ಪ್ರಕಾಶಿತ್ 2:5 - ದೇವ್ನಿ ಖ್ಹಾಚಿ ವಚನ್

⁵ ಇನಖ್ಹಾಜೆ ತೂ ಕಿಜ್ಜಾ಼ಥು ಲಡ್ಕಿರ‍್ಹೋಸ್‌ಕಿ, ಇನ ತಾರಿ ಖ್ಹಯಾಲ್ಮಲ್ಯಾವ್. ದೇವ್‌ಭಣಿ ಮನ್‌ಫರೈನ್ ತೂ ಅಗ್ಗಳ್ ಕರುಕರ್ತೊಥೋತೆ ಕಾಮ್‌ಖ್ಹಾರುಸ್‌ ಕರ್‌, ತೂ ನಾ ಮನ್ ಫರಾಯೊತೊ ಮೆ ಅಯಿನ್ ತಾರು ದಿವಳ್ಗಿನ ಖಂಬಾನ ಇನು ಝ಼ಗೊಕಂಥು ಕಾಡಿನಾಖಿಷ್.

ಪ್ರಕಾಶಿತ್ 2:5 Iomraidhean Croise

ಮತ್ತಾಯ 5:14

“ತುಮೆ ಹಿಡಿ ಜಗತ್ನ ಉಜಾ಼ಳು ಹುಯಿರ‍್ಹಾಸ್‌. ಪಹಾಡ್‌ಪರ್ ಭಂದೈರ‍್ಹುತೆ ಗಾಮ್‍ ಲಪಿರ‍್ಹೆಯಿಕೊಯ್ನಿ.

ಮತ್ತಾಯ 5:15

ಅಜು಼ ಕೋಣ್‌ಬಿ ದೀವೊ ಲಗಾಡಿನ್, ಕೋಳ್ಗಾನಹೇಟ್ ಮ್ಹೇಲಾಕೊಯ್ನಿ; ಅನಬದಲ್ ಘರ್‌ಮ ಛಾ಼ತೆ ಹರೇಕ್ನ ಉಜಾ಼ಳು ದ್ಯವಾನಿತರ ದೀವೊ ಮ್ಹೇಲಾನಿ ಖಂಬಾಪರ್‌ ಮ್ಹೇಲಾಸ್.

ಮಾರ್ಕ 12:9

ಇಮ್‍ಕತೊ, ದ್ರಾಕ್ಷಿನ ಬಾಗ್‌ನೊ ಯಜಮಾನ್ ಶಾತ್‌ ಕರ್ಶೆ? ಯೋ ಐನ್ ದ್ರಾಕ್ಷಿನ ಬಾಗ್‌ನ ವಾರ್‌ನ ಲೀರಾಖ್ಯುಥೂತೆ ಇವ್ಣುನ ಮಾರಿನಾಖಿದೀನ್‌, ಇನು ದ್ರಾಕ್ಷಿನ ಬಾಗ್‌ನ ಬಿಜಾ಼ನ ದಿನಾಕ್‌ಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 1:17

ಯೋ ಪ್ರಭುನ ಅಗಾಡಿ ಜೈ಼ನ್, ಪ್ರವಾದಿ ಎಲೀಯನಿಘೋಣಿ ಮಹಿಮೆಮಾಬಿ ಶಕತ್‍ಮಾಬಿ ಭರೈನ್, ಬಾನ ದಿಲ್ನ ಲಡ್ಕಾವ್‌ಭಣಿ ಫರಾವ್‌ಶೆ, ಅಜು಼ ಮೊಂಡಿ ಖ್ಹಾರಾನ ನೀತಿನಿ ವಾಟ್‌ಭಣಿ ಫರಾವ್‌ಶೆ. ಅಮ್‍ ಪ್ರಭುನ ಅಛ಼್ಛ ಅದ್ಮಿನ ತೈಯಾರ್ ಕರ್ಶೆ” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 20:16

“ಯೋ ಆಯಿನ್, ವಾರ್‌ನ ಲೀರಾಖ್ಯುಥೂತೆ, ಇವ್ಣುನ ಮಾರಿನಾಖಿನ್, ಇನ ದ್ರಾಕ್ಷಿನ ಬಾಗ್‌ನ ಬಿಜಾ಼ವ್ನ ದಿಶೆ” ಕರಿ ಬೋಲ್ಯೊ. ಅನ ಖ್ಹಮ್‌ಜಿನ್‌ ಅದ್ಮಿಖ್ಹಾರು, “ಅಮ್ ನಾಹೊಣು!” ಕರಿ ಬೋಲ್ಯು.

ಗಲಾತ್ಯ 5:4

ತುಮಾರಮ ಕೋಣ್‌ಕೋಣ್ ಧರ್ಮಶಾಸ್ತ್ರಥಿ ನೀತಿವಾಳ ಹೋಣುಕರಿ ಆಖ್ಹ್‌ಕರಾಸ್ಕಿ ಇವ್ಣೆ ಕ್ರಿಸ್ತಥಿ ಬಿಚ಼ಡಿಜಾ಼ವಳ ಹುಯಿರಾಸ್ ವಾರ್‌ಖ್ಹಾನ ಆಖ್ಹ್‌ರೇಥಿ ರಡ್ಕಾಹುಯ ಹುಯಿರ‍್ಹಾಸ್.

ಫಿಲಿಪ್ಪಿ 2:15

ಅಮ್ ತುಮೆ ದೋಷ್‌ನಾರ‍್ಹವಾಳಬಿ ಅಜು಼ ದೇವ್ನ ಧೋಬೆಡಾದಿಲ್ನ ಲಡ್ಕಹುಯಿನ್ ಮೋಂಡ್‍ಖ್ಹಯಾಲ್‍ನ ಅಜು಼ ಪಾಪ್‌ಮ ರ‍್ಹವಾಳ ಜಗತ್ನ ಅದ್ಮಿವೊನ ಬೀಚ್ಮ ಮೈಲುಕೊಂತೆ ದೇವ್ನ ಲಡ್ಕ ಹುಯಿರ‍್ಹಿಶು.

ಇಬ್ರಿ 10:32

ಅಮ್ ರ‍್ಹವಾಪರ್ ತುಮೆ ಗ್ಯಾನ್ನು ಉಜಾ಼ಖ್ಹ್‌ ಲೀರಾಖಪರ್‌ ತದೆ ದೇವ್ನಿ ಉಜಾ಼ಖ್ಹ್‌ ತುಮಾರಪರ್ ಥು. ರ‍್ಹಯುತೋಬಿ ತುಮೆ ಕೈಯೇಕ್ ವದೆಖ್ಹ್‌ಮ ತುಮೆ ಖ್ಹಮಾಳ್ಯಾತೆ ದನ್ನ ಯಾದ್ ಕರಿಲೆವೊ;

2 ಪೇತ್ರ 3:17

ಇನಖ್ಹಾಜೇಸ್ ಪ್ಯಾರ್‌ನ ದೋಸ್ತಿವೊ, ಆ ಖ್ಹಾರಿ ವಾತೆನ ಪಹಿಲೆಸ್ ಮಾಲುಮ್‌ಕರ್‌ಲಿದತೆ ಇನಾಖ್ಹಾಜೆ ತುಮೆ ಜ಼ತನ್‌ಥಿ ರ‍್ಹವೊ. ಖರಾಬ್ ಅದ್ಮಿನಿ ಖರಾಬ್ ಬೋದನೆಮ ಮಂಕ್‍ನಕೊ ಹುಯಿಜಾ಼ವೊ. ತುಮಾರಿ ಘಟ್ ವಿಶ್ವಾಸ್‌ಮಾಥು ಪಡ್ಣುನಾತೆ ಹೊಷಾರ್‌ರ‍್ಹವೊ.

ಯೂದನೆ ಲೀಖ್ಯೋತೆ ಚಿಟ್ಟಿ 1:24

ದೇವ್ ತಾಖತ್‌ವಾಳೊ ಹುಯಿರ‍್ಹೋಸ್. ತುಮೆ ಠೋಕರ್ ನಾ ಖಾವ್ಣುತೆತಿಮ್ ಮದತ್ ಕರಾವಾಳೊ ಹುಯಿರ‍್ಹೊಸ್. ಯೋ ತುಮಾರಮ ಶನೂ ಕಳಂಕ್‌ಕೊಂತೆ ತಿಮ್‍ಕರೀನ್ ಇನು ಮಹಿಮೆ ಝ಼ಗೋಕನ ಲ್ಯಾವಾನಾಬಿ ತುಮುನ ಮಹಾಖ್ಹುಷಿನ ದ್ಯವಾನಾಬಿ ಶಕತ್‌ವಾಳೊ ಹುಯಿರ‍್ಹೊಸ್.

ಪ್ರಕಾಶಿತ್ 1:20

ಮಾರ ಖಾವಹಾತ್ಮ ತುನೆ ದೇಖ್ಯೊತೆ ಖ್ಹಾತ್ ತಾರವ್ನ ಅಜು಼ ಖ್ಹಾತ್ ಖ್ಹೊನ್ನಾನು ದಿವಳ್ಗಿನು ಖಂಬಾನು ಮತ್ಲಬ್ ಬೋಲಿವತಾಳುಸ್, ಯೋ ಖ್ಹಾತ್ ತಾರೊ ಕತೊ ಖ್ಹಾತ್ ಸಬೇನು ದೂತರ್, ಯೋ ಖ್ಹಾತ್ ದಿವಳ್ಗಿನು ಖಂಬಖ್ಹಾರು ಕತೊ ಯೋ ಖ್ಹಾತ್ ಸಬೆಖ್ಹಾರಿ ಹುಯಿರ‍್ಹೀಸ್.

ಪ್ರಕಾಶಿತ್ 16:9

ಅದ್ಮಿಖ್ಹಾರು ಜಾ಼ಖ್ಹತ್ ತಡ್ಕೇಥಿ ಬಳ್ಯುತೋಬಿ ಇವ್ಣೆ ಯೊ‍ ಖ್ಹತಾಪ್ಣಿ ಅಖ್ಖಾಪರ್ ಅದಿಕಾರ್ ಲೀರಾಖ್ಯೋಥೋತೆ ದೇವ್ನ ನಾಮ್ನ ಗಾಳೆದಿದು ಕಾಹೆತೆ, ಇವ್ಣೆ ಪಶ್ಚತ್ತಾಪ್ ಕರೀನ್ ದೇವ್‌ಭಣಿ ಫರ‍್ಯುಕೊಯ್ನಿ ಇನ ಮಹಿಮೆ ಕೋಕರ‍್ಯುನಿ.

ಪ್ರಕಾಶಿತ್ 2:16

ಇನಖ್ಹಾಜೆ ತೂ ಮನ್ ನಾ ಫರಾಯೊತೊ ಮೇ ಒಗ್ಗಿಸ್‌ಮ ತಾರಕನ ಐನ್‌ ಮಾರ ಮ್ಹೋಡಮಾಥು ಆವಾಳಿ ತಲ್ವಾರ್‌ಥಿ ಇವ್ಣಪರ್ ಜಂಗ್ ಭೀಡಿಷ್‌.

ಪ್ರಕಾಶಿತ್ 2:19

ತಾರ ಕಾಮ್ ಅಖ್ಖಾನಾಬಿ, ತಾರಿ ಪ್ಯಾರ್‌ನಾಬಿ, ವಿಶ್ವಾಸ್‍ನಾಬಿ, ಚಾ಼ಕ್ರಿನಾಬಿ ಅಜು಼ ಖ್ಹಮಾಳನುಬಿ ಮೇ ಮಾಲುಮ್ ಕರಿರಾಖ್ಯೋಸ್. ಅತ್ರೇಸ್ ಕಾಹೆತೆ ತಾರು ಹಮ್ಕೆನು ಕಾಮ್‌ಖ್ಹಾರು ತಾರ ಅಗ್‍ಲ್ಯ ಕಾಮ್ ಖ್ಹಾರಥಿಬಿ ಊಚು಼ ಹುಯಿರ‍್ಹುಸ್‌ಕರಿ ಮಾಲುಮ್.

ಪ್ರಕಾಶಿತ್ 2:2

ತಾರು ಕಾಮ್‌ಖ್ಹಾರು ಅಜು಼ ಮಿನ್ಹತ್‌ಬಿ ಖ್ಹಮಾಳನುಬಿ ಮೇ ಮಾಲುಮ್ ಕರಿರಾಖ್ಯೋಸ್. ತೂ ಖರಾಬ್ ಅದ್ಮಿನ ಖ್ಹಮಾಳಿಷ್ ಕೊಯ್ನಿ. ಅಪೊಸ್ತಲರ್ ಕಾಹೆತೆಬಿ ಇವ್ಣುನ ಅಪೊಸ್ತಲರ್‌ಕರಿ ಬೋಲೈಲ್ಯವಾಳು ತೂ ಪರ್ಖಿನ್ ಇವ್ಣುನ ಝೂ಼ಟುಕರಿ ಮಾಲುಮ್‌ಕರಿಲಿದೊ.

ಪ್ರಕಾಶಿತ್ 3:19

ಮೇ ಕಿನಕಿನ ಪ್ಯಾರ್ ಕರೂಸ್ಕಿ ಇವ್ಣುನ ಗುರ್‌ಕವುಸ್ ಅಜು಼ ನಿಶತ್‌ ದೆವುಸ್. ಇನಖ್ಹಾಜೆ ತೂ ಹೊಷಾರ್‌ಥಿ ರ‍್ಹೇ. ಮನ್ ಫರೈನ್ ದೇವ್‌ಭಣಿ ಫರಿಜಾ಼.