ಪ್ರಕಾಶಿತ್ 13:6 - ದೇವ್ನಿ ಖ್ಹಾಚಿ ವಚನ್

⁶ ತದೆ ಯೊ ಜಾನ್ವರ್‌ನೆ ದೇವ್ನ ಗಾಳೆದಿದು ಕಾಹೆತೆ ಇನ ನಾಮ್ನಾಬಿ, ಯೊ ರ‍್ಹವಾನ ಮಂದಿರ್‌ನಾಬಿ, ಸೊರ್ಗಾಮ ರ‍್ಹವಾಳಖ್ಹಾರಾನ ಗಾಳೆದಿದು.

ಪ್ರಕಾಶಿತ್ 13:6 Iomraidhean Croise

ಮತ್ತಾಯ 12:34

ಅಲಾ ಖ್ಹಾಪ್‌ನ ಖಾನ್‌ದಾನ್‌ವಾಳ! ತುಮೆ ಖರಾಬ್ ರ‍್ಹವಾಪರ್, ತುಮಾರ ಮ್ಹೋಡವಾಟೆ ಅಛ಼್ಛು ವಾತೆ ಕಿಮ್ ನಿಕಳ್‌ಶೆ? ದಿಲ್ಮ ಭರೈರ‍್ಹೇಸ್ತೇಸ್‌ ಮ್ಹೋಡವಾಟೆ ನಿಕ್ಳಾಸ್‌.

ಮತ್ತಾಯ 15:19

ಕಿಮ್‌ಕತೊ, ದಿಲ್‌ಮಾಥು ಖರಾಬ್‌ಸೋಚ಼್‌, ಖೂನ್‌ಕರಾನು, ವ್ಯಬಿಚಾರ್‌, ಅಜು಼ ಪಾಪೇಲುಕಾಮ್‍, ಚೋ಼ರಿಕರಾನು, ಅಜು಼ ಗಾಳೆಅಖ್ಖು ಭಾರ್‌ ನಿಕ್ಳಾಸ್‌.

ಯೋಹಾನ 1:14

ಯೋ ವಚನ್ ಅದ್ಮಿನು ರೂಪ್‍ನ ಲೀನ್ ವಾರ್‌ಖ್ಹೊಥೀಬಿ ಅಜು಼ ಖ್ಹಾಚಥೀಬಿ ಭರೈರ‍್ಹಾವಾಳೊ ಹುಯಿರೊಸ್. ಅಜು಼ ಅಪ್ಣಾಮ ಜಿವ್ಣುಕರ‍್ಯೊ. ಅಜು಼ ಅಪ್ಣೆ ಇನ ಮಹಿಮೆನ ದೇಖ್ಯ. ಯೊ ಬಾನೊ ಏಕ್‍ನೊ ಎಕ್ಕಸ್ ಛಿಯ್ಯಾನು ಮಹಿಮೆ ಹುಯಿರೊಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 3:13

ಇವ್ಣೊ ನ್ಹೇಟೊಸ್ ನಿಕ್‍ಳಿರ‍್ಹುತೆ ಮಖ್ಹಾಣ್ಯು ಹುಯಿರ‍್ಹುಸ್. ಇವ್ಣೆ ಝೂ಼ಟು ಜಿಭಾನ್‌ವಾಳು ಹುಯಿರ‍್ಹುಸ್. ಇವ್ಣ ಹೋಟ್‌ನ ಪೀಠೆ ಖ್ಹಾಪ್‍ನೊ ಝಾರ್‌ ಛಾ಼

ಕೊಲೊಸ್ಸೆ 1:19

ಶನಕತೊ ಇನಾಮಸ್ ಅಖ್ಖು ರ‍್ಹೇವ್ಣುಕರಿ,

ಕೊಲೊಸ್ಸೆ 2:9

ಶನಕತೊ ದೇವ್ನು ಹರೇಕ್ ಭರ್‌ಪೂರ್‌ನು ಜಿವ್ಣು ಕ್ರಿಸ್ತನ ಶರೀರ್‌ಮ ಜಿವಿರ‍್ಹೂಸ್,

ಇಬ್ರಿ 9:2

ಏಕ್‌ ದೇವ್‌ನೊ ದರ್ಶನನೊ ಡೇರೊ ಭಾರ್‌ ಠೋಕೈರ‍್ಹಿನ್, ಇನ ಪಹಿಲ ಭಾಗ್‌ಮ, ಇನ ಪವಿತ್ರಝ಼ಗೊಕರಿ ಬೋಲ್ತುಥು. ಇನಾಮ ದೀವೊ, ಮೇಜ್ ಅಜು಼ ದೇವ್ನ ಸಮರ್ಪಣ್‌ಕರ‍್ಯೊ ಹುಯೊ ರೋಟೊ ಹಿಜ್ಜಾ಼ ರ‍್ಹೇತುಥು.

ಇಬ್ರಿ 9:24

ಶನಕತೊ ಕ್ರಿಸ್ತ ಖ್ಹಾಚ ಮಂದಿರ್‌ ಘೋಣಿನಿತರಾನು ಹಾತೇಖ್ಹು ಭಾಂದ್ಯುಹುಯಿ ಪವಿತ್ರ ಝ಼ಗೋಮ ರ‍್ಹಿಯೊಕೊಂತೆ ಅಪ್ಣಭಣಿಥು ದೇವ್ನಖ್ಹಾಮ್ಣೆ ಹಮ್ಕೆ ದೆಖೈಲ್ಯವಾನಖ್ಹಾಜೆ ಸೊರ್ಗಾಮ ಪ್ರವೇಶ್‌ ಕರ‍್ಯೊ.

ಪ್ರಕಾಶಿತ್ 11:12

ಇನಪಾರ್ ಇವ್ಣುನ, “ಹಜ್ಜಾ಼ ಉಪ್ಪರ್ ಛ಼ಡಿನ್ ಆವೊ” ಕರಿ ಆಬ್‍ಥು ಮೋಟ ಅವಾಜ಼್‌ನೆ ಬೋಲ್ಯು. ಇನ ಖ್ಹಮ್‌ಜುತೆ ಇವ್ಣೆ ವಾದ್ಳಮಾಕರಿ ಸೊರ್ಗನ ಛ಼ಡೀಗು. ಇವ್ಣೆ ಜಾ಼ವನು ಇವ್ಣ ವಹೇರ‍್ಯಖ್ಹಾರು ದೇಖುಸ್‌ಕರ್ತಥು.

ಪ್ರಕಾಶಿತ್ 12:12

ಇನಖ್ಹಾಜೆ ಸೊರ್ಗ, ಇನಾಮ ಜಿವ್ಣುಕರವಾಳಾವೊ಼, ಖುಷಿಕರೊ. ಕತೋಬಿ ಜ಼ಮೀನ್ ದರ‍್ಯಾವ್ ತುಮಾರಿ ಖರಾಬ್ ಹಾಲ್ನ ಶಾತ್‌ಕರಿ ಬೋಲು ಶನಕತೊ ಶೈತಾನ್ ಇನಛಾ಼ತೆ ವಖ್ಹತ್ ಕಮ್‌ಕರಿ ಮಾಲುಮ್‌ ಕರಿಲಿನ್ ಘಣು ಚ಼ಂಢಾಳ್‌ವಾಳೊ ಹುಯಿನ್ ತುಮಾರಭಣಿ ಉತ್ರಿನ್ ಐರ‍್ಹೋಸ್” ಕರಿ ಬೋಲ್ಯು.

ಪ್ರಕಾಶಿತ್ 15:5

ಆಹುವಾದೀನ್ ಮೆ ದೇಖಖ್ಹತರ್ ಪರಲೋಕ್‌ಮಾಥು ದೇವ್ನ ದರ್ಶನ್ನು ಡೇರಾನು ಪವಿತ್ರಝ಼ಗೊ ನಿಕ್ಳಿರ‍್ಹೂಥು.

ಪ್ರಕಾಶಿತ್ 18:20

ಸೊರ್ಗಾಮ ರ‍್ಹವಾಳ ಅದ್ಮಿವೊ, ಅಪೊಸ್ತಲ ಖ್ಹಾರಾವೊ಼, ಪ್ರವಾದಿಖ್ಹಾರವೊ಼, ಯೊ ಹುಯಿರ‍್ಹೀತೆನ ಇನಖ್ಹಾಜೆ ಖುಷಿ ಕರೊ. ಶನಕತೊ ಆ ಹೈರಿತೆ ತುಮುನ ಠಗಾಯ್ತೆ ಇನಖ್ಹಾಜೆ ದೇವ್ನೆ ಇನ ಬರೋಬರ್‌ಥೀಸ್‌ ತೀರ್ಪ್‌ ಕರ‍್ಯೊ.

ಪ್ರಕಾಶಿತ್ 21:3

ಆ ನಾಹುಯಿನ್ ಸಿಂಹಾಸನ್‌ಥು ಏಕ್‌ ಮೋಟು ಅವಾಜ಼್ ಮೆ ಖ್ಹಮ್‌ಜೊ. ಯೊ ಅವಾಜ಼್ ದೇಖೊ, ದೇವ್ನು ಘರ್‌ ಅದ್ಮಿನಿ ಜೋ಼ಡ್ಮ ಛಾ಼. ಯೊ ಇವ್ಣಿ ಜೋ಼ಡ್‌ಮರ‍್ಹಿಷೆ. ಇವ್ಣೆ ಇನವಾಳ ಹುಯಿರ‍್ಹಿಷೆ ಅಜು಼ ಯೊ ಇವ್ಣೊ ದೇವ್ ಹುಯಿರ‍್ಹಿಷೆ.

ಪ್ರಕಾಶಿತ್ 4:1

ಇನಪಾರ್ ಮೆ ದೇಖಾನಿವಖ್ಹ್‌ತೆ ಸೊರ್ಗಾಮ ನಿಕ್ಳಿರ‍್ಹೂತೆ ಏಕ್‌ ದರ‍್ವಾಜು಼ ದೆಖಾಯು. ಪಹಿಲೆ ವಾತೆ ಬೋಲ್ಯುಥೂತೆ ಅವಾಜ಼್ ಪಾಛು಼ ತುತ್ತೂರಿನಿತರ ಬೋಲಾನಿತರ ಮನ ಖ್ಹಮಜ್‍ಪಡ್ಯು. ಯೋ ಅವಾಜ಼್ “ಹಜ್ಜಾ಼ ಛ಼ಡಿಆವ್ ಅಗ್ಗಳ್ ಚಾ಼ಲ್‌ಶೇತೆ ಖ್ಹಾರು ತುನ ವತಾಳಿದೆವುಸ್‌” ಕರಿ ಬೋಲ್ಯು.

ಪ್ರಕಾಶಿತ್ 4:4

ಅತ್ರೇಸ್ ಕಾಹೆತೆ ಸಿಂಹಾಸನ್ನ ಅಶ್‌ಪಿಶ್ ಚಾರ್‌ಉಪ್ಪರ್ ವೀಖ್ಹ್‌ ಸಿಂಹಾಸನ್‌ಖ್ಹಾರಿಥಿ. ಯೋ ಸಿಂಹಾಸನ್‌ಪರ್ ಧೋಳು ಪೆರ್ವಾಖ್ಹ್‌ ಫೇರುಹುಯು ಚಾರ್ ಉಪ್ಪರ್ ವೀಖ್ಹ್‌ಜ಼ಣು ಶಾಣು ಬೇಠೂಥು. ಇವ್ಣ ಮಾಥಪರ್‌ ಖ್ಹೊನ್ನಾನಿ ಕಿರೀಟ್ ಘಲೈರ‍್ಹೀಥಿ.

ಪ್ರಕಾಶಿತ್ 5:13

ಅತ್ರೇಸ್ ಕಾಹೆತೆ ಆಬ್‌ಮಾಬಿ ಜಮೀನ್‌ಮಾಬಿ ಧರ್ತಿನ ಹೇಟ್‌ಬಿ ದಲ್‌ದರ‍್ಯಾವ್‌ಮಾಬಿ ಉಬ್‍ಜೂತೆ ಅಖ್ಖು ಅಮ್ ಬೋಲ್ಯುಕಿ, “ಸಿಂಹಾಸನ್‌ಪರ್ ಬೆಠೊರ‍್ಹಾವಳನಾಬಿ ಮೇಂಢಾನು ಚೆಲ್ಕು ಹುಯಿರ‍್ಹಾವಳನಬಿ, ಧನ್ಯವಾದ್, ಮರ್ಯಾದಿ, ಮಹಿಮೆ, ಖ್ಹಾರಿಅದಿಕಾರ್, ಜ಼ಗ್‌ಜ಼ಮಾನಮಾಬಿ ರ‍್ಹವಾದೆ.” ಕರಿ ಬೋಲಾನು ಮೆ ಖ್ಹಮ್‌ಜೊ.

ಪ್ರಕಾಶಿತ್ 7:15

ಇನಖ್ಹಾಜೆ ಇವ್ಣೆ ಹಮ್ಕೆ ದೇವ್ನ ಸಿಂಹಾಸನ್ನ ಖ್ಹಾಮ್ಣೆರ‍್ಹೀನ್, ಇನ ಮಂದಿರ್‌ಮ ರಾತ್‌ದನ್ ಆರಾದನೆ ಕರುಕರಸ್, ಸಿಂಹಾಸನ್‌ಪರ್ ಬೆಠೊರ‍್ಹವಾಳೋಸ್ ಇವ್ಣುನ ಆಖ್ಹ್‌ರೊ ಹುಯಿರ‍್ಹೊಸ್.

ಪ್ರಕಾಶಿತ್ 7:9

ಆ ಹುವಾನ ವಾರ್, ಹಂದೇಕ್ ಕಿನೇಥೀಬಿ ಗಣ್ತಿಕರಾನ ಕೊಹುವಾನಿತೆ ಎತ್ರೆ ಅದ್ಮಿಯೇವ್‌ನು ಭೀಡ್ ಸಿಂಹಾಸನ್ನ ಖ್ಹಾಮ್ಣೆ ಅಜು಼ ಮೇಂಢಾನ ಖ್ಹಾಮ್ಣೆಬಿ ಭಿಯುರ‍್ಹವಾನು ದೇಖ್ಯೊ. ಇವ್ಣೆಖ್ಹಾರು ಹರೇಕ್ ಜ಼ಗ್‌ಜಾ಼ತ್‌ನುಬಿ,ಖೂಮ್‌, ಬೋಲಿ ಬೋಲಾವಳು ಹುಯಿರ‍್ಹುಥು. ಇವ್ಣೆ ಧೋಳ ಝ಼ಗ್ಗೊ ಫೇರಿಲಿನ್ ಇವ್ಣ ಹಾತ್ಮ ಖಜೂ಼ರ‍್ನಿ ಡಾಳಿ ಧರಿರಾಖ್ಯೂಥು.