ಪ್ರಕಾಶಿತ್ 20:3 - ದೇವ್ನಿ ಖ್ಹಾಚಿ ವಚನ್

³ ಯೋ ಹಜಾ಼ರ್ ವರಖ್ಹ್ ಖತಮ್ ಹುವಾಲಗು ಬಿಜೂ಼ಬಿ ಅದ್ಮಿವ್‌ನ ಠಗಾವ್ಣುನಾತೆಯಿಮ್ ದೇವ್ನ ದೂತಾನೆ ಇನ ಪಾತಾಳ್ಮ ಧಕೇಲಿನ್ ದರ‍್ವಾಜು಼ ಲಗಾಡಿನ್ ಇನ ಮುದ್ರೊಮಾರ‍್ಯೊ ಯೋ ಹಜಾ಼ರ್ ವರಖ್ಹ್ ನಿಕ್ಳಾದಿನ್, ಥೋಡ ಹಗಾಮ್‌ ಇನಛುಟ್ಕಾರ್ ಮಳ್‌ಶೆ.

ಪ್ರಕಾಶಿತ್ 20:3 Iomraidhean Croise

ಮತ್ತಾಯ 24:24

ಶನಕತೊ ಝೂ಼ಟುಕ್ರೈಸ್ತರ್‌ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್‍ಥಿ ಚೂ಼ಣೈರ‍್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್‌ಕಾಮ್‌ ಅಜು಼ ಅಶ್ಚರ್ಯನು ಕಾಮ್‌ಖ್ಹಾರು ಕರಿ ವತಾಳ್‌ಶೆ.

ಮತ್ತಾಯ 27:66

ತದೆ ಇವ್ಣೆ ಜೈ಼ನ್, ಘವಿನ ಮುದ್ರೊಮಾರಿನ್, ಶಿಪಾಯಿನ ಕಾವ್ಲಿನ ಮ್ಹೇಲಿನ್, ಘವೀನ ಜ಼ತನ್ ಕರ‍್ಯು.

ಮಾರ್ಕ 4:15

ಥೋಡು ಅದ್ಮಿ ದೇವ್ನಿ ವಚನ್ನ ಖ್ಹಮಜ಼್‌ತಾಸ್‌, ಶೈತಾನ್ ಐನ್ ಇವ್ಣಮಾನಿ ವಚನ್ನ ಕಾಡಿನಾಖಿದೇಸ್. ಅವ್ಣೇಸ್ ಪಂಡಾ ಪಡ್ಯಾತೆ ವಾಟ್ನ ಶೇಡೆನಿ ಮಾಟಿ ಹುಯಿರ‍್ಹುಸ್‍.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 8:31

ಯೋ ಭೂತ್‌ಖ್ಹಾರು ಯೇಸುನ, “ಹಮೂನ ಅಂತಸ್‌ಕೊಂತೆ ಪಾತಾಳ್ಮ ನಕೊ ನಖ್ಹಾಡ್” ಕರಿ ಗಿಂಗೈಲಿದು.

2 ಕೊರಿಂಥ 11:3

ಕತೋಬಿ ಹವ್ವ ಖ್ಹಾಪ್‍ನ ಲಬುಜ಼್‌ನಿ ವಾತ್ಮ ಮೈಕಮ್‍ಹುಯಿನ್ ಧೋಕಹುಯಿತೆ ತಿಮ್ ತುಮಾರು ದಿಲ್‌ ಕ್ರಿಸ್ತನಿ ಬಾರೇಮ ರ‍್ಹೇವ್ಣುಥೂತೆ ಶುದ್ಧಮನ್‌ಥೀಬಿ ಪರಿಶುದ್ ಭಕ್ತಿನಾಬಿ ಮ್ಹೇಲಿನ್ ಖರಾಬ್ ಹುಯಿಜಾ಼ಶೆಕರಿ ಡರ್‌ ಮಾರಾಮ ಛಾ಼.

2 ಪೇತ್ರ 3:8

ಪ್ಯಾರ್‌ನ ದೋಸ್ತಿವೊ ಪ್ರಭುನ ಗಣ್ತಿಮ ಏಕ್‌ ದನ್ ಹಜಾ಼ರ್‌ ವರಖ್ಹ್‌ನಿ ಘೋಣಿಬಿ ಅಜು಼ ಹಜಾ಼ರ್‌ ವರಖ್ಹ್‌ ಏಕ್‌ ದನ್ನಿ ಘೋಣಿಬಿ ಖಾಲಿ ಛಾ಼ ಕರಿ ಬೋಲಾನು ಭೈಕೊನಕೊ.

ಪ್ರಕಾಶಿತ್ 12:9

ಯೋ ಅರ್ಝ಼ ಕತೊ ಪಿಶಾಚಿಕರಿಬಿ ಶೈತಾನ್ ಕರೀಬಿ ನಾಮ್‌ರ‍್ಹವಾಳ ಯೊ ಜೂ಼ನೊ ಖ್ಹಾಪ್ ಧರ್ತಿಪರ್ ಧಕೆಲಾಯೊ ಇನೊ ದೂತಬಿ ಇನ ಜೋ಼ಡ್ಮ ಜ಼ಮೀನ್‌ಪರ್ ಫೇಕೈಗಯು.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 17:2

ಪಾಪೇಲು ಸಂಬಂದ್ ಕತೊ ಧರ್ತಿನ ರಾಜ಼ವ್‌ಬಿ ಇನಿ ಜೋ಼ಡ್ಮ ವ್ಯಬಿಚಾರ್ ಕರ‍್ಯು ಅಜು಼ ಜಗತ್‌ನು ಅದ್ಮಿಖ್ಹಾರು ಇನ ವ್ಯಬಿಚಾರ್‌ಕರಿ ದ್ರಾಕ್ಷಿನೊರಖ್ಹ್‌ನ ಪೀನ್ ಮೈಕಮ್‌ ಹುಯಿಗು” ಕರಿ ಬೋಲ್ಯೊ.

ಪ್ರಕಾಶಿತ್ 17:8

ಯೋ ಜಾನ್ವರ್‌ ಪಹಿಲಿ ಹಲ್ಲ ಜಿವ್ತುಥು. ಕತೋಬಿ ಹಮ್ಕೆ ಘಣು ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಯೊ ಪಾತಾಳ್ನಿ ಗಧಾರ್‌ಮಾಥು ಛ಼ಡಿ ಅಯಿನ್ ನಾಶ್‌ಭಣಿ ಒಳ್ಯುಜಾ಼ಸ್. ಅಜು಼ ಆ ಜಗತ್‌ ಉಬ್‌ಜ್ಯುತೆ ತಪ್‌ಥೂಬಿ ಕಿನು ನಾಮ್ ಜಾನ್ನ ಹಕ್‌ವಾಳಾನಿ ಪುಸ್ತಕ್‌ಮ ಲೀಖೈರ‍್ಹುಕೊಯ್ನೀಕಿ, ಇವ್ಣೆ ಯೊ ಜಾನ್ವರ್‌ನ ದೇಖಿನ್ ಆ ಪಹಿಲೆ ಥು, ಹಮ್ಕೆ ಕೊಯ್ನಿ, ಕತೋಬಿ ಅಜು಼ ಖ್ಹಾಮ್ಣೆ ಆವಳು ಛಾ಼ಕ್ರಿ ಆಶ್ಚರ್ಯಕರ‍್ಯು. ಅಜು಼ ಎಕ್ಕಸ್ ಹಲ್ಲ ಜಿವ್ತು ಉಷೆ. ಹಮ್ಕೆ ಯೋ ಜಾ಼ಖ್ಹತ್ ವಖ್ಹತ್ ಜಿವ್ತು ಕೊರ‍್ಹಿಶೇನಿ, ಕತೋಬಿ ಬಿಜೂ಼ಬಿ ಖ್ಹಾಮ್ಣೆ ವಳ್ಯುಆವಸ್.

ಪ್ರಕಾಶಿತ್ 20:1

ತದೆ ದೇವ್‌ದೂತನೆ ಪಾತಾಳ್ನ ಬೀಗಾನು ಕೀಲಿನ ಅಜು಼ ಮೋಟಿಖ್ಹಿ ಖ್ಹಂಕಳ್‌ನ ಹಾತ್ಮ ಧರಿಲೀನ್ ಸೊರ್ಗಾಥು ಉತ್ರಿನ್ ಆವಾನು ದೇಖ್ಯೊ.