ಪ್ರಕಾಶಿತ್ 3:10 - ದೇವ್ನಿ ಖ್ಹಾಚಿ ವಚನ್

¹⁰ ಮಾರಿ ವಚನ್ನ ತುನೆ ಚ಼ಲಾಯೊತೆ ಇನಖ್ಹಾಜೆ ಧರ್ತಿಮ ಜಿವ್ಣುಕರವಾಳ ಖ್ಹಾರಸ್ನ ತರೀಪ್ಷ ಕರಾನಖ್ಹಾಜೆ ಅಖ್ಖಾ ಜಗತ್ನಪರ್ ಆವಾನಯುತೆ ಕಠಣ್ ಶೋದನೆನ ದನ್ಮ ಮೇ ತುನ ಆಖ್ಹ್‌ರೊ ಕರಾವಾಳೊ ಹುಯಿನ್ ಬಚಾ಼ಡಿಶ್.

ಪ್ರಕಾಶಿತ್ 3:10 Iomraidhean Croise

ಮತ್ತಾಯ 24:14

ರಾಜ್ಯನು ಆ ಅಛ್ಛಿ ಸಮಾಚಾರ್ ಜಗತ್‌ನು ತಮಾಮ್‌ ದೇಖ್ಹ್‌ವಾಳ ಅದ್ಮಿನ ಸಾಕ್ಷಿನಟೇಕೆ ಬೋಲಾವ್‌ಶೆ; ತದೆ ಖ್ಹರ್ತಿನದನ್‍ ಆವ್‌ಶೆ.

ಮತ್ತಾಯ 26:41

ಶೋದನೆಮ ಪಡ್ಣುನಾತೆ ಇಮ್‌ ಹೊಷಾರಿ ರ‍್ಹೀನ್, ಪ್ರಾರ್ಥನೆ ಕರೊ. ಮನ್ ಛಾ಼ ಖ್ಹಾಚಸ್, ಕತೋಬಿ ಶರೀರ್‌ನ ಶಕತ್ ಪುರಾಕೊಯ್ನಿ” ಕರಿ ಬೋಲ್ಯೊ.

ಮತ್ತಾಯ 6:13

ಹಮೂನ ಶೋದನೆಮ ನಕೊನಾಕ್‌, ಕತೋಬಿ ಶೈತಾನ್‌ಥಿ ಹಮೂನ ಛೋ಼ಡಾವ್.’

ಮಾರ್ಕ 14:9

“ಹಿಡಿ ಜಗತ್‌ಮ ದೇವ್ನಿ ಅಛ್ಛಿ ಖಬರ್ ಕಿಜ಼್ಜ-ಕಿಜ಼್ಜ ಬೋಲಾವ್‌ಶೇಕಿ, ಹಿಜ್ಜಾ಼-ಹಿಜ್ಜಾ಼ ಅನೆ ಕರೀತೆ ಇನಾಬಿ ಅನಿ ಯಾದ್‌ನಖ್ಹಾಜೆ ಬೋಲ್‌ಶೆ”ಕರಿ ತುಮುನ ಖ್ಹಾಚಮಾಬಿ ಬೋಲುಸ್ ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 2:1

ಯೋ ದನೂಮ ಕೈಸರ್ ಅಗಸ್ಟಸ್‌ನೆ ರೋಮ್‍ನು ರಾಜ಼್‌ಭಾರ್‌ ಚಾ಼ಲುಕರಾಸ್ತೆ ಖ್ಹಾರಾಸ್ ದೇಖ್ಹ್‌ಮ ಅದ್ಮಿಖ್ಹಾರಾನಿ ಗಣ್ತಿ ಹೋಣುಕರಿ ಹುಕುಮ್ ದಿದೊ.

ಯೋಹಾನ 17:6

ಆ ಜಗತ್‌ಮ ಖೆವ ಅದ್ಮಿನ ಮನ ದಿರಾಖ್ಯೋಸ್ಕಿ, ಮೇ ತಾರ ನಾಮ್ನ ಮಾಲುಮ್ ಕರೈರಾಖ್ಯೋಸ್. ಇವ್ಣೆ ಮಾರುಸ್‌ ಹುಯಿರುಥು,ಅಜು಼ ತುನೇಸ್ ಇವ್ಣುನ ಮನ ದಿದೊ. ಇವ್ಣೆ ಮಾರಿ ವಚನ್ನ ಪಾಡಿನ್ ಚಾ಼ಲಿರಾಖ್ಯುಸ್‌.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:8

ಖ್ಹಾರೇಥಿ ಪಹಿಲೆ ತುಮಾರಿ ವಿಶ್ವಾಸ್‌ನಿ ಬಾರೇಮ ಜಗತ್ನ ಅಖ್ಖಿಬಾಜು಼ ಪೂಚ್‍ತಾಚ಼್ ಹೂಕರಸ್. ಇನಖ್ಹಾಜೆ ಮೇ ತುಮಾರಭಣೀಥು ಯೇಸುಕ್ರಿಸ್ತನ ನಾಮ್‌ಥಿ ದೇವ್ನ ಧನ್ಯವಾದ್ ಕರುಸ್.

1 ಕೊರಿಂಥ 10:13

ಅದ್ಮಿವೋನ ಮಾಮುಲಿ ಅವಾತೆ ಖ್ಹತಾಪ್ಣಿ ಮ್ಹೆಲ್ಯುತೊ ಬಿಜು಼ ಖೆವುಕಿ ತುಮೂನ ಆಯುಕೊಯ್ನಿನಿ. ಕತೋಬಿ ದೇವ್ ವಿಶ್ವಾಸ್‌ವಾಳೊ. ತುಮೂನ ಖ್ಹಮಾಳನ ಹೋಯಿಕೊಂತೆ ಶೋದನೆಖ್ಹಾರಾನ ಯೋ ತುಮಾರಪರ್ ಆವಾನಿತರ ಮ್ಹೆಲಕೊಯ್ನಿ. ಕತೋಬಿ ತುಮೂನ ಶೋದನೆ ಆಯುತೊ ಯೊ ಅಖ್ಖಾನ ಖ್ಹಮಾಳನ ಶಕತ್‌ವಾಳ ಹುವಾನಿತರ ಯೋ ಅಖ್ಖೇಥಿ ಛು಼ಕಿಜಾ಼ವಾನೊ ಮಾರಗ್ ಬಣಾವಸ್.

ಎಫೆಸ 6:13

ಇನಾಖ್ಹಾಜೆ ಯೊ ಖರಾಬ್ ದನ್ಮ ವಹೇರ‍್ಯಖ್ಹಾರಾನ ಭಿಡಾನಖ್ಹಾಜೇಬಿ ಕರ್ನುತೆ ಖ್ಹಾರಕಾಮ್ನ ಕರೀನ್ ಘಟ್‍ಥಿ ಭಿರ‍್ಯಾವನ ಖ್ಹಾಜೆ ಅಜು಼ ಇನಪಾರ್ ಶಕತ್‌ವಾಳ ಹುವಾನಿತರ ದೇವ್ ದೇಸ್ತೆ ಅಖ್ಖಿ ಕಫ್ಪನ್ನ ಧರಿಲೆವೊ.

2 ತಿಮೊ 2:12

ಅಪ್ಣೆ ಕೆದೆಕೆದೇಬಿ ಖ್ಹಮಾಳಿಲಿದಾತೊ, ಇನ ಜೋ಼ಡೆಸ್ ಅದಿಕಾರ್‌ಬಿ ಚ಼ಲಾವ್‌ಶು, ಅಪ್ಣೆ ಇನ ಭಣಿವಾಳ ಕಾಹೆ ಕರಿ ಬೋಲ್ಯಾತೊ, ಯೋಬಿ ಅಪ್ಣೆ ಇನಾಭಣಿವಾಳ ಕಾಹೆ ಕರಿ ಬೋಲ್‌ಶೆ.

ಯಾಕೋಬ 3:12

ಮಾರ ಭೈಯೇ ಭೇನೆವೊ, ಅಂಜೀರ್‌ನು ಝಾ಼ಡು ಓಲಿವ್ ಝಾ಼ಡಾನು ಪಂಡು ಮ್ಹೇಲ್‌ಶೇಕಿ ಶು? ದ್ರಾಕ್ಷಿನ ವೇಲಮ ಅಂಜೀರ್‌ ಮಳ್‍ಶೆಕಿ ಶು? ಇಮ್ಮಸ್ ಕೆಹೊ ಚೇಜ಼್‌ಭಾರೋಬಿ ಖಾರುಪಾಣಿನಾಬಿ ಮಿಠ್ಠು ಪಾಣಿನಾಬಿ ಕೋದಿಶೇನಿ.

1 ಪೇತ್ರ 4:12

ಮಾರ ಪ್ಯಾರ್‌ನ ದೋಸ್ತಿವೊ, ತುಮುನ ಛಾ಼ಣನಖ್ಹಾಜೆ ಆವ್‌ಶೇತೆ ದುಖ್‌ನು ತರೀಪ್ಷ ದೇಖಿನ್ ತುಮೆ ಆಶ್ಚರ್ಯ ನಕೊ ಖಾವೊ. ಮಾಲುಮಸ್‍ಕೊಂತೆ ಶಾತ್ಕಿ ಚಾ಼ಲ್ಯು ಕರಿ ಸೋಚೊನಕೊ.

2 ಪೇತ್ರ 2:9

ಪ್ರಭು ಭಕ್ತಿವಾಳಾನ ಮುಶ್ಕಿಲ್‌ಮಾಥು ಬಚಾ಼ಡನಾಬಿ ಅನೀತಿವಾಳಾನ ನಿಶತ್ ದ್ಯವಾನಖ್ಹಾಜೆ ನ್ಯಾವ್ನ ದನ್ ಆವಾಲಗು ರಾಖನಬಿ ಮಾಲುಮ್‌ ಕರಿರಾಖ್ಯೊಸ್.

ಪ್ರಕಾಶಿತ್ 1:9

ಯೋಹಾನಕರಿ ಮೆ ಕ್ರಿಸ್ತಮ ತುಮಾರೊ ಭೈ ಹುಯಿರೋಸ್. ಅಪ್ಣೆ ಹಿಡಿಕ್ ಯೇಸುನಖ್ಹಾಜೆ ಖ್ಹತಾಪ್ಣಿಮಾಬಿ,ರಾಜ್ಯಮಾಬಿ, ಖ್ಹಮಾಳಮಾಬಿ ವಾಟೊಲೀರಾಖ್ಯಸ್, ಮೆ ದೇವ್ನಿ ಸಮಾಚಾರ್‌ನಾಬಿ ಯೇಸುನಿ ಬಾರೇಮ ಸಾಕ್ಷಿ ದ್ಯವಾನಖ್ಹಾಜೆ ಪತ್ಮೋಸ್ ಟಾಪಾಮ ಥೊ.

ಪ್ರಕಾಶಿತ್ 11:10

ಆ ಭೇಜ಼ಣ ಪ್ರವಾದಿವ್ನೆ ಧರ್ತಿನ ಲೋಗ್ನ ಖ್ಹತಾಪ್ಣಿ ಕರ‍್ಯುಥೂತೆಖ್ಹಾಜೆ ಅವ್ಣೆ ಮರ‍್ಯುತೆ ದೇಖಿನ್ ಜ಼ಮೀನ್‌ಪರ್‌ನು ಅದ್ಮಿ ಖುಷಿಕರ್ಷೆ ಅಜು಼ ಹಾಶಿಖುಶಾಲಿ ಕರಿನ್ ಏಕ್‌ಥಿಏಕ್‌ ಇನಾಮ್‌ ಮೋಕಲ್‌ಶೆ.

ಪ್ರಕಾಶಿತ್ 13:10

ಕೋಂಡಿಘಾಲವಳೊ, ಇನುಯೋಸ್ ಜೇಲ್‌ಮ ಜಾ಼ಶೆ, ತಲ್ವಾರ್‌ಥಿ ಮಾರವಳು ತಲ್ವಾರ್‌ಥೀಸ್ ಮರ್ಶೆ. ಅನಾಮ ದೇವ್ನು ಅದ್ಮಿಖ್ಹಾರು ಖ್ಹಮಾಳಿನ್ ವಿಶ್ವಾಸ್‌ಥಿ ರ‍್ಹೇವ್ಣು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 13:8

ಜಗತ್‌ ಉಬ್‌ಜಾ಼ನ ಪಹಿಲೆಸ್ ರ‍್ಹೇಖ್ಹಾಯೊತೆ ಮೇಂಢಾನ ಚೆಲ್ಕು ಹುಯಿರ‍್ಹವಾಳನ ಛಾ಼ತೆ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಕಿನುಕಿನು ನಾಮ್‌ಖ್ಹಾರು ಲೀಖೈರ‍್ಹುಕೊಯ್ನಿಕಿ ಜ಼ಮೀನ್ನು ಯೊ ಅದ್ಮಿಖ್ಹಾರೂಸ್ ಯೊ ಭಯಂಕರ್ ಜಾನ್ವರ್‌ನ ಆರಾದನೆ ಕರ್ಶೆ.

ಪ್ರಕಾಶಿತ್ 14:12

ಅನಾಮ ದೇವ್ನಿ ಹುಕುಮ್‌ನಾಬಿ, ಯೇಸುನಿ ಬಾರೇನಿ ವಿಶ್ವಾಸ್‌ನ ಪಾಡಿನ್ ಚಾ಼ಲುಕರಾವಳ ದೇವ್ನ ಅದ್ಮಿಖ್ಹಾರನ ಖ್ಹಮಾಳಿರ‍್ಹವಾನು ಹಜ್ಜಾ಼ ವತಾಳ್ಣು ಪಡಾಸ್‌.

ಪ್ರಕಾಶಿತ್ 14:6

ಬಿಜೇಕ್ ದೇವ್‌ನೊ ದೂತ ಆಬ್‌ನ ಇಚ಼್‌ಮ ಉಡುಕರಾನು ದೇಖ್ಯೊ. ಜ಼ಮೀನ್‌ಪರ್ ಜಿವ್‌ಕರಾತೆ ಹರೇಕ್ ಜ಼ಗ್‌ಜಾ಼ತ್‌, ಖೂಮ್‌, ಬೋಲಿ, ಅದ್ಮಿಖ್ಹಾರನ ಬೋಲಿವತಾಳಾನ ಖ್ಹಾಜೆ ಹರ್‌ಹಮೇಶಾನು ಅಛ್ಛಿ ಸಂದೇಶ್ ಇನಾಕನ ಥು.

ಪ್ರಕಾಶಿತ್ 16:14

ಆ ಖ್ಹಣೇದ್‌ನುಕಾಮ್‌ ಕರವಾಳು ಭೂತ್‌ನು ಆತ್ಮ ಹುಯಿರ‍್ಹಿನ್ ಧರ್ತಿಪರ್‌ಲ್ಯ ಅಖ್ಖಾಸ್ ರಾಜ಼ವ್‌ಕನ ಜೈ಼ನ್ ಸರ್ವಶಕತ್‌ನೊ ದೇವ್ನ ಮಹಿಮೆನ ದನ್ನ ಜಂಗ್‌ನಖ್ಹಾಜೆ ಇವ್ಣುನ ಎಕ್ಟು ಕರುಕರ್ತುಥು.

ಪ್ರಕಾಶಿತ್ 17:2

ಪಾಪೇಲು ಸಂಬಂದ್ ಕತೊ ಧರ್ತಿನ ರಾಜ಼ವ್‌ಬಿ ಇನಿ ಜೋ಼ಡ್ಮ ವ್ಯಬಿಚಾರ್ ಕರ‍್ಯು ಅಜು಼ ಜಗತ್‌ನು ಅದ್ಮಿಖ್ಹಾರು ಇನ ವ್ಯಬಿಚಾರ್‌ಕರಿ ದ್ರಾಕ್ಷಿನೊರಖ್ಹ್‌ನ ಪೀನ್ ಮೈಕಮ್‌ ಹುಯಿಗು” ಕರಿ ಬೋಲ್ಯೊ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.

ಪ್ರಕಾಶಿತ್ 2:10

ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.

ಪ್ರಕಾಶಿತ್ 3:8

ತಾರು ಕಾಮ್‌ಖ್ಹಾರು ಮನ ಮಾಲುಮ್ ತುನ ಛಾ಼ತೆ ಶಕತ್ ಥೋಡು ರ‍್ಹಯುತೋಬಿ ತುನೆ ಮಾರ ನಾಮ್ನ ಧಕೇಲ್ಯೊಕೊಂತೆ ಮಾರಿ ವಚನ್ನ ಬಚಾ಼ಡ್ಯೊತೆ ಇನಖ್ಹಾಜೆ ಹಂದೇಕ್ ತಾರಖ್ಹಾಮ್ಣೆ ಏಕ್‌ ಬಾಕಲ್ನ ಉಖ್ಡಿರಾಖ್ಯೊಸ್. ಕೋಣ್‌ಬಿ ಇನ ಮೂಚ್‍ಷೆ ಕೊಯ್ನಿ.

ಪ್ರಕಾಶಿತ್ 6:10

ಇವ್ಣೆ ತೂಸ್ ಪ್ರಭು, ಪರಿಶುದ್‌ಬಿ ಖ್ಹಾಚೋ಼ಬಿ ಹುಯಿರ‍್ಹವಾಳೊ. ಹಮಾರ ಲ್ಹೋಯಿನ ರಂಚ್ಯೂತೆ ಧರ್ತಿನು ಅದ್ಮಿಖ್ಹಾರಾನ ಬಿಜು಼ ಕಬ್ಲಗು ನ್ಯಾವ್‌ಫೇಡಾವ ಕೊಯ್ನಿತೇಬಿ, ನ್ಯಾವ್‌ನು ತೀರ್ಪ್ ಕರಾಕೊಂತೇಬಿ ನಿಶತ್‌ ದೇಸ್ ಕೊಂತೆ ರ‍್ಹೇಸ್? ಕರಿ ಮೋಟಿ ಅವಾಜ಼್‌ಥಿ ಚಿಕ್‌ರ‍್ಯು.

ಪ್ರಕಾಶಿತ್ 8:13

ಇನಪಾರ್ ಮೆ ದೇಖ್ಯೊತೊ ಏಕ್‌ ಗರದ್ ಆಸ್ಮಾನ್ನ ಇಚ಼್‌ಮ ಉಡ್ತುಫಂಡ್‌ತೂಥು. ಯೊ ಅವಾಜ಼್ ಮನ ಖ್ಹಮಜ್‍ಪಡ್ಯು. ಅಜೂ಼ಬಿ ಥೂತೆ ತೀನ್‍ಜ಼ಣು ದೇವ್‌ದೂತರ್‌ ತುತ್ತೂರಿನ ಫೂಕಾಖ್ಹತರ್‌ ಜ಼ಮೀನ್‌ಪರ್ ಜಿವ್ಣುಕರವಾಳ ಅಖ್ಖಾನ ಖರಾಬ್, ಖರಾಬ್, ಖರಾಬ್‌ಕರಿ ಊಚಿ ಅವಾಜ಼್‌ಥಿ ಚಿಕ್ರಾನು ಖ್ಹಮ್‌ಜ್ಯೊ.