ಪ್ರಕಾಶಿತ್ 13:4 - ದೇವ್ನಿ ಖ್ಹಾಚಿ ವಚನ್

⁴ ಅರ್ಝ಼ನ ಯೊ ಜಾನ್ವರ್‌ನ ಅದಿಕಾರ್ ದಿರಾಖ್ಯೊತೆಖ್ಹಾಜೆ ಇವ್ಣೆ ಯೊ ಅರ್ಝ಼ನ ಆರಾದನೆಕರ‍್ಯು. ಅಜು಼ ಇವ್ಣೆ “ಯೋ ಜಾನ್ವರ್‌ನಾಬಿ ಅರಾದನೆ ಕರೀನ್, ಆ ಜಾನ್ವರ್‌ನ ಬರೋಬರಿ ಕೋಣ್ ಛಾ಼? ಅನ ವಿರೋದ್ ಜಂಗ್ ಭಿಡಾನ ಕೋಣ್ ಶಕತ್‌ವಾಳು? ಕರಿ ಬೋಲ್ಯು.

ಪ್ರಕಾಶಿತ್ 13:4 Iomraidhean Croise

2 ಕೊರಿಂಥ 4:4

ದೇವ್‌ನೊ ರೂಪ್ ಹುಯಿರೋತೆ ಕ್ರಿಸ್ತನಿ ಉಜಾ಼ಖ್ಹ್‌ನ ವತಾಳನು ಮಹಿಮೆನಿ ಸುವಾರ್ತೆ ಅವ್ಣಾಮ ಉಜಾ಼ಖ್ಹ್‌ ನಾಹೊಣುಕರಿ, ಆ ಜಗತ್‌ನು ದೇವ್‌ ವಿಶ್ವಾಸ್‌ಕೊಂತೆ ಇವ್ಣ ದಿಲ್ನ ಕಾಣು ಕರಿನಾಖ್ಯು.

2 ಥೆಸ 2:4

ಖಿವು ದೇವ್‌ನು ಹುಯಿರ‍್ಹುಸ್ ನತರ್ ಆರಾದನೆನ ಯೋಗ್ಯಹುಯಿರ‍್ಹಾವನು ಹುಯಿರ‍್ಹುಸ್ಕಿ, ಯೋ ಖ್ಹಾರಾನ ನಾಶ್ ಕರ್ಷೆ. ಇನು ಯೋಸ್ ಖ್ಹಾರೇಥಿಬಿ ಭಡೈಲೀನ್, ದೇವ್ನಿ ಮಂದಿರ್‌ಮ ಬೇಶಿನ್‌ ಯೋಸ್ ದೇವ್‌ಕರಿ ಬೋಲಿಲಿಶೆ.

ಪ್ರಕಾಶಿತ್ 12:3

ತದೆ ಆಕಾಶ್‌ಮ ಬಿಜೇಕ್ ಅದ್ಭುತ್ ದೆಖಾಯು; ಹಿಜ್ಜಾ಼ ಏಕ್‌ ಅರ್ಝ಼ ಥು. ಇನ ಖ್ಹಾತ್ ಮುಡ್‌ಕ್ಯಾಬಿ ದಖ್ಹ್‌ ಶಿಂಗ್ಡಾ ಥು. ಇನ ಮುಡ್‌ಕ್ಯಾವ್‌ಪರ್ ಖ್ಹಾತ್ ಕಿರೀಟ್‌ಖ್ಹಾರು ಥು.

ಪ್ರಕಾಶಿತ್ 12:4

ಇನ ಡೋಂಡೇಥಿ ಆಬ್‌ನ ತಾರವ್‌ಮಾನು ತೀನ್‌ಮಾನು ಏಕ್‌ಭಾಗ್‌ನ ಖೇಚಿನ್ ಜ಼ಮೀನ್‌ಪರ್ ಫೇಖ್ಯು. ಜ಼ಣುಕರಾತೆ ಯೊ ತಯೇಡ ಜ಼ಣ್‌ತಾಸ್ನ ಇನ ಲಡ್ಕಾನ ಗಳಿಲೇವ್ಣುಕರಿ ಯೊ ಅರ್ಝ಼ ಇನ ಖ್ಹಾಮ್ಣೆಸ್ ಟಿವೈರ‍್ಹೂಥು.

ಪ್ರಕಾಶಿತ್ 13:11

ಅಜೇಕ್ ಜಾನ್ವರ್‌ ಜ಼ಮೀನ್‌ಮಾಥು ಆವನು ದೇಖ್ಯೊ. ಅನ ಮೇಂಢಾನಿತರ ಬೇ ಶಿಂಗ್ಡು ಥು, ಯೊ ಅರ್ಝ಼ನಿತರ ವಾತೆ ಬೋಲ್ಯು.

ಪ್ರಕಾಶಿತ್ 13:15

ಆ ನಾಹುಯಿನ್ ಆ ಬೇನು ಜಾನ್ವರ್‌ನ ಮೂರತ್ನ ಜಾನ್‌ ದ್ಯವಾನಿ ತಾಖತ್‌ಬಿ ಮಳ್ಯು. ಇನ ಖ್ಹಲಾಮ್ ಕರಾಕೊಂತೆ ಖ್ಹಾರಸ್ನ ಮರ್‌ನಾಖನಿ ಶಕತ್ ಇನಥು.

ಪ್ರಕಾಶಿತ್ 13:2

ಮೇ ದೇಖ್ಯೋತೆ ಜಾನ್ವರ್‌ ಅದೋಗಾನಿತರಾಬಿ ಇನ ಗೋಡ ರೀಚ಼್‌ನ ಗೋಡಾನಿಘೋಣಿಬಿ ಥು. ಇನು ಬಾಕು ಶುಂಭಾನ ಡಾಚ಼ನಿತರಾಬಿ ಥು. ಅರ್ಝ಼ನ ಇನ ಶಕತ್‌ಬಿ, ಸಿಂಹಾಸನ್‌ಬಿ, ಮೋಟಿ ಅದಿಕಾರ್‌ನ ದಿದು.

ಪ್ರಕಾಶಿತ್ 17:14

ಇವ್ಣೆ ಮೇಂಢಾನು ಚೆಲ್ಕುಹುಯಿರ‍್ಹವಾಳನ ವಿರೋದ್‌ಥಿ ಜಂಗ್ ಭೀಡ್‌ಷೆ. ಕತೋಬಿ ಯೋ ಪ್ರಭುನೊ ಪ್ರಭು ರಾಜಾ಼ನೊ ರಾಜಾ಼ಬಿ ಹುಯಿರ‍್ಹಿಷೇತೆ ಇನಖ್ಹಾಜೆ ಮೇಂಢಾನು ಚೆಲ್ಕು ಇವ್ಣೇಥಿ ಜೈಕಾರ್ ಉಷೆ ಅಜು಼ ದೇವ್ನೆ ಬುಲೈರಾಖವಳುಬಿ ದೇವ್ನೆ ಚೂ಼ಣಿರಾಖ್ಯೋತೆಬಿ, ಅಜು಼ ವಿಶ್ವಾಸ್‌ವಾಳ ಹುಯಿರ‍್ಹೂತೆ ಇನವಾಳು ಮೇಂಢಾನ ಚೆಲ್ಕಾನ ಜೋ಼ಡ್ಮ ವಾಟೊವಾಳು ಹುಯಿರ‍್ಹಿಷೆ.

ಪ್ರಕಾಶಿತ್ 18:18

ಯೊ ಹುಯಿರ‍್ಹೀತೆ ಭುಂಜಾ಼ವನು ಧುವ್ವಾನ ದೇಖಿನ್ ಆ ಮೋಟಿ ನಂಗ್ರಿನ ಸಮಾನ್ ಖಿವು? ಕರಿ ಅವಾಗ್‌ಮಾಂಡ್‌ಷೆ.

ಪ್ರಕಾಶಿತ್ 9:20

ಆ ಖ್ಹತಾಪ್ಣಿಥಿ ಮರ‍್ಯುಕೊಂತೆ ಬಚಿರ‍್ಹಾವಳು ಅದ್ಮಿಖ್ಹಾರು ಇವ್ಣೇಸ್ ಕರಿಲಿದುಥೂತೆ ಮೂರತ್‌ಅಖ್ಖಾನ ಮ್ಹೇಲಿನ್ ದೇವ್‌ಭಣಿ ಫರ‍್ಯುಕೊಯ್ನಿ. ಇವ್ಣೆ ಭೂತ್ ಪಿಶಾಚಿಖ್ಹಾರಾನು ಆರಾದನೆನಾಬಿ ಬಿಜು಼ ಖ್ಹೊನ್ನು, ರೂಪು, ತಾಂಬು, ಬಂಡೊ, ಝಾ಼ಡ್‌ ಆಸ್ ಅಖ್ಖಾಥಿ ಬಣಾವಟ್ ಹುಯಿನ್ ದೇಖಕೊಂತೆ, ಖ್ಹಮ್‌ಜಾ಼ಕೊಂತೆ, ಚಾ಼ಲಕೊಂತೆ ರ‍್ಹವಾನ ಮೂರತ್‌ನ ಪೂಜಾ಼ನ ಕೊಮ್ಹೆಲ್ಯೂನಿ.