ಪ್ರಕಾಶಿತ್ 21:4 - ದೇವ್ನಿ ಖ್ಹಾಚಿ ವಚನ್

⁴ ಯೊ ಇವ್ಣ ಆಂಝಾ಼ನ ನೂಛಿನಾಕ್ಷೆ. ಹಿಜ್ಜಾ಼ ಪಾಛು಼ ಮರಣ್ ರ‍್ಹಿಶೆಕೊಯ್ನಿ, ಪಾಛು಼ ದುಖ್ ರ‍್ಹಿಶೆಕೊಯ್ನಿ, ಖ್ಹರಪ್‌ಗೋಳ್‌ ಕೊರ‍್ಹಿಶೇನಿ, ಅಜು಼ ವದೇಖ್ಹೊ ಕೊರ‍್ಹಿಶೇನಿ ಜೂ಼ನೊ ಮಾರಗ್‌ಖ್ಹಾರು ಚ಼ಲಿಗಯು” ಕರಿ ಬೋಲ್ಯು.

ಪ್ರಕಾಶಿತ್ 21:4 Iomraidhean Croise

ಮತ್ತಾಯ 24:35

ಆಬ್-ಧರ್ತಿ ಮಟಿಜಾ಼ಶೆ, ಕತೋಬಿ ಮಾರಿ ವಾತೆಖ್ಹಾರಿ ಕದೇಬಿ ಮಟ್‌ಶೆಸ್ ಕೊಯ್ನಿ.

1 ಕೊರಿಂಥ 15:26

ಖ್ಹರ್ತಿನ ನಾಶ್‍ಹುವಾಳೊ ವಹೇರ‍್ಯೊ ಮರಣಸ್.

1 ಕೊರಿಂಥ 7:31

ಜಗತ್‌ನು ಭೋಗ್‌ಮ ರ‍್ಹವವಾಳು ಇನಾಮಾಸ್ ಮಗನ್‌ ನಕೊರ‍್ಹಿಶು. ಶನಕತೊ ಆ ಜಗತ್‌ನು ವೈಭೋಗ್ ಬದ್ಲಿಜಾ಼ಶೆ.

2 ಕೊರಿಂಥ 5:17

ಇನಖ್ಹಾಜೆ ಕೋಣ್‌ತೋಬಿ ಕ್ರಿಸ್ತಮ ರ‍್ಹಯುತೊ, ಯೊ ನವೇಥಿ ಉಬ್ಜಿರ‍್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್‍ಲಿದು.

2 ಕೊರಿಂಥ 6:17

“ಇನಾಖ್ಹಾಜೆ ಅಲ್ಹಾವ್‌ ಅದ್ಮಿವೋನಿ ಬೀಚ್ಮಾಥ ತುಮೆ ಭಾರ್‌ ಆಯಿನ್ ತನಿಯ ಜಿವ್ಣುಕರೊ, ಕಚಿಂಡ್‌ ರ‍್ಹೆಯಿತೆ ಇನ ಛೀಮ್‍ಶುನಕೊ ಕರಿ ಪ್ರಭು ಬೋಲಸ್, ತದೆ ತುಮೂನ ಮಳೈಲಿಶ್.

ಇಬ್ರಿ 12:27

ಬಿಜು಼ ಎಕ್ಕಸ್‍ಹಲ್ಲ ಕರಿ ಆ ವಾತ್ನ ಸೋಚ್ಯುತೊ ಬಚಾ಼ಡಾನು ಜಿನಖ್ಹ್‌ಖ್ಹಾರು ಉಬ್‌ಜೈರ‍್ಹೂಸ್ತೆ ಖ್ಹಾಜೇಥಿ ಕಡೈನಖೈಜಾಶೆಕರಿ ಬೋಲಾನು ದೆಖಾವಸ್. ತದೆ ಬಚಾ಼ಡಕೊಂತೆ ಛಾ಼ತೆ ಜಿನಖ್ಹ್‌ಖ್ಹಾರು ಘಟ್‍ಥಿ ಭೀರ‍್ಹಿಷೆ.

2 ಪೇತ್ರ 3:10

ಪ್ರಭುನೊ ದನ್ ಚೋ಼ರ್ ಆವಾನಿತರ ಆವ್‌ಶೆ. ಯೋ ದನ್ಮ ಆಬ್‍ಅಖ್ಖು ಘಲಾರಕೊಂತೆ ಹುಯಿಜಾ಼ಶೆ ಚಾ಼ಂದ್, ಚ಼ಂದರ್‌ಮೊ, ತಾರೊ, ಗ್ರಹಖ್ಹಾರು ಬಳಿನ್ ನೂಚೈಜಾ಼ಶೆ. ಜ಼ಮೀನ್ ಇನಾಮ ಛಾ಼ತೆಖ್ಹಾರುಸ್‍ಬಿ ಭುಂಜ಼ಯಿನ್ ರಾಕ್ ಹುಯಿಜಾ಼ಶೆ.

1 ಯೋಹಾನ 2:17

ಜಗತ್‍ಬಿ ಇನು ಹರಖ್ಹ್‌ಬಿ ಮಟಿಜಾ಼ಶೆ. ಕತೋಬಿ ದೇವ್ನು ಮರ್ಜಿನ ಚಾ಼ಲವವಾಳೊ ಕದೆಕದೇಬಿ ಜಿವಿರ‍್ಹಿಶೆ.

ಪ್ರಕಾಶಿತ್ 20:13

ದರ‍್ಯಾವ್ ಇನಾಮ ಮರ‍್ಯುಥೂತೆ ಅದ್ಮಿನ ದಿದು. ಮರಣ್‌ಬಿ ಪಾತಾಳ್‌ನೆ ಇನಾಮ ಮರ‍್ಯುಥೂತೆ ಅದ್ಮಿಖ್ಹಾರನ ದಿದು. ಹರೇಕ್ ಜ಼ಣಾನಾಬಿ ಇವ್ಣು ಕಾಮ್ನಿ ಪರಕ್ಮಾಸ್ ತೀರ್ಪ್‌ಹುಯು.

ಪ್ರಕಾಶಿತ್ 20:14

ಇನಪಾರ್ ಮರಣ್‌ಬಿ ಪಾತಾಳ್‌ನಾಬಿ ಆಗ್ನ ತಲಾವ್ಮ ಭಿರ್ಕಾಯು. ಯೊ ಆಗ್ನು ತಲಾವಸ್ ಬೇನಿ ಮರಣ್.

ಪ್ರಕಾಶಿತ್ 21:1

ಇನ ಪಾಛ಼ಳ್ ಮೆ ನವು ಸೊರ್ಗ ಅಜು಼ ಜ಼ಮೀನ್ನ ದೇಖ್ಯೊ. ಪಹಿಲೇನು ಆಕಾಶ್ ಅಜು಼ ಪಹಿಲೇನು ಜ಼ಮೀನ್‌ಕೊಂತೆ ಹುಯಿಗಯು. ಹಿಜ್ಜಾ಼ ದರ‍್ಯಾವ್‍ಬಿ ಕೋಥೂನಿ.

ಪ್ರಕಾಶಿತ್ 22:3

ದೇವ್‍ಥಿ ಶಾಪ್ ಲಿದುಹುಯು ಖಿವೂಬಿ ಯೊ ಖ್ಹಯೇರ್‌ಮ ಕೊರ‍್ಹಿಶೇನಿ. ಹಿಜ್ಜಾ಼ ದೇವ್ನು ಅಜು಼ ಬಲೀನ ಮೇಂಢಾನ ಚೆಲ್ಕಾನು ಸಿಂಹಾಸನ್ ರ‍್ಹಿಶೆ.ಇನ ಸೇವಕರ್‌ಯಿನ ಆರಾದನೆ ಕರ್ಶೆ.

ಪ್ರಕಾಶಿತ್ 7:17

ಶನಕತೊ ಸಿಂಹಾಸನ್ನ ಇಚ಼್‌ಮ ಛಾ಼ತೆ ಬಲೀನ ಮೇಂಢಾನು ಚೆಲ್ಕು ಹುಯಿರ‍್ಹವಾಳೊ ಇವ್ಣುನ ಕುರುಬನಿತರ ರ‍್ಹೀನ್ ಜಾನ್ನು ಪಾಣಿನು ಚೆಜ಼್‌ಭಾರಕನ ಚ಼ಲೈಲಿಜಾಷೆ ಅಜು಼ ದೇವ್ ಇವ್ಣ ಡೋಳಾನು ಆಂಝು಼ಖ್ಹಾರು ನೂಛಿನಾಕ್ಷೆ ಕರಿ ಬೋಲ್ಯು.