ಪ್ರಕಾಶಿತ್ 21:3 - ದೇವ್ನಿ ಖ್ಹಾಚಿ ವಚನ್

³ ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.

ಪ್ರಕಾಶಿತ್ 21:3 Iomraidhean Croise

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಯೋಹಾನ 14:23

ಯೇಸುನೆ ಇನ, “ಕೋಣ್ ಮನ ಪ್ಯಾರ್ ಕರಾಸ್ಕಿ, ಇವ್ಣೆ ಮಾರಿ ವಾತೇನ ಪಾಡಿ ಚಾ಼ಲ್‌ಷೆ. ಮಾರೊ ಬಾ ಇನ ಪ್ಯಾರ್ ಕರ್ಶೆ, ಅಜು಼ ಮಾರೊ ಬಾಬಿ ಮೇ ಭೇಜ಼ಣ ಇನಾಕನ ಐನ್, ಇನಜೋ಼ಡೆ ಜಿವ್‌ಶು.

2 ಕೊರಿಂಥ 6:16

ದೇವ್ನ ಮಂದಿರ್‌ನಾಬಿ ಮೂರತ್‌ನಾಬಿ ಏಕ್‍ಕರಾನ ಉಶೇಕಿ ಶು? ಅಪ್ಣೆ ದೇವಸ್ ಬೋಲಿರಾಖ್ಯುತೆ ತಿಮ್ ಜಿವ್ತಜಾನ್ನೊ ಮಂದಿರ್‌ ಹುಯಿರಾಸ್ನಿ. ಮಾರ ಅದ್ಮಿವೋಮ ಮೇಸ್ ಘರ್ ಕರೀಶ್, ಇವ್ಣಾಮ ಮೇಸ್ ಜಿವ್ಣು ಕರ್ತೊಹುಯಿನ್ ಇವ್ಣಿಜೋ಼ಡೆ ಫರ್ತೊರ‍್ಹಿಶ್, ಮೇಸ್ ಇವ್ಣೊ ದೇವ್ ಹುಯಿರ‍್ಹಿಶ್. ಇವ್ಣೆ ಮನ ಪ್ರಜೆಹುಯಿರ‍್ಹಿಶೆ ಕರಿ ಬೋಲ್ಯೊ.

2 ಕೊರಿಂಥ 6:18

ಮೇ ತುಮಾರೊ ಬಾ ಹುಯಿರೊಸ್; ಅಜು಼ ತುಮೆ ಮಾರ ಛಿಯ್ಯಾ, ಛೋ಼ರಿಯೇ ಹುಯಿರಾಸ್ ಕರಿ ಬೋಲಸ್ ಸರ್ವಶಕತ್‍ವಾಳೊ ಹುಯಿರೋತೆ ಪ್ರಭು.”

1 ಥೆಸ 3:11

ಅಪ್ಣೊ ಬಾ ದೇವ್ ಅಜು಼ ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಹಮೂನ ತುಮಾರಕನ ಆವಾನಟೇಕೆ ಮಾರಗ್‌ನ ಖ್ಹೂದು ಕರಾದೆ.

ಇಬ್ರಿ 11:16

ಕತೋಬಿ ಇವ್ಣೆ ಸೊರ್ಗಕರಿ ಬೋಲಾನ ಮಹಾನ್ ದೇಖ್ಹ್‌ನ ಹರಖ್ಹ್‌ಯು. ಇನಖ್ಹಾಜೇಥಿ ದೇವ್ನೆ ಇವ್ಣೊ ದೇವ್‌ಕರಿ ಬೋಲೈಲ್ಯವಾನ ಖ್ಹರ್ಮಾಯೊಕೊಂತೆ; ಇವ್ಣಖ್ಹಾಜೆ ನಂಗರ‍್ನ ತಯಾರ್ ಕರಿರಾಖ್ಯೊಸ್.

ಇಬ್ರಿ 8:10

ಯೋ ಅಖ್ಖದನ್ನ ವಾರ್ ಮೇ ಇಸ್ರಾಯೇಲ್ ಖೂಮ್‌ವಾಳನಿ ಜೋ಼ಡ್ಮ ಕರಿಲೀಶ್‍ತೆ ಒಪ್ಪಂದ ಅಮ್‍ರ‍್ಹಿಶೆ, ಮೇ ಮಾರ ಹುಕುಮ್‌ನ ಇವ್ಣ ದಿಮಾಕ್ಮ ಮ್ಹೇಲಿಶ್. ಮೆ ಇವ್ಣ ದಿಲ್ಮ ಇನ ಲೀಖಿಶ್. ಮೇ ಇವ್ಣುನ ದೇವ್‌ ಹುಯಿರ‍್ಹೀಶ್. ಇವ್ಣೆ ಮಾರು ಅದ್ಮಿ ಹುಯಿರ‍್ಹಿಶೆ.

ಇಬ್ರಿ 8:2

ಯೋ ಪವಿತ್ರ ಝ಼ಗೋಮ ಅದ್ಮಿಥಿಕಾಹೆತೆ, ಪ್ರಭುನೇಸ್ ಬಣಾಯೋತೆ ದೇವ್ನು ದರ್ಶನಾನ ಡೇರಾಮ ಯಾಜಕ್ನು ಕಾಮ್‍ಕರಾವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 10:4

ಯೋ ಘಲಾರ್‌ಖ್ಹಾರು ಬೋಲಾನು ಮೆ ಲೀಖ್ಣುಕರಿ ಥೊ. ಕತೋಬಿ, “ಯೋ ಖ್ಹಾತ್ ಘಲಾರ್‌ಖ್ಹಾರು ಬೋಲ್ಯುತೆಯಿನ ತೂ ನಾಲೀಖ್ಣುತೆ ಗಪ್ಲತ್‌ ರಾಕ್‌ಕರಿ ಬೋಲಾನು ಸೊರ್ಗಾನ ಟಹು಼ಕಾನ ಖ್ಹಮ್‌ಜೊ”.

ಪ್ರಕಾಶಿತ್ 10:8

ತದೆ ಪರಲೋಕ್‌ಥು ಫಾಛು಼ ಯೋಸ್ ಅವಾಜ಼್ ಮೆ ಖ್ಹಮ್‌ಜ್ಯೊ. ಯೋ ಗಳು ಮನ, “ತೂ ಜಾ಼ ದರ‍್ಯಾವ್‌ನಪರ್‌ಬಿ ಜ಼ಮೀನ್‌ಪರ್‌ಬಿ ಭಿಯೋತೆ ದೇವ್‌ದೂತರ್‌ನ ಹಾತ್ಮನಿ ಉಧ್‌ಢಿರ‍್ಹೀತೆ ಪುಂಗ್‌ಳಿನ ಲೀಲೆ” ಕರಿ ಬೋಲ್ಯು.

ಪ್ರಕಾಶಿತ್ 12:10

ತದೆ ಮೆ ಸೊರ್ಗಾಮ ಏಕ್‌ ಮೋಟೊ ಅವಾಜ಼್ ಖ್ಹಮ್‌ಜ್ಯೊ; ಯೊ “ಜೀತ್‌ಬಿ, ಶಕತ್‌ಬಿ, ರಾಜ್ಯಬಿ ಹಮಾರ ದೇವ್ನು ಹುಯು, ಯೊ ಅಬಿಷೇಕ್ ಕರ‍್ಯೊತೆ ಕ್ರಿಸ್ತನು ಅದಿಕಾರ್ ಹಮ್ಕೆ ಶುರುಹುಯಿರ‍್ಹೂಸ್. ರಾತ್‌ದನ್ ಹಮಾರ ಭೇನೆ ಭೈಯೇವ್ನಿ ಬಾರೇಮ ದೇವ್ನ ಖ್ಹಾಮ್ಣೆ ಕೆದೇಬಿ ಛಾ಼ಡಿ ಬೋಲುಕರ್ತೊಥೋತೆ ಛಾ಼ಡಿಖೋರ್ ಸೊರ್ಗಥು ಧಕೆಲೈಗಯೊ.

ಪ್ರಕಾಶಿತ್ 21:7

ಜೂತವಾಳನ ಆ ಖ್ಹಾರುಸ್ ಮಳ್‌ಶೆ. ಮೇ ಇನ ದೇವ್ ಹುಯಿರ‍್ಹಿಶ್. ಯೊ ಮನ ಛಿಯ್ಯೊ ಹುಯಿರ‍್ಹಿಶೆ.

ಪ್ರಕಾಶಿತ್ 22:3

ದೇವ್‍ಥಿ ಶಾಪ್ ಲಿದುಹುಯು ಖಿವೂಬಿ ಯೊ ಖ್ಹಯೇರ್‌ಮ ಕೊರ‍್ಹಿಶೇನಿ. ಹಿಜ್ಜಾ಼ ದೇವ್ನು ಅಜು಼ ಬಲೀನ ಮೇಂಢಾನ ಚೆಲ್ಕಾನು ಸಿಂಹಾಸನ್ ರ‍್ಹಿಶೆ.ಇನ ಸೇವಕರ್‌ಯಿನ ಆರಾದನೆ ಕರ್ಶೆ.

ಪ್ರಕಾಶಿತ್ 7:15

ಇನಖ್ಹಾಜೆ ಇವ್ಣೆ ಹಮ್ಕೆ ದೇವ್ನ ಸಿಂಹಾಸನ್ನ ಖ್ಹಾಮ್ಣೆರ‍್ಹೀನ್, ಇನ ಮಂದಿರ್‌ಮ ರಾತ್‌ದನ್ ಆರಾದನೆ ಕರುಕರಸ್, ಸಿಂಹಾಸನ್‌ಪರ್ ಬೆಠೊರ‍್ಹವಾಳೋಸ್ ಇವ್ಣುನ ಆಖ್ಹ್‌ರೊ ಹುಯಿರ‍್ಹೊಸ್.