ಪ್ರಕಾಶಿತ್ 13:7 - ದೇವ್ನಿ ಖ್ಹಾಚಿ ವಚನ್

⁷ ಆ ನಾಹುಯಿನ್ ದೇವ್ನ ಪರಿಶುದ್ಧ ಅದ್ಮಿವ್‌ಪರ್ ಜಂಗ್ ಭೀಡಿನ್ ಇವ್ಣುನ ಹರಾವನಿ ಅದಿಕಾರ್ ದೆವಾಯು ಅಜು಼ ಅಖ್ಖೀಸ್ ಖೂಮ್‌, ಬೋಲಿ, ಲೋಗ್, ಜ಼ಗ್‌ಜಾ಼ತ್‌ಪರ್ ಇನ ಅದಿಕಾರ್ ದೆವಾಯು.

ಪ್ರಕಾಶಿತ್ 13:7 Iomraidhean Croise

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 4:6

“ಮೇ ತುನ ಅನಿ ಖ್ಹಾರಿಸ್ ಅದಿಕಾರ್‌ನಾಬಿ, ಶನ್‌ಗಾರ್‌ನಾಬಿ ತುನ ದೆವುಸ್” ಕರಿ ಶೈತಾನ್ನೆ ಇನ ಬೋಲ್ಯೊ, “ಆ ಖ್ಹಾರು ಮಾರ ಹಾತ್‌ಮ ಛಾ಼, ಮೇ ಕಿನ ಹೋಣುಕತೋಬಿ ಆ ದಿಯ್ಯೆಜಾ಼ಯ್”.

ಯೋಹಾನ 19:11

ಯೇಸುನೆ ಜ಼ವಾಬ್ ದಿದೊ, “ದೇವ್ ತುನ ಮಾರಪರ್ ಅದಿಕಾರ್ ನಾ ದಿದೊಹೋತ್ತೊ, ತುನ ಮಾರಪರ್ ಕೆವ್ಹೀಸ್‌ ಅದಿಕಾರ್ ಕೋ ರ‍್ಹಯುಹೋತ್ನಿ, ಇನಖ್ಹಾಜೇಸ್ ಮನ ತಾರ ಹಾತ್‌ಮ ದೀರಾಖ್ಯೊಸ್ತೆ ಅದ್ಮಿನ, ತಾರೆಥೀಬಿ ಘಣು ಪಾಪ್ ಛಾ಼” ಕರಿ ಬೋಲ್ಯೊ.

ಪ್ರಕಾಶಿತ್ 10:11

ಇನಪಾರ್ ಯೊ ದೂತನೆ ಮನ, “ತೂ ಬಿಜೂ಼ಬಿ ಕೈಯೆಕ್‌ ಅದ್ಮಿವೋನ, ಬೋಲಿನ ಅಜು಼ ಖಾನ್‌ದಾನ್‌ ರಾಜಾ಼ವ್‌ನಿ ಬಾರೇಮ ಪ್ರವಾದ್‌ನೆ ಬೋಲ್‌ನು” ಕರಿ ಹುಕುಮ್‌ ಕರ‍್ಯೊ.

ಪ್ರಕಾಶಿತ್ 11:18

ಜಗತ್‌ನು ಅದ್ಮಿಖ್ಹಾರು ಇರಾದೊ ಕರ‍್ಯು. ತಾರಿ ಖೀಜ಼್ ಪ್ರಕಟ್‌ಹುಯಿ. ಮರ‍್ಯಹುಯಾನ ತೀರ್ಪ್‌ ಮಳಾನಿ ವಖ್ಹತ್ಆಯಿ. ತೂ ತಾರ ದಾಸ ಹುಯಿರ‍್ಹೋತೆ ಪ್ರವಾದಿವ್‌ನಾಬಿ, ದೇವ್ನ ಅದ್ಮಿನಾಬಿ, ತಾರ ನಾಮ್ನ ಡರಾವಾಳ ಶಾಣವ್‌ನಾಬಿ, ಅಡ್ಡಾಣಿನಾಬಿ ಪ್ರತಿಫಲ್ ದ್ಯವಾನಿ ವಖ್ಹತ್ ಆ ಜಗತ್ನ ನಾಶ್‌ಕರಾವಳನ ವಿನಾಶ್‌ಕರಾನಿ ವಖ್ಹತ್ ಐಗು”. ಕರಿ ಬೋಲಿನ್ ಇನ ಆರಾದನೆ ಕರ‍್ಯು.

ಪ್ರಕಾಶಿತ್ 11:7

ಕತೋಬಿ ಆ ಬೇಜ಼ಣ ಇವ್ಣಿ ಸಾಕ್ಷಿಯೆವ್‌ನ ಬೋಲಿ ಖತಮ್ ಕರಾದಿನ್,ಪಾತಾಳ್‌ಥೊ ಆವ್‌ಶೇತೆ ಜಾನ್ವರ್‌ ಅವ್ಣುನ ಜಂಗ್‌ಮ ಹರೈನ್ ಮಾರಿನಾಕ್‌ಶೆ.

ಪ್ರಕಾಶಿತ್ 12:17

ತದೆ ಅರ್ಝ಼ನ ಯೊ ತಯೇಡಾಪರ್ ಘಣು ಖಿಜೈ಼ನ್, ಇನಿ ಪಿಳ್ಗಿಮ ಥೂತೆ ಇವ್ಣಾಪರ್ ಕತೊ, ದೇವ್ನಿ ಹುಕುಮ್‌ನ ಪಾಡಿ ಚಾ಼ಲಿನ್ ಯೇಸುನಿ ಬಾರೇನಿ ಸಾಕ್ಷಿ ಹುಯಿರ‍್ಹವಾಳನಪರ್ ಜಂಗ್ ಭೀಡಿನ್,

ಪ್ರಕಾಶಿತ್ 17:15

ಬಿಜೂ಼ಬಿ ಯೊ ದೇವ್ನದೂತನೆ ಮನ ಶಾತ್ ಬೋಲ್ಯೊಕತೊ,ಯೋ ವ್ಯಬಿಚಾರಿಣಿ ಬೆಠಿಥೀತೆ ಪಾಣಿನ ತುನೆ ದೆಖ್ಯೋನಿ, ಯೊ ಅಖ್ಖು ಜ಼ಗ್‌ಜಾ಼ತ್ನ, ಅದ್ಮಿವ್‌ನ ಟೋಳ್ನ, ದೇಖ್ಹ್‌ನ, ಬೋಲಿಯೇವ್ನ ವತಾಳಸ್‍.

ಪ್ರಕಾಶಿತ್ 5:9

ಇವ್ಣೆ ನವುಗೀದ್ ಬೋಲ್ತುಹುಯಿನ್ ಪುಂಗ್‌ಳಿನ ಮಾಂಗಾನ, ಇನ ಮುದ್ರಾನ ಫೋಡಾನ ತೂ ಯೋಗ್ಯ ಹುಯಿರೊಸ್ ತೂ ರ‍್ಹೇಖ್ಹಯ್‌ಜೈನ್ ಬಲಿದಾನ್‌ಹುಯಿನ್ ತಾರ ಲ್ಹೋಯಿಥಿ ಹರೇಕ್ ಖೂಮ್‌, ಬೋಲಿ, ದೇಖ್ಹ್‌ವಾಳಾನ,ಅಖ್ಖಾಸ್ ಜಾ಼ತ್ನ ಅದ್ಮಿಖ್ಹಾರಾನ ದೇವ್ನಖ್ಹಾಜೆ ಮೋಲ್‌ಲೀರಾಖ್ಯೋಸ್.