ಪ್ರಕಾಶಿತ್ 2:10 - ದೇವ್ನಿ ಖ್ಹಾಚಿ ವಚನ್

¹⁰ ತುನ ಹುವಾನು ಖ್ಹತಾಪ್ಣಿನಖ್ಹಾಜೆ ನಕೊ ಡರಿಶ್. ಹಂದೇಕ್ ತುಮುನ ತರೀಪ್ಷಕರಾನ ಶೈತಾನ್ನ ತುಮಾರಮ ಥೋಡಾನ ಜೇಲ್‌ಮ ಘಾಲ್ನು ಕರಿ ಛಾ಼ ಅಜು಼ ದಖ್ಹ್‌ ದನ್‌ಲಗು ತುಮುನ ಖ್ಹತಾಪ್ಣಿರಿಷೆ. ತು ಮರಾಲಗು ವಿಶ್ವಾಸ್‌ನ ಯೋಗ್ಯಹುಯಿರೆ, ಮೇ ತುನ ಜಾನ್ನು ಕಿರೀಟ್‍ನ ದೆವಾಳೊ ಛೂ಼.

ಪ್ರಕಾಶಿತ್ 2:10 Iomraidhean Croise

ಮತ್ತಾಯ 10:22

ಮಾರ ಕಾಮ್ನಖ್ಹಾಜೆ ಹರೇಕ್ ಜ಼ಣು ತುಮೂನ ವಹೇರ್‌ ಕರ್ಶೆ. ಕತೋಬಿ ಖ್ಹರ್ತಿಲಗು ಖ್ಹಮಾಳಿಲ್ಯವಾಳು ರಕ್ಷಣೆ ಲಿಶೆ.

ಮತ್ತಾಯ 10:28

ಅತ್ರೇಸ್ ಕಾಹೆತೆ, ಶರೀರ್‌ನ ಮರ್‌ನಾಖಿನ್ ಆತ್ಮನ ಮಾರಾನ ಕೋ ಹುವ್ವಾನಿತೆ ಅದ್ಮಿನ ದೇಖಿನ್‌ ನಕೊ ಡರೊ; ಕತೋಬಿ ಆತ್ಮಾನ ಅಜು಼ ಶರೀರ್‌ನ ಭೇನ ನರಕ್ಮ ನಾಖಿನ್ ಬರ್ಬಾತ್ ಕರಾವಾಳೊ ದೇವ್ನ ದೇಖಿನ್ ಡರೊ.

ಮತ್ತಾಯ 24:13

ಕತೋಬಿ ಖ್ಹರ್ತಿತೋಡಿ ಖ್ಹಮಾಳಿಲ್ಯವಾಳಾನ ರಕ್ಷಣೆ ಲಿಶೆ.

ಮಾರ್ಕ 13:13

ಅಜು಼ ಮಾರ ನಾಮ್ನಟೇಕೆ ಹರೇಕ್ ಅದ್ಮಿ ತುಮುನ ವಹೇರ್‌ ಕರ್ಶೆ. ಕತೋಬಿ ಆಖ್ರಿ ದಮ್‌ತೋಡಿ ಖ್ಹಮಾಳಿಲ್ಯವಾಳು ದೇವ್ನಿ ನ್ಯಾವ್‍ನಿ ತೀರ್ಪ್‌ಥಿ ರಕ್ಷಣೆಲೀನ್ ಪರ್‌ಲೋಕ್‌ಮ ಜಾ಼ವಾನ ಲ್ಹಾಯಕ್‌ ಉಶೆ.

ಮಾರ್ಕ 8:35

ಕೋಣ್‌ತೋಬಿ ಏಕ್‌ ಜ಼ಣು ಇನು ಜಾನ್‌ ಬಚಾ಼ಡಿಲೇವ್ಣು ಕರಿ ಕರ‍್ಯುತೊ, ಯೋ ಇನು ಜಾನ್‌ ಗುಮೈಲಿಶೆ; ಕತೋಬಿ ಮಾರಖ್ಹಾಜೆಬಿ ಅಜು಼ ದೇವ್ನಿ ಅಛ್ಛಿ ಖಬರ್‌ನಖ್ಹಾಜೆ, ಕೋಣ್‌ತೋಬಿ ಜಾನ್‌ ದಿದುತೊ, ಯೊ ಇನ ಬಚಾ಼ಡಿಲಿಶೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 21:12

ಕತೋಬಿ ಆ ಖ್ಹಾರು ಚಾ಼ಲಾನ ಅಗಾಡಿ, ಇವ್ಣೆ ತುಮೂನ ಧರೀನ್, ಖ್ಹತಾವ್‌ಶೆ; ತುಮೂನ ಸಬೆ ಭರಾವನು ಮಂದಿರ್‌ಮ ಜೇಲ್‌ನ ಅದಿಕಾರಿನ ದೀನ್ ಮಾರ ನಾಮ್ನಖ್ಹಾಜೆ, ರಾಜಾ಼ವ್‌ನ ಖ್ಹಾಮ್ಣೆ ಅಜು಼ ರಾಜ಼್‌ಭಾರ್ ಚ಼ಲಾವವಾಳಾನ ಖ್ಹಾಮ್ಣೆ ತುಮೂನ ಭೀರಾಕ್‌ಶೆ.

ಯೋಹಾನ 12:25

ಇನೊ ಶೊಂತ್‌ ಜಾನ್ನ ಪ್ಯಾರ್ ಕರಾವಾಳು ಇನ ಗುಮೈಲಿಶೆ, ಆ ಜಗತ್‌ಮ ಕೋಣ್ ಇನ ಶೊಂತ್ ಜಾನ್ನ ಕಾಡಿಲ್ಯವಾನಬಿ ಪೀಠೆ ಕೋ ಹಟಾನಿಕಿ, ಯೊ ಹರ್‌ಹಮೇಶಾನ ಖ್ಹಾಜೆ ಇನ ಬಚಾ಼ಡಿಲಿಶೆ.

ಯೋಹಾನ 13:2

ಯೇಸು ಅಜು಼ ಇನ ಶಿಷ್ಯರ್‌ ಖಾಣನ ಬೆಠಾಥ. ಯೇಸುನ ದೋಕೇಥಿ ಧರಿದೇಣು ಕರಿ ಬೋಲಾನಿ ಸೋಚ್ನ, ಸೀಮೋನನೊ ಛಿಯ್ಯೊ ಇಸ್ಕರಿಯೋತ ಯೂದಾನ ಮನ್‌ಮ ಶೈತಾನ್ನೆ ಅಗಾಡಿಸ್ ಘಾಲಿದಿದೋಥೊ.

ಯೋಹಾನ 13:27

ಯೂದಾನೆ ಯೋ ರೋಟಾನ ಲೇತಾಸ್‌ನ, ಶೈತಾನ್ ಇನಾಮಹಿ ಪೇಶಿಗಯೊ. ತದೆ ಯೇಸುನೆ ಇನ, “ತೂ ಕರಾನ ವಳ್ಯೊಜಾ಼ಸ್ತೆ ಕಾಮ್ನ ಒಗ್ಗಿಸ್‌ಮ ಕರ್‌!” ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:13

ಇನಖ್ಹಾಜೆ ಪೌಲನೆ, “ತುಮೆ ಆಂಝು಼ನಾಖಿನ್ ತುಮೆ ಶನ ಮಾರು ದಿಲ್‌ತೋಡಾವೊಸ್? ಮೆ ಯೇಸುನ ನಾಮ್ನಖ್ಹಾಜೆ ಯೆರೂಸಲೇಮ್ಮ ಭಂದಿಹುವಾನು ಕಾಹೆತೆ ಪ್ರಭುನಖ್ಹಾಜೆ ಮರನಾಬಿ ತಯಾರ್ ಛೂ಼” ಕರಿ ಬೋಲ್ಯೊ.

1 ಕೊರಿಂಥ 9:25

ಹರೇಕ್‍ಜ಼ಣು ಖೇಲ್‍ ಖೇಲವಾಳು ಯೊ ಅಖ್ಖಿ ಬಾರೆವ್‌ಮ ಶಿಕೆಹುಯೊ ಹುಯಿರ‍್ಹೆಸ್. ಇವ್ಣೆ ಖರಾಬ್ ಹುಯಿಜಾ಼ಸ್ ಕೊಯ್ನಿತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಸ್. ಕತೋಬಿ ಅಪ್ಣೆತೋಬಿ ಕದೇಬಿ ಮಟಿಜಾ಼ಯಿಕೊಂತೆ ಕಿರೀಟ್ನ ಲ್ಯವಾನಖ್ಹಾಜೆ ಹಿಮ್ಮತ್ ಕರಾವಾಳು ಹುಯಿರ‍್ಹಾಸ್.

ಎಫೆಸ 2:2

ಅಗ್ಗಳ್ ತುಮೆ ಆ ಜಗತ್ನಿ ರೀತಿಥೀಬಿ, ವಹಿರಾನ ಗೋಳಾಮ ಅದಿಕಾರ್ ಚ಼ಲಾವತೆ ಅದಿಪತಿನ ಕತೊ ವಿಧೇಯ ಕೊಹುವಾಂತೆ ಲಡ್ಕಾವ್‌ಮ ಹಮ್ಕೆ ಚ಼ಲಾವತೆ ಆತ್ಮನಿಘೊಣಿ ಜಿವ್ಣು ಚಾ಼ಲಾಯ.

ಎಫೆಸ 6:12

ಶನಕತೊ ಅಪ್ಣೆ ಲಡಾನು ಖಲಿ ಅದ್ಮಿನ ಜೋ಼ಡೆ ಕಾಹೆ. ಕತೋಬಿ ಅಪ್ಣಿ ಖ್ಹೂಜ಼್‌ ರಾಜ಼್‌ನ ಉಪ್ಪರ್‌ಬಿ, ಅದಿಕಾರಿನ ಉಪ್ಪರ್‌ಬಿ, ಆ ಅಂಧಾರನಿ ಜಗತ್ನಿ ಅದಿಪತಿನ ಉಪ್ಪರ್‌ಬಿ, ಆಸ್ಮಾನ್ನ ಗೋಳಾಮ ಛಾ಼ತೆ ನಾಶ್ ಕರಾನಿ ಆತ್ಮಾನಿ ದಂಡ್ ಉಪ್ಪರ್‌ಬಿ, ಅಪ್ಣೆ ಲಡವಾಳ ಹುಯಿರ‍್ಹಾಸ್.

ಯಾಕೋಬ 1:12

ಕೋಣ್ ತರೀಪ್ಷನ ಖ್ಹಮಾಳಿಲೇಸ್ಕಿ ಯೋ ಧನ್ಯ. ಯೋ ಇನಿ ಶೋದನೆನ ಜುತಿಲಿದೊತೊ ಪ್ರಭು ಇನ ಪ್ಯಾರ್‌ಕರಾವಾಳನ ವಾಗ್ದಾನ್ ಕರ‍್ಯೊತೆ, ಜಾನ್ನು ಕಿರೀಟ್‍ನ ಲೀಲಿಶೆ.

1 ಪೇತ್ರ 5:4

ಮೋಟೊ ಕುರುಬ ದೆಖಾವನಿ ವಖ್ಹ್‌ತೆ ತುಮೆ ಕದೇಬಿ ಮಹಿಮೆನಿ ಕಿರೀಟ್ನ ಲೀಲಿಶು.

1 ಪೇತ್ರ 5:8

ಅಛ್ಛಿಖ್ಹೂಜ಼್‌ವಾಳನ ಹುಯಿ‍ರ‍್ಹೆವೊ ಅಜು಼ ಜ಼ತನ್‌ಥಿ ರ‍್ಹವೊ. ತುಮಾರೊ ವಿರೋದಿ ಹುಯಿರ‍್ಹೋತೆ ಶೈತಾನ್, ಘಲಾರತೆ ಶುಂಭಾನಿತರ ಕಿನ ಚೀರಿಖಾವ್ಣು ಕರಿ ಢೂಂಡ್ತೊ ಚಾ಼ಲ್ಯೊಫಂಡಾಸ್.

ಪ್ರಕಾಶಿತ್ 13:14

ಯೊ ಪಹಿಲ ಜಾನ್ವರ್‌ನ ಖ್ಹಾಮ್ಣೆ ಅದ್ಭುತ್‌ಖ್ಹಾರು ಕರಾನು ಅದಿಕಾರ್ ಛಾ಼ತೆ ಇನಖ್ಹಾಜೆ ಧರ್ತಿನ ಅದ್ಮಿಖ್ಹಾರನ ಖ್ಹೈಲು ಕರ‍್ಯು. ಇವ್ಣುನ ತಲ್ವಾರ್‌ಥಿ ಘಾವ್‌ಹುಯಿನ್ ಮರ‍್ಯುಕೊಂತೆ ಬಚಿರ‍್ಹುತೆ ಜಾನ್ವರ್‌ನ ಮರ್ಯಾದಿ ದ್ಯವಾನಖ್ಹಾಜೆ ಮೂರತ್ ಬಣಾವ್ಣುಕರಿ ಹುಕುಮ್ ಕರ‍್ಯು.

ಪ್ರಕಾಶಿತ್ 13:2

ಮೇ ದೇಖ್ಯೋತೆ ಜಾನ್ವರ್‌ ಅದೋಗಾನಿತರಾಬಿ ಇನ ಗೋಡ ರೀಚ಼್‌ನ ಗೋಡಾನಿಘೋಣಿಬಿ ಥು. ಇನು ಬಾಕು ಶುಂಭಾನ ಡಾಚ಼ನಿತರಾಬಿ ಥು. ಅರ್ಝ಼ನ ಇನ ಶಕತ್‌ಬಿ, ಸಿಂಹಾಸನ್‌ಬಿ, ಮೋಟಿ ಅದಿಕಾರ್‌ನ ದಿದು.

ಪ್ರಕಾಶಿತ್ 13:7

ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 2:13

ತೂ ಜಿವ್ಣುಕರುಕರಾತೆ ಝ಼ಗೊ ಮಾಲುಮ್ ಕರಿರಾಖ್ಯೊಸ್, ಯೋ ಶೈತಾನ್ನು ಸಿಂಹಾಸನ್ನು ಝ಼ಗೊ ಹುಯಿರ‍್ಹುಸ್. ತೂ ಮಾರ ನಾಮ್ನ ಘಟ್‍ಥಿ ಧರಿರಾಖ್ಯೊಸ್. ಶೈತಾನ್ನು ಘರ್ ಹುಯಿರ‍್ಹೂತೆ ತಾರ ಖ್ಹಯೇರ್‌ಮ ಮನ ವಿಶ್ವಾಸ್‌ವಾಳೊ ಸಾಕ್ಷಿ ಹುಯಿರೊಥೋತೆ ಅಂತಿಪ ಮರೈಜಾ಼ವನಿ ವಖ್ಹ್‌ತೆಬಿ ಮಾರಾಮ ಮಿಛಾ಼ಣ್ಯೊಥೊತೆ ವಿಶ್ವಾಸ್ ಧಖೆಲ್ಯೊಕೊಯ್ನಿ.

ಪ್ರಕಾಶಿತ್ 2:9

ಮೇ ತಾರು ಖ್ಹತಾಪ್ಣಿ ಅಜು಼ ಗರೀಬ್‍ರ‍್ಹವಾನುಬಿ ಮಾಲುಮ್ ಕರಿರಾಖ್ಯೊಸ್, ಕತೋಬಿ ತೂ ಶೌಕಾರಸ್ ಹುಯಿರ‍್ಹೋಸ್. ಅತ್ರೇಸ್‍ಕಾಹೆತೆ ಯೆಹೂದ್ಯರ್ ಕರಿ ಬೋಲೈಲ್ಯವಾಳು ಇವ್ಣೆಸ್ ತಾರಿ ಬಾರೇಮ ದೂಷಣೆ ಬೋಲಾನು ಮಾಲುಮ್. ಇವ್ಣೆ ಯೆಹೂದ್ಯರ್ ಕಾಹೆ, ಶೈತಾನ್ನ ಸಬೆನಾ ಮಂದಿರ್‌ವಾಳು ಹುಯಿರ‍್ಹೂಸ್