ಪ್ರಕಾಶಿತ್ 4:1 - ದೇವ್ನಿ ಖ್ಹಾಚಿ ವಚನ್

¹ ಇನಪಾರ್ ಮೆ ದೇಖಾನಿವಖ್ಹ್‌ತೆ ಸೊರ್ಗಾಮ ನಿಕ್ಳಿರ‍್ಹೂತೆ ಏಕ್‌ ದರ‍್ವಾಜು಼ ದೆಖಾಯು. ಪಹಿಲೆ ವಾತೆ ಬೋಲ್ಯುಥೂತೆ ಅವಾಜ಼್ ಪಾಛು಼ ತುತ್ತೂರಿನಿತರ ಬೋಲಾನಿತರ ಮನ ಖ್ಹಮಜ್‍ಪಡ್ಯು. ಯೋ ಅವಾಜ಼್ “ಹಜ್ಜಾ಼ ಛ಼ಡಿಆವ್ ಅಗ್ಗಳ್ ಚಾ಼ಲ್‌ಶೇತೆ ಖ್ಹಾರು ತುನ ವತಾಳಿದೆವುಸ್‌” ಕರಿ ಬೋಲ್ಯು.

ಪ್ರಕಾಶಿತ್ 4:1 Iomraidhean Croise

ಮತ್ತಾಯ 3:16

ಯೇಸು ಬ್ಯಾಪ್ತಿಸ್ಮ ಕರೈಲೀನ್, ಭಾರ್‌ ನಿಕಳ್‌ತಾಸ್ನ ಆಬ್‍ಫಾಟೀನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್‌ ಉತ್ರಿನ್ ಆಯೂತೆ ಯೇಸುನೆ ದೇಖ್ಯೊ.

ಮಾರ್ಕ 1:10

ಯೇಸು ಬ್ಯಾಪ್ತಿಸ್ಮ ಲೀನ್, ಪಾಣಿಮಾಥೊ ಭಾರ್‌ ನಿಕಳ್‌ತಾಸ್ನ, ಸೊರ್ಗ ನಿಕ್ಳಿನ್, ದೇವ್‌ನು ಆತ್ಮ ಪರ‍್ಯಾವಾನಿಘೋಣಿ ಇನಾಪರ್ ಉತ್ರಿನ್‌ ಆಯೂತೆ ದೇಖ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:21

ಅದ್ಮಿಖ್ಹಾರು ಬ್ಯಾಪ್ತಿಸ್ಮ ಕರೈಲ್ಯವಾನ ಬಾದ್‌ಮ, ಯೇಸುಬಿ ಬ್ಯಾಪ್ತಿಸ್ಮ ಕರೈಲಿದೊ. ಯೋ ಪ್ರಾರ್ಥನೆ ಕರುಕರಾನಿ ವಖ್ಹತ್‌ಮ, ಸೊರ್ಗ ನಿಕ್‌ಳ್ಯು,

ಯೋಹಾನ 16:13

ಕತೋಬಿ ಖ್ಹಾಚೊ಼ ಆತ್ಮ ಆವ್‌ಶೇತೆ ತದೆ, ಯೋ ತುಮೂನ ಖ್ಹಾರಿಸ್ ಬಾರೇಮ ಖ್ಹಾಚಾಮ ಚ಼ಲೈಲಿಜಾಷೆ. ಯೋ ಬೋಲ್‍ಶೇತೆ ಇನಿ ವಾತೆ ಕಾಹೆ, ಯೋ ಶಾತ್‌ ಖ್ಹಮ್‌ಜಾ಼ಸ್ಕಿ ಯೋಸ್‌ ತುಮೂನ ಬೋಲ್‌ಶೆ; ಅಜು಼ ಖ್ಹಾಮ್ಣೆ ಚಾ಼ಲ್‌ಶೇತೆ ಇನಿ ಬಾರೇಮ ತುಮೂನ ಬೋಲ್‌ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:11

ತದೆ ಆಕಾಶ್‍ ನಿಕ್ಳಿನ್ ಚಾರ್ ಕೋಣಾನ ಭಂದಾಯುಹುಯು ಮೋಟಿ ಝೋ಼ಳಿನಿತರಾನು ಏಕ್‌ ಜಿನಖ್ಹ್‌ ಜ಼ಮೀನ್‌ಪರ್ ಉತ್ರಿ ಉಳ್ಯಾವ್‌ತುಥೂತೆ ದೇಖ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 7:56

ತದೆ ಇನೆ, “ದೇಖೊ ಪರ್‌ಲೋಕ್ ನಿಕ್‍ಳೈರ‍್ಹೂತೆ; ಅದ್ಮಿನೊ ಛಿಯ್ಯೊ ದೇವ್ನ ಖಾವಿಬಾಜು಼ಮ ಭಿಯೋತೆ ಮೆ ದೇಖುಕರುಸ್” ಕರಿ ಬೋಲ್ಯೊ.

ಪ್ರಕಾಶಿತ್ 1:10

ಮೇ ಪ್ರಭುನ ದನ್ಮ ಪವಿತ್ರಾತ್ಮಥಿ ಭರೈನ್ ಮಾರ ಪೀಟ್ ಪಾಛ಼ಳ್ ಮೋಟಿ ಅವಾಜ಼್ ಏಕ್‌ ಖ್ಹಮಜ಼್ ಪಡ್ಯು,ಯೋ ತುತ್ತೂರಿನಿ ಆವಾಜ಼್‌ನಿಮತ್ ಥೂ.

ಪ್ರಕಾಶಿತ್ 1:12

ಮಾರ ಜೋ಼ಡೆ ವಾತೆ ಬೋಲುಕರ್ತುಥೂತೆ ಅವಾಜ಼್ ಕಿನುಕರಿ ದೇಖಾನ ಮೇ ಪೀಠೆ ಫರ‍್ಯೊ. ಫರಾನಿ ವಖ್ಹತ್‌ಮ ಖ್ಹಾತ್ ಖ್ಹೊನ್ನಾನು ದೀವೊ ಮ್ಹೇಲಾನುಖಮ್‌ ದೇಖ್ಯೊ.

ಪ್ರಕಾಶಿತ್ 1:19

ಇನಖ್ಹಾಜೆ ತೂ ದೆಖಾವನು ಖ್ಹಾರುಸ್,ಹಮ್ಕೆ ಚಾ಼ಲುಕರಾತೆ ಖ್ಹಾರುಸ್ ಅಗ್ಗಳ್ ಚಾ಼ಲಾನು ಅಖ್ಖಾಸ್ನ ಲೀಖ್.

ಪ್ರಕಾಶಿತ್ 11:12

ಇನಪಾರ್ ಇವ್ಣುನ, “ಹಜ್ಜಾ಼ ಉಪ್ಪರ್ ಛ಼ಡಿನ್ ಆವೊ” ಕರಿ ಆಬ್‍ಥು ಮೋಟ ಅವಾಜ಼್‌ನೆ ಬೋಲ್ಯು. ಇನ ಖ್ಹಮ್‌ಜುತೆ ಇವ್ಣೆ ವಾದ್ಳಮಾಕರಿ ಸೊರ್ಗನ ಛ಼ಡೀಗು. ಇವ್ಣೆ ಜಾ಼ವನು ಇವ್ಣ ವಹೇರ‍್ಯಖ್ಹಾರು ದೇಖುಸ್‌ಕರ್ತಥು.

ಪ್ರಕಾಶಿತ್ 11:19

ತದೆ ಸೊರ್ಗಾಮ ಥೂತೆ ಮಂದಿರ್‌ ನಿಕ್‌ಳ್ಯು. ದೇವ್ನ ಮಂದಿರ್‌ಮ ಇನು ಒಪ್ಪಂದನೊ ಡಾಬೊದೆಖಾಯು. ಆಸ್‌ಕಾಹೆತೆ, ಘಲಾರನು, ಘೂಂಜಾ಼ನು, ವಿಜ಼್‌ಳಿ ಖಡ್ಕಿನ್‌ ಭೂಕಂಪ್‌ಹುಯು. ಅಜು಼ ಮೋಟ ಗಾರಾನೊ ವರ್ಖ್ಹಾತ್ ಹುಯು.

ಪ್ರಕಾಶಿತ್ 16:17

ಖ್ಹಾತ್ನ ದೇವ್ನದೂತನೆ ಇನ ಕಟೋರಮ ಥೂತೆಯಿನ ವಹಿರಾನ ಗೋಳಪರ್ ನಾಖ್ಯೊ. ತದೆ ಮಂದಿರ್‌ನು ಸಿಂಹಾಸನ್‌ಥು ಮೋಟು ಅವಾಜ಼್ ಹುಯಿನ್, “ಖತಮ್ ಹುಯಿಗು” ಕರಿ ಬೋಲ್ಯು.

ಪ್ರಕಾಶಿತ್ 19:11

ಇನಪಾರ್ ಪರ್‌ಲೋಕ್ ನಿಕ್ಳಿರ‍್ಹಾವನು ಮೇ ದೇಖ್ಯೊ. ತದೆ ದೇಕ್, ಧೋಳೊ ಘೋಡೊ ಮನ ದೆಖಾಯು. ಇನಾಪರ್‌ ಬೆಠೊರ‍್ಹವಾಳಾನ ವಿಶ್ವಾಸ್‌ವಾಳೊ, ಖ್ಹಾಚೊ಼ಕರಿ ನಾಮ್. ಯೊ ನೀತಿಥಿ ನ್ಯಾವ್‌ನ ಫೇಡವಾಳೊ, ನೀತಿಥಿ ಜಂಗ್‌ಭೀಡವಾಳೊ ಹುಯಿರೊಸ್.

ಪ್ರಕಾಶಿತ್ 22:6

ಇನಪರ್ ದೇವ್ನದೂತನೆ ಮನ, ಆ ವಾತೆಖ್ಹಾರು ವಿಶ್ವಾಸ್ ಕರಖ್ಹರ್ಕೂಬಿ ಖ್ಹಾಚೂ಼ಬಿ ಹುಯಿರ‍್ಹುಸ್. ಪ್ರವಾದಿ ಖ್ಹಾರನ ಆತ್ಮಾನ ಪ್ರಭುಸ್ ದೇವ್ ಹುಯಿರೊಸ್. ಒಗ್ಗಿಸ್‌ಮ ಚಾ಼ಲನಯೂತೆ ವಾತೆಖ್ಹಾರಿ ಇನ ಸೇವಕರ್‌ನ ವತಾಳನ ದೇವ್ನೆಯಿನ ದೂತನ ಮೋಕ್ಲಿರಾಖ್ಯೊಸ್.