ಪ್ರಕಾಶಿತ್ 18:2 - ದೇವ್ನಿ ಖ್ಹಾಚಿ ವಚನ್

² ಇನೆ ಜೋ಼ರಾನಿ ಅವಾಜ಼್‌ಥಿ ಚಿಕರ್ತೊಹುಯಿನ್, “ರಡ್ಕಿಗೈ, ರಡ್ಕಿಗೈ, ಬಾಬೆಲ್‌ಕರಿ ಮೋಟಿ ನಂಗ್ರಿ ರಡ್ಕಿಗೈ! ಯೊ ಹುಯಿರ‍್ಹೀತೆ ಭೂತ್‌ನ ರ‍್ಹವಾನಿ ಝ಼ಗೋಬಿ, ಖರಾಬ್ ಆತ್ಮಾವ್‌ನಾಬಿ, ಮೈಲು ಅಜು಼ ಹರೇಕ್ ಥರಾನು ಗಲೀಜ಼್ ಜಿನಾವರ್‌ನಾಬಿ ಮ್ಹಾಳೊ ಹುಯಿರ‍್ಹೀಥಿ.

ಪ್ರಕಾಶಿತ್ 18:2 Iomraidhean Croise

ಪ್ರಕಾಶಿತ್ 1:15

ಇನ ಭೇ ಪಂಜ಼ ಕೋಲ್‌ಮಿಮ ಬಳಿಹುಯು ತಾಂಬಾನಿ ಘೋಣಿಬಿ ಇನು ಅವಾಜ಼್ ರಂಚಾ಼ವತೆ ಪಾಣಿನ ಘೂಂಜ಼್‌ನಿ ಅವಾಜ಼್‌ನಿತರಬಿ ಥು.

ಪ್ರಕಾಶಿತ್ 10:3

ಶುಂಭಾ ಘಲಾರಸ್ತೆ ತಿಮ್ ಮೋಟಿ ಆವಾಜ಼್‌ಥಿ ಚಿಕ್‌ರ‍್ಯೊ. ಚಿಕ್ರಾನಿ ವಖ್ಹ್‌ತೆ ಖ್ಹಾತ್ ಘಲಾರ್‌ಬಿ ಏಕ್‌ಏಕ್‌ಥರ ಅವಾಜ಼್ ದಿದು.

ಪ್ರಕಾಶಿತ್ 11:8

ಆ ಸಾಕ್ಷಿನು ಬೇ ಮಖ್ಹಾಣ್ಯು ಮಹಾ ನಂಗರ‍್ನ ಗಲ್ಲೀಮ ಪಡ್ಯುರ‍್ಹಿಶೆ. ಆ ಖ್ಹಯೇರ‍್ನ ಖ್ಹಣೇದ್‌ಹುಯಿನ್ ಸೊದೋಮ್ ಕರಿಬಿ, ಈಜಿಪ್ಟ್ ಕರಿಬಿ ನಾಮ್ ಛಾ಼. ಇವ್ಣೊ ಪ್ರಭು ಜಿನುಕು ಹಿಜ್ಜಾ಼ಸ್ ಶಿಲ್‌ಬೇಪರ್ ಮಾರಾಯೊಥೊ.

ಪ್ರಕಾಶಿತ್ 14:15

ತದೆ ಬಿಜೇಕ್ ದೂತನೆ ಮಂದಿರ್‌ಮಾಥು ಭಾರ್‌ ಆಯಿನ್ ವಾದ್ಳಪರ್ ಬೆಠೂತೆ ಇನ, “ಜ಼ಮೀನ್‌ಮಾನು ಅನಾಜ಼್ ಪಕೈಗಯು, ವಢಾವ್ಣಿನ ದನ್ ಅಯಿಗ. ತಾರಿ ದರಾತಿನ ಪಾಡಿನ್ ಅನಾಜ಼್‌ನ ವ್ಹಾಡ್‌” ಕರಿ ಜೋ಼ರೇಖ್ಹು ಬೋಲ್ಯೊ.

ಪ್ರಕಾಶಿತ್ 14:8

ಇನ ಪೀಠೆ ಬೇನೊ ದೇವ್ನದೂತನೆ ಐನ್, “ರಡ್ಕಿಗೈ, ರಡ್ಕಿಗೈ, ಬಾಬೆಲ್‌ಕರಿ ಹುಯಿರಿತೆ ಮೋಟಿ ನಂಗ್ರಿ ರಡ್ಕಿಗೈ! ಹೈರಿತೆ ಹರೇಕ್ ಜ಼ಗ್‌ಜಾ಼ತ್‌ವಾಳಾನ ವ್ಯಬಿಚಾರ್‌ಕರಿ ಬೋಲಾನ ದ್ರಾಕ್ಷಿನ ರಖ್ಹ್‌ನ ಪಿಡೈದಿದಿ” ಕರಿ ಬೋಲ್ಯೊ.

ಪ್ರಕಾಶಿತ್ 16:13

ತದೆ ಅರ್ಝ಼ನ ಮ್ಹೋಡಾಮಾಥುಬಿ ಜಾನ್ವರ್‌ನ ಮ್ಹೋಡಾಮಾಥು ಅಜು಼ ಝೂ಼ಟುಪ್ರವಾದಿನ ಮ್ಹೋಡಾಮಾಥು ಮೇಂಡುಕ್‌ನಿತರನು ತೀನ್ ಗಲೀಜ಼್ ಆತ್ಮಖ್ಹಾರು ಆವನು ದೇಖ್ಯೊ.

ಪ್ರಕಾಶಿತ್ 16:19

ಮೋಟು ನಂಗರ್ ತೀನ್ ಭಾಗ್‌ ಹುಯಿನ್ ಚೀರೈಗು ಅಜು಼ ಜ಼ಗ್‌ಜಾ಼ತ್‌ನು ನಂಗ್ರಿಖ್ಹಾರು ಪಡೀಗು. ತದೆ ದೇವ್ನೆ ಬಾಬೆಲ್‌ನ ಖ್ಹಯಾಲ್ ಕರೀನ್ ಇನು ಘಣು ಇರಾದೊ ಕರಿ ಬೋಲಾನು ದ್ರಾಕ್ಷಿನ ರಖ್ಹ್‌ಥಿ ಭರಾಯುಹುಯು ಕಟೋರಾನ ಯೊ ನಂಗರ‍್ನ ದಿದೊ.

ಪ್ರಕಾಶಿತ್ 17:18

“ಅಜು಼ ತುನೆ ಯೊ ತಯೇಡಾನಿ ಘೋಣಿ ದೇಖ್ಯೋತೆ ಆ ಮೋಟಿ ನಂಗ್ರಿ ಹುಯಿರ‍್ಹೀಸ್ ಯೊ ಜ಼ಮೀನ್ನ ರಾಜಾ಼ವ್‌ನ ಚ಼ಲಾವನ ಅದಿಕಾರ್‌ ಲೀರಾಖಿಸ್”.

ಪ್ರಕಾಶಿತ್ 17:5

ಇನ ತಾಳ್ವಪರ್, “ಬಾಬೆಲ್‌ಕರಿ ಜ಼ಮೀನ್‌ಪರ್ ಛಾ಼ತೆ ವ್ಯಬಿಚಾರಿಣಿವ್ನಿ ಗಲೀಜ಼್ ಕಾಮ್‌ಕರಾವಾಳಿ ಆಯ” ಕರಿ ನಾಮ್ ಲೀಖೈರ‍್ಹೂಥು.

ಪ್ರಕಾಶಿತ್ 18:10

ಯೋ ಹಾಲ್ನ ದೇಖಿನ್ ರಾಜ಼ವ್‌ಖ್ಹಾರು ಡರಿನ್ ದೂರ್ ಭೀರಿನ್ “ಅಲಿ ಮೋಟಿ ನಂಗ್ರಿ ಬಾಬೆಲ್ ಖ್ಹಯೇರ್ ತುನ ದೆವಾಯುತೆ ತೀರ್ಪ್ ಎಕ್ಕಸ್ ಘಡೀಮ ಅಯಿಗೂನಿ” ಕರಿ ಪಸ್ತಾವ್‌ಷೆ.

ಪ್ರಕಾಶಿತ್ 18:21

ತದೆ ಘಣಿ ಶಕತ್ನ ಏಕ್‌ ದೇವ್‌ದೂತನೆ ದಳಾನಿ ಘಟ್ಟಿನಿತರಾನು ಏಕ್‌ ಮೋಟ ಬಂಡಾನ ಪಾಡಿಲೀನ್ ದರ‍್ಯಾವ್‌ಮ ಫೇಕಿನ್ ಅಮ್‌ಬೋಲ್ಯೊ; ಮೋಟಿ ನಂಗ್ರೀನು ಬಾಬೆಲ್ ಆ ವದೇಖ್ಹ್‌ಥಿ ಫೇಕ್ಶೇಕಿ ಬಿಜು಼ ಕೆದೇಬಿ ದೆಖಾವ್‌ಶೇಸ್‌ ಕೊಯ್ನಿ.

ಪ್ರಕಾಶಿತ್ 5:2

ಅತ್ರೇಸ್ ಕಾಹೆತೆ ಏಕ್‌ ಶಕತ್ನೊ ದೇವ್ನದೂತನೆ ಊಚಿ ಅವಾಜ಼್‌ಥಿ ಚಿಕ್ರಿನ್ “ಆ ಮುದ್ರಾವ್ನ ಫೋಡಿನ್, ಪುಂಗ್‌ಳಿನ ಛೋ಼ಡಾನ ಕೋಣ್ ಯೋಗ್ಯ?” ಕರಿ ಬೋಲಾವ್‌ಕರ್ತೊಥೊ.