ಪ್ರಕಾಶಿತ್ 3:5 - ದೇವ್ನಿ ಖ್ಹಾಚಿ ವಚನ್

⁵ ಜೀತ್ ಲ್ಯವಾಳೊ ಧೋಳ ಲುಂಗ್ಡಾನ ಫೇರ್‌ಶೆ. ಜಾನ್ನ ಹಕ್‌ವಾಳಾನಿ ಪುಸ್ತಕಮಾಥು ಇನ ನಾಮ್ನ ಮೇ ನೂಛಿಶ್‍ಕೊಂತೆ ಯೋ ಮಾರೊ ಕರಿ ಮಾರ ಬಾನ ಖ್ಹಾಮ್ಣೇಬಿ ಇನ ದೂತವ್ನ ಖ್ಹಾಮ್ಣೆಬಿ ಮಾನವಾಳೊ ಹುಯಿರ‍್ಹೀಶ್,

ಪ್ರಕಾಶಿತ್ 3:5 Iomraidhean Croise

ಮತ್ತಾಯ 10:32

“ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಬೋಲಸ್ಕಿ, ಮೇಬಿ ಇನ ಸೊರ್ಗಾಮ ಛಾ಼ತೆ ಮಾರ ಬಾನ ಖ್ಹಾಮ್ಣೆ ಯೋ ಮಾರ ಭಣಿವಾಳೊ ಕರಿ ಬೋಲಿಶ್.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 10:20

ಕತೋಬಿ ಭೂತ್‌ಖ್ಹಾರು ತುಮಾರಿ ವಾತೇನ ಖ್ಹಮ್‌ಜಾ಼ಸ್‌ ಕರಿ ಬೋಲಿನ್ ಖ್ಹುಶಿ ನಕೊ ಕರೊ, ತುಮಾರು ನಾಮ್‌ಖ್ಹಾರು ಪರ್‌ಲೋಕ್‌ಮ ಲೀಖೈರ‍್ಹುಸ್ ಕರಿ ಬೋಲಿನ್ ಖ್ಹುಶಿ ಕರೊ”.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:8

“ಮೇ ತುಮೂನ ಬೋಲಸ್ಕಿ, ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲೇಸ್ಕಿ, ಅದ್ಮಿನೊ ಛಿಯ್ಯೋಬಿ, ದೇವ್‌ನು ದೂತರ್‌ನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲಿಶೆ.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.

ಪ್ರಕಾಶಿತ್ 19:8

ಉಜಾ಼ಖ್ಹ್‌ನುಬಿ ಶುದ್ದಬಿ ಕವ್‌ಳು ಕೋರುಲುಂಗ್ಡು ಫೇರಾನಯಿನ ವಾರ್‌ಖ್ಹೊ ಮಳ್ಯು. ಯೋ ಕೋರುಲುಂಗ್ಡು ಕತೊ ದೇವ್ನು ಅದ್ಮಿವ್‌ನು ನ್ಯಾವ್‌ನು ಕಾಮ್‌ಖ್ಹಾರುಸ್‌ ಹುಯಿರುಸ್.

ಪ್ರಕಾಶಿತ್ 2:11

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಜೂತವಾಳನ ಬೇನಿ ಮರಣ್‌ಥು ಶನು ಗಲತ್‌ ಕೋಉಷೇನಿ.

ಪ್ರಕಾಶಿತ್ 2:7

ದೇವ್ನುಆತ್ಮನೆ ಸಬೆಖ್ಹಾರಾನ ಬೋಲಾತೆ ಇನ ಕಾನ್‌ರ‍್ಹವಾಳು ಖ್ಹಮ್‌ಜಾ಼ದೆ. ಕೋಣ್ ಜೂತಾಸ್ಕಿ ಇನ ದೇವ್ನ ಸೊರ್ಗಾಮ ಛಾ಼ತೆ ಜಾನ್ನ ಝಾ಼ಡ್‌ಣ ಪಂಡಾನ ಖಾವಾನ ಹುಕುಮ್‌ ದಿಶ್.

ಪ್ರಕಾಶಿತ್ 20:12

ಅತ್ರೇಸ್ ಕಾಹೆತೆ ಮರ‍್ಯುಹುಯು ನ್ಹಾನು ಮೋಟು ಖ್ಹಾರುಸ್ ಸಿಂಹಾಸನ್ನ ಖ್ಹಾಮ್ಣೆ ಬೆಠುರಾವನು ದೇಖ್ಯೊ. ತದೆ ಪುಸ್ತಕ್ ಅಖ್ಖೂಸ್ ಛೋ಼ಡಾಯು. ಜಾನ್ನ ಹಕ್‌ವಾಳಾನಿ ಪಟ್ಟಿ ಕರಿ ಅಜೇಕ್ ಪುಸ್ತಕ್‍ಬಿ ಛೋ಼ಡಾಯು.ಆ ಪುಸ್ತಕ್‌ಮ ಲೀಖೈರ‍್ಹೂಸ್ತೆ ಪರಕ್ಮ ಯೋ ಮರ‍್ಯುಹುಯು ಖ್ಹಾರನ ಇವ್ಣು ಇವ್ಣು ಕಾಮ್ ಕಿಮ್ಕಿ ತಿಮ್ಮಸ್ ತೀರ್ಪ್‌ಹುಯು.

ಪ್ರಕಾಶಿತ್ 20:15

ಯೋ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುನಾಮ್‍ ಲೀಖೈರ‍್ಹಾವನು ದೆಖಾಯು ಕೊಯ್ನಿಕಿ ಇನ ಆಗ್ನ ತಲಾವ್ಮ ಭಿರ್ಕಾಯು.

ಪ್ರಕಾಶಿತ್ 21:27

ಕತೋಬಿ ಅಶುದ್ದ ರ‍್ಹವಾನು ಖಿವು ಏಕ್‌ಬಿ ಕೊಪೇಖ್ಹ್‌ಶೇನಿ. ಇಮ್ಮಸ್ ಕಚಿಂಡ್‌ಕಾಮ್‌ ಕರಾವಳೊಬಿ ಠಗಾವವಾಳೋಬಿ ಇನಾಮ ಪೇಖ್ಹ್‌ಶೆ ಕೊಯ್ನಿ. ಕತೋಬಿ ಮೇಂಢಾನು ಚೆಲ್ಕು ಹುಯಿರ‍್ಹವಾಳನ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹೇಸ್ಕಿ ಇವ್ಣೆಖಲಿ ಯೊ ಖ್ಹಯೇರ್‌ಮ ಪೇಖ್ಹ್‌ಶೆ.

ಪ್ರಕಾಶಿತ್ 22:19

ಖಿವೊತೋಬಿ ಆ ಪ್ರವಾದನೆನು ವಚನ್‌ಮ ಏಕ್ನತೋಬಿ ಕಾಡಿನಾಖ್ಯೊತೊ, ಆ ಪುಸ್ತಕ್‌ಮ ಬೋಲೈರ‍್ಹುಸ್ತೆ ಜಾನ್ನ ಝಾ಼ಡಮಾಬಿ ಪರಿಶುದ್ಧ ಖ್ಹಯೇರ್‌ಮಾಬಿ ಇನಛಾ಼ತೆ ವಾಟಾನ ದೇವ್ ಕಾಡಿನಾಕ್‌ಶೆ.

ಪ್ರಕಾಶಿತ್ 3:12

ಖಿವೊ ಜೂತಾಸ್ಕಿ ಇನ ಮಾರ ದೇವ್ನ ಮಂದಿರ್‌ಮ ಆಧಾರ್‌ನು ಖಂಬುಕರಿನ್ ಭೀರಾಖಿಷ್. ಯೋ ಕದೇಬಿ ಹಿಜ್ಜಾ಼ಥು ಧಕ್‍ಷೇಸ್‍ ಕೊಯ್ನಿ. ಅತ್ರೇಸ್ ಕಾಹೆತೆ ಮಾರ ದೇವ್ನ ನಾಮ್ನ ಅಜು಼ ಮಾರ ದೇವ್ನ ಖ್ಹಯೇರ‍್ನು ನಾಮ್ ಇನಾಪರ್ ಲೀಖಿಶ್. ನವು ಯೆರೂಸಲೇಮಸ್ ಯೊ ನಂಗರ್. ಯೋ ಖ್ಹಯೇರ್ ಮಾರ ದೇವ್‌ಕಂಥು ಸೊರ್ಗಮಾಥು ಉತ್ರಿ ಆವ್‌ಶೆ. ಮಾರು ನವುನಾಮ್ ಇನಾಪರ್ ಲೀಖಿಶ್.

ಪ್ರಕಾಶಿತ್ 3:4

“ತುಮಾರು ಸಬೆನ ಮಳಿರ‍್ಹುಸ್ತೆ ಥೋಡ ಜ಼ಣ ಸಾರ್ದಿಸ್‍ನು ಬೀಜೂಬಿ ಪವಿತ್ರ ಛಾ಼. ಅವ್ಣೆ ಇವ್ಣ ಲುಂಗ್ಡಾನ ಗಂಧು ಕೋಕರಿರಾಖ್ಯುನಿ. ಅವ್ಣೆ ಯೋಗ್ಯರ್ ಹುಯಿರ‍್ಹಿಷೇತೆ ಇನಖ್ಹಾಜೆ ಧೋಳು ಲುಂಗ್ಡಾನ ಫೇರಿನ್ ಮಾರ ಜೋ಼ಡ್ಮ ಚಾ಼ಲ್‍ಷೆ.

ಪ್ರಕಾಶಿತ್ 6:11

ತದೆ ಇವ್ಣಾಮ ಅಖ್ಖಾಸ್ ಜ಼ಣಾನ ಏಕೇಕ್‌ ಧೋಳೊ ಝ಼ಗ್ಗೊ ದೆವಾಯು. ಅಜು಼ ಥೋಡಿ ವಖ್ಹತ್ ಟಿವೈರ‍್ಹೇಣುಕರಿ ಯೋ ಆತ್ಮವ್‌ನ ಖ್ಹಮ್‌ಜಾ಼ಡ್ಯು. ತುಮಾರಿನಿತರ ಖೂನಿ ಹೋಣುತೆ ಭೈಯೇಮ ಥೋಡುಜ಼ಣು ಅಜು಼ ಜೋ಼ಡ್ನ ಚಾ಼ಕ್ರಿ ಕರಾವಳನಿ ಗಣ್ತಿ ಪೂರ ಹುವಾಲಗು ಅರಾಮ್‌ಥಿ ರ‍್ಹೇವ್ಣುಕರಿ ಇವ್ಣುನ ಬೋಲಾಯು.