್ ಚಾರ್‌ಉಪ್ಪರ್ ಚಾ಼ಳಿಖ್ಹ್ ಹಜಾ಼ರ್ ಅದ್ಮಿನ ಪಣ್ಕಿ ಬಿಜು಼ ಕೋಣ್‌ಬಿ ಯೊ ಗೀದ್‌ನ ಶಿಕಾನ ಕೊಉಷೇನಿ.

ಪ್ರಕಾಶಿತ್ 15:2

ಮೇ ದೇಖಾನಿವಖ್ಹ್‌ತೆ ಆಗ್ ಮಳಿರ‍್ಹೂತೆ ಶಿಖ್ಹಾನ ದರ‍್ಯಾವ್‍ನಿ ಘೋಣಿ ಶಾತ್ಕಿ ಏಕ್‌ ಮನ ದೆಖಾಯು. ತದೆ ಜಾನ್ವರ್‌ಬಿ ಅಜು಼ ಇನ ಮೂರತ್ನ ಖ್ಹಲಾಮ್ ನಾಕರ‍್ನುತೇಬಿ ಇನ ನಾಮ್ನ ಖ್ಹಣೇದ್‍ನು ಲೀಖ್ಯಾನು ಮುದ್ರೊ ನಾನಖಾವ್ಣುತೇಬಿ ಜೈಕಾರ್ ಲೀರಾಖವಾಳು, ದೇವ್‍ಥಿ ದೆವಾಯುತೆ ಖ್ಹಾರಂಗಾವ್ನ ಇವ್ಣ ಹಾತ್ಮ ಧರಿಲೀನ್ ಶಿಖ್ಹಾನ ದರ‍್ಯಾವ್‌ಕನ ಭಿಯಾಥ.

ಪ್ರಕಾಶಿತ್ 15:7

ಯೊ ಚಾರ್ ಜೀವಿಮ ಏಕ್‌ನೆ ಯೊ ಖ್ಹಾತ್‌ಜ಼ಣ ದೇವ್‌ದೂತವ್ನ ಖ್ಹಾತ್ ಖ್ಹೊನ್ನಾನ ಕಟೋರಾವ್ನ ದಿದು. ಯೊ ಕಟೋರಮ ಜ಼ಗ್‌ಜ಼ಮಾನಥೂಬಿ ಜಿವ್ತೊರ‍್ಹವಾಳೊ ದೇವ್ನು ಚ಼ಂಢಾಳ್ ಭರೈರ‍್ಹೂಥು.

ಪ್ರಕಾಶಿತ್ 19:4

ತದೆ ಸಿಂಹಾಸನ್‌ಪರ್ ಬೆಠೂತೆ ದೇವ್ನ ಚಾರ್‌ ಉಪ್ಪರ್‌ವೀಖ್ಹ್‌ ಜ಼ಣು ಶಾಣೂಬಿ, ಯೋ ಚಾರ್ ಜೀವಿಬಿ ಆಡ್‍ಪಡಿನ್ ಆರಾದನೆ ಕರ್ತುಹುಯಿನ್, ಆಮೆನ್, ಹಲ್ಲೇಲೂಯಕರಿ ಬೋಲ್ಯು.

ಪ್ರಕಾಶಿತ್ 21:11

ಯೋ ಖ್ಹಯೇರ್ ದೇವ್ನಿ ಶಕಥ್ಥಿ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಅಜು಼ ಝ಼ಗೇಗುಕರಾತೆ ವಜ್ರನಿತರ ಉಜಾ಼ಖ್ಹ್‌ ದೆವ್‌ಕರ್ತೋಥೊ. ಘಣ ಮೋಲ್ನ ಐರಾನಿತರ ಜ಼ಮ್ಕು ಕರ್ತುಥು.

ಪ್ರಕಾಶಿತ್ 21:18

ಯೋ ಭೀತ್ ವಜ್ರಾನಬಂಡೇಥಿ ಭಂದೈರ‍್ಹುಥು ಯೊ ನಂಗರ್ ಐರಾನಿತರನು ಅಶ್ಲಿ ಖ್ಹೊನ್ನು ಹುಯಿರ‍್ಹುಥು.

ಪ್ರಕಾಶಿತ್ 21:21

ಭಾರ ಬಾಕಲ್‍ಖ್ಹಾರು ಭಾರ ಮುತ್ತ್ ಹುಯಿರ‍್ಹುಥು. ಹರೇಕ್ ಬಾಕಲ್ನಾಬಿ ಏಕೇಕ್‌ ಮುತ್ತ್‌ಥಿ ಬಣೈರಾಖ್ಯುಥು. ನಂಗರ‍್ನು ಗಲ್ಲಿ ಪಾಕ್‌ಥಿ ರ‍್ಹವಾನ ಶಿಖ್ಹಾನಿತರನು ಅಶ್ಲಿ ಖ್ಹೊನ್ನೇಥಿ ಬಣೈರ‍್ಹೂಥು.

ಪ್ರಕಾಶಿತ್ 22:1

ಅನಕೇಡೆಥು ದೇವ್ನದೂತನೆ ಫಟಕ್‌ಡಿನಿಘೋಣಿ ಉಜಾ಼ಖ್ಹ್‌ ದ್ಯವಾನು ಜಾನ್ನು ಪಾಣಿನ ನದ್ದೀನ ಮನ ವತಾಳ್ಯೊ. ಯೊ ನದ್ದಿ ದೇವ್ ಬಿಜು಼ ಮೇಂಢಾನ ಚೆಲ್ಕಾನು ಸಿಂಹಾಸನ್‌ಕಂಥು ಉಬ್ಜಿನ್,

ಪ್ರಕಾಶಿತ್ 4:4

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಅಶ್‌ಪಿಶ್ ಚಾರ್‌ಉಪ್ಪರ್ ವೀಖ್ಹ್‌ ಸಿಂಹಾಸನ್‌ಖ್ಹಾರಿಥಿ. ಯೋ ಸಿಂಹಾಸನ್‌ಪರ್ ಧೋಳು ಪೆರ್ವಾಖ್ಹ್‌ ಫೇರುಹುಯು ಚಾರ್ ಉಪ್ಪರ್ ವೀಖ್ಹ್‌ಜ಼ಣು ಶಾಣು ಬೇಠೂಥು. ಇವ್ಣ ಮಾಥಪರ್‌ ಖ್ಹೊನ್ನಾನಿ ಕಿರೀಟ್ ಘಲೈರ‍್ಹೀಥಿ.

ಪ್ರಕಾಶಿತ್ 5:11

ಇನಪಾರ್ ಇನು ಸಿಂಹಾಸನ್ನು ಚಾರ್ ಜೀವಿ ಅಜು಼ ಸಬೆನ ಶಾಣಾವ್ನ ಅಶ್‌ಪಿಶ್ ಭಿಯುಥೂತೆ, ಕೈಯೆಕ್ಕಿ ಜ಼ಣು ದೇವ್‌ದೂತರ‍್ನ ಅವಾಜ಼್‌ನ ಖ್ಹಮ್‌ಜೊ. ಇವ್ಣು ಗಣ್ತಿ ಲಾಖೋಲಾಕ್‌ಬಿ ಕರೋಡೊ ಕರೊಡೋಬಿ ಥು.ಬಿಜು಼ಪಾಛು಼ ದೇಖಾನಿ ವಖ್ಹ್‌ತೆ ದೇವ್ನ ದೂತರ್ ಭಿಯೂಥು.

ಪ್ರಕಾಶಿತ್ 5:14

ಯೋ ಚಾರ್ ಜೀವಿ “ಆಮೆನ್” ಕರಿ ಬೋಲ್ಯು. ಶಾಣುಖ್ಹಾರು, ಆಡ್‍ಪಡಿನ್ ಆರಾದನೆ ಕರ‍್ಯು.

ಪ್ರಕಾಶಿತ್ 5:6

ಸಿಂಹಾಸನ್‌ಬಿ ಚಾರ್ ಜೀವಿಬಿ ಥೂತೆ ಝಗೋಕನಾಬಿ ಅಜು಼ ಶಾಣುಖ್ಹಾರು ಥೂತೆ ಝ಼ಗೋನ ಇಚ಼್‌ಮ ಏಕ್‌ ಮೇಂಢಾನ ಭಿಯುರ‍್ಹವಾನು ದೇಖ್ಯೊ. ಯೋ ಹಮ್ಕೆ ತದೇಸ್‌ ಬಲೀನಖ್ಹಾಜೆ ರ‍್ಹೇಖ್ಹಯ್‌ ರ‍್ಹಾವನಿತರ ದೆಖವ್‌ಕರ್ತುಥು. ಯೋ ಮೆಂಢಾನ ಚೆಲ್ಕಾನ ಖ್ಹಾತ್ ಶಿಂಗ್ಡು ಖ್ಹಾತ್ ಡೋಳಾವ್‌ಥು. ಆಖ್ಹಾರು ಧರ್ತಿಪರ್ ಮೋಕ್‌ಲೈರ‍್ಹುಥೂತೆ ದೇವ್ನು ಖ್ಹಾತ್ ಆತ್ಮ ಹುಯಿರುಥು.

ಪ್ರಕಾಶಿತ್ 5:8

ಪುಂಗ್‌ಳಿನ ಮಾಂಗಿಲ್ಯವಾನಿ ವಖ್ಹ್‌ತೆ ಯೋ ಚಾರ್ ಜೀವಿ 24 ಜ಼ಣು ಶಾಣುಖ್ಹಾರು ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಪಗ್‍ಪರ್ ಆಡ್‌ಪಡ್ಯು. ಹರೇಕ್‌ಜ಼ಣಕನ ಹಾತ್ಮ ಖ್ಹಾರಂಗೊಬಿ ಖ್ಹಾಲರ‍್ಯಾನು ಢಪ್ಕಾರ್‌ಥಿ ಭರೈರ‍್ಹುಥೂತೆ ಖ್ಹೊನ್ನಾನಿ ಢಾಕ್ಣಿಬಿ ಥು. ಯೊ ದೇವ್ನು ಅದ್ಮಿನು ಪ್ರಾರ್ಥನೆ ಹುಯಿರ‍್ಹುಥು

ಪ್ರಕಾಶಿತ್ 6:1

ಮೇಂಢಾನು ಚೆಲ್ಕು ಹುಯಿರಾವಳೊ ಯೋ ಖ್ಹಾತ್ ಮುದ್ರಾನ ಫೋಡಾನಿವಖ್ಹ್‌ತೆ ಮೇ ದೇಖ್ಯೊ ಅಜು಼ ಯೋ ಚಾರ್ ಜೀವಿಮ ಏಕ್‌ ಜೀವಿ ಘಲಾರನಿತರಾನೊ ಗಳೇಥಿ “ಆವ್”! ಕರಿ ಬೋಲಾನು ಖ್ಹಮ್‌ಜೊ.

ಪ್ರಕಾಶಿತ್ 6:6

ಇನಪಾರ್ ಚಾರ್ ಜೀವಿನ ಇಚ್ಮಾ಼ಥು ಏಕ್‌ ಜ಼ಣಾನಿ ಅವಾಜ಼್ ನಿಕ್ಳಾನಿಘೋಣಿ ಖ್ಹಮ್‌ಜೊ. ಏಕ್‌ ಪೈಶಾನ ಏಕ್‌ ಶೇರ್ ಘವ್‌, ಅಜು಼ ಏಕ್‌ ದನ್ನಿ ಕೂಲಿ ತೀನ್ ಶೇರ್ ಬಾಜ಼್ರೊ, ಕತೋಬಿ ತೇಲ್ನ ಅಜು಼ ದ್ರಾಕ್ಷಿನ ರಖ್ಹ್‌ನ ಖರಾಬ್‌ನಕೋಕರ್” ಕರಿ ಬೋಲ್ಯು.

ಪ್ರಕಾಶಿತ್ 7:11

ಇವ್ಣೆಖ್ಹಾರು ಸಿಂಹಾಸನ್ನ ಅಶ್‌ಪಿಶ್ ಭಿಯೂಥು. ಶಾಣುಖ್ಹಾರು ಅಜು಼ ಚಾರ್ ಜೀವಿಬಿ ಹಿಜ್ಜಾ಼ಥು. ದೇವ್ನು ದೂತರ್ ಸಿಂಹಾಸನ್ನ ಖ್ಹಾಮ್ಣೆ ಘುಡ್‌ಗ್ಯಾಟೇಕಿನ್‌ ಆರಾದನೆ ಕರ್ತುಹುಯಿನ್,

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.